.webp)
আবোওয়াঃ কাথা ডিজিটাল ডেস্ক খন উছৗনঃ কান গিদ্রৗ
সাঁওহেৎ বাখরা ‘চেরেচ্ আড়াং’ ঞেলতে ঞেলতে মিৎ শায় লেখায় পারম ইদি কেদায়। অনাতে সানাম
অনলিয়ৗ, সাঁওহেৎ দরদিয়ৗ, পাঠকিয়ৗ কো ঠেন তাঁহেয়েনা আলে পাহটা খন শায় শায় সারহাও। ‘চেরেচ্
আড়াং’ তঁগে গে তাঁহেন কানা। -(সাসাপড়াওয়িচ্)
“আবোওয়াঃ
কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি
‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে।
অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱠ ᱤ ᱥ ᱠ ᱤ ᱱ ᱫ ᱷ ᱟ ᱢ ᱩ ᱨ ᱢ ᱩ, ᱨᱟᱢᱞᱟᱞ ᱴᱩᱰᱩ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱨᱟᱢᱯᱚᱫᱚ ᱠᱤᱥᱠᱩ, বাড়তাং সরেন, দুগাই টুডু, সিতেন মান্ডি, সনাতন টুডু, দুর্গাচরণ মুরমু , সুচাঁদ হাঁসদা।
ᱡᱟᱡ ᱟᱠᱟᱱᱟᱭᱦᱟᱹᱱᱤ,
ᱠᱤᱭᱚᱲ ᱠᱚᱭᱚᱲ ᱥᱤᱢ ᱮᱸᱜᱟ ᱢᱟᱭ
ᱛᱮᱭᱟᱨᱮᱠᱟᱱ ᱨᱟᱹᱱᱤ ᱾
ᱡᱮᱞ ᱫᱚ ᱵᱟᱹᱪᱚᱧ ᱡᱚᱢᱼᱟ,
ᱮᱲᱮ ᱠᱟᱛᱷᱟ ᱮᱠᱟᱞ ᱚᱠᱚᱭ
ᱵᱟᱝᱜᱮ ᱠᱚ ᱟᱸᱡᱚᱢᱟ ᱾
ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ
ᱟᱥᱟᱲ ᱵᱚᱸᱜᱟ ᱜᱚᱸᱜᱷᱟ ᱨᱚᱠᱚᱡ
ᱦᱚᱸᱥᱚᱨ ᱛᱮᱠᱚ ᱪᱟᱞᱟᱜ,
ᱟᱸᱫᱩᱨ ᱢᱟᱸᱫᱩᱨ ᱦᱚᱯᱚᱱ ᱢᱟᱹᱭ ᱢᱟᱭ
ᱜᱟᱛᱮ ᱯᱮᱲᱟ ᱛᱟᱞᱟᱜ ᱾
ᱯᱮᱲᱟ ᱵᱟᱠᱚ ᱧᱮᱞᱚᱜ,
ᱥᱮᱴᱮᱨᱮᱱ ᱠᱚ ᱜᱚᱸᱜᱷᱟ ᱨᱚᱠᱚᱡ
ᱵᱤᱫᱟᱹᱭ ᱢᱟᱦᱟ ᱦᱤᱞᱚᱜ ᱾
========= ᱞ ᱧ
=========
ᱥᱮᱨᱢᱟ ᱞᱟᱯᱷᱟᱝ
ᱠᱩᱱᱟᱹᱢᱤ ᱪᱟᱸᱫᱳ
ᱡᱳᱞᱳᱜ ᱞᱮᱠᱟᱭ ᱧᱮᱞᱚᱜ ᱾
ᱯᱩᱸᱰ ᱨᱤᱢᱤᱞ
ᱩᱰᱟᱹᱣ ᱵᱟᱲᱟᱭ
ᱟᱝᱠᱚᱱ ᱞᱮᱠᱟ ᱛᱚᱞᱚᱜ ᱾
ᱚᱣᱟᱝ ᱛᱟᱞᱟ
ᱱᱩᱱᱟᱹ ᱢᱚᱡᱽ
ᱪᱤᱠᱟᱹᱛᱮ ᱵᱮᱱᱟᱜ ᱵᱷᱟᱞᱟ ᱾
ᱚᱛ ᱥᱮᱨᱢᱟ
