“আবোওয়াঃ কাথা” ডিজিটাল ডেস্ক
রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’
লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে।
অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- রিলৗমালা মুরুমু,ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟ. ᱢᱩᱨᱢᱩ, ᱯᱩᱨᱱᱚ ᱪᱚᱱᱫ ᱨᱚ ᱠᱤᱥᱠᱩ,ᱨᱟᱢᱯᱚᱫᱚ ᱠᱤᱥᱠᱩ,ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱠ ᱤ ᱥ ᱠ ᱤ ᱱ ᱫ ᱷ ᱟ ᱢ ᱩ ᱨ ᱢ , বাড়তাং সরেন, ঠ্যেন্টা মুর্মু, সিতেন মান্ডি, সমরলাল টুডু, দুগাই টুডু, দুর্গাচরণ মুরমু, দুলৗড় বিটি।
রিলৗমালা মুরুমু, ক্লাস- VI
জেলা - পুরুলিয়া
ᱢᱤᱫ
ᱥᱟᱶᱛᱮ ᱫᱮᱞᱟ ᱟᱵᱚᱱ
ᱥᱟᱹᱜᱩᱱ ᱥᱟᱜᱮᱱ ᱪᱟᱸᱫᱨᱟᱭ.
ᱴᱟᱹᱰᱤ
ᱴᱤᱠᱩᱨ ᱜᱟᱡᱟᱲ ᱠᱚᱨᱮ
ᱟᱹᱣᱦᱟᱹᱵᱟᱵᱚᱱ ᱥᱮᱸᱫᱨᱟᱭ ᱾
ᱡᱤᱵ
ᱡᱤᱭᱟᱹᱞᱤ ᱡᱤᱱᱛᱤ ᱯᱤᱯᱤᱲ
ᱫᱤᱥᱚᱢ ᱫᱚᱠᱚ ᱥᱳᱜᱷᱳᱲ,
ᱫᱮᱞᱟ
ᱱᱩᱠᱩ ᱡᱤᱭᱟᱹᱲ ᱞᱟᱹᱜᱤᱫ
ᱮᱢᱟ ᱠᱚ ᱵᱚᱱ ᱫᱩᱞᱟᱹᱲ ᱾
ᱛᱤᱥᱨᱮ
ᱵᱟᱵᱚᱱ ᱨᱩᱥᱟᱹᱣ ᱢᱚᱱᱮ
ᱛᱤᱨᱩᱵ ᱛᱮᱵᱚᱱ ᱵᱟᱺᱠᱷᱮᱬ,
ᱟᱹᱠᱤᱞ
ᱫᱤᱥᱟᱹ ᱨᱮᱵᱮᱫ ᱟᱵᱚᱱ
ᱢᱤᱫ ᱦᱚᱸ ᱢᱤᱫ ᱞᱮᱛᱟᱲ ᱾
========= ᱞ ᱧ ==========
ᱯᱟᱲᱦᱟᱜ ᱞᱟᱹᱜᱤᱫ ᱯᱚᱛᱚᱵᱽ
ᱟᱵᱚ ᱦᱚᱸᱵᱚ ᱜᱟᱛᱚᱵᱽ ।
ᱥᱤᱠᱷᱟᱹᱣ ᱵᱚᱱᱟᱭ ᱢᱟᱪᱮᱫ
ᱟᱵᱚ ᱡᱷᱚᱛᱚᱢ
ᱟᱪᱮᱫ ।
ᱪᱮᱢᱟᱫ ᱞᱮᱠᱷᱟᱱ ᱚᱞᱚᱜ
ᱱᱟᱯᱟᱭ ᱪᱩᱨᱤᱛ ᱛᱚᱞᱚᱜ ।
ᱦᱳᱭᱳᱜ ᱜᱮᱭᱟᱵᱚ ᱟᱹᱭᱩᱨᱤᱭᱟᱹ
ᱥᱚᱱᱚᱛ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ।
ᱜᱟᱹᱭᱩᱨ
ᱠᱟᱛᱮ ᱟᱹᱱ
ᱥᱮᱯᱮᱧ ᱨᱟᱠᱟᱵᱚᱜ ᱢᱟᱹᱱ ।
ᱟᱞᱮ ᱞᱤ ᱠᱤ
ᱵᱟᱭ ᱡᱤᱞᱤᱜ
ᱟᱭᱟᱜ ᱥᱤᱠᱤ
ᱟᱞᱩ ᱛᱤᱠᱤ!
