আবোওয়াঃ ডিজিটাল ডেস্কঃ- সাধু
রামচাঁদ মুরমু ইউনিভারসিটি ঝাড়গ্রাম রে সান্তাড়ি মিডিয়াম অলচিকিতে পিজি কোর্স চৗলুয়
রেনাঃ দৗবি অল ইন্ডিয়া সান্তালি রাইটার্স অ্যাসোসিয়েশন পাহটা খন হলা ১২ এপ্রিল, ভিসি
ঠেন মিৎ মেমোরেন্ডাম কো চাল কেদা। আর নোওয়া ২০২৩-২৪ সেশন খন গে চৗলুঃমা মেনতেহঁ মেমোরেন্ডাম
কো লৗই সদর আকাদা।
অ্যাসোসিয়েশন পাহটা খন বাডায় আকানা বাংমা নে-হালেগে
নাঃ কলেজ খন পাশ কাতেৎ আয়মা পৗঠুওয়ৗ সান্তাড়ি মিডিয়াম অলচিকিতে ইউনিভার্সিটি রেকো ভুরতি
আ, মেনখান মাড়াং খন ইউনিভার্সিটিরে সান্তাড়ি মিডিয়ামতে পিজি কোর্স চৗলু বাং তাঁহেলেনখান
অনা এলাকারেন সে আর পৗঠুওয়ৗ কোদ অকারে পাড়হাও রেনাঃ দাও কো ঞামা।মিৎ কাথাতে লৗই গানোঃ
আ পৗঠুওয়ৗকো আকোওয়াঃ অলঃপড়হন লেতাড় গে তাঁহেন তাকোমা। অনা দিশৗ কাতেগে মাড়াং খনগে নোওয়া
দৗবি কো দহ কেদা মেনতেহঁ বাডায় আকানা।
অনাবেগর অ্যাসোসিয়েশন নোওয়া দৗবি হঁয় দহ আকাদা
বাংমা ইতিহাস, ভূগোল, ম্যাথেমেটিক্স, নিউট্রেশন লেকান সাতামকো সান্তাড়ি মিডিয়াম তেহঁ তাঁহেন লৗগতি কানাঃ।
ইনৗহিলোঃ
মেমোরেন্ডাম চাল অক্তেরে অল ইন্ডিয়া সান্তালি রাইটার্স অ্যাসোসিয়েশন রেন প্রেসিডেন্ট
মানতান লক্ষণ কিস্কু সাঁওতে চিণ্ময়ী মারান্ডি, বালিকা হেম্ব্রম, অরুণ কুমার সরেন, প্রধান
মুরমু, সনাতন সরেন, প্রদীপ সরেন আর সৃজন হাঁসদা এমান সেটের কো তাঁহেকানা।
.webp)
.webp)