ᱢᱤᱞᱚᱱ ᱦᱟᱹᱵᱤᱪ
ᱡᱷᱚᱛᱚᱢ ᱨᱚᱝᱛᱮ ᱜᱷᱮᱣᱞᱟᱜ ᱾
ᱥᱟᱺᱜᱤᱧ ᱦᱟᱱᱮ
ᱞᱟᱯᱷᱟᱝ ᱪᱟᱞᱟᱜ
ᱱᱟᱹᱭ ᱜᱤᱛᱤᱞ ᱞᱮᱠᱟ ᱾
ᱛᱤᱪ ᱪᱟᱞᱟᱜ
ᱡᱮᱞᱮᱧ ᱤᱫᱤᱜ
ᱡᱤᱨᱤᱦᱤᱨᱤ ᱥᱮᱨᱢᱟ ᱡᱚᱠᱷᱟ ᱾
========= ᱞ ᱧ
=========
ᱚᱞᱚᱜ ᱯᱟᱲᱦᱟᱣ ᱢᱮ
ᱵᱩᱨᱫᱷᱤ ᱟᱨᱡᱟᱣ ᱢᱮ,
ᱵᱩᱜᱤ ᱵᱟᱹᱲᱤᱡ ᱩᱯᱨᱩᱢ ᱡᱚᱝ ᱢᱮ ᱾
ᱟᱹᱠᱤᱞ ᱦᱟᱛᱟᱣ ᱢᱮ,
ᱥᱩᱠᱷ ᱱᱤᱨᱟᱹᱭ ᱡᱤᱭᱟᱹᱲ ᱫᱚᱦᱚᱭ ᱢᱮ ᱾
ᱵᱩᱜᱤᱭᱟᱜ ᱞᱟᱦᱟᱭ ᱢᱮ
ᱵᱟᱹᱲᱤᱡᱟᱜ ᱥᱟᱦᱟᱭ ᱢᱮ,
ᱥᱟᱶᱛᱟ ᱨᱤᱞᱟᱹ ᱢᱟᱞᱟ ᱥᱩᱫᱷᱟᱹᱨ ᱡᱚᱝ ᱢᱮ ᱾
========= ᱞ ᱧ
=========
ᱩᱰᱟᱹᱜ ᱩᱰᱟᱹᱱ ᱜᱟᱰᱤ ;
ᱜᱮᱱᱮᱪ ᱚᱱᱮ ᱧᱮᱞᱚᱜ ᱠᱟᱱᱫᱚ
ᱦᱩᱰᱤᱧ ᱱᱤᱱ ᱩᱰᱤ ᱾
ᱵᱟᱹᱭ ᱞᱮᱜᱮᱢ ᱞᱟᱦᱟ ᱪᱟᱞᱟᱜ-ᱟ
ᱥᱮᱨᱢᱟ ᱪᱚᱴ ᱛᱟᱞᱟ ;
ᱦᱟᱱᱮ ᱦᱚᱯᱚᱱ ᱠᱚᱭᱚᱜ ᱢᱮᱥᱮ
ᱪᱤᱠᱟᱹᱜ ᱠᱟᱱᱟᱢ ᱵᱷᱟᱞᱟ ᱾
ᱦᱩᱰ ᱦᱩᱰᱜᱮ ᱟᱫᱚᱢ ᱥᱟᱰᱮ
ᱟᱫᱚᱢ ᱟᱜᱫᱚ ᱵᱟᱝᱜᱮ ;
ᱦᱚᱲᱠᱚ ᱧᱤᱨᱟᱜ ᱥᱩᱨ ᱥᱟᱸᱹᱜᱤᱧ
ᱥᱤᱧ ᱧᱤᱫᱟᱹᱜᱮ ᱥᱟᱸᱜᱮ ᱾
ᱦᱚᱯᱚᱱ ᱟᱞᱮ ᱫᱮᱡᱽᱚᱜ ᱦᱟᱯᱮᱱ
ᱚᱞᱚᱜ ᱯᱟᱲᱦᱟᱣ ᱠᱟᱱᱮ ;
ᱫᱤᱱᱟᱢ ᱞᱮᱠᱟ ᱚᱞᱚᱜ ᱫᱩᱲᱩᱵ
ᱠᱩᱨᱩᱢᱩᱴᱩᱛᱮ ᱚᱱᱮ ᱾
ᱥᱩᱨ ᱥᱟᱸᱹᱜᱤᱧ ᱫᱮᱥ ᱫᱤᱥᱚᱢ
ᱩᱰᱟᱹᱱ ᱜᱟᱰᱤ ᱫᱟᱹᱲᱟᱜ ;
ᱦᱟᱱᱮ ᱧᱤᱨᱟᱜ-ᱟ ᱵᱟᱹᱭ ᱞᱮᱜᱮᱢ
ᱥᱟᱸᱹᱜᱤᱧ ᱧᱟᱞᱟᱜ ᱧᱟᱞᱟᱜ ᱾
========= ᱞ ᱧ =========
ᱞᱮᱫᱮᱢ ᱵᱩᱦᱤᱱ ᱴᱩᱥᱤ
ᱜᱟᱛᱮ ᱠᱟᱱ ᱛᱟᱭ ᱯᱩᱥᱤ
ᱛᱚᱣᱟᱭ ᱮᱢᱟᱭ ᱫᱟᱠᱟᱭ ᱮᱢᱟᱭ
ᱟᱹᱰᱤ ᱜᱮᱪᱚᱭ ᱠᱩᱥᱤᱜ ᱾
ᱵᱟᱭ ᱠᱩᱥᱤᱭᱟᱭ ᱯᱩᱥᱤ
ᱩᱛᱭ ᱪᱚᱨᱟᱭ ᱵᱮᱞᱮᱭ ᱪᱚᱨᱟᱭ
ᱯᱩᱥᱤ ᱜᱮᱪᱚᱭ ᱫᱩᱥᱤᱜ ᱾
ᱵᱟᱧᱪᱟᱣ ᱞᱟᱹᱜᱤᱫ ᱯᱩᱥᱤ
ᱧᱮᱞ ᱠᱮᱫᱮᱭᱟᱭ ᱥᱟᱵ ᱠᱮᱫᱮᱭᱟᱭ
ᱞᱮᱫᱮᱢ ᱠᱟᱱᱟᱭ ᱫᱩᱥᱤ ᱾
ᱮᱦᱚᱵ ᱠᱮᱫᱟᱭ ᱥᱩᱥᱤ
ᱵᱟᱝ-ᱮ ᱵᱟᱛᱟᱣ ᱡᱳᱲᱳᱭ ᱦᱟᱛᱟᱣ
ᱮᱢᱟᱭ ᱦᱳᱭᱳᱜ ᱯᱩᱥᱤ ᱿
========= ᱞ ᱧ =========
ᱪᱚᱞᱚ ᱵᱮᱴᱟ ᱥᱮᱱᱚᱜ ᱢᱮ
ᱚᱞᱚᱜ ᱪᱮᱫᱚᱜ ᱢᱮ ᱾
ᱟᱥᱲᱟᱨᱤᱧ ᱥᱮᱞᱮᱫ ᱠᱟᱢᱟ
ᱜᱮᱭᱟᱱ ᱟᱨᱡᱟᱣ ᱢᱮ ᱾
ᱢᱟᱨᱟᱝ ᱦᱚᱲᱚᱜ ᱢᱮ ᱾
ᱥᱟᱶᱛᱟ ᱛᱟᱞᱟᱨᱮ ᱵᱮᱴᱟ