ᱡᱤᱢᱤ_ᱡᱤᱢᱤ
ᱦᱤᱠᱤ_ᱵᱷᱤᱠᱤ
ᱟᱞᱩ ᱛᱤᱠᱤ
ᱡᱚᱢᱟ ᱞᱤ ᱠᱤ!
ᱦᱳᱲᱳ ᱪᱟᱠᱤ
ᱧᱮᱞᱟ ᱞᱤ ᱠᱤ
ᱪᱚ ᱫᱟᱭᱟ ᱠᱟᱠᱤ
ᱵᱟᱸᱣᱞᱟ ᱛᱤᱠᱤ!
ᱨᱟᱦᱮᱲ ᱛᱤᱠᱤ
ᱡᱚᱢᱟ ᱯᱷᱟ ᱠᱤ
ᱟᱲᱟᱜ ᱛᱤᱠᱤ
ᱵᱟᱭᱟ ᱞᱤ ᱠᱤ!
========= ᱞ ᱧ ==========
ᱡᱮᱰᱮᱨ ᱟᱠᱟᱱ ᱛᱟᱭᱟᱱ
ᱥᱟᱸᱜᱤᱧ ᱠᱷᱚᱱᱮ ᱠᱚᱭᱚᱜ ᱟᱠᱟᱛᱽ
ᱛᱳᱭᱳ ᱟᱰᱤ ᱥᱮᱭᱟᱱ ᱾
ᱢᱚᱱᱮ ᱢᱚᱱᱮ ᱛᱮᱭ ᱩᱭᱦᱟᱹᱨ ᱮᱫᱟ
ᱩᱱᱤ ᱯᱤᱴᱩᱠ ᱛᱳᱭᱳ
ᱛᱟᱭᱟᱱ
ᱡᱩᱫᱤᱭ ᱜᱚᱪᱽ ᱟᱠᱟᱱ
ᱛᱤᱱᱟᱹᱜ ᱵᱷᱟᱜᱮ ᱦᱳᱭᱳᱜ ᱿
ᱛᱟᱭᱟᱱ ᱦᱚᱸᱭ
ᱢᱚᱱᱮ ᱠᱚᱝᱠᱟᱱ
ᱛᱳᱭᱳ ᱡᱩᱫᱤᱭ ᱦᱤᱡᱩᱜ
ᱵᱚᱦᱚᱜ ᱨᱮᱜᱤᱧ ᱜᱮᱨ
ᱢᱟᱲᱟᱝ ᱮ
ᱚᱱᱟ ᱠᱷᱟᱱ ᱜᱮᱭ ᱜᱩᱡᱩᱜ ᱿
ᱵᱟᱱᱟ ᱦᱚᱲ ᱜᱮ ᱚᱱᱠᱟ ᱠᱟᱛᱮ
ᱢᱮᱱᱟᱜ ᱠᱤᱱ
ᱛᱟᱸᱜᱤ ᱛᱟᱸᱲᱟᱜ
ᱛᱳᱭᱳ ᱦᱚᱸ ᱵᱟᱭ ᱞᱟᱦᱟᱜ ᱠᱟᱱ
ᱛᱟᱭᱟᱱ
ᱦᱚᱸ ᱵᱟᱭ ᱞᱟᱲᱟᱜ ᱿
ᱟᱪᱠᱟ
ᱚᱸᱰᱮ ᱫᱟᱜ ᱧᱩ ᱞᱟᱜᱤᱫᱽ
ᱟᱸᱲᱜᱳ
ᱦᱮᱡ ᱮᱱ ᱦᱟᱛᱤ
ᱧᱤᱨ ᱮᱱᱟ
ᱠᱤᱱ ᱛᱟᱭᱟᱱ ᱛᱳᱭᱳ
ᱵᱟᱱᱟᱨ
ᱪᱷᱤᱛᱤ ᱵᱤᱛᱤ ᱿
========= ᱞ ᱧ
==========
"ᱵᱟᱦᱟ"
ᱯᱚᱨᱚᱵᱽ ᱛᱟᱞᱮ
ᱢᱟᱨᱟᱝ
ᱯᱚᱨᱚᱵᱽ ᱯᱟᱞᱮ ᱾
ᱮᱱᱮᱪ
ᱥᱮᱨᱮᱧ ᱛᱟᱞᱟ
ᱱᱟᱹᱭᱠᱮ
ᱟᱹᱜᱩ ᱵᱷᱟᱞᱟ ᱾
ᱚᱲᱟᱜ
ᱫᱩᱣᱟᱹᱨ ᱫᱩᱣᱟᱹᱨ
ᱡᱟᱸᱜᱟ
ᱟᱹᱨᱩᱵ ᱡᱤᱭᱟᱹᱲ ᱾
ᱦᱚᱯᱚᱱ
ᱢᱟᱹᱭᱮ ᱛᱮᱭᱟᱨ
ᱟᱹᱨᱩᱵ
ᱞᱟᱹᱜᱤᱫ ᱨᱮᱭᱟᱲ ᱾
ᱡᱟᱸᱜᱟ
ᱟᱹᱨᱩᱵ ᱯᱩᱨᱟᱹᱣ
ᱥᱩᱱᱩᱢ
ᱚᱡᱚᱜ ᱫᱷᱩᱨᱟᱹᱣ ᱾
ᱱᱟᱹᱭᱠᱮᱭ
ᱮᱢᱚᱜ ᱵᱟᱦᱟ
ᱞᱩᱜᱽᱲᱤᱡ
ᱟᱧᱪᱟᱨ ᱞᱟᱦᱟᱭ ᱾
ᱨᱮᱵᱮᱫᱽ
ᱟᱠᱟᱫ ᱵᱟᱦᱟ
ᱥᱩᱫ
ᱥᱟᱡᱟᱣ ᱞᱟᱦᱟ ᱾
========= ᱞ ᱧ ==========
ᱥᱮᱛᱟᱜ
ᱟᱭᱩᱵ ᱠᱷᱮᱞᱳᱰ ᱦᱳᱭᱳᱜ
