আবোওয়াঃ ওয়েব পেজ- নে-হালেগে পছিম বাংলা রেনাঃ আয়মা জেলা রেগে ওয়েস্ট বেঙ্গল সিডিউল ট্রাইব ওয়েলফেয়ার অ্যাসোসিয়েশন আঃ চাঁগা কমিটি বেনাও রাকাব্ গদ্ আকানা। আর জাল সার্টিফিকেট বিরুধ রে রড় দারাম সাঁওতে ফেক এস.টি. সেঁদ্রা হঁক ছুটৗও গৎ আকানা। নংকাগে হলা ১০ নভেম্বর বিধানচন্দ্র কৃষি বিশ্ব বিদ্যালয়রে ফেক এস.টি. ইস্যু লৗইতে ওয়েস্ট বেঙ্গল সিডিউল ট্রাইব ওয়েলফেয়ার অ্যাসোসিয়েশন নদীয়া জেলা কমিটি রেন রৗসিয়ৗকো ভি.সি. সাঁওতে কো ঞেপেল এনা সাঁওতে মেমোরেন্ডাম হঁক চাল আদেয়া।
লৗই সাডে লৗগ্তিঃ কানা বাংমা নোওয়া চালাঃ কান সেচেৎ সেরমারে বি.এস.সি. অনার্স রেনাঃ এগ্রিকালচার আর হর্টিকালচার ডিপার্টমেন্ট রে বেশ কিছু সন্দেহজনক নন-এস.টি. পদবী পৗঠুওয়া কোওয়াঃ ঞুতুম ঞেল ঞাম আকানা মেন্তে অ্যাসোসিয়েশন অভিযোগ এ রাকাব্ আকাদা। নোওয়া লৗইতে নদীয়া জেলা চাঁগারেন সুৎরেৎ মানতান বিজয় মুরমু গোমকেয়াঃ কাথাতে বিধানচন্দ্র কৃষি বিশ্ববিদ্যালয়রেন মানতান উপাচার্য সাঁওতে ফেক এস.টি. পৗঠুওয়া কোওয়াঃ ভরতি ইদিকাতে আডি ঘৗড়িচ্ নাপায় গাপাল মারাও হয় আকানা। উপাচার্য বাডায় অচো আকাৎ কোওয়া বাংমা নিৎমা ভরতি রেনাঃ সানাম কৗমি গে অনলাইন তে হোয়োঃ কানা। অনাতে অকয় কো ফর্ম কো ফিলাপ এদা অনাদো নিৎ রেগে বাং লৗইয়ঃ গঃ আ। তবে তায়মতে ভেরিফিকেশন অক্তে যাচাই কাতে ঞেল হোয়োঃ আ। মানতান উপাচার্য আর হঁয় লৗই তরা কেদা বাংমা নোওয়া পোন সেরমা রেনাঃ কোর্স রে যাঁহা হিলোঃ গে ধরা পাড়াঃ আয় জে সৗরিগে নুয়দ এস.টি. বাং কানায় এনখান উন হিলোঃ গে উনিয়াঃ এডমিশন কো নাকচা আর উনি বিরুধ রে যথাৎ শাসেৎ ঞাম রেনাঃহঁ বন্দেজ হোয়োঃ আ।
বিজয় মুরমু গোমকেয়াঃ কাথা লেকাতে এখেন উপাচার্য ঠেন মেমোরেন্ডাম এম কাতেগে অ্যাসোসিয়েশন থির বায় তাঁহেনা, সানাম আদিবাসী কোঠেন মিৎ বার্তায় সেটেরা বাংমা ফেক এস.টি বিরুধরে লৗড়হাই লৗগিৎ অ্যাসোসিয়েশন তেয়ার আকানায়।
এস.টি. সেঁদ্রা কারকারে সেটের লেন সানামকো গুণ মানাও সারহাও এ চাল আকাৎ কোওয়া নদীয়া চাঁগারেন মানতান প্রেসিডেন্ট সুনীল কুমার হাঁসদা।
.webp)
