(হুডিঞ মাছা কৗহ্নি)
একেন
টরডাং
 |
| নিকোলাস মারানডি |
এটাঃ দিনকো লেকা তেহেঞ হঁ বোগেতেয়ে দাঃ এৎ তাঁহেনা। আর বোগেতে বতর গেয়ে হুডুরেৎ তাঁহেনা। সেরমা রেয়াঃ নোওয়া আবসথা ঞেল কাতে আডি ভাবনা গেয়ে আয়কৗউ কেদা। সুমিদ অনা হুডুর বিজলি চেটেরে আঁজম লেখানগে মনদ ধুক ধুকুঃ তায়া ,পাশেচ্ নুয় গিদরৗ হঞ আদে, আর অনা বতর তেগে সুমিদ আচ্ হপনতেৎ এ মেতায় কানা -
" এ বাবু তেহেঞ আমদ হাকো সাব্ দ আলম চালাঃআ। আদ আচরেন হপন বাবলু দয় মেনকেদা- ‘চেদাঃ গ?’ আচ্ গয় মেন রুওয়ৗড় কেদা
- বাম ঞেলেদা , সেরমা রেয়াঃ আবসথা ঠিক বৗনুঃআ। নোওয়া কাথা আঁজমতে আচরেন গিদরৗ বাবলু দয় হাহাড়াঃ এনা। আরে হুদিসেনা, উনাঃ দিনমা ইঞ দাঃ জৗপুদ রেগে হাকোকঞ সাব্ আকাৎকো। তেহেঞদ ইঞ গগয় চেকা আকানা। তিনাঃএ দাগা হাকোমা উনাঃগেক ঞামঃ তবে চেৎ বেপার ? আচ্কাগে জানাম আয়োয় মানা কিদিঞা ? বাবলু চেৎহঁ হুদিসতে বায় ঞাম লেদা ।
সুমি আর বাবলুদ ঘারঞরে বার হড় গেয়াকিন । উনকিন দ হাকো সাব্ কাতেগে জম-ঞু দ কিন চালাও আ। আর তালা মালারে
মিৎবার নালহা তুমৗল কাতে হঁকিন জমা। সুমিয়াঃ ঘারঞ্জ রেদ মাড়াং হঁ মিৎ লেকা হাকো সাব্ বিরিট তেগেকো আসুলঃ কান তাঁহেনা। নিৎহঁ অনকাগে
চালাঃ কানা।
উনহিলোঃ দ তেহেঞ লেকায় দাঃএৎ তাঁহেনা। ঝামার ঝামার! বোগেতে হয় আর হুডুর! বিজলি মালকাও আর চেটের ঞুরুঃ কান তাঁহেনা। নতে বদলা আর হপনতেৎ সমায় দ হাকো সাব্ লৗগিৎ কিন অডোক চালাঃ কানা, উনরে সুমিদ আচ জাঁওয়ায় বদলায় মেতাদে তাঁহেনা – নোওয়া সৗরদি দাঃরেদ আলবেন চালাঃআ । থড়ায় আসোড় ঞঃলেগে। আর নাহ্বেন চালাঃআ । মেনখান বদলাদ বায় আঁজম লেদা কাথা। আর আপাহনকিন অডোক চালাও এনা সৗরদি দাঃরে। দাঃ
আসোড় তায়ম সুমিদ হারে ফারে কয়ঃ এদায় ঘানে বাড়গে দুওয়ৗর ঘানে কুলহি দুওয়ৗর। মিৎ ঘৗড়িচ্ তায়ম খবর সেটেরেনা বাংমা আপা হপন বানা হড় সেরমা চেটের বিজলি
গে ইদিকেৎ কিনৗয়। তেহেঞ আনিচ্
সুমি ঞেল কেদায় তালা বৗইহৗড়রে চেৎ লেকা একেন টরডাং নিৎহঁ ডয়লাং বাডায়
কানা।
.webp)
