(রুতি কৗহনি)
হুদিস
দুর্গাচরণ মুরমু
শাহার-বাজার খন আতো-টলা গটাগে অন লাইন শোপিং আডি রমরমা চালাঃ কানা। নাপায় নাপায় সামান হাতাও রেনাঃ হিড়িক ঞেলঃ কানা। হরঃ বাঁদে খন এতহব কাতে রান-মুরগৗন,মোবাইল,ইলেকট্রনিক সামান জা যাবতীয়।
আমদো মিৎ ধাও অর্ডার মেসে, আমাঃ আতো অড়াঃ
যাঁহাতিনাঃ বির বুরু গাজাড় ভিতির রে তাহে হচোওয়ান সে; অর্ডার সামান ফোন ফোনতে আমাঃ অড়াঃ ক আগু সেটের হটো আমা।
বরাভূম পোস্ট আপিস রেন পোস্ট মাস্টার রিমিল বাবু সেরমারে পেয়া-পুনয়া সামান দ অন লাইন শোপিং তেগেয় হাতাওআ। নোঅই ত হালে গে মিৎটান ব্লু টুথ হেড ফোনে অর্ডার লেদা আয়াঃ অড়াঃ মাতকমডি তেক আগু হটো আকাদেয়া কেস অন ডেলিভারি তে।
তুরুই চান্দো তায়ম, মিৎ দিন রিমিল বাবু এনে গে অড়াঃ খন ডিউটি চালাঃ এ মহডা আকানা, উন অক্তে মিৎটান নাওয়া নাম্বার খন ফোন হেজ আদেয়া।
ফোন রিসিভ তরা,হানাসা খন আঁজম এনা
-আম কী রিমিল বাবু?
রিমিল বাবু-হেঁয় লৗই কেদা।
আম কী মিৎটান ব্লু টুথ হেড ফোনেম অর্ডার আকাদা?
রিমিল বাবু ইউহৗর বাড়া কাতেয় মেন কেদা-অনকা ত বাঞ দিশৗয়েদা ! হাপে অড়াঃ রিঞ কুলি লেকো গে। মেন কাতে ফোনে কাটাও কেদা। অড়াঃ রেন পাসেৎ জাহায় ক অর্ডার আকাদা।
অড়াঃ খন বাং অর্ডার রেনাঃ কাথা মেন কেদা।
ডেলিভারি বয়ে মেন কেদা-গমকে, নোওয়া সামান দ আমাঃ
ঞুতুম তে হেজ আকানা।
তবে বাম হাতাও খান ক্যানসেল কাগ্ কানিঞ।
ক্যানসেল রেনাঃ মিৎটান ওটিপি নাম্বার আমাঃ ফোন রে চালাঃআ --অনা নাম্বার নিতগে ভেজা ইঞমে এনখান গে অর্ডার ক্যানসেলঃ তামা।
রিমিল বাবু -ডেলিভারি বয় ওটিপি নাম্বারে এমাদেয়া। আর বাইক স্টাট কাতে আপিস তেয় চালাও এনা। আপিস রেনাঃ কৗমি অক্তে মিৎ ঘন্টা বাদ মোবাইল উডুক কাতেয় ঞেল এদা মড়ে-গেল হাজার টাকা আয়াঃ ব্যাঙ্ক একাউন্ট খন কাটাও আকানা-।
.webp)
.webp)