ᱧᱩᱛᱩᱢ ᱫᱚᱦᱚᱭ ᱢᱮ ᱾
ᱫᱩᱲᱩᱵ ᱢᱮᱥᱟᱜ ᱢᱮ ᱾
ᱫᱤᱥᱚᱢ ᱠᱷᱚᱱᱟᱜ ᱫᱤᱥᱚᱢ ᱜᱳᱴᱟ
ᱟᱢᱫᱚ ᱥᱟᱸᱜᱷᱟᱨ ᱢᱮ ᱾
ᱮᱸᱜᱟᱛ ᱟᱯᱟᱫ ᱥᱟᱹᱜᱟᱹᱭ ᱾
ᱛᱚᱵᱮ ᱟᱱᱟ ᱦᱳᱭᱳᱜ ᱵᱮᱴᱟ
ᱦᱟᱯᱮᱱ ᱟᱢᱟᱜ ᱵᱷᱟᱹᱞᱟᱹᱭ ᱾
ᱟᱯᱟᱫ ᱧᱩᱛᱩᱢ ᱜᱮ ᱾
ᱦᱚᱲᱴᱷᱮᱱ ᱫᱚ ᱜᱳᱢᱠᱮ ᱨᱮᱦᱚᱸ
ᱤᱧᱴᱷᱮᱱ ᱫᱚ ᱜᱤᱫᱽᱨᱟᱹᱜᱮ ᱾
========= ᱞ ᱧ
=========
ᱢᱟᱨᱟᱝ ᱴᱚᱨᱚᱰᱟᱝ ,
ᱴᱚᱨᱚᱰᱟᱝ ᱨᱮ ᱡᱷᱟᱞᱤ ᱟᱠᱟᱱ
ᱵᱷᱟᱠᱩᱴ ᱵᱟᱨᱩᱰᱟᱝ ।
ᱟᱞᱩ ᱵᱮᱸᱜᱟᱲ ᱥᱟᱝ
ᱟᱰᱤ ᱥᱤᱵᱤᱞ ᱡᱤᱞ ᱛᱟᱭ ᱫᱚ
ᱵᱟᱱᱩᱜ ᱮᱠᱟᱞ ᱡᱟᱝ ।
ᱢᱟᱨᱟᱝ ᱩᱛᱟᱹᱨ ᱫᱟᱨᱮ
ᱧᱩᱛᱩᱢ ᱠᱷᱟᱱ ᱫᱚ ᱵᱟᱲᱮ
ᱵᱟᱞᱮ ᱥᱟᱠᱟᱢ ᱦᱮᱪᱽ ᱞᱮᱠᱷᱟᱱ
ᱡᱚᱨᱚ ᱟᱱᱟᱝ ᱞᱳᱲᱮ ।
========= ᱞ ᱧ
=========
হুয়ুঃ সাঁড়েসিয়ৗ
আডিয় পৗরুখিয়ৗ ।
বারয়া ঠোগাঁ আতে
তালারে দ সুতৗম জড়াও
কাথায় আঁজম যাতে ।
খবর সেরেঞ বাং সাডেরে
আচ্ তেগেয়ে বেনাও
কাডেজ খুন্টি রাচা তালা
তার কোতেয়ে জড়াও ।
কাগজ বাক্সা ঞাম লেখানে
C P U দ বৗনুঃরেহঁ
মেনাঃ গেয়া প্রিন্টার।
জড়াও দারে সাকাম
রবার আতেয় তল উরিজা
পাঙ্খা তালে সাকাম ।
উডৗও তরা টুপরি লাড়াঃ
হয়তে হিপিড় হিপিড় ।
মচাতেগে সাডে ইঞ্জিন
উডৗও সেরমা চেতান
কেটেচ্ অত্ মা চেতান ।
একাল ছিতির বিতির
রৗগি আতে মেৎদাঃ জরঃ
========= ᱞ ᱧ =========
অনলিয়ৗ কানায়,
আয়মা হড়’কো বাডায়।
উনি তাঁহে লেনে,
মিশনরে সেলেদ্ খৗতির গেত
অৗডি দাঁড়াও আনে।
ভাগেয় কৗমি কেদা,
সেদায় সেরেঞ কূডূম বিন্তি
থোড়ায় থুমৗল লেদা।
পতব তায়কো মেনা,
‘চাচো ছৗটয়ৗর’ পুঁথি তায়গে
উনরে উছৗন লেনা।
মঁজগে সদর লেনা,
