(হুডিঞ মাছা কাহ্নি)
বেঁগাড় লেকা গে জৗসতি
 |
| হিরেন্দ্র মান্ডি |
-আলু আর দৗল ।
আর চেৎ বন উতুয়া?
- মটর, আলু আর কপি তেনাঃ !
আর চেৎ বন উতুয়া? উনৗঃগান পেড়া ক হেজ আকান দ, একেন জেল দ তিনৗঃ এম কুড়ৗও আ!
- এনখান জেল আর আলু মেসায় মে, মেসা গানঃ গেয়া।
বাজারিঞ চালাঃ কানা, লৗয় মে চেৎ সবজি ক আগু হুয়ুঃ আ?
- হুঁ, আগু তরায় মে বীন আর চেৎ কম বুঝ এদা আগু তরায় মে আর হ্যাঁ, আলু দ আলম হিড়িঞা।"
নংকাগে সিমতি অরুন কিন রপড় কান তাঁহে কানা। অ হেঁ, বাবাদ রুওয়ৗঃ কানায় বেঁগাড় দ আলম মেসায়া। ডাক্তর বাবু বেঁগাড় জমে বারন
আকাদেয়া।অরুন এ মেন তরা কেদা।
বাবাদ রুওয়ৗ ক হুয় লেনখান বেঁগাড় জম ক মানয়েয়া, ঞেল আকানা বেঁগাড় জম লেখান জৗসতি তায়া।
অরুন বাজার চালাঃ হররে
চেদাঃ চং তেহেঞ দ আচ্ আচ্তে মেন জং কানায়- আলু দ বন বাডায়া ঝত সাঁওতে মেসা গানঃ গেয়া মেনখান বেঁগাড়দ ঞেল আকানা অৗডি গান সাঁওতে গে মেসা দ বাং গানঃ আ। অৗডি হড় গেক মানা কওয়া বেঁগাড় জম। অনকাগে পালেন আব মৗনমি আলু লেকা দ অৗডি কম গে মেনাঃ বনা, সানাম মৗনমি সালাঃ আব দ বাংবন মেসা দাড়েয়াঃ আ। আলু যেলেকা যাহা সাঁওতে গে মেসায় মে মেসা গানঃ গেয়া সে সিবিল হঁ বুঝৗঃ গেয়া। মেনখান মৗনমি দ ঝত হড় সাঁওতে বাংবন মেসা দাডে়য়াঃ আ সে মেসা হঁ বাংগানঃ আ আর ঝত সাঁও এম মেসাঃ কাতে রেহঁ আধম সাঁওতে দ সৗগৗয় বাং সিবিলঃ আ। মেনগানঃ আ, আলু লেকা দ সানাম সালাঃ মেসা কাতেঃ সৗগৗয় সিবিল তেয়ার দ বাং গানঃ আ। অনাতে আলু লেকা দ অৗডি খন অৗডি কম গে মেনাঃ বনা।
হ্যাঁ, তবে বেঁগাড় লেকা দ জৗসতি গে। অকয় সাঁওতে রড় ক মেসাঃ কানা , উনি সাঁওতেদম মেসায়েন তে সৗগৗয় সিবিল তেয়ারেনা। সৗগৗয় নওয়া কারন তে সিবিল তেয়ার এনা, আম বাডায়াম উনি সাঁওতে দ মেসা গানঃ আ। আর অকয় সাঁওতে মেসা গানঃ রেঁহ সে সানা রেহঁ অড়াঃ হড় কওয়া কাথা সে এটাঃ হড় কওয়াঃ কাথা লেকাতে বাংবন মেসাঃ গেয়া। ঠিক যাঁহা লেকা ডাক্তর বাবুক মানা বন।
.webp)
