আবোওয়াঃ ডিজিটাল ডেস্কঃ- বান্দোয়ান- ৮ এপ্রিল, সেতাঃ তরা খনগে হয় দাঃ লেকা শোস্যাল মিডিয়ারে
পাশনাও এনা বাংমা সান্তাড়ি সাঁওহেৎ রেন সানাম কোরেন ঞুম উরুম পুরুধুল অনলিয়ৗ গোমস্তা
প্রসাদ সরেন দ আর বৗনু গেয়া। বাডায় আকানা উনিদ ৭ এপ্রিল হিলোঃ ঞিদৗ ১১টাড়াং অক্তে বাং
রুওয়ৗড় দিশমে মঁহডায়েনা। উমের দ হুয় লেন তায়া ৮০ সেরমা লেকা।
গোমস্তা প্রসাদ সরেনাঃ অড়াঃদ পুরুলিয়া জিলৗ রেনাঃ
বান্দোয়ান থানা উদলবনী আতোরে। বাডায় আকানা উনিদ
কৗটিচ্ উমের খনগে সান্তাড়ি সাঁওহেৎ বাগওয়ানরে দাঁড়ানে এহব লেদা। হারাবুরু কাতে
সান্তাড়ি সাঁওতা আর সাঁওহেৎরে উনিয়াঃ এনেম দ লেখাজখা তেঁহ বাং পুরৗঃআ মেনতেগে আয়মা
হড়গে আকোওয়া দুক্ কো সদর আকাদা।
মিৎ কৗটিচ্ খন গাতে এহব কাতে মুচৗৎ হৗবিচ্ রেন
গাতে লেকাতে তাঁহেকান ‘তেৎরে পাথাম’ সাসাপড়াওয়িজ্ মানতান মহাদেব হাঁসদা দুখৗলি আড়াং
তে সদর আকাদায়- সান্তাড় সমাজ রেন মিৎ টেন জোলোঃ ইপিলে সাহায়েনা। ‘সিলি’ পাথাম সাসাপড়াওয়িজ্
মানতান কলেন্দ্রনাথ মান্ডি সদর আকাদায়-‘অৗডি দিনরেন মিৎ গৗলিম ইঞ আদ্ কেদেয়া। সান্তাড়ি
সাঁওহেৎরেনাঃ অৗডি মারাং খুতি হুয়েনা’। অনকাগে পুরুলিয়া জেলা সান্তালি লিটারেরি ফোরামরেন
সেক্রেটারী অরুন কুমার সরেন এ লৗই আকাদা বাংমা যাঁহাতিনৗ হড়ম বেশ বাং তাঁহেন তায় রেহঁ
লিটারেরি ফোরাম আঃ লাকচার আর গালচ্ আখড়ারে সেটেরঃ কান তাঁহেন গেয়ায়।
নঁতে শোস্যাল মিডিয়া তালাতে ভারত জাকাত সান্তাড়ি
অনলিয়ৗ গাঁওতারেন প্রেসিডেন্ট মানতান গুরৗই কিস্কু, গোমস্তা প্রসাদ সরেন বঁগাতালায়েন খবর আঁজম কাতে
গৗহির দুক্ এ সদর আকাদা।ভারত জাকাত সান্তাড়ি অনলিয়ৗ গাঁওতা(পছিম বাংলা)রেন সেক্রেটারী
মানতান দ্বিজপদ হাঁসদা হঁ গৗহির দুক্ এ সদর আকাদা। সাহিত্য অ্যাকাডেমি শিরোপা হামেটিয়ৗ
আর মিৎ পুরুধুল অনলিয়ৗ মানতান সারিধরম হাঁসদা এ লৗই আকাদা অৗডি দিনরেন ঝাড়খন্ডী হুলগৗরিয়ৗ,
সমাজ সুসৗ্রিয়ৗ, অনলিয়ৗ আর সাঁওহেদিয়ৗ, দার্শনিক, অৗডি গুনৗন গোমস্তা প্রসাদ সরেন বঁগাতালায়েন
খৗতির সান্তাড়ি সাঁওহেৎ জগৎ রেনাঃ বাং পুরুনঃ খুতি হুয় এনা।
গোমস্তা প্রসাদ সরেনাঃ ঞুম হালাং পুঁথি কো মুদ্রে-“নংকান
গেয়াবন হড় আর নংকান গেতাবনা সমাজ’, ‘তিরে মেড়হেৎ সাকম জিউয়ি রাড়েচ্’, ‘কাঁহিস আড়াং’,
‘মারশাল ডাহার’ ‘আগড়ম বাগড়ম’, ‘আজলাতিয়া’ সাঁওতে বাংলা পুঁথি কো মুদ্রে- ‘আদিবাসীরা
হিন্দু নয়’, ‘আদিবাসী সমাজ ও সংস্কৃতি’, ‘ভারতীয় সংস্কৃতিতে সাঁওতাল সংস্কৃতির অবদান’
এমান এমান।
গোমস্তা প্রসাদ সরেন দ অনল জিয়নরে আয়মা সংগঠন পাহটা
খন আয়মা গটাং সারহাও শিরোপায় হামেট আকাদায় যেলেকা-গুণীজন সংবর্ধনা পশ্চিমবঙ্গ সরকার(২০০০),
মানভূম দলিত সাহিত্য ও সংস্কৃতি সংস্থা,পুরুলিয়া, আদিবাসী লোক সংস্কৃতি পরিষদ(২০০৩),
আসেকা (ওয়েস্ট বেঙ্গল), সারদা প্রসাদ কিস্কু স্মৃতি সম্মান (২০১৫), সনত্ তারাস,(২০২২)কান্টাডি-পুরুলিয়া।
বাডায় আকানা গোমস্তা প্রসাদ সরেন দ একেন অনলিয়ৗ
সুমুং দ বায় তাঁহেকানা। অনলিয়ৗ বেগরহঁ উনিদ ঞুতুমান মিৎ হুলগৗরিয়ৗ,সমাজ দরদিয়ৗ আর সুসৗরিয়ৗয়
তাঁহে লেনা। আয়মা রেঁগেচ্-নাচার হড়াঃ দুখরে, সোররে তিঁগু কাতে গড়য় এম আকাদ্ কোওয়া।
অনাতে উনি বঁগা তালায়েন খৗতির আয়মা দিসম হড় সাঁওতে সাঁওতারেন অনলিয়ৗ, অনড়হিঁয়ৗ, দরদিয়ৗ,
গায়ান বাডোহি, সেরেঞ রুসিকৗ, ডাক্তার, ইঞ্জিনিয়ার সাঁওতে আয়মা পৗঠুওয়ৗহঁ আকোওয়াঃ দুক
কো সদর আকাদা মেনতে বাডায় আকানা।
.webp)
.webp)
