সিঁগি মাহা রেনাঃ সাকাম ‘চেরেচ্ আড়াং’ লেখা- ১১

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  রিলৗমালা মুরমু, শুভজিৎ হাঁসদা, বিজয় কিস্কু, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱩᱵᱩᱫᱤᱭᱟᱹᱢᱩᱨᱢᱩ, সারি ধরম হাঁসদা, দুগাই টুডু, শ্রী কা ন্ত স রে ন, বাড়তাঙ সরেন, সুচাঁদ হাঁসদা, ধরমবীর হেমব্রম, সত্যেশ্বর মুরমু । 

রিলৗমালা মুরুমু, ক্লাস- III
জেলা - পুরুলিয়া

 

শুভজিৎ হাঁসদা , ক্লাস -IV

জেলা - ঝাড়গ্রাম

বিজয় কিস্কু , ক্লাস -VI

জেলা - পুরুলিয়া

 ১।।

 ᱥᱚᱦᱨᱟᱭ

ᱜᱳᱯᱮᱥᱣᱚᱨ ᱢᱟ.ᱱᱰᱤ

                                     

ᱟᱞᱮ ᱥᱚᱦᱨᱟᱭ
ᱫᱟᱨᱟᱭ ᱠᱟᱱ
ᱚᱲᱟᱜ ᱫᱩᱣᱟ.ᱨ ᱞᱮ ᱥᱟᱯᱟᱭ,
ᱫᱟ.ᱭ,ᱛᱮᱧᱟᱝ
ᱦᱟᱛᱚᱢ,ᱠᱩᱢᱟ.ᱧ
ᱦᱤᱡᱩᱜ ᱟᱠᱚ ᱱᱟᱯᱟᱭ᱾

 

ᱡᱤᱞ ᱫᱟᱠᱟ
ᱡᱤᱞ ᱯᱤᱴᱷᱟ.
ᱢᱤᱫ ᱛᱮᱞᱮ ᱡᱚᱢ,
ᱟᱱᱮᱡ ᱫᱷᱟᱱᱮᱡ
ᱵᱷᱟᱜᱟᱣ ᱫᱷᱟ.ᱵᱤᱡ
ᱟ.ᱲᱛᱤ ᱞᱮ ᱦᱟᱛᱟᱣ ᱡᱚᱝ ᱾

 

ᱱᱟᱣᱟ ᱱᱟᱣᱟ
ᱟᱸᱜᱽᱨᱚᱵ ᱯᱮᱸᱴ
ᱦᱚᱨᱚᱜ ᱠᱟᱜᱼᱟ ᱞᱮ,
ᱮᱱᱮᱪ ᱥᱮᱨᱮᱧ
ᱰᱟᱺᱜᱽᱨᱤ ᱠᱷᱩᱱᱴᱟ.ᱣ
ᱧᱮᱞ ᱠᱚᱣᱟ ᱞᱮ ᱾

 

======= ᱛ =======

২।।

  ᱚᱞᱚᱜ

 - ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱥᱤᱢ ᱢᱟᱠᱚ
ᱚᱰᱚᱠᱮᱱᱟ
ᱛᱩᱭᱩ ᱦᱚᱸ ᱠᱚ ᱰᱮᱸᱜᱟᱜ ᱾

ᱵᱮᱨᱮᱫᱽ ᱢᱮ
ᱦᱚᱯᱚᱱ ᱵᱟᱵᱩ
ᱱᱚᱭ ᱱᱤᱛᱚᱜ  ᱟᱸᱜᱟᱜ ᱿

ᱵᱮᱲᱟᱭ ᱧᱮᱞᱚᱜ
ᱡᱤᱨᱤᱦᱤᱨᱤ
ᱢᱚᱧ ᱯᱩᱨᱤ ᱢᱟᱨᱥᱟᱞᱚᱜ ᱾

ᱜᱟᱛᱮ ᱠᱚᱠᱚ
ᱞᱟᱦᱟᱭᱮᱱᱟ
ᱫᱩᱲᱩᱵᱽ ᱮᱱ ᱠᱚ ᱚᱞᱚᱜ ᱿

ᱨᱮᱵᱮᱫᱽ ᱞᱮᱠᱷᱟᱱ
ᱵᱩᱫᱽ ᱟᱹᱠᱤᱞ
ᱧᱤᱨᱟᱢ ᱜᱚᱴᱟ  ᱫᱷᱟᱹᱨᱛᱤ-- ᱛᱮ ᱾

ᱫᱷᱟᱹᱨᱛᱤ ᱢᱟᱹᱱᱢᱤ
ᱫᱩᱞᱟᱹᱲ ᱥᱟᱞᱟᱜ
ᱟᱛᱟᱝ ᱢᱮᱠᱚ ᱵᱟᱨ  ᱛᱤ-- ᱛᱮ ᱿

======= ᱛ =======

৩।। 

হাপেন

  সারি ধরম হাঁসদা

 

 বৗদ বুনুম        দামপা জৗনুম
        আতোরে আলম হারায়,
 বডর বডর      অঁজরা অডর
        হররে আলম তঁবায়।

 

খিচিড় খিচিড়       কৗওড়ৗ কিকিড়
         দাঃ গটা ক লেঞঃ,
  বেকের বেকের      বিকিৎ তেজো
          হড়মরে ক উঞঃ।

 

      হড়ম হৗসু        ধুরু ধুসু     
           উন দ হিজুঃ রুওয়ৗ,
   বৗঁডয়ৗ তোয়ো লেকা হাপেন
            রাগাম  হুয়ৗ হুয়ৗ।  

 

======= ᱛ =======

৪।।

 দারমট হড়

    দুগাই টুডু

আতো টলারে হেনায় ভালা
   মিৎটাং দারমট হড়,
আডি খারসালা মনে তায়
জানাম পৗরসিতে রড়।

 

সেলেৎরে ঞেল গদঃ আয়
পরব পিহৗরে পৗরি,
বঁগা বুরু দেবা সেবাগে
সার সৗগুনায় সৗরি।

 

বাপলা বিহৗ হোয়োঃ খানগে
রৗস্কৗতে সেন বাড়াঃ,
লায় লাকচার আখড়াদ
বাচোয় পাচোগে থোড়া।

 

দুক বিপদ রেহঁয় সোরঃ
আচ্‌গে রড় রপড়,
সমাজ ভৗলৗই কৗমি রেহঁ
ঞামঃগে গড় গপড়।

======= ᱛ =======

 

৫।।

 সান্তাড়ী চিকি আড়াং

    শ্রী কা ন্ত স‌‌‌ রে ন

উ (ᱩ)-  উসুল পিন্ডৗ উসুল আড়ে
        অনাখন উসুল তালে দারে ,
উচ্‌ (ᱪ)- চরক-চিকৗড় বাংকানরেহঁ
              মানতেয় লৗটু পেটের বাড়ে।
উদ্ (ᱫ)- দন -দনতে রটে ক তাড়াম
              বাংক দনা হ-র ,
উড় (ᱬ)- গুড় গুড় গুড় রিমিল সাডে
              এতহবঃ  দাঃ জ-র।
              
উয় (ᱭ)- উয়হৗর লেখান দিশাঃ গেয়া
               লাহা-তায়ম কাথা,
                জৗপুৎ যখজ দিশাঃ গেয়া
                 আৎ লেনখান ছাতা। 

           ======= ᱛ =======

৬।।

বেঁডে সেতা

- বাড়তাঙ সরেন

 

কুলহী তালা কাডাম কাডাম
                         অকয় দাঁড়ানকান,
 তালা  ঞিদৗ বাড়গে করে
                       অকয় হহকান ?

 

ঠৗবু জাং দ হৗম্বুড় ভালা
             অকয় লাহাঃকান,
কুমড়ু কাথায় বলঃ রেদ
                     অকয় ভুঃভুঃকান ?

 

 মেনায় তালে বেঁডে সেতা
                   আডিয় ঝুকুঃকান,
পেড়া পৗওরৗ হিজুঃরেদ
                   আডিয় কুশিঃকান।

 

শুকরী সিমে লাগা কওয়া
                  অড়াঃ বলঃখান,
নাপায় হড়ে এমা কওয়া
                আডি একাল মান।

======= ᱛ =======

 

৭।।

 কেরকেটা

সুচাঁদ হাঁসদা

 

কেরকেটা কেরকেটা ,
অডাও আমৗঞ লাঠা ৷
ঝৗলি আম লাটা পাটা ,
লাসের আকাদৗঞ ডাটা ৷

 

জিল জিলিঞ পিঠৗই তামা ,
জাং তেৎ দুঞ ভৗজিয় তামা ৷
লাচ কাটাঞ লেটয় তামা ,
আমহুঁঞ হৗটিঞ আমা ৷

 

======= ᱛ =======

 

৮।।

হপন বিটি

ধরমবীর হেমব্রম

 

হপন বিটি
হপন বিটি
লাঁদা তায়মা
খিটি খিটি ৷

 

রৗগি তায়মা
সেঁগেল লেকা
‌রাবাং দিন হয় 
কুটু কঃ আ৷

 

বাঁদে কঃ আয়
ভিসজ ভসজ
হের মেদ ঠেলি
দাঃ এ আগুয়৷

 

ডিঁগর গদে
গড়ম হাড়াম
ছাঁদা কাতে
ঠেলি রৗপুদ৷

 

লায় আয় নতে
গড়ম বুডহি
রটে ঢংগা কেদ
হেরমেদ ঠেলি ৷

 ======= ᱛ =======

৯।।

 গিদরৗ বৗউলি

সত্যেশ্বর মুরমু 

এ মারাং দাদায়া 
আম দ তালাং কাডায়া,
ইঞ দঞ সিয়োঃ গডায়া
হিঁ ঠাঁয় ঠাঁয় বাঁয় ---।

 ======= ᱛ =======

১০।। 

হাতম-কুমৗংআঃ সাঁদেশ 

বিভূতি ভূষণ সরেন       

 

ছনা আর মনা তৗকিন
নেঁওতা চালাও লেন ,
হাতম-কুমৗং সাঁদেশ আতে 
সহরায়রে হেচ্ এন।। 

 

হাতম দয় দিপিল আকাৎ 
হেঁদে চুকুচ্ হাঁডি, 
কুমৗং দয় হবর আকাদে 
মারাং সিম সাঁডি।। 

 

হাতমাঃ ছেমেক ছেমেক তাড়ামতে 
টুকুচ্ হাঁডি ছিলকৗ , 
কুমৗং আঃ চিরক চরক তাড়ামতে 
সাঁডি তায়দ কিকয়ৗ ।। 

 

সেটের এনকিন সাঁদেশ আতে 
আপা বারেত অড়ারে, 
জহার "গোঁসাই, মারাং বুরু"

বঁগা বুরু কেৎ গড়ারে।।

 ======= মুচৗৎ =======