সিঁগি মাহা রেনাঃ সাকাম ‘চেরেচ্ আড়াং’ লেখা- ১১১

আবোওয়াঃ কাথা ডিজিটাল ডেস্ক খন উছৗনঃ কান গিদ্‌রৗ সাঁওহেৎ বাখরা ‘চেরেচ্‌ আড়াং’ ঞেলতে ঞেলতে মিৎ শায় লেখারে তিয়ঃ কেদায়। অনাতে সানাম অনলিয়ৗ, সাঁওহেৎ দরদিয়ৗ, পাঠকিয়ৗ কো ঠেন তাঁহেয়েনা আলে পাহটা খন শায় শায় সারহাও। ‘চেরেচ্‌ আড়াং’ তঁগে গে তাঁহেন কানা।  -(সাসাপড়াওয়িচ্‌)

 “আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।     

 

তেহেঞাঃ আখড়ারে যাঁহায় কো সেলেদ্‌ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱨᱟᱢᱞᱟᱞ ᱴᱩᱰᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, বাড়তাং  সরেন,  সুচাঁদ হাঁসদা, সনাতন টুডু, সিতেন মান্ডি,   রামপদ কিসকু, নিকোলাস  মারাণ্ডি, পি সি কিসকু রাপাজ, দুগাই টুডু,  দুর্গাচরণ মুরমু ,  দুলৗড় বিটি।

  

১।।

ᱢᱟ ᱨᱥᱟ ᱞ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱧᱩᱛᱟᱹᱛ ᱧᱤᱫᱟᱹᱼ ᱯᱟᱨᱚᱢ ᱠᱟᱛᱮ
           ᱦᱟᱱᱮ ᱦᱮᱡ ᱮᱱ ᱟᱸᱜᱟ,
ᱦᱚᱯᱚᱱ ᱵᱟᱹᱵᱩᱼ ᱱᱮᱦᱚᱨ ᱜᱚᱰ ᱟᱭ
             ᱥᱮᱨᱢᱟ ᱥᱤᱸᱜᱮ ᱵᱚᱸᱜᱟ ᱾

 

ᱥᱤᱸᱜᱨ ᱵᱚᱸᱜᱟᱼ  ᱟᱹᱜᱩᱭ ᱟᱸᱜᱟ
     ᱥᱮᱯᱮᱧ ᱠᱟᱛᱮ ᱢᱟᱨᱥᱟᱞ,
ᱯᱳᱨ ᱞᱟᱴᱟ ᱼ  ᱫᱤᱥᱚᱢ ᱜᱚᱴᱟ
          ᱧᱮᱞᱮᱱ ᱡᱷᱟᱞ ᱡᱷᱟᱞ ᱾

 
ᱟᱹᱨᱩᱵ ᱮᱱᱟ ᱼ ᱯᱷᱟᱨᱪᱟ ᱭᱮᱱᱟ
         ᱥᱟᱦᱟᱭᱮᱱᱟ ᱧᱩᱛᱟᱹᱛ,
ᱟᱹᱠᱤᱞ ᱜᱮᱭᱟᱱᱼ ᱦᱟᱢᱮᱴ ᱞᱟᱹᱜᱤᱫ
    ᱯᱟᱱᱛᱮ ᱧᱟᱢᱮᱱ ᱟᱹᱜᱼᱟᱹᱛ ᱾

 

                  (2)

 

ᱜᱟᱛᱮ ᱜᱟᱯᱟᱛᱮ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 
ᱪᱟᱦᱟᱵ ᱪᱟᱹᱴᱩᱨ    ᱢᱟᱴᱟᱨ ᱢᱩᱴᱩᱨ
          ᱦᱚᱨ ᱨᱮ ᱜᱚᱲᱚᱢ ᱦᱟᱲᱟᱢ,
ᱥᱟᱵ ᱨᱮ ᱴᱷᱮᱸᱜᱟ    ᱞᱟᱯᱲᱮ ᱞᱟᱸᱜᱟ
          ᱯᱷᱮᱨ ᱠᱟᱹᱴᱤᱛᱮᱭ ᱛᱟᱲᱟᱢ ᱾

 
ᱟᱸᱫᱷᱟᱲ ᱥᱚᱸᱵᱚᱫ     ᱨᱚᱸᱵᱚᱫ ᱨᱚᱸᱵᱚᱫ
             ᱜᱚᱴᱟ ᱴᱚᱞᱟᱭ ᱫᱟᱬᱟᱭ,
ᱦᱚᱯᱚᱱ ᱵᱟᱹᱵᱩ     ᱠᱩᱵᱩ ᱠᱩᱵᱩ
             ᱥᱟᱶᱛᱮ ᱜᱟᱛᱮ ᱠᱚᱜᱼᱟᱭ ᱾

