কিষ্কিন্ধ্যা মুরমু, বান্দোয়ান - গুরু গংকে রঘুনাথ মুরমু, সাধু রামচাঁদ মুরমু ,সারদা প্রসাদ কিস্কু, বিরসা মুন্ডা ,রেভাঃ পি .ও বোডিং, নারায়ন সরেন " তোড়ে সুতৗম " এমান কোওয়াঃ জানাম মাহা যাওগে মানাও আগুওয়াকাদায় পুরুলিয়া জিলৗ সানতালি লিটারেরি ফোরাম। অনকাগে হলা ২ অক্টোবর '২২ সিঁগিমাহা হিলোঃ পুরুলিয়া জেলা রেনাঃ বান্দোয়ান জাপাঃ খেরওয়ালডিরে ফোরাম আঃ সাপড়াওতে মাঝি রামদাস টুডু "রেসকা " আঃ সৗগুন জানাম মাহাহঁ মানাও এনা । অনা মাহারেগে জাতির জনক মাহাত্মা গান্ধীয়াঃ জানাম মাহা তাঁহেলেনতে উনিহঁ মানত্ সালাঃ কো উইহৗর তরা কেদেয়া ।
আখড়ারে মারাং পেড়া লেকাতে সেটের তাঁহে কানায় গৗখুড়ান অনলিয়ৗ অনড়হিঁয়ৗ মানতান গোমস্তা প্রসাদ সরেন ,মৗনান পেড়া অনলিয়ৗ মানতান সারদা প্রসাদ কিস্কু (খে.বৗ) ," সিলি " পাথাম সাপড়াওয়িচ মানতান কলেন্দ্রনাথ মান্ডি সাঁওতে "তেতরে "পাথাম সাপড়াওয়িচ মানতান মহাদেব হাঁসদা। অনলিয়ৗ, অনড়হিঁয়ৗ মানতান সুধীর কুমার মুরমু ,মানতান সতন সরেন,মানতান আমিনেস্বর হেমব্রম এমান গোমকে কহঁ সেটের কো তাঁহেকানা।
আখড়ারে মাঝি রামদাস টুডু " রেসকা "আঃ চিতৗর মুঠৗনরে বাহামালা আরাও কেদায় গৗখুড়ান অনলিয়ৗ গোমস্তা প্রসাদ সরেন ,মিৎ টুসৗ কাতে বাহা এম চাল কেদাকো সাঁগে অনলিয়ৗ, অনড়হিয়ৗ কো। গালমারাও তালাতে রাকাপ্ হেচ্ এনা মাঝি রামদাস টুডু আর সানতালি সাঁওহেৎ,নিতাঃ সানতালি সাঁওহেৎ রেয়াঃ হালচাল ইদি কাতে। আখড়ারে অনড়হেঁ বাঁখেড় রেনাঃ হঁ বনধেজ তাঁহেলেনা ।
মৗনান পেড়া সারদা প্রসাদ কিস্কু (খে.বৗ)আঃ কাথারে বাডায় ঞাম এনা বাংমা মাঝি রামদাস টুডু ‘রেসকা’ দ সান্তাড়ি সাঁওহেৎ রেন পৗহিল উতৗর তেনিচ অনলিয়ৗ কানায়। "খেরওয়াল বংশা ধরম পুথি " অনুবাদ আকানা। নওয়া ইদিকাতে নিত হঁ গবেষনা রেনাঃ লৗকতি মেনাঃ আকাদা। গবেষনা রেনাঃ ভিৎ দয় তেয়ার আকাদা মৗঝি রামদাস টুডুগে । "
আখড়া রেন বৗইসি লেকাতেদ তাঁহে কা্নায় মানতান মহাদেব হাঁসদা। ফোরামরেন সেক্রেটারি মানতান অরুন কুমার সরেন সেটের লেন সানাম অনলিয়ৗ অনড়হিঁয়ৗ কো মৗন মানত্ সালাঃ সারহাও চাল সাঁওতে ঞেঞেলিয়ৗ-আতেনিয়ৗকো জোহার বাড়ায় অচো কাতেগে আখড়া রেনাঃ কৗমি হরা মুচৗদ্ এনা।
.webp)
.webp)
