আবোওয়াঃ ডিজিটাল ডেস্ক- পারমেন ৮ অক্টোবর পুরুলিয়া জেলা বোরো থানারে মেনাঃ জামতোড়িয়া জানাম দিশম উৎনৗও গাঁওতা আঃ ১৯ সেরমা পুরৗও লাকচার আখড়া অৗডি জাঁকজমক শালাঃ পারমেনা।
বাডায় আকানা গাঁওতা বেরেৎ তায়ম খনগে ফ্রী মেডিকেল ক্যাম্প, ফ্রী কোচিং, বিন গনংতে মেৎ পুরীক্ষা আর অপারেশন ডেরা, টীকা চালাওয়ানা, পতব, কম্বল, কৗউডি গড়ঃ সহদ্,সেমিনার, সারহাওনা, খেলোড আর লাকচার হেপরাও এমান নানাহুনৗর লাহান্তি কৗমিহরা গাঁওতায় সাপড়াও আগুয়েদা। নেশহঁ অনা করেনাঃ অকুলান বাং ঞেল লেনা।
লাকচার আখড়ারে ঞেল এনা গিদ্রৗ বাখরা কবি সারদা প্রসাদ কিস্কু আঃ অনল-গিদ্রৗ আঃ কয়ঃ অনড়হেঁ চেতান অঁড়হে হেপরাও, সানাম কো লৗগিৎ কবি কিস্কুওয়াঃ লাগড়ে সেরেঞ চেতান হেপরাও। চাষ, সেচেৎ আর সাঁওয়ার চেতান গালচ্ আখড়া সাঁওতে রাবাং সেটেরঃ মাড়াংগে রেঁগেচ্ হড় কো লৗগিৎ কম্বল দান, অভাবিয়ৗ পৗঠুওয়ৗ কো পতব এম চাল এমান কৗমিহরা হঁ ঞেল এনা।
আখড়া জিয়ৗড় দহয় লৗগিৎ সেরেঞ কৗরিগল বাবুলাল সরেন, মনোরঞ্জন টুডু আর মনোহর টুডু এমান রুসিকৗ কো সেটের তাঁহেলেনা।
আখড়ারে মৗনৗন পেড়া লেকাতে সেটের কো তাঁহেকানা মানতান নারায়ণ মান্ডি, বৈদ্যনাথ হেম্ব্রম, সমীর হেম্ব্রম, সঞ্জয় টুডু, অনল হেম্ব্রম এমান গোমকেকো।
মুচৗৎরে গাঁওতা সভাপতি মানতান সুব্রত বাস্কে আর সেক্রেটারী মানতান লক্ষীনারায়ণ হাঁসদা সেটেরলেন সানাম কো গুণমানাও সারহাও কিন চাল আৎ কোওয়া।
.webp)
.webp)
