“২৮ জুলাই; জেগেৎ হেপাটাইটিস
মাহা” দিসৗ কাতে
-ডাঃ সুরেন্দ্রনাথ মান্ডি
নোবেল সিরোপা
হামেটিচ্ প্রফেসর বারুচ স্যামুয়েল ব্লুমবাগ হতেচ্তে হেপাটাইটিস-বি ভাইরাস তুনখি ঞাম
খৗতির উনি সাঁড়েষিয়ৗ দিসৗ সে সনমান এমায় লৗগিৎতে জানাম মাহা তায় ২৮ জুলাই দ ২০১০ সাল
খন জাও সেরমাগে ‘জেগেৎ হেপাটাইটিস মাহা”লেকাতে ছৗটিয়ৗর আর মানাও-বাতাওয়ঃ কানা। জেগেৎ
সাঁওয়ার গাঁওতা-ওয়াঃ হিসৗব লেকাতে জাও সেরমাগে ধৗরতি রে ৫০ কোটি লেকা মৗনমি কো তাঁড়গম
অচঃ আ হেপাটাইটিস আজারতে, আর ওনকো মুদ্রে গুজুঃ আকো আন্দাজ সাড়ে ১০ লাখ লেকা রুগি।
অনাতে হেপাটাইটিস ইদিকাতে জেগেৎ মৗনমিকো চেঁহ্গাও
মেনমা অনা আজার উরুম ,টেকাও দারাম রেনাঃ হরা ক বাডায় অচ লৗগিৎ তেগে ধৗরতি জাকাত গে
‘হেপাটাইটিস মাহা’ পালাও-মানাওয়ঃ আ। নেসা থিম দ ‘Find the Missing Millions’ মেনমা ওকোরে মেনাঃকো কোটি কোটি সুগুম (Asymptomatic)
হেপাটাইটিস আজারান রুগি কো পাঁজা অডক।
হেপাটাইটিস দ
ইন্ (Liver/Hepatic) রেনাঃ মিৎ লেকান আজার ( ইন্বর ফুলাআ ) কানা। আজার-অক্ত লেকাতেদ
হেপাটাইটিস বার হৗটিঞতে হৗটিঞ গানঃআ – কম দিন রেনাঃ (২ খন ৬ হাপ্তা) আর অৗডি দিন রেনাঃ
(পেরাই ২০ সেরমা হৗবিচ্ বেগর লক্ষণ চিহ্ন সদর কাতে)। হেপাটাইটিস ‘এ’ আর ‘ই’ দ কম দিন
রেনাঃ, ‘বি’ আর ‘সি’ দ হোয়োঃ কানা আয়মা দিন রেনাঃ। দূষিত দাঃ ঞুতে হড়ম’রে হেপাটাইটিস
ভাইরাস (‘এ’ আর ‘ই’ ) ক বল লেনখান আর দূষিত মায়াম জপটেৎ আর এটাঃ মাধ্যমতে হড়ম’রে ভাইরাস
(‘বি’ আর ‘সি’) ক বল লেনখান হেপাটাইটিস আজার হোয়োঃআ। সানাম হেপাটাইটিস রেদ (বিশেষ কায়তে
গিদ্রৗ কোওয়াঃ) লক্ষণ-চিহ্ন বাংহঁ সদর দাড়েয়াঃআ। আর নোওয়া খৗতির গে বতর দ, এনতে তিকিছা
রেনাঃ দাঁও বাং ঞামঃ আ। হেপাটাইটিস খৗতির জন্ডিস
(হড়ম সাসাঙঃ),উলৗ উলৗ আইকৗও, রেঁগেচ্ বাং অৗইকাঃ মেনমা জম-ঞু বাং বুঝৗও, লাঁগা ইন্
ঠেন মেনমা হাসো, রুওয়ৗ, মাঁদা, বাবাত্, হড়ম-হাসো, পাত্লা পায়খানা এমান এমান সদরঃআ । ঝতম
খন বতরানাঃ দ কানা হেপাটাইটিস ‘সি’, এনতে নোওয়া আজার রেনাঃ টীকাদ নিৎহঁ অৗউরি তেয়ারঃআ।
