আবোওয়াঃ ডিজিটাল ডেস্ক- হলা ২ অক্টোবর খন পুরুলিয়া জিলৗ আড়ষা থানারে মেনাঃ সনত্ তারাস ক্লাব আঃ সৗহিজুহিতে দুর্গা পূজা ছুটিরে গেল আর গেল বার চানাচ রেন অভাবিয়ৗ আদিবাসী পৗঠুওয়ৗ কো লৗগিৎ ফ্রি তে কোচিং ক্লাস এহব এনা কান্টাডি হাই স্কুলরে। নোওয়া কোচিং ক্লাস চালাঃ আ ২৭ অক্টোবর হৗবিচ্।
যাও সেরমা লেকাগে নেশহঁ সনত্ তারাস ক্লাব আঃ সৗহিজুহিতে দুর্গা পূজা ছুটিরে গেল আর গেল বার চানাচ রেন অভাবিয়ৗ আদিবাসী পৗঠুওয়ৗ কো লৗগিৎ ফ্রি তে কোচিং ক্লাস এহব এনা কান্টাডি হাই স্কুলরে। বাডায় আকানা পারমেন বার সেরমা কোভিড আওহালতে নোওয়া কোচিং হৗপিদ্ তাঁহেলেনা। ক্লাবরেন সেক্রেটারী মানতান বুদ্ধেশ্বর বাস্কে আবোরেন খবরিয়ৗয় বাডায় অচোয়াকাদেয়া বাংমা নংকান কোচিং ক্লাস দ ক্লাব পাহটা খন সেরমারে বার ধাও সাপড়াওয়ঃআ, দুর্গা পূজা ছুটি আর নিরন ছুটিরে।
আরহঁ বাডায় আকানা- চালাঃ কান কোচিংরে এহব দিনরেগে গেল আর গেল বার চানাচতে ৮০ গটাং পৗঠুওয়ৗ বৗ্বু-মৗই তাকো কো সেলেদ্ লেনা। আর হঁক সাঁগে আঃ মেনতেহঁ বাডায় আকানা।ক্লাব রেন ক্যাশিয়ার মানতান মহেশ মুরমু লৗই সদর কেদা বাংমা আর আর সেরমা করে ১৫০ খন ২০০ হৗবিচ্ পৗঠুওয়ৗ কো নোওয়া কোচিং রেনাঃ দাওক হাতাও আকাদা। নেশহঁ অনকাগেকো হুয়ুঃ আ মেনতে আঁশ এ দহ কেদা।
নোওয়াহঁ বাডায় আকানা বাংমা পুরুলিয়া জিলৗ রেনাঃ আড়ষা, বলরামপুর, বরাবাজার, কেদাঁ, টামনা এমান থানা করে খন পৗঠুওয়া কো নোওয়া কোচিং রেকো সেলেদঃ কানা। আদম কদ সোর সোপোর মামা অড়াঃ, হাতম অড়াঃ আর বাংখান সাঁগিন পেড়া কাতেহঁ নোওয়া কোচিং রেকো সেটেরঃআ মেনতে বাডায় আকানা। কোচিং কন্ট্রোলার মানতান জিতেন্দ্রনাথ হেম্ব্রম পৗঠুওয়ৗ কোওয়াঃ কোচিং চেতান পৗতিয়ৗও আর ভরসা মেনাঃ তাকোওয়া মেনতেহঁয় লৗই তরা কেদা।
নোওয়া কোচিং উঢৗও আখড়ারে ক্লাব রেন গৗখুড়িয়ৗ কো মুদ্রে মানতান বীরসিং হেম্ব্রম, গোপীনাথ হেম্ব্রম, সিতেন মান্ডি আর ক্লাবরেন কৗমিয়ৗ ক মুদ্রে মানতান সঞ্জিত মুরমু, শত্রুঘ্ন টুডু, রবিশ্বর মান্ডি, কালিদাস হেম্ব্রম, রসিক মুরমু, জলেশ্বর মান্ডি, বিশ্বজিৎ সরেন সাঁওতে সাঁওতা দরদিয়ৗ মাচেৎ ডঃ জলধর কর্মকার আর মাচেতানি জয়ন্তী মুরমু এমান গোমকেকো সেটের তাঁহেকানা।
কোচিংরে সেটের লেন সানাম পৗঠুওয়ৗ কো ক্লাব পাহটা খন দুলৗড় থুম আর মাচেৎ মাচেতানি কো গুণমানাও জোহার কিন চাল আৎ কোওয়া ক্লাব সভাপতি মানতান মনসারাম হাঁসদা আর সেক্রেটারী মানতান বুদ্ধেশ্বর বাস্কে গোমকে তৗকিন।
.webp)
.webp)