ᱠᱩᱞᱦᱤᱛᱮ ᱫᱷᱩᱲᱤᱨᱮ ,
ᱞᱳᱥᱳ
ᱯᱚᱱᱰᱳ ᱦᱚᱲᱚᱢ ᱡᱟᱸᱜᱟ
ᱧᱮᱞᱚᱜ ᱦᱤᱲᱤᱨ ᱜᱟᱲᱤ ᱾
ᱟᱨᱩᱵ
ᱡᱚᱫᱽᱚᱜ ᱫᱚᱦᱚᱭ ᱯᱷᱟᱨᱪᱟ
ᱛᱤ ᱡᱟᱸᱜᱟ ᱥᱟᱣ ᱢᱚᱪᱟ ,
ᱢᱟᱹᱭᱞᱟᱹ
ᱨᱤᱴᱷᱟᱹ ᱛᱟᱦᱮᱱ ᱡᱩᱫᱤ
ᱟᱡᱟᱨ ᱜᱮᱥᱮ ᱞᱚᱪᱟ ᱾
ᱡᱚᱢ
ᱧᱩ ᱟᱨ ᱩᱭᱩ ᱟᱴᱮᱫ
ᱟᱞᱚᱢ ᱵᱮ-ᱡᱚᱛᱚᱱ ,
ᱥᱟᱯᱷᱟᱥᱟᱯᱷᱤᱜᱮ
ᱛᱟᱦᱮᱱ ᱛᱮᱫᱚ
ᱵᱷᱟᱞᱤᱜ ᱢᱚᱱᱮ ᱢᱚᱛᱚᱱ ᱾
ᱢᱮᱛᱟᱢ
ᱠᱟᱱ ᱡᱟᱦᱟᱱ ᱠᱟᱛᱷᱟ
ᱟᱞᱚᱢ ᱛᱷᱤᱨ ᱦᱟᱯᱤ ,
ᱪᱚᱞᱚ
ᱥᱟᱨᱤᱜᱮ ᱪᱷᱩᱴᱟᱹᱣ ᱦᱚᱫᱚᱜ
ᱮᱦᱚᱵᱚᱜ ᱥᱟᱯᱷᱟᱥᱟᱯᱷᱤ ᱾
========= ᱞ ᱧ ==========
মনে লিদৗঞ হাকোঞ হুয়ুঃ আ,
দাঃরে বিয়ল বয়লিঞ পায়রা বাড়ায়া।
আরিঞ হুদিশ লেদা মিরু চেঁড়েঁঞ হুয়ুঃআ ,
লীল সেরমারে ফারফারিঞ উডৗও বাড়ায়া।
কুকমু লিদৗঞ জিল হুয় কাতেঃ
বীর তালারে রৗস্কৗতেঞ দন বাড়ায়
অকাঞ হুদিশ পিপিড় পিঁয়ো হুয় কাতেঃ
বীররে বাহা চেতান বাহাঞ উডৗও বাড়ায়।
কুকমু ইঞাঃ সারিয়েনা ঞিদৗ কুকমুরে
হৗকু লেকাঞ পায়রা বাড়ায় দাঃ দরয়ারে ।
আচকা গে মারাং তায়ান ইঞে লাকোবিঞ
জম লৗগিৎ হিজুঃ আকো তিনৗঃ বিঞ কিদিঞ।
হুদিশ ইঞাঃ সৗরিয়েনা তিকিন ভাবনারে,
মিরু কাতেঞ উডৗও বাড়ায় লীল সেরমারে
গিদি কুঁড়িৎ মাডরাও হিজুঃ ইঞ সামাংরে,
বাং ইঞ বুঝৗও অকাঞ চুকুঃ, অকা দানাংরে !
