আবোওয়াঃ ওয়েব পেজ- হলা ৯ নভেম্বর,আপার প্রাইমারী বঞ্চিত আদিবাসী যোগ্য আনট্রেন্ড ঐক্য মঞ্চ (খেরওয়াল বাখোল) আঃ হহতে বাঁকুড়া এস.এস.সি অফিস রে গণ ডেপুটেশন কো এম কেদা। বাডায় আকানা খেরওয়াল মঞ্চ রেন রৗসিয়ৗ কো এদ্রে আড়াং তে শ্লোগান এম এমতে মিৎ হরতে কো তাড়াম কেদা। নোওয়া গণ ডেপুটেশন রে খেরওয়াল বাখোল সাঁও ভারত জাকাত মাঝি পারগানা মহল,সানতাড় পৗঠুওয়ৗ গাঁওতা, তপসিলি ফেডারেশন এমান সংগঠন কোহঁ মিছিল রে গড় কো এম আকাদা মেনতে বাডায় আকানা। অনা তায়ম কমিশনার ঠেন আকোওয়াঃ দাবী সাকাম কো চাল আদেয়া।
বাডায় আকানা আপার প্রাইমারীরেনাঃ বাছ্নাও নেয়াম মানাও কাতেগে প্রশিক্ষন বাং আন খালি পদ রে ভেরিফিকেশন সুসৗর আকান যথাত মৗন রাখা দহ হৗটিঞ রেন প্রশিক্ষন বাং আন ক্যান্ডিডেট কো লগন ইন্টারভিউ সাঁও চাকরি রে বাহাল রেনাঃ দাবী ইদিকাতেগে নোওয়া গণ ডেপুটেশন।
খেরওয়াল বাখোল খন অভিযোগ কো রাকাব্ আকাদা বাংমা কমিশনার আঃ কাথা লেকাতে সে সরকারাঃ গেজেট লেকাতে এস.এস.সি. রে প্রশিক্ষন কো লাহাতে দাও কো ঞামা। অনা তায়ম হঁ যুদি আরহঁ ভ্যাকেন্সি তাঁহেন গেয়া এনখান প্রশিক্ষন বাং আন করে খন কো বাহালঃ আ। অনালেকাতে প্রশিক্ষন কো হাতাও তায়ম আয়মা জায়গারে ভ্যাকেন্সি তাঁহেন তুলুজ্ প্রশিক্ষন বাং আন যথাৎ মৗন আন লেকাতেকো লেখা আ। মেনখান নিত্ কমিশনার ঠেন বার বার সেন কাতেহঁ নোওয়া রেনাঃ চেৎ তেলা গে বায় এম এদা মেন্তে অভিযোগ কো রাকাব্ আকাদা। আর অনা তেগে খেরওয়াল বাখোল নংকান হররে আঁড়গ তে বাধ্য আকানা।
বাডায় আকানা এয়ায় মাহা ভিতরি তেহঁ যুদি কমিশনার বাহাল কৗমি হরা বায় এহবা এনখান সানাম আদিবাসী সংগঠন কোওয়াঃ গড় হাতাও কাতে গটা জঙ্গল মহল রে সেঁগেল জোলোঃ আ মেনতে খেরওয়াল বাখোল হুঁশিয়ৗরী এম অট কাদায়।
.webp)