হেপাটাইটিস ‘সি’ ভাইরাস ইনবর’রে বাসা কাতেৎ মৗনমি হড়ম রে লক্ষণ ক বাং সদর অচ কাতেগে
১৫-২০ সেরমা তায়ম লিভার রেনাঃ সিরোসিস, ক্যানসার ক হোয় অচয়া।
অকয় কোওয়াঃ হেপাটাইটিস হোয়
দাড়েয়াঃআ
1)
নগ্রা (দূষিত) দাঃ ঞু আর এটাঃ নগ্রা জমাঃ ঞুওয়াঃ জম-ঞুয় কোওয়াঃ।
2)
আনষ্টেরালাইজড ইঞ্জেকসন বেওহার কোওয়াঃ।
3)
বেগর পুরিক্ষা আনাঃ এটাঃ হড়াঃ মায়াম হড়ম’রে হাতাও কোওয়াঃ। অপারেসন লৗগিৎ আনষ্টেরালাইজড ছুরি,কাঁচি,সুই (লুতুর,মু পাটিঃ রেহঁ) বেওহার
কোওয়াঃ।
4)
নোওয়া আজারান হড় কোওয়াঃ সামগিরি বেওহার কোওয়াঃ।
5)
হেপাটাইটিস আজারান হড় কোওয়াঃ মায়াম জাঁহা লেকাতে (সেলুন খনহঁ হোয় দাড়েয়াঃআ) এটাঃ হড়াঃ
মায়াম সাঁও জপটেৎ কোওয়াঃ। হেপাটাইটিস আজারান এঁগাত কুখি ভিত্রিরেন গিদ্রৗ কোওয়াঃ।
6)
নোওয়া আজারান হড় কোওয়াঃ খুঃ, খারাঃ, উলিদাঃ সাঁও জপটেৎ কোওয়াঃ।
7)
হেপাটাইটিস আজার কড়া-কুড়ি কো মুদ্রে হড়ম’ ভুঁপুজৗও কোওয়াঃ। চুটি, বিড়ি, সিগ্রেট মেনমা
থামাকুর আর ড্রাগ, হাঁডি, পৗওরা বেওহার কোওয়াঃ।
নোওয়া আজার টেকাও
দারাম লৗগিৎতেদ ‘টীকা’ হাতাও হোয়োআ। ঝতম খন নাপায় টীকা দ হোয়োঃ কানা হড়ম’রে আজার টেকাও
দারাম দাড়ে মেনমা ‘ইম্যুনিটি’ বাড়হাও হোয়োঃআ আর হেপাটাইটিস হোয়োঃ রেনাঃ অজে ক এড়াও
হোয়োঃআ। হড়ম’রে জন্ডিস সে এটাঃ আজার করেনাঃ লক্ষণ-চিহ্ন ঞেল-আইকৗও লেনখান গে ডাক্তর
ঠেন ঞেল অচ হোয়োঃআ। ঝাড়াও অচঃ, সুনুম-সাকাম ঞেল সে জন্ডিস-মালা হরঃ তেদ’ আজার বাং বেসঃআ।
নে হৗলি ধৗরতিপুরি রেনাঃ ঝতম খন বতরান মড়ক আজার কদ হোয়োঃকানা কোভিড -১৯,হেপাটাইটিস-সি
আর এইড্স্।
ধৗরতিপুরিরে মেনাঃ
কো কোটি কোটি হেপাটাইটিস আজারান ওকো রুগি (Asymptomatic Patient) কো পাঁজা ঞাম তেগে
হোয় আবোনা। নেস্ ২০২০ সাল ‘জেগেৎ হেপাটাইটিস মাহা’ রেনাঃ ‘Find the Missing
Millions’ রেনাঃ জস্ নিন্ উডিচ্ রেহঁ পুরৗও তেগে হোয়োআ, বাংখান ‘কোভিড-১৯’ খন হঁ
চেতান ঠাঁওয়ে হামেটা ‘হেপাটাইটিস-সি’ ।
.webp)