সোনা বারাং জিল ইঞ দ বীর মা তালারে,
কামসাও আতেঞ দন বাড়ায় বাহা তালারে।
লাসের ডাটা চাহাপ কাতেঃ তৗরুপ সামাংরে
জজম লৗগিৎ
হিজুঃ আকো সেতাঃ তরারে ।
হুদিশ ইঞাঃ সৗরিলেনা জিউয়ী তালারে ,
পিপিড়পিঁয়ো কাতেঞ এনেচ বাহা চেতানরে ।
আচকাগে লাকার লাকার আলাং ওডোং কাতে,
বিঞ কিদিঞ জমকো হিজুঃ ডাটা ইসিড় কাতে।
কুকমু ইঞাঃ রৗপুৎ এনা,
সখ হঁ চাবায়েন
বতর তেগে মনে রৗস্কৗ সানাম ওটাং এন।
মৗনমী জনম রেগে ইঞাঃ রৗস্কৗ মেনাঃতিঞ,
ইঞাঃ কৗমি কৗমি তেগে সখ ইঞ পুরৗওতিঞ।
========= ᱞ ᱧ ==========
হর রাজা হর রাজা
অকাম চালাঃ থিয়ৗ থাপে
বুগি বৗড়িজ্ কুলি আলাং
তিঙ্গুন মেসে কৗটিজ্ হাপে ।
লেডং কুয়ৗরী পাতাল খনাঃ
রাকাব লেদায় হাসা দেয়া চেতান
দারে নৗড়ি মৗনমী জীব জিয়ৗলি
অনা রেক তিঙ্গু আকান ।
চেৎ রৗগি তাম চেৎ এম আড়ি
চেদাঃ এম ফাঁদায় আথাওড়ি
ছুটৗও আকানাক মৗনমী আড়ি ঢৗড়ি
ধৗরতিম দুলকৗও অনাতে ঘৗড়ি ঘৗড়ি ?
========= ᱞ ᱧ ==========
ভুজু হাড়াম চাডরা
অড়েচ্ চাতম ধাদরা
বুঢি তায়ে কিরিঞায়া
বোরো পাতারে পাগরা।
গডা পেরেচ্ ডাংরা
নাহেলে সিয়োঃ মাহরা
বাড়গে রে কিন চাষ
পুঁড আরাঃ ঘাঁগরা।
গড়ম কড়া কুড়ি
বাং ক আঁজম কৗমি
ভুজু বুঢি এগের
জম আপে আঙ্গরা।
বাপলা অড়াঃ ভজ্
বৗনুঃ তৗকিন অজ
বুল তুহেল বৗকিন কুশিঃ
দাকা উতু কিন খজ।
হুডিঞ মারাং হড়
নাপায় কাথা রড়
পুঁড় বহঃ বুঢি
হাড়ামে বেনাও পুঙ্গি।
আতু টলা পাড়া
যত হড় ক রড়া
ভুজু হাড়াম গে আয়ুর
বুঢি গায়ার গুয়ুর।
========= ᱞ ᱧ ==========
বাবু তালে আলে রিনিজ
অড়াঃ রেগেয় খেলোঃ,
ফারকাও আতে সিঁগুওয়া ধুতি
মারাঃ লেকায় ঞেঁলোঃ ।
ধুতি কঃআয় দত কঃআয়
কুংকাল চেলাং টুপি,
সুপু পেরেজ্ তল্ কেটেজ্
এঁগা মারা্ঃ চুপি ।
ছায়ম করতাল ঘনটা টামাক
জেলেঞ হতদ্ ভুওয়াং,
দাঁশায় দাঁড়ান চালাঃ গেয়ায়
হাপেন গাপা মেয়াং ।
দং লাঁগড়ে বাহা সহরায়
খেরোওয়াল কোওয়াঃ পরব,
লাকচার রেয়াঃ দাঁশায় দাঁড়ান
সানতাড় কোওয়াঃ গরব ।
আমদো যুগি ককয়্ যুগি
দুওয়ৗর দুওয়ৗরেম ককয়,
সাহার বাজার নাহাঃ হালে
ককয় কানায় অকয় ?
