গিদরৗ ক লৗগিৎ অনড়হেঁ “চেরেচ্
আড়াং” রেনাঃ নমুনা
লেকাতে-নোওয়া অল ক সদর এনা।
কুইলি চেঁড়ে
 |
সারি ধরম হাঁসদা
|
(১)
কুহু কুহু কুইলি চেঁড়ে
রাহা মাতাম সোঘোড়,
আতো দিসম টলা পাড়া
বেড়হায় গটাম আঁদোড়।
হানা ডৗর খন নোওয়া ডৗরতেম
উডৗও অটাং বাড়ায়,
সাঁওতে ফৗগুন ঘেঁট পটম
নেঁওতা গিরৗম লাড়ায়।
আম দ কুহু কুইলি চেঁড়ে
হড়ম মাতাম হেঁদে,
সিরজন সাঁওতেম সাজাও কঃআ
মঁজগে চরক বাঁদে।
ঞেল্ হচ তাম হড় ক তালা
হেঁদে কুয়ৗ জহা,
হেঁদে তামে ঠৗওকৗ ভিনৗয়
আমাঃ লিঠুর রাহা।
(২)
ডোঁবে বাহা
ডোঁবে বাহা--ডোঁবে বাহা ,
হাপে আলম সাড়ঃ,
লোপে থোপে সাড় কাতে হাঁ
অকয় সাঁও এম জড়ঃ ?
অৗওরি হোয়ৗঞ জুওয়ৗন হড়ম
সাঁওতে গাতে গড়ো,
বালে গেতিঞ ইরচি আরেজ
তোঁবা রাসা সড়ো !
বের মাতাম হুচলু গেতাম
হাপে আলম বৗগিঞ,
মিদুঃ আলাং এহো গাতে
সঁধাড় স'রেম তৗঁগিঞ।
(৩)
ঝৗরগুম বানা
আতো তেগেয় বলন হৗনি
হেঁদে ঝৗরগুম বানা
তেঁগো দারাম অকয় হড়াঃ
বায় আঁজমা মানা।
গুগু অৗগুয় তেরেল তারপ
সাঁওতে পটম দাকা,
পুসি সাঁও এ পেড়া আকান
সৗগৗই বালা সাকা।
.webp)
