আবোওয়া ওয়েব পেজ- সানতাল সমাজ রেন মারাং ভরম্ দিগম্বর হাঁসদা দ আদ বৗনু গেয়া। হলা ১৯ নভেম্বর ২০২০ হিলোঃ সেতাঃ বের জামশেদপুর রে উনিয়াঃ জিওয়ি বৗতি দ জায়জুগ লৗগিৎ ইঁড়িচ্ এনা। উমের হোয় লেন তায়া ৮১ সেরমা।
প্রফেসর দিগম্বর হাঁসদাঃ দ ১৯৩৯ সালরেনাঃ ১৬ অক্টোবর হিলঃ সিংভূম জেলা রেয়াঃ মানগো থানারে মেনাঃ ডোভাপানি আতোরে জানাম লেনায়। আচ্ বাবা আঃ ঞুতুম দ সোমায় হাঁসদা আর আয়ো-আঃ দ সুরুবালি হাঁসদা। তায়মতে উনি দ জামসেদপুর রেয়াঃ করন্ডিরেয় গিরৗবাসি লেনা। রাজদোহা মিডিল স্কুল খন অডং কাতে উনিদ মানপুর হাইস্কুল খন ১৯৫৭ সালরে ম্যাট্রিক আর ১৯৬৩ সালরে টাটা কলেজ চাইবাসা খন বি.এ.পাশ লেদা। অনা তায়ম রাঁচি বিশ্ববিদ্যালয় খন ১৯৬৫ সালরে রাষ্ট্রবিঞ্জান এম.এ. পাশ লেদা। অনা তায়ম লাল বাহাদুর শাস্ত্রী মেমোরিয়াল কলেজ, করন্ডি, জামশেদপুর রেন অধ্যক্ষ এ হোয় লেনা।
উনি দ পাড়হা বিদৗল খন গে সানতালি পৗরসি রেয়াঃ চারচাও এ এহব লেদা। উনি সাপ্ড়াও পাথাম কোদ হোয়োঃ কানা-১। আহ্লা (১৯৫৬) ২। আরন্যক (১৯৭৬) আর ৩। জাহের গাড় (১৯৯১)। অনকাগে আচ্ অলাঃ পুঁথি কদ হোয়োঃ কানা ১। সারনা ২। সানতালি গদ্য-পদ্য সংগ্রহ (১৯৮৫) সম্পাদিত ৩। সানতালি লোক কথা কি সংগ্রহ ( সম্পাদিত ) ৪। ভারতের লৌকিক দেবদেবী ৫। গালাং মালা (২০১১) এমান।
প্রফেসর দিগম্বর হাঁসদা দ শিখনৗৎ আর সাঁওহেৎ রে আয়াঃ এনেম হতেতে ২০১৮ সালরে ভারত সরকারাঃ ‘পদ্মশ্রী’ শিরোপায় হামেট লেদা। অনা বেগর, ভারত সেবাশ্রম সংঘ আঃ ‘শিক্ষাব্রতী’ ভারতীয় দলিত একাডেমিয়াঃ ‘আম্বেদকর ফেলোশিপ’, হিন্দী সাহিত্য সম্মেলনাঃ ‘রাষ্ট্রভাষা পুরষ্কার’ এমান মৗন-শিরোপা হঁয় আতাং লেদা।
জিয়নরে উনিদ আয়মা গাঁওতা কো সালাঃ জপড়াও এ তাঁহেকানা। অনাকোদ হোয়োঃ কানা- AISWA, ASECA, International Santal Council, All India Santal Council, Santali Sahitya Parishad( Singhbhum) হিন্দী সাহিত্য পরিষদ, Tribal Culture Centre, Pandit Raghunath Murmu Memorial Trust (Jamsedpur) এমান।
প্রফেসর দিগম্বর হাঁসদাঃ এ দাঃ দড়মেন হতেতে সানতাড়ি অনলিয়ৗ, সাঁওহেদিয়ৗ সাঁওতে আয়মা দরদিয়ৗ আচ্রেন গাতেকো গৗহির দুক্ কো সদর আকাদা আর আয়মা হড়গে আয়াঃ ঘাঁরঞ্জ রেন সানাম কো জিওয়ি রাড়েচ্ সাঁদেশ হঁকো চাল আকাৎ কোওয়া মেন্তে বাডায় আকানা।
.webp)
