আবোওয়াঃ ডিজিটাল ডেস্ক- যাঁহারে
গটা বাংলা পূজা রেনাঃ রৗস্কৗতে মাতাও আকানা ঠিক অনকান অক্তেগে আদিবাসী হড়কো তালারে
রৗগি আর কাঁহিশ রেনাঃ ঝালাক ঞেল ঞাম আকানা।পছিমবাংলা পনৎ সরকার পাহটা খন দহড়া কারতে
কুঁড়বি মাহাত গাঁতাত রেন হড় এসটি রে সেলেদঃ লৗগিৎ দিল্লীরে চিঠি ভেজা আকাদ্ খৗতির আদিবাসী কো তালারে রৗগি আরহঁ বৗড়তি আকান তাকোওয়া
মেনতেগে আদিবাসী কল্যাণ সমিতি খন বাডায়ঃ কানা।
অনাতে তেহেঞ ৪ অক্টোবর, আদিবাসী কল্যাণ সমিতি পাহটা
খন ট্রাইবাল অ্যাফেয়ার্স মন্ত্রী অর্জুন মুন্ডা সাঁও নোওয়া ইদিকাতেৎ কো রপড় এনা। কুঁড়বি
মাহাত গাঁতাত রেন হড় এসটি রে সেলেদঃ রেনাঃ রড়দারাম গে তাঁহেকানা মুড়ুৎ গাপালমারাও।অনাবেগর
একলব্য মডেল রেসিডেন্সিয়াল স্কুল আর বাখরা জুড়ু লেবেৎ লটম কাতে আশা কৗ্মিয়ৗ কো হাতাওয়ঃ
কান অনা বাবদ তেঁহ সমিতি পাহটা খন মানতান মুন্ডা বা্ডায় অচো হোয় আকানা।
পশ্চিমবঙ্গ আদিবাসী কল্যাণ সমিতি সেন্ট্রাল কুমুট
রেন অ্যা.সেক্রেটারী প্রশান্ত মান্ডি আবোরেন খবরিয়ৗয় বাডায় অচো আকাদেয়া বাংমা আডি নাপায়
গালচ্ গে হোয় আকানা আর অনা গাপালমারাওরে ওনকো হঁ কুশি আশা কো দহ আকাদা। তবে নঁডেগে
আটকাও বাং তাঁহে কাতে উনি আরহঁয় লৗই তরা কেদা দারায় কান ১৮ অক্টবোর আরহঁ ঢের কেটেজ্
কাতে পশ্চিমবাংলা রেনাঃ সানাম ডি.এম. ঠেন নোওয়া ইদিকাতে জমেলায় আর ডেপুটেশন এম হোয়োঃআ
অনারে সানাম আদিবাসী গাঁতাত রেন হড় আর সানাম সংগঠন রেন হড় কো তাঁহেনা।
তেহেঞাঃ স্মারকলিপি এম জহঃ পশ্চিমবঙ্গ আদিবাসী
কল্যাণ সমিতি সেন্ট্রাল কুমুট রেন অ্যা.সেক্রেটারী প্রশান্ত মান্ডি, সেন্ট্রাল আইটি
সেল রেন সহেদ্ রামপদ সিং সর্দার, পুরুলিয়া জেলা চাঁগা রেন সভাপতি সতন কুমার সরেন,
সেক্রেটারী গনেশ চন্দ্র মাহালী, বরাবাজার ব্লক ইউনিটরেন সেক্রেটারী সুধীর চন্দ্র বাস্কে
এমান সেটের কো তাঁহেকানা।
.webp)
.webp)
