আবোওয়াঃ ওয়েব পেজ, বাংলাদেশ : সান্তাড়ি উইকিপিডিয়ারেনাঃ বার সেরমা পুরৗও
জানাম মাহা অৗডি মানত্ সালাঃ মানাও এনা বাংলাদেশরে। বাডায় আকানা বাংলাদেশরেনাঃ বালুবাড়ি, সদর
দিনাজপুররে হলা ২আগস্ট সান্তাড়ি উইকিপিডিয়া জানাম মাহা মানাও সাঁওতে মিৎ গাপাল মারাও
আখড়াহঁক সাপ্ড়াও লেদা সান্তাড়ি উইকিপিডিয়া রেন কৗমিয়াকো আর রৗসিয়াকো।
নোওয়া জানাম মাহা
মানাও মানত্ আখড়ারে সেটেরকো তাঁহেকানাকো মানতান মানিক সরেন (অ্যাডমিনিস্ট্রেটর আর
বিচৗরিয়ৗ, সান্তাড়ি উইকিপিডিয়া), আলবেতুশ টুডু (রৗসিয়ৗ, সান্তাড়ি উইকিপিডিয়া), সোহাগিনী
হাঁসদা (তিরলৗ অ্যাডমিনিস্ট্রেটর, সান্তাড়ি উইকিপিডিয়া) সাঁওতে আরহঁ আয়মা সান্তাড়ি
উইকিপিডিয়ারেন গৗখুড়িয়ৗ রৗসিয়ৗকো।
সান্তাড়ি উইকিপিডিয়া
রেনাঃ ২ সেরমা পুরৗও জানাম মাহা মানাও আখড়ারে মানতান মানিক সরেন গোম্কে লৗই সদর কেদায়-
সান্তাড়ি উইকিপিডিয়াদ দিন দিন তে সাঁগে ইদি কানা আর অৗডিগান সাতাম চেতানরে অলঃ কানা।
উনিদ আরহঁ নোওয়া উইকিপিডিয়ারে অল লৗগিৎ অনলিয়ৗ কঠেন আরদাশ এ দহ কেদা। মানতান সরেন গোম্কে
আরহঁয় লৗই সদর কেদা বাংমা নোওয়া উইকিপিডিয়া রেনাঃ অল কদ দাঃ তেহঁ বাং লহদঃআ, সেঁগেল
তেহঁ বাং লঃআ,হয় তেহঁ বাং অটাং অ-আ সাঁওতে আরহঁ আয়মা কাথা।
বাডায় আকানা ২০১৮
সাল রেনাঃ ২ আগস্ট সান্তাড়ি উইকিপিডিয়া আঁগচ্ আকান তায়ম খন নিৎ ধৗবিচ্তে নোওয়া বার
সেরমা তেগে নানাহুনৗর সাতাম চেতানরে সান্তাড়ি পৗরশি অলচিকিতে উইকিপিডিয়ারে অল কাতেৎ
উছৗন আকানা ৩,৯৫৭ গটাং সাতাম আর জমা কাতেৎ মেনাঃআ আরহঁ ১০,৯৪৩ গটাং সাতাম। উইকিপিডিয়া
ফাউন্ডেশনরে সেলেদ্ আকান ধৗরতি রেনা ৩০০ গটাং পৗরসি মুদ্রে কন্ট্রিবিউটর লেকাতে সান্তাড়ি
পৗরশি ১৯৯ ঠাঁওরে। আর নোওয়া সাতাম কদ উইকিপিডিয়ারে পুরৗপুরি সান্তাড়ি পৗরশি অলচিকিতেগে
খদা তাঁহেন কানা বাংলাদেশ, ভারত আর নেপাল রেন সান্তাড়ি সুসৗরিয়ৗ কোওয়াঃ কুরুমুটুতেগে।
অনাতে অৗডি আয়মা হড়গে ওনকো সুসৗরিয়ৗ কৗমিয়ৗকো সান্তাড়ি উইকিপিডিয়া রেনাঃ জানাম মাহারে
শায় শায় সারহাও কো চাল আকাৎ কোওয়া মেন্তে বাডায় আকানা।
.webp)