হড়াঃ একাল লৗকতি লাগাঃ
সানাম হড়কো মেনা।
এনেমে দহ আনা,
অনা তেড়ং হড়কো নেতার
বেজাঁয়কো উইহৗরে কানা।
========= ᱞ ᱧ
=========
সেরমা রিমিল উডাঃ
দাঁশায় বঙ্গা ক্ষেত বৗইদ রে
হুড়ুগৗছি লাঁদায় লেকা হিলাঃ।
ঘানে উডৗও আদঃ
সেরমা সামুদ রে হেলকাও ছিলকৗও
ঞেলঃ নৗই গাডা লৗউকৗ।
দাঃ এ জৗড়িয়া
হুড়ু গৗছি ডম্ব আতে
দুলৗড়ে আড়িয়া।
সেরমা উডাঃ রিমিল
দুলৗড় কাতে চেরেচ মেনা
যে লেকা চাঁদো ইপিল।
অত খন সেরমা চট
অত্ সেন কয়ঃগ রেদ অতে অরা মনে
সেরমা কয়ঃগ রে মনে ঢাং অঃ অঁডে।
অকারে মেনাঃ সিরজন দাড়ে
মিৎ রুতি নং কা দাড়ে
চেচেৎ ক এমালেম সে বাড়ে।
========= ᱞ ᱧ =========
বাবাহঁয় লৗয় বাং ,
তাঁহে হোয়োঃ দানাং ।
আড়াঃ সিদ্কো চালাঃ ,
অড়াঃরে একলা তাঁহেন ,
গাতে সাঁওতিঞ তাঁহেন ।
খিলডু এনেজ বাড়ায় ,
চাঃ পে ছাড়াও বাড়ায়।
========= ᱞ ᱧ
=========
শিশির ঞুরুঃ পরয় পরয়,
গডারে বেঁগাড়-বিলাতি রহয়।
ঘাসতে দালোব হৗড়য়ৗর আকান,
ধৗরতী পুরী সাজাও আকান।
ঘাস চেতান জিড়িৎ-জিড়িৎ,
পুঁড রিমিল ডিগলৗ-ডিগলী,
লিবয়-লবয় হুরলৗ-হুরলী।
ফুটৗও বাহা জেগেচ্-জেগেচ্,
জতকো রৗস্কৗতে হেসেচ-সেকেচ।
বাহাঃ নাপায় স আতে,
মহকাঃ গটা চরক সতে।
ঞেলায় অতরে তামকা তাসে,
হালাং এত্কো গিদরৗ মাসে।
মঞ্জগে গুতু গালাং কাতে,
আডি রৗস্কৗ কুশি আতে।
========= ᱞ ᱧ
=========
=*=*=*= মুচৗৎ = *=*=*=
.webp)
.webp)
