(রুতি
কৗহনি)
সারিধরম হাঁসদা
নিরন দিন। বিরবুরু সাচারহে দ নিরৗইরে তাঁহেনা। অনকান অকতেগে বির দিসমরেন হড় দ লৗগতিয়ান সাহান সাকাম,
ঝৗন্টি ঝুরি সাঁওতে জম ঞু সাঞ্চায় লৗগিৎ, বিরবুরুগে তাক বরসা। অনাতে কুড়ি হপন ক দ-
আড়াঃ সিদ্,
সাকাম হেজ্,
সাহান পেটেজ্, কড়া হপন
ক দ-
হুরুৎ খুন্টুৎ কুটৗম লৗগিৎ বিরতে ক বলনা। জাওহিলঃ নংকাগে ঞেলঃআ বির দিসম রেনাঃ জিয়ন খাঁডাও চিতৗর।
এনহিলঃ হঁ অনকাগে বির দিসমরেন কড়া কুড়ি ক দ বিরতে
বলন লৗগিদ ক সাপড়াঃ কানা। অকয় দ ক লৗই এদা।
'হাপে ভালা উসৗরা সৗঁহিজ সাহান সাকাম অড়াঃতে হৗর হবর ইদি কাতে আরহঁ এটাঃ কৗমি ক কুদৗও হোয়োঃআ।'
নংকান জেজার কৗমি জহড়রে তাঁহেন অকতে, বির বলন মুহৗনরে, হাহাড়াগে মিৎটেন চিতৗর ক ঞেল কেদা। বির ভিতরিরে মিৎটেন হড় দ মিৎ সিডরি চেতান সেৎ কয়ঃ থির কাতে চেৎচয় ঞেল এদা। বাংদ ভালা ! চেলেগে বাং সেরমা চটরেদয় ঞেল ঞাম আকাদে? অনা খৗতির অনতেগেয় কয়ঃ থির আকাদা ? উনি হড়াঃ অনকান হাহাড়া কয়ঃ থির ঞেল কাতে, বিরতে চালাও আকান সানাম হড়গে অৗডি ক হাহাড়ায়েনা।
মিৎ ঘৗড়িতে গটা বিরবুরু তলহাট চাঁওফাটাও গৎএন সাঁওতে ঢাম কাথাহঁ ডামডাহেয়েনা।- ' 'অকা রিনিজ অকয় হড় চ জেওয়েৎ সেরমা বঁগা, তড়ে সুতৗমতে আঁড়গো হিজুঃ এ ঞেল ঞাম আকাৎ কওয়া। উনকু বঁগা দ বাংমা ধৗরতিরেন মানওয়া থুম চাল আকো লৗগিৎগে কো আঁড়গো হিজুঃ কানা। অনা আঁজম কাতে বিরতে চালাও আকান হড় দ আকোআঃ জেজার কৗমি হিঁড়িঞ কাতে উনি হড় ঠেন কো দৗড় জাওরায়েনা। আদ উনি চেতান সেৎ এ কয়ঃ আকাৎ হড় লেকা আকো হঁ অনতেগে ক কয়ঃ ভেদরে ক তাঁহেয়েনা। মেনখান উনকু হড় দ অৗড়ি ঘৗড়িচ কয়ঃথির কাতে রেহঁ চেলেগে বাং ক ঞেল ঞাম লেৎ কওয়া। মিৎ বার হড় দ সেরমারে অটাং চালাঃ কান রাহলা ঞেল কাতে ভেওনাতে ক মেনগৎ এদা। 'বাংমা-
বঁগা দ ক ঞেল ঞাম লেনা। রাহলাতে ক দানাং এনা।'
বৗসয়ৗম খন তিকিন গৎ এনা। এনতে রেহঁ হড় দ চেলেগে বাং ক ঞেল ঞাম লেৎ ক খৗতির, উনি চেতান সেৎ এ কয়ঃ আকাৎ হড় ঠেন ক সেন সোর এনা। ভাগে লেকা পরখ কতে ক ঞেলেয়া। উনি দ কংকা হড় !! বাড়ায় কাতে সানাম হড় ক খামখুসুজ এনা। মেন কেদা ক- 'ও-হায়রে! উনি কংকা হড় খৗতির ঝত কৗমি বেরবাদ চাবায়েনা।
.webp)
.webp)