 

======= ᱞ ᱧ ==========

২।। 

ᱦᱳᱭᱳᱜ ᱜᱮᱭᱟ

ᱥᱩᱵᱩᱫᱤᱭᱟᱹ   ᱢᱩᱨᱢᱩ

ᱥᱤᱢᱠᱚ  ᱨᱟᱜᱟ
ᱦᱚᱲᱚᱠᱚ  ᱮᱠᱷᱮᱱᱚᱜ --ᱟ ᱾

ᱛᱩᱭᱩᱠᱚ  ᱦᱩᱣᱟᱹᱭᱟ
ᱨᱟᱵᱟᱝ    ᱫᱟᱸᱫᱷᱮᱨᱚᱜ --ᱟ ᱾

ᱪᱟᱸᱫᱳᱭ  ᱛᱷᱟᱹᱨᱤᱜ ᱟ
ᱠᱩᱱᱟᱹᱢᱤ   ᱠᱩᱱᱟᱹᱢᱤᱜ --ᱟ ᱾

ᱯᱤᱭᱳᱭ  ᱯᱤᱭᱳᱭᱟ
ᱵᱟᱯᱽᱞᱟ  ᱥᱟᱜᱩᱱᱚᱜ --ᱟ ᱾

ᱢᱟᱹᱭᱮ  ᱡᱚᱦᱟᱨᱟ
ᱵᱩᱨᱩ ᱞᱮᱠᱟᱭ  ᱦᱟᱨᱟ -- ᱟ ᱾

======= ᱞ ᱧ ==========

৩।। 

ᱫᱟᱸᱥᱟ ᱭ  ᱵ ᱚᱸᱜᱟ

ᱨᱟᱢᱞᱟᱞ ᱴᱩᱰᱩ

 
 ᱞᱤᱞ ᱥᱮᱨᱢᱟᱨᱮ ᱩᱰᱟᱹᱣ ᱵᱟᱲᱟᱭ
        ᱛᱩᱞᱟᱹᱢ ᱞᱮᱠᱟᱱ ᱨᱤᱢᱤᱞ ,
 ᱠᱷᱮᱛ ᱛᱟᱞᱟᱨᱮ ᱯᱚᱴᱮ ᱦᱳᱲᱳ
         ᱦᱚᱭᱛᱮ ᱯᱤᱨᱤᱞ ᱯᱤᱨᱤᱞ ᱿

 
 ᱠᱷᱮᱛ ᱟᱲᱮᱨᱮ ᱠᱟᱹᱥᱤ ᱵᱟᱦᱟ
      ᱫᱳᱞᱮᱜ ᱯᱳᱨᱳᱭ ᱯᱳᱨᱳᱭ ,
 ᱡᱮᱞ ᱠᱚ ᱨᱟᱯᱟᱜᱽ ᱢᱟᱦᱨᱟ ᱠᱚᱲᱟ
        ᱫᱷᱩᱸᱟᱹᱜ ᱫᱳᱸᱜᱳᱭ ᱫᱳᱸᱜᱳᱭ ᱿

 
 ᱥᱟᱺᱜᱤᱧ  ᱨᱮᱠᱚ  ᱚᱨᱚᱝ  ᱚᱠᱚᱭ
       ᱛᱤᱨᱭᱳ ᱧᱚᱦᱚᱲ ᱧᱚᱦᱚᱲ ,
 ᱟᱪᱠᱟᱭ ᱫᱟᱜᱽ ᱛᱟᱨᱟᱥᱤᱧ ᱵᱮᱲᱟ
         ᱟᱹᱛᱩᱜ ᱚᱦᱚᱲ ᱵᱚᱦᱚᱲ ᱿

 
 ᱦᱮᱲᱦᱮᱫ ᱠᱚᱠᱚ ᱥᱮᱨᱮᱧ ᱜᱮᱭᱟ
         ᱨᱟᱦᱟ ᱨᱟᱬᱟᱝ ᱨᱟᱬᱟᱝ ,
 ᱦᱮᱸᱥᱮᱞ ᱰᱚᱜᱽ ᱦᱚᱸ ᱜᱩᱡᱩᱜ ᱜᱮᱭᱟ
         ᱥᱮᱛᱳᱝ ᱫᱟᱨᱟᱝ ᱫᱟᱨᱟᱝ ᱾᱾

 
 ᱜᱷᱟᱸᱥ ᱰᱚᱜᱽᱨᱮ ᱥᱮᱛᱟᱜ ᱥᱤᱥᱤᱨ
         ᱧᱮᱞᱚᱜ ᱡᱤᱸᱬᱤᱫ ᱡᱤᱸᱬᱤᱫ ,
 ᱚᱱᱟ ᱧᱮᱞᱛᱮ ᱪᱚᱰᱜᱚᱡ ᱦᱟᱠᱳ
          ᱫᱚᱱ ᱟᱭ ᱯᱤᱲᱤᱫ ᱯᱤᱲᱤᱫ ᱿

 
 ᱚᱲᱟᱜ ᱨᱮᱢᱟ ᱡᱚᱢᱟᱜ ᱵᱟᱹᱱᱩᱜ
       ᱦᱚᱲ ᱢᱟ ᱠᱟᱫᱟᱭ ᱠᱟᱫᱟᱭ ,
 ᱜᱚᱲᱚᱢ ᱵᱩᱰᱷᱤ ᱨᱮᱸᱜᱮᱡ ᱡᱟᱞᱟ
       ᱢᱟᱛᱠᱚᱢ ᱛᱮᱠᱮᱭ ᱪᱚᱸᱫᱟᱭ ᱿

======= ᱞ ᱧ ==========

৪।।  

ᱡᱮᱞᱮᱧ   ᱯᱤᱸᱰᱟᱹ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

  
ᱚᱰᱚᱠ ᱛᱚᱨᱟ ᱠᱩᱞᱦᱤ ᱫᱷᱟᱨᱮ
     ᱞᱚᱫᱚᱢ ᱛᱟᱠᱚ ᱯᱤᱸᱰᱟᱹ ,
ᱮᱴᱟᱜ ᱠᱳᱭᱟᱜ ᱚᱲᱟᱜ ᱠᱷᱚᱱᱫᱚ
   ᱦᱮᱱᱟᱜ ᱛᱟᱠᱳᱭᱟ ᱪᱷᱤᱸᱰᱟᱹ ᱾

  
ᱫᱩᱲᱩᱵ ᱟᱫᱚ ᱜᱤᱛᱤᱡ ᱜᱚᱫᱚᱜ
       ᱥᱮᱛᱟᱜ ᱧᱩᱦᱩᱢ ᱨᱮᱫᱚ ,
ᱜᱤᱫᱽᱨᱟ ᱠᱚᱢᱟ ᱥᱟᱨᱟ ᱜᱷᱟᱲᱤᱪ
       ᱮᱱᱮᱪ ᱡᱚᱝ ᱜᱮᱫᱚ ᱾

  
ᱦᱤᱡᱩᱜ ᱥᱮᱱᱚᱜ-ᱟ ᱟᱹᱛᱷᱟᱹᱱ ᱦᱚᱲ
     ᱠᱩᱞᱦᱤ ᱛᱟᱞᱟ ᱛᱮᱜᱮ ,
ᱫᱩᱲᱩᱵ ᱜᱚᱫᱚᱜ ᱢᱤᱫ ᱜᱷᱟᱲᱤᱪ
     ᱡᱮᱞᱮᱧ ᱯᱤᱸᱰᱟᱹ ᱨᱮᱜᱮ ᱾

  
ᱫᱤᱱ ᱵᱷᱳᱨᱜᱮ ᱢᱟᱹᱭ ᱵᱟᱵᱩᱛᱮ
      ᱛᱟᱦᱮᱱᱟ ᱟᱰᱤ ᱴᱷᱤᱠ,
ᱵᱚᱠ ᱫᱩᱲᱩᱵ ᱵᱟᱠ ᱮᱱᱮᱪᱟ
      ᱮᱠᱷᱮᱱ ᱯᱷᱟᱫᱟ ᱥᱤᱠ   ᱾

======= ᱞ ᱧ ==========

৫।। 

ᱤᱧᱟᱜ ᱯᱟᱴᱟᱵᱤᱸᱫᱷᱟᱹ ᱧᱮᱧᱮᱞ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

  