আতু অড়াঃ বাখোল ভিতৗর
মান্ মেনাঃ খেরোওয়াল,
সাহার বাজার পাতা করে
লাজাও গেতম আরোওয়াল ।
বাবু তালে আলে রিনিজ
সমাজ রেনাঃ আরি,
যতন গেয়ায় তিরয়ো বানাম
তুমদাঃ টামাক্ জুরি ।
লেবদা কাতে ডিজে বকস
ছৗতিক কোওয়াঃ এনেজ,
যায় যুগগে তাঁহেন আমাঃ
এনেজ্ গেনেজ্ গেনেজ ।
========= ᱞ ᱧ ==========
মেনকো
কাথায় তাঁহে কানে
ঞুতুমান
গায়না হৗরি
নিয়ৗ
তেগেয় উরুম লেনে
বাডায়কো অরা পৗরি।
ঞুতুম
তায়দ কানুরাম সরেন
ওদালিয়ৗ দ জানাম,
গোয়ালতোড়
ব্লক মেদনীপুর জেলা
বাডায় গেকো সানাম।
কেঁকঁ
কেঁকঁ বানাম তায়গে
উনরে রেতা কেদায়,
মেৎতে
বায় ঞেঞেল রেহঁ,
নাপায় সেরেঞ লেদায়।
দং
লাগড়ে বাহা সহরায়
লাকচার সেরেঞ কানা,
সুর
আতে রাহা গেতায়
একাল নিঠুর অনা।
সনৎ
সাঁওতা তালা মালা
মানতানে লেখা এনে,
পছিম
বাংলা সরকার ঠেনখন
গুণিজন সারহাও লেনে।
আকাশ
বানী কোলকাতা গেথ
সান্তাড়ী আখড়া অনে,
কুইলি
আড়াং সেবেল রাহা
রৗড় লেদে হানে।
রেডিও
রেদ রাঁওয়া তায়া
সেরেঞ অকা অকা,
হড়াঃ
মনেরে তারকো উনগে
দিসৗ দহয় লেকা।
========= ᱞ ᱧ ==========
ফৗগুন বঁগা পাড়াও এনা
বির দিশম দারে সাকাম
পাঁডু ঞুরুয়েনা।
বির মহল দিশম গটা
নাওয়া রুপতে সাজাও এনা
মুরুৎ বাহা বাহায়েনা।
দারে ডৗররে চেঁড়ে চের্বের্
মুরুৎ বাহারে লুতি তেরম
ঞেলে ভাওয়ার হর্বর্।
রৗস্কৗতে তুড় চুড়ুব চুড়ুব
মুরুৎ দারে রেয় দেজ:
রাসায় চেপেজ সর্বর্।
======= ᱞ ᱧ =======
পেড়া
পৗরবৗ সেটের লেনখান
সৗগুন দারাম লটাদাঃ,
লাঁগা
ফারনাও জিউয়ি রাড়েচ্
উনদ লাগাঃ বেরেলদাঃ।
সাঁগিঞ
দিশম পেড়া দারাম
সাঁগিঞ খনগে জোহার,
লটা
দাঃতে দারাম কাতে
চুটি থামাকুর বেওহার।
বাপলা
বিহৗ বঁগা বুরু
আরহঁ আচার বিচৗর,
লটা
দাঃতে সার সৗগুনঃ
সাঁওতা রেনাঃ নেমাচার।
======== মুচৗৎ =========
.webp)
.webp)
