ᱥᱟ.ᱨᱤ ᱠᱟᱛᱷᱟ ᱫᱚ ᱵᱟᱝ ᱩᱠᱩᱜ-ᱟ
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱢᱟᱛᱠᱚᱢᱰᱤ ᱟᱛᱳ ᱨᱮᱱ ᱢᱟᱞᱚᱛᱤ ᱟᱛᱳ ᱠᱚᱲᱟ ᱴᱷᱮᱱ ᱥᱚᱝᱥᱟᱨ ᱞᱟ.ᱜᱤᱫ ᱮ ᱵᱚᱞᱚ ᱮᱱᱟ ᱾ ᱵᱚᱦᱚᱜ ᱨᱮ ᱥᱤᱸᱫᱩᱨ ᱜᱷᱥᱟᱣ ᱠᱟᱛᱮ ᱨᱮᱸᱦᱚ ᱟᱠᱚ ᱚᱲᱟᱜ ᱦᱚᱲ ᱵᱟᱝ ᱠᱚ ᱥᱚᱝᱥᱟᱨ ᱚᱪᱚᱣ ᱟᱫᱮᱭᱟ ᱾ ᱵᱟᱨ ᱯᱮ ᱫᱤᱱ ᱢᱩᱫᱽ ᱨᱮᱜᱮ ᱟᱠᱚ ᱚᱲᱟᱜ ᱦᱚᱲ ᱠᱚ ᱤᱫᱤ ᱨᱩᱣᱟ.ᱲ ᱠᱮᱫᱮᱭᱟ ᱾
ᱵᱟᱨ ᱯᱮ ᱥᱮᱨᱢᱟ ᱛᱟᱭᱚᱢ ᱢᱟᱞᱚᱛᱤ ᱨᱮᱱ ᱥᱟ.ᱜᱩᱱ ᱯᱮᱲᱟ ᱠᱚ ᱦᱮᱡ ᱮᱱᱟ ᱾ ᱡᱟᱢᱟᱭ ᱠᱮᱫᱮᱭᱟ ᱠᱚ ᱰᱟᱺᱜᱽᱭᱟ. ᱠᱩᱲᱤ ᱢᱮᱱ ᱠᱟᱛᱮ ᱾ ᱢᱤᱫ ᱥᱮᱨᱢᱟ ᱵᱟᱯᱞᱟ ᱟ.ᱣᱨᱤ ᱦᱩᱭ ᱛᱮᱜᱮ ᱡᱟᱢᱟᱭ ᱠᱚᱲᱟ ᱢᱟᱞᱚᱛᱤ ᱥᱤᱸᱫᱩᱨ ᱜᱷᱟᱥᱟᱣ ᱨᱮᱱᱟᱜ ᱠᱟᱛᱷᱟ ᱫᱚᱭ ᱵᱩᱡᱽ ᱧᱟᱢ ᱠᱮᱫᱼᱟ ᱾ ᱟᱸᱡᱚᱢ ᱛᱚᱨᱟ ᱠᱚᱲᱟᱢ ᱨᱮ ᱫᱷᱚᱠ ᱠᱚᱨᱮ ᱞᱟᱜᱟᱣ ᱟᱫᱮᱭᱟ ᱾ ᱟ.ᱰᱤ ᱠᱚᱥᱴᱚᱭ ᱵᱩᱡᱽ ᱮᱫᱟ ᱰᱟᱺᱜᱽᱭᱟ ᱢᱮᱱ ᱛᱮ ᱪᱷᱟ.ᱰᱣᱤ ᱠᱩᱲᱤ ᱵᱟᱯᱞᱟ ᱞᱟᱜᱟᱣ ᱟᱠᱟᱫᱮᱭᱟ ᱾
ᱢᱤᱫ ᱫᱤᱱ ᱱᱤᱨᱚᱱ ᱥᱤᱛᱩᱧ ᱫᱤᱱ ᱟ.ᱭᱩᱵ ᱯᱚᱦᱚᱨ,ᱢᱟᱞᱚᱛᱤ ᱡᱟᱢᱟᱭ ᱯᱟ.ᱣᱨᱟ. ᱧᱩ ᱵᱩᱞ ᱠᱟᱛᱮ ᱚᱲᱟᱜ ᱮ ᱦᱮᱡ ᱮᱱᱟ ᱾ ᱩᱱᱤ ᱫᱚ ᱢᱟᱞᱚᱛᱤ ᱧᱮᱞ ᱧᱟᱢ ᱪᱷᱚᱴ ᱩᱵ ᱨᱮ ᱥᱟᱵ ᱠᱟᱛᱮ ᱮᱜᱮᱨ ᱟᱨ ᱫᱟᱞ ᱜᱮ ᱾ ᱚᱲᱟᱜ ᱦᱚᱲ ᱡᱚᱛᱚ ᱠᱚ ᱵᱩᱡᱽ ᱪᱟᱵᱟ ᱠᱮᱫᱼᱟ ᱪᱷᱟ.ᱰᱭᱤ ᱵᱟ.