আবোওয়াঃ ডিজিটাল ডেক্স - পারমেন ৭ই অক্টোবর ২০২২ হিলোঃ হুয় সৗরিয়েনা দশার সেরমা রুসিকৗ শুকলাল হাঁসদাঃ উনুইহৗরতে লাকচার আখড়া পুরুলিয়া জেলা রেনাঃ লেওয়াগাড়া আতোরে। আখড়া দয় সাপড়াও লেদা রুসিকৗ শুকলাল উনুইহৗর সেমলেৎ, গড় সপহৎরে তাঁহে কানায় লেওয়াগাড়া আতু ষোলো আনা ।
রুসিকৗ শুকলাল হাঁসদাঃ দ মিৎ ঞুতুমান রুসিকৗয় তাঁহেকানা। যাঁহায়া আয়ুরতে এনেচ সেরেঞ তালাতে দিসম দিসমে দাঁড়া অচোলেৎ কওয়া আরহঁ আয়মা রুসিকৗ ক। সুর সুপুর আতো করেন রুসিকৗ রুসিকিয়ৗ এনেচ সেরেঞ তালাতে জুমিৎ লেৎ কওয়ায়। মৗন সালাঃ নিয়ৗ মাহারে বঙ্গাবুরু সাঁওতে সেমলেৎ অড়াঃ উঢৗউ সৗরিয়েনা। রুসিকা শুকলাল হাঁসদাঃ আঃ বেনাও মুঠৗন সাঁওতে উঢৗউয়েনা মাঝি বাবা আর রুসিকা উইহৗর থান। রুসিকৗ শুকলাল উ্নুইহৗর সেমলেৎ সাপড়াও লেদায় লাকচার এনেচ সেরেঞ আখড়া। নেঁওতা লেন পোনয়া কারাম এনেচ দলাঃ কারাম দন উনুদেল এনা। রু্সিকৗ আঃ পারম আকান দিন রেনাঃ সাব দহ ভিডিও উনুদেল রেনাঃ বনধেজ তাঁহেকানা।
আখড়ারে মারাং পেড়া লেকাতে সেটের তাঁহে কানায় "তেতরে" পাথাম সাপড়াওয়িচ মানতান মহাদেব হাঁসদা । মৗনান পেড়া লেকাতে সেটের কো তাঁহেকানা মানতান গুরুপদ সরেন (সচিব, কলকাতা বিশ্ববিদ্যালয়), অনলিয়ৗ সুব্রত বাসকে,অনলিয়ৗ লক্ষীনারায়ণ হাঁসদা, অনলিয়ৗ সুনিল চন্দ্র হাঁসদা,ডাঃ নির্মলচন্দ্র টুডু সাঁওতে আয়মা গৗখুড় সুসৗরিয়ৗ সাঁওতা দুলৗড়িয়ৗ।
আখড়া চাচালাওয়িচ্ লেকাতে তাঁহে কানায় মানতান অনল হেমব্রম। রুসিকৗ শুকলাল হাঁসদাঃ উনুইহৗর আখড়ারে ঞেঞেলিয়ৗ লেকাতে আতো গাঁওলা হড় সাঁওতে সুর সুপুর খন আয়মা হড়কো সহর সেটের লেনা। আখড়া মুচৗৎরে নেঁওতা পেড়াওয়া গালচ আর উনুইহৗর শিরপৗ চাপাল তায়নম রুসিকৗ শুকলাল উনুইহৗর সেমলেৎ রেন বৗইসি গংকে মানতান ঘনশ্যাম হেম্ব্রম আখড়া দয় মুচৗৎ কেদা ।
.webp)
.webp)
