আবোওয়াঃ ওয়েব পেজ- ২০২১ সালরে হড় লেখারে সানতাড় কোওয়াঃ ধরম ‘সারি ধরম’ রেনাঃ দাবীয় দহ কেদা আদিবাসী সাঁওতা সেচেৎ লাকচার সেমলেৎ (ওয়েস্ট বেঙ্গল )। বাডায় আকানা ৫ নভেম্বর স্বরাষ্ট্র মন্ত্রী অমিত শাহ্ ঠেন নোওয়া দাবী সামাং কাতে ওয়েস্ট বেঙ্গল আসেকা দারায় কান ২০২১ সেনসাস রে সানতাড় কো লৗগিৎ আলাগ ‘সারি ধরম’ কোড রেনাঃ দাবীয় সাব রাকাব কেদা। সানতাড় দ ‘হিন্দু’ বাং কানা কো মেন্তেহঁ আসেকা নোওয়া দাবীয় দহ আকাদা।
সেনসাস সে হড় লেখাদ ১০ সেরমা ছাডা ছাডা হোয়োঃ আ। সেনসাস রে একেন হড় লেখা সুমুং দ বাং অনা সাঁওতে উনকোওয়াঃ জিয়ন-জীবিকা চেৎ, অলঃ পাড়হা চেৎ, অড়াঃ-দুওয়ৗর চেৎ- নংকানা এমান তেনাঃ আয়মা কাথা গে খজ-তলাস হাতাঃআ নোওয়া সেনসাস তালাতে। অকা ধরম রেন কানাকো অনা ধরম হঁ অলঃগঃআ ধরম কোড তালাতে। অনা লেকাতে ঞেলঃ গঃ কানা পোয়লো যখন সেনসাস ১৮৭১ সালরে এহব এনা উনরে সানতাড় কোওয়া ধরম দ অল লেনা Other Religion, 1881 রে Aboriginal, 1891-Forest Tribe, 1901-Animist, 1911-Animist, 1921-Primitive,1931- Tribal Religion 1941- Tribal Religion, 1951-( blank), 1961-Saridharam (Santal), 1971- Saridharam (Santal), 1981- (Blank), 1991- Saridharam, 2001-- (Blank), 2011-- (Blank) । Blank মেন্তেদ চেৎহঁ উল্লেখ বৗনুঃ আন। উনরে যাঁহানা গে অল লেন রেহঁ রিপোর্ট রেদ চেৎ হঁ বাং ঞেল আকানা। নংকা কাতে আরহঁ ২০২১ সালরে সেনসাস দারায় কানা। নিয়ৗবার দ হান্তে-নাতে খন আয়মা সেনতে সানতাড় কো লৗগিৎ ‘সারি ধরম’ রেনাঃ দাবী রাকাব কান রেহঁ অল বেল তালাতে অনা দাবী গে সাব রাকাব আকাদায় ওয়েস্ট বেঙ্গল আসেকা।
ওয়েস্ট বেঙ্গল আসেকা দাবীয়াকাদা ‘সারি ধরম’ দ সানতাড় কোওয়াঃ ধরম কানা। যাঁহা দ ভারত রেনাঃ আর আর ধরম খনদ যুদৗ গেয়া। নোওয়া ধরম রেনাঃ লেগচার-নেমাচার, আচার-বিচৗর সানামাঃগে ভিনৗ গেয়া মেন্তেহঁ আসেকা দাবীয় দহওয়াকাদা। অনা লেকাতে আসেকা যুদৗতে সানতাড় কোওয়াঃ ‘সারি ধরম’ স্বীকৃতি আর ‘সারি ধরম’ কোড ২০২১ সালরে লৗগু হোয়োঃ মা অনা রেনাঃ গে দাবীয় সাব রাকাব্ আকাদা।
আসেকা পাহ্টা খন মানতান সভাপতি মদন মোহন বাস্কে আর জেনারেল সেক্রেটারী মানতান সুবোধ হাঁসদা গোমকে তিকিন অল বেল তালাতে দিশম রেন স্বরাষ্ট্র মন্ত্রী অমিত শাহ্ ঠেন নোওয়া দাবী কিন দহ আকাদা মেন্তে বাডায় আকানা।
.webp)
