আবোওয়াঃ ওয়েব পেজ - ২৮ জুলাইঃ
মেদিনীপুর সবং কলেজরে সান্তাড়ি অনার্স চালু লৗগিৎ সবং মুলুক ভারত জাকাত মাঝি
পারগানা মহল পাহ্টা খন হলা তিকিন বেড়া তে-মাথানি মোড়রে ডাহারক জাঁগেদারাম কেদা। নেশ
পোয়লো সান্তাড়ি মিডিয়াম তে এইচ্.এস.পাশ আকাদ্ পৗঠুওয়ৗ কোওয়াঃ কলেজরে ভরতি আনাট আর
সবং সজনীকান্ত কলেজরে সান্তাড়ি অনার্স চালু অচয় লৗগিৎ গে মহল পাহ্টা খন নোওয়া ডাহার
জাঁগেদারাম পানথাক হাতাও লেদা মেন্তে বাডায় আকানা।
বাডায় আকানা নিয়ৗবার
অনা এলাকা খন ৪০ গটাং পৗঠুওয়ৗ সান্তাড়ি মিডিয়ামতে এইচ্.এস. কো পাশ আকাদা। মেনখান অকা
কলেজরেক ভরতি আঃ ? সান্তাড়ি মিডিয়াম কলেজ মা নিৎ ধৗবিচ্ অকারেগে বৗনু আকাদা। আর অনাক
খৗতিরগে সান্তাড়ি মিডিয়াম পৗঠুওয়ৗ কোওয়াঃ তেহেঞ কলেজরে ভরতি রেনাঃ আনাট সিরজৗ কানা
মেন্তে মহল পাহ্টা খন দাবি রাকাপ্ কানা। নুন দিন সান্তাড়ি মিডিয়াম কলেজ লৗগিৎ সরকার
চেৎহঁ বায় কৗমিয়াকাদা মেন্তে অনা দাবি হঁ নিৎ রাকাপ্ কানা।
ডাহার জাঁগেদারাম
আখড়া খনগে বিন হৗটিঞ মেদিনীপুর জেলা জগ-পারগানা বাবা মনোরঞ্জন মুরমু মিৎ বাঁখেড়রে লৗই
আকাদা বাংমা নোকো সান্তাড়ি মিডিয়াম পৗঠুওয়া কোওয়াঃ ১ লা আগস্ট খন অন লাইনতে ভরতি খৗতির
কলেজরে আনাট হোয় লেনখান সে দাও বাংক ঞামা এনখান আর এটাঃ মিডিয়াম রেন পৗঠুওয়ৗ কোওয়াঃ
ভরতিহঁ হৗপিদঃআ সে উনকুহঁ দাও বাক ঞামা। উনদ সবং কলেজ অনির্দিষ্ট কাল লৗগিৎ বন্দ তাঁহেনা
মেন্তেহঁ মানতান মুরমু হঁশিয়ৗরিয় এম আকাদা।
ইনৗহিলঃ বিডিও,প্রিন্সিপাল,ভিসি
সাঁও মহল রেন পারগানা বাবাক রপড় কাতে বাডায় আকানা যে দারায় কান সৗগুন মাহা হিলঃ লিখিত
অর্ডারক এমা। আর নোওয়া কাথা হঁক এম আকাদা যে নোওয়া ২০২০ সেশন খনগে সবং সজনীকান্ত কলেজরে
সান্তাড়ি অনার্স ল্যাঙ্গুয়েজ হিসৗবতে চালু আ।
তবে মনোরঞ্জন
মুরমুদ আরহঁয় মেন হট কাদা “তেহেঞ মচা কাথাতে এড়ে লৗই কাতেৎ যুদি নঁডে খন ক রুওয়ৗড় কাবন
রেহঁ তায়ম দারাম উনদ মাঝি পারগানা মহল আরহঁ অৗডি মারাং আঁদোড়রে আঁড়গন তে বাধ্য তাঁহেনায়’’।
নোওয়া ডাহার জাঁগেদারাম রে এনহিলৗ বিন হৗটিঞ মেদিনীপুর
জেলা জগ-পারগানা বাবা মনোরঞ্জন মুরমু,মেদিনীপুর তল্লাট পারগানা বাবা স্বপন মান্ডি সাঁওতে
সবং মুলুক আর তৗরিরেন আয়মা পারগানা বাবাক সেটেরক তাঁহেকানা।
.webp)
