আবোওয়াঃ ওয়েব পেজ : ডিপ্লোমা ইন এলিমেন্টারি এডকেশন মেনেৎ ডি.এল.এড.কোর্স
-২০২০ সাল রেনাঃ ভরতি দারায় কান ১০ আগস্ট খন অন লাইন তালাতে এহব এদায় প্রাইমারী এডুকেশন
বোর্ড। পারমেন জারুম মাহা হিলঃ মিৎ খবরিয়ৗ দুপুড়ুপ্রে বোর্ড রেন সভাগমকে মানতান মানিক
ভট্টাচার্য নোওয়া কাথায় সদর আকাদা। বাডায় আকানা এইচ্.এস. রে কম কাতেৎ ৫০% নম্বর তাঁহে
লেনখান গে আবেদন গানঃআ। তবে আদিবাসীক লৗগিৎ ছৗড় মেনাঃ আসে বাং নোওয়া লৗইতে আয়মা পৗঠুওয়ৗ
তালারে কুক্লি রাকাপ্ কানা। প্রাথমিক আর উচ্চ প্রাথমিক রে মাচেৎ চৗকরি লৗগিৎ তেদ
ডি.এল.এড. রেনাঃ সার্টিফিকেট দ নিহৗতি জৗরুড়া।
বাডায় আকানা নিয়াবারগে
পোয়লো সান্তাড়ি মিডিয়াম তে নোওয়া ডি.এল.এড.কোর্স ঝাড়গ্রামরে চালুঃ কানা। অনা জিলৗ রেনাঃ
লালগড় ব্লক রেনাঃ রামগড় ক্যাম্পাসরে নোওয়া রেনাঃ সেচেদ্ চালু আ। চালাঃ কান সেচেদ্
সেরমা খন গে পৗঠুওয়ৗকো সান্তাড়ি মিডিয়াম তে ডি.এল.এড. ট্রেনিং রেক ভরতি দাড়েয়াঃআ। সান্তাড়িতে
৫০ গটাং রাখা দহ জুড়ু মেনাঃ আকাদা। নোওয়াতে সান্তাড়ি পৗঠুওয়াকো উপ্গৗর দাড়েয়াঃআ মেন্তেহঁ
বাডায় আকানা।
১০ আগস্ট খন www.wbbpe.org আর http://wbbprimaryeducation.org নোওয়া বারয়া ওয়েব সাইট রে বল কাতে পৗঠুওয়ৗকো
আবেদন দাড়েয়াঃআ। তবে অ্যাপ্লিকেশন ফি তিনাঃ হুয়ুঃআ নিৎ ধৗবিচ্ অৗওরি ঠাড় গটা আ মেন্তেগে
বাডায় আকানা।
এখেন অনলাইনতে
অ্যাডমিশন সুমুং দ বাং তায়ম দারাম অনলাইন তেগে ক্লাস চৗলু আ মেন্তেহঁ মানতান ভট্টাচার্যয়
বাঁখেড় আকাদা। অনালেকাতে পৗঠুওয়ৗ কঠেন খন মোবাইল নং আর হোয়াটসঅ্যাপ নং হঁক খজ্ আকাদা
মেন্তে বাডায় আকানা।
.webp)
