হড় সৗ্মুদ্তে ছাপলাও এনা খাতড়া

 

আবোওয়াঃ ডিজিটাল ডেস্ক, খাতড়াঃ-  হলা ১০ এপ্রিল আদিবাসী একতা মঞ্চ আঃ হহতে খাতড়া এ.টিম গডারে আদিবাসী কোওয়াঃ মারাং জমেলায় হোয় পারমেনা। অনারে ঞেল এনা হড় সৗ্মুদ্‌তে গোটা খাতড়া ছাপলাও এনা।

 

বাডায় আকানা আদিবাসী একতা মঞ্চ বেগর ভারত জাকাত মাঝি পারগানা মহল, ভারতীয় আদিবাসী ভূমিজ সমাজ, আদিবাসী কোড়া সমাজ কল্যাণ সংগঠন, ভারতীয় মুন্ডা সমাজ, ভারতীয় মাহালি সমাজ আর ভারতীয় শবর সমাজ সাঁওতে আরহঁ আয়মা ঞুতুমান সংগঠন সেটেরকো তাঁহে কানা।তুমদৗ, টামাক, রেগড়া,সাঁকোওয়া সাডেতে খাতড়া বাজার গটা দুলদুলৗও এনা।

 

 দৗবীকো মুদ্‌রে তাঁহেকানা- ১)রাজৗরি সারথ পুরুন লৗগিৎ জোর কাতেৎ অ-আদিবাসীকো S.T. তৗলিকারে আদের বাং গানঃআ। ২)আদিবাসী কোওয়াঃ গরবান নাগাম হান্তে নাতে বাং চালাঃআ। ৩)লগন মাছা এস.টি.সার্টিফিকেট বৗতিল সাঁওতে এমঃ বন্দ হোয়োঃমা। ৪) বুরুঅৗইদৗর আইন ২০০৬ আর পঞ্চম তপশীল লৗগু করাও হোয়োঃমা। ৫) আদিবাসী কোওয়াঃ জুমি জোর কাতেৎ দখল বাং চালাঃআ। ৬) সেচেৎ রেনাঃ নাপায় বন্দেজ তেয়ার রাকাপ্‌ হোয়োঃমা। নোওয়াকো বেগর আরহঁ আয়মা দৗ্বি বাঁখেড়িয়ৗকো সাব্‌ রাকাপ্‌ কেদা। লৗই তরা লেগ্‌ কানা বাংমা সরকার যুদি কুঁড়বি কো এস.টি. কাকো লৗগিৎ কিরৗয় হাতাও আ, এনখান গোটা বাংলা সেঁগেল জোলোঃআ মেনতে বাঁখেড়িয়ৗকো হুঁশিয়ৗরিকো এম কেদা।