টৗটিঝৗরি খন শাহার নাগার

(হুডিঞ মাছা কৗহনি)

 টৗটিঝৗরি খন শাহার নাগার

-বীরসা কিস্কু

বাং দ অক্তগেয় বৗড়িচ বাং দ মৗনমি মনে, অকয় হিঁসৗলিয়ৗ চং সজনী আর সদাই আ সুখৗলি ঘাঁরঞ্জরে সেঙ্গেল ক জুডিয়াদা | পৗওরৗ ব্যবসা বৗনিজ খৗতির সদাই দ মঁড়ে সেরমা ক জিহল কেদেয়া | মু্রুখ সজনী পুলিস বাবু আ জাঁগারে সাব কাতে রেহঁ বাং ক দায়া আদেয়া |

সজনীয়াঃ পৗতয়ৗও, মিৎ দিন আচ্ রেন জিওয়ৗ জুরি রুয়ৗড় হিজু গেয়াঃ | নংকান হালতরে চেৎ এ চিকৗয়া, মিৎ বিতৗ লাচরে জম দ লৗকতি কানগেয়া, অনাতে চেডে বুরু লাতার করে খন সৗওড়ি, সিরোম, খাড়াং কিতৗ , খেজুর করেনা নানাহুনৗর জনঃ, পৗটয়ৗ,টুপলৗ ক বেনাও কাতে আতো সুপুর সুপুর হাট করে বেপারি ধুরৗও এনা |

হাট পাতারে আখরিঞ অক্তগে মিৎ দিদিমনিয়া নজর পাড়াও এনা সজনী বেনাও আকাদ টুপলৗ জনঃ চেতান | কিরিঞ আখরিঞ রড় রপড় উপরুম | সজনী হঁ বুজ দাড়ে আকাদা মেৎ মারশাল বেগর সাগিঞ সেরমারে বাং উডৗও আ, অনাতে হাপ্তারে বারপে দিন দিদিমনি ঠেন খনে চেৎ জং আ |

সজনীয়া কৗমি ঞেলতে আতো রেন সুর সুপুর বে-রোজগার হড় হ সজনী সাঁও কৗমি ক লাগাও এনা | নংকা কাতেগে মিৎ টান হুডিঞ Handicraft রেয়াঃ বৗনিজ বেপৗরি খন মিৎ মারাং Handicraft রেয়া  factory তেয়ার এনা আর দেশ বিদেশ রে হঁ সজনী হ্যান্ডক্র্যাফট রেয়াঃ ঞুতুম ছারাও এনা |