আবোওয়াঃ ওয়েব পেজ- খবররে বাডায় এনা বাংমা সংরক্ষণ দ বাং, যোগ্যতাগে হোয়োঃআ চৗকরি ঞাম রেনাঃ মাপকাঠি। জৗতি সংরক্ষণ বিরুধরে রায় এ এম কেদা সুপ্রীম কোর্ট। ১৮ ডিসেম্বর, জৗরুম মাহা হিলোঃ মিৎ মামলারেনাঃ রায় তে আদালত বাডায় অচোওয়াকাদায় বাংমা এখেন সংরক্ষণ খৗতিরতে যোগ্যপারথি কো কৗমি ঠাঁওরে সুযুগ ঞাম লৗগিৎ তে তিসহঁ বাধা বাংকো হুয় দাড়েয়াঃআ। বিচৗরিয়ৗ উদয় ললিত আঃ আয়ুরতে সুপ্রীম কোর্ট রেনাঃ বেঞ্চ বাডায় অচোওয়াকাদায় বাংমা সংরক্ষণ রেনাঃ নেয়াম বহঃরে দহ কাতেহঁ রাখা দহ জুড়ু অক্তে যোগ্যপারথি গে লাহাতে এম হোয়োঃ আ। আদালত আঃ মত লেকাতে সানাম হড়াঃ ঠাঁওরে হেপেরাও গে মিৎ মাত্র যোগ্যতায় পরমান দাড়েয়াঃআ।
নোওয়া মাড়াং আয়মা রায় রেগে মেন আকানা- তপশীলি জৗতি /উপজৗতি আর লিচৗড় গাঁতাত রেন পারথি কো যোগ্যতা রেনাঃ মান লেকাতে সানাম হড়াঃ হেপেরাও রে কো সেলেদ্ দাড়েয়াঃআ। অনা জায়গারে জাঁহায় আয়াঃ রাখা দহ জুড়ু বৗগি অট আদায় অঁডে এটাঃ জাঁহায় গে দাও এ হাতাও দাড়েয়াঃআ। মেনখান ফুরগৗল বিরৗদৗলি ঘাঁরঞ্জ আর মারে ফৗদ কোওয়াঃ হৗটিঞরে ফাঁকা তাঁহেন রেহঁ অকয় এসসি, এসটি সে ওবিসি পারথি হঁ বাংকো সেনেলেদ দাড়েয়াঃআ। নোওয়া নেয়াম মিৎ লেকা খৗরিজ কেদা সুপ্রীম কোর্ট।
বিচৗরিয়া ললিত আয়াঃ রায় রে অল কেদায়- ফাঁকা জায়গা পুরুন লৗগিৎতে অকালেকারেহঁ যোগ্য পারথি বাদাল তে রাখা দহ জুড়ু রেন অযোগ্য পারথি বাহাল বাং গানোঃ আ। ইনৗ হিলোঃ সুপ্রীম কোর্ট রেনাঃ বেঞ্চ নোওয়াগে বাডায় অচোওয়াকাদায় বাংমা রাখা দহ জুড়ু রেন পারথি বাহাল করাও খৗতিরতে জেনারেল রেন যোগ্য পারথি চেতান অবিচার করাও হোয়োঃ আ।
.webp)
