সারাঘৗড়িচ্ আমদ মোবাইল গে উয়ুং কাঃমে। গিদ্রৗ হঁ পাড়হা বাম দুড়ুপ দাড়েয়াকিন কানা?অৗডি রৗগি সাঁহিচ্ গে অড়াঃ গমকে নোওয়া কাথায় আঁজম আদিঞা। ইঞ হঁ এন হিলোঃ দ ওনকো কুঁড়বি কোওয়াঃ রেল আটক ঞেল তে বহঃ ক ঠিক বাং তাঁহেকান তিঞা। তেহেঞ পে-পোন মাহা হোয়োঃ কানা সানাম সেনাঃ রেল গৗডি কো আটক দহ আকাদা। সরকার হঁয় জৗপিদ্ আকাদা।বায় ঞেঞেল কানা। আদিবাসীকো নাসেনাঃ কো আঁন্দোড় লেখান খবরিয়ৗ কহঁ হিনৗনিয়ৗ অল কাতেৎ খবর সাকামকো পেরেচ্ গঃৎ কাআ।
নঁতে কুঁড়বি কো আদিবাসী বাং কান রেহঁ আদিবাসী ঞুম কাতে আরহঁ এসটি রেনাঃ দৗবীকো দহয়েদা।মাসে নংকারেদ অকয়াঃ বহঃ বেশ তাঁহেনা। অনাতে ইঞহঁ ফটকা অটেজ্ লেকাঞ রড় রুওয়ৗড় আদেয়া- আরে অলঃপাড়হাও কাতেৎ আদ চেৎ হোয়োঃ আ? কুঁড়বি কো কো এসটি কানা। ওনকো গেতো হাপেন সানাম সিট কো দখল চাবায়া। আমরেন গিদরৗ দ উনরে চাহাব কাঃ আয়?
নুনৗ রৗগি কাথা ইঞাঃ মচা খন অড়াঃ গমকে তিসহঁ বায় আঁজম আকাদা।এনহঁ জঁডরা আতা অটেজ লেকা আচ্ হঁয় রড় ইদিকেদা। অকাদঞ লুতুর আদ্ অকাদ বাং।নঁতে জমেলায় রেনাঃ তাড়াস তেহঁ সানাম কাথা বাং আঁজম লেন তায়া।এনহঁ আদম দঞ আঁজম তেবাঃ কেৎ গেয়া- আর হড় দ ঠিক আকোরেন গিদ্রৗ অক্তমাছা কো পাড়হাও কোওয়া। আমগে একলা সমাজ সুসৗরিয়ৗ মেনাঃ মেয়া,বাং? আমেম রড়দারাম লেখান গে জৗনিচ্ আম একলা তেগেম আটক তাকোওয়া। আমাঃ অড়াঃ মাড়াং সুসৗর লেম, ইনৗতায়ম সমাজ এম সুসৗরা।আরহঁ এমান এমান বার-সতর। তবে সেদায় খনগে সানাম কাথাকো ইঞাঃ লুতুররে বাং সাহব তিঞা।
নঁতে কুঁড়বি কোওয়াঃ জমেলায় রেনাঃ চিতৗ্র আর নঁতে অড়াঃ হড়াঃ গাঁজন তে কারেন্ট আকান হড় লেকাঞ থার থারাঃ কানা। অনকান অক্তরেগে কলিং বেল সাডেয়েনা। দুয়ৗর ঝিচ্ কাতেঞ ঞেলে গিদৗর রেন ড্রয়িং স্যার। তেহেঞ সানডে কানা মেনতে একাল দিসৗ হঁ বৗনু আ।
তেহেঞ সারাবেড়াঃ অকয়হঁ অকয় সেন কয়ঃ বাং রড় বাং। ঞিদৗবেড়া জৗপিৎ অক্তে আটেৎরে অড়াঃ গমকেয়াঃ কাথাকো হানতে নাতে তে পাপাটিঞ কান লেকাঞ আয়কৗও এদা।তবে চেৎ অড়াঃ গমকেয়াঃ কাথা লেকাতেগে আর কো লেকাঞ অৗচুরঃ আ সে হৗটিঞ জুড়ু যাঁহায়কো রেচ্ হাতাও এদা ওনকো বিরুধরে আঁদোড় ইঞ এহবা। নংকা কাতে সাড়াসৗতিঞ ঞিদৗঞ গটা কেদা- অড়াঃ হড়কো হোয়োঃ আর বাহরে হড়কো হোয়োঃ বৗড়িচ্ বিরুধরে তেহেঞ খনগে ইঞাঃ লৗড়হৗই তঁগেয়েনা…….।
.webp)
.webp)