ᱦᱩ ᱠᱟᱱᱟᱭ ᱢᱮᱱᱛᱮ ᱾ ᱰᱟᱺᱜᱽᱭᱟ. ᱢᱮᱱ ᱠᱟᱛᱮ ᱵᱟᱯᱞᱟ ᱚᱪᱚᱣ ᱟᱠᱟᱫ ᱞᱮᱭᱟ ᱠᱚ ᱾ ᱩᱱ ᱦᱤᱞᱳᱜ ᱠᱷᱚᱱ ᱜᱮ ᱢᱟᱞᱚᱛᱤ ᱪᱤᱛᱟᱱ ᱚᱲᱟᱜ ᱦᱚᱲᱟᱜ ᱱᱟᱦᱟᱪᱟᱨ ᱫᱤᱱᱟ.ᱢ ᱫᱤᱱ ᱪᱟᱞᱟᱣ ᱤᱫᱤᱭ ᱮᱱᱟ ᱾ ᱚᱱᱠᱟ ᱚᱱᱠᱟ ᱜᱮ ᱫᱤᱱ ᱫᱚ ᱢᱟᱞᱚᱛᱤ ᱵᱟᱭ ᱥᱟᱦᱟᱣ ᱫᱟᱲᱮᱭᱟᱫ ᱛᱮ ᱟᱡ ᱜᱚ ᱵᱟᱵᱟ ᱚᱲᱟᱜ ᱮ ᱫᱟ.ᱲ ᱪᱟᱞᱟᱣ ᱮᱱᱟ ᱾
ᱟᱭᱳ ᱵᱟᱵᱟ ᱚᱲᱟᱜ ᱨᱮᱜᱮ ᱫᱟ.ᱲ ᱦᱮᱡ ᱠᱟᱛᱮ ᱢᱤᱫ ᱥᱮᱨᱢᱟᱭ ᱦᱩᱭᱩᱜ ᱠᱟᱱᱟ ᱾ ᱮᱱ ᱦᱚᱸ ᱡᱟᱢᱟᱭ ᱚᱲᱟᱜ ᱦᱚᱲ ᱯᱟᱸᱡᱟ ᱵᱟᱝ ᱠᱚ ᱥᱮᱴᱮᱨ ᱞᱮᱱᱟ ᱾ᱢᱤᱫ ᱫᱤᱱ ᱫᱚ ᱟᱡ ᱟᱭᱳ ᱵᱟᱵᱟ ᱯᱟᱦᱴᱟ ᱠᱷᱚᱱ ᱜᱮ ᱢᱟᱞᱚᱛᱤ ᱡᱟᱢᱟᱭ ᱚᱲᱟᱜ ᱤᱫᱤ ᱚᱴᱚ ᱠᱚ ᱪᱟᱞᱟᱣ ᱮᱱᱟ ᱾
ᱤᱫᱤ ᱢᱟᱠᱚ ᱤᱫᱤ ᱠᱮᱫᱮ ᱟᱡ ᱡᱟᱢᱟᱭ ᱟᱨ ᱚᱲᱟᱜ ᱦᱚᱲ ᱮᱜᱮᱨ ᱠᱚ ᱫᱷᱩᱨᱟ.ᱣ ᱮᱱᱟ ᱾ ᱢᱮᱱ ᱮᱫᱟ ᱠᱚ ᱪᱷᱟ.ᱰᱭᱤ ᱠᱩᱲᱤ ᱰᱟᱺᱜᱽᱭᱟ ᱢᱮᱱ ᱛᱮᱯᱮ ᱮᱢ ᱟᱠᱟᱫ ᱞᱮᱭᱟ ᱾ ᱟᱞᱮ ᱫᱚ ᱵᱟᱝ ᱞᱮ ᱫᱚᱦᱚᱭᱮᱭᱟ ᱪᱷᱟ.ᱰᱭᱤ ᱠᱩᱲᱤ ᱤᱫᱤᱭᱮ ᱛᱟᱯᱮ ᱾ ᱟ.ᱰᱤ ᱜᱷᱟ.ᱲᱤᱡ ᱛᱟᱭᱚᱢ ᱟᱛᱳ ᱨᱮᱱ ᱢᱤᱫ ᱵᱟᱨ ᱦᱚᱲ ᱠᱚ ᱡᱟᱣᱨᱟ ᱮᱱᱟ ᱾ ᱮᱱ ᱦᱚᱸ ᱵᱟᱝ ᱠᱚ ᱵᱩᱡᱷᱟ.ᱣ ᱫᱟᱲᱮᱭᱟ ᱠᱚ ᱠᱟᱱᱟ ᱾ ᱢᱩᱪᱟ.ᱫ ᱛᱮ ᱢᱟᱞᱚᱛᱤ ᱯᱟᱦᱴᱟ ᱨᱮᱱ ᱦᱚᱲ ᱨᱟᱜ ᱦᱚᱢᱚᱨ ᱛᱟᱞᱟ ᱛᱮ ᱡᱟᱸᱜᱟ ᱨᱮᱠᱚ ᱥᱟᱵ ᱮᱱᱟ ᱾ ᱟᱫᱚ ᱵᱟ.ᱭ ᱵᱟ.ᱭ ᱛᱮ ᱠᱚ ᱤᱠᱟ. ᱠᱟᱫ ᱠᱚᱣᱟ ᱾ ᱢᱟᱞᱚᱛᱤ ᱠᱚ ᱟᱯᱱᱟᱨ ᱨᱩᱣᱟ.ᱲ ᱠᱮᱫᱮᱭᱟ ᱾
.webp)