ᱤᱧ ᱫᱚ ᱩᱱᱫᱩᱧ ᱜᱤᱫᱽᱨᱟᱹ ᱜᱮᱭᱟ

ᱟᱹᱰᱤ ᱨᱟᱹᱥᱠᱟᱹ ᱵᱩᱡᱷᱟᱹᱜ ᱠᱟᱱᱟ

ᱯᱟᱴᱟᱵᱤᱸᱫᱷᱟᱹ ᱧᱮᱧᱮᱞ

ᱦᱚᱲᱠᱚ ᱥᱮᱱᱚᱜ ᱠᱟᱱᱟ ᱾

ᱜᱷᱟᱱᱮᱧ ᱛᱟᱲᱟᱢ

ᱜᱷᱟᱱᱮᱧ ᱫᱟᱹᱲᱟᱜ

ᱟᱨᱦᱚᱸ ᱜᱷᱟᱱᱮ

ᱟᱭᱳ ᱠᱚᱞᱮᱨᱮᱧ ᱦᱮᱵᱮᱜ ᱾

ᱟᱭᱳᱭ ᱢᱮᱱᱟ ᱪᱤᱠᱟᱹᱜ ᱠᱟᱱᱟᱢ

ᱛᱟᱲᱟᱢ ᱢᱮ ᱾

ᱜᱮᱨᱟᱝ ᱟᱛᱮ ᱟᱫᱚ ᱨᱟᱜᱤᱧ ᱮᱦᱚᱵ ᱾

ᱦᱮᱢ ᱠᱟᱛᱮ ᱟᱭᱳᱭ ᱮᱜᱮᱨᱟ

ᱵᱟᱹᱧ ᱟᱜᱩ ᱞᱮᱢ ᱠᱷᱟᱱ ᱜᱮ

ᱱᱟᱯᱟᱭ ᱠᱚᱜᱼᱟ ᱾

ᱟᱜᱩ ᱠᱟᱛᱮᱧ ᱡᱷᱟᱢᱮᱞᱟ ᱟᱱᱟᱜᱼᱟ ᱾

ᱮᱱᱛᱮ ᱨᱮᱸᱦᱚᱯᱟᱴᱟᱵᱤᱸᱫᱷᱟᱹ

ᱧᱮᱧᱮᱞ ᱟᱭᱳ ᱥᱟᱶᱛᱤᱧ ᱥᱮᱱᱚᱜ ᱾

 

ᱯᱟᱴᱟᱵᱤᱸᱫᱷᱟᱹ ᱴᱟᱺᱰᱤ

ᱫᱚᱢᱮ ᱵᱷᱤᱲ ᱟᱠᱟᱱᱟ ᱾

ᱚᱱᱟ ᱵᱷᱤᱲ ᱨᱮ ᱤᱧᱫᱩᱧ ᱟᱫ ᱮᱱᱟ ᱾

ᱚᱠᱟᱨᱮᱧ ᱧᱟᱢᱮᱭᱟ

ᱤᱧ ᱟᱭᱳ ᱫᱚᱱᱟ ᱾

ᱵᱷᱳᱭᱨᱳᱵᱽ ᱛᱷᱟᱱᱨᱮ

ᱫᱮᱡ ᱠᱟᱛᱮᱧ ᱠᱚᱭᱚᱜ ᱟᱪᱩᱨ ᱠᱮᱫᱟ ᱾

ᱚᱠᱟ ᱨᱮᱦᱚᱸ ᱤᱧ ᱟᱭᱳᱫᱚ ᱵᱟᱹ

ᱧ ᱧᱮᱞ ᱧᱟᱢ ᱞᱮᱫᱮᱭᱟ ᱾

ᱪᱟᱞᱟᱣ ᱤᱱᱟᱹᱧ

ᱠᱩᱢᱤᱴᱤᱭᱟᱜ ᱤᱥᱴᱮᱡ ᱪᱮᱛᱟᱱ ᱛᱮ

ᱡᱳᱦᱟᱨ ᱠᱟᱛᱮᱧ ᱢᱮᱛᱟᱜ ᱠᱚᱣᱟ ᱵᱟᱵᱟ

ᱤᱧ ᱟᱭᱳᱧ ᱦᱚᱦᱚ ᱟᱭᱟ

ᱢᱟᱭᱤᱠ ᱤᱢᱟᱹᱧ ᱯᱮ ᱫᱮᱵᱟ ᱾

ᱢᱟᱭᱤᱠ ᱠᱚ ᱮᱢᱟ ᱟᱫᱤᱧᱟ

ᱟᱫᱚ ᱤᱧ ᱟᱭᱳᱧ ᱦᱚᱦᱚ ᱟᱫᱮᱭᱟ......

ᱜᱚᱜᱚ ᱤᱧᱫᱚ ᱱᱚᱰᱮ ᱢᱤᱱᱟᱹᱧᱟ

ᱟᱫᱚ ᱟᱞᱚᱢ ᱯᱟᱸᱡᱟᱧᱟ

ᱫᱮᱞᱟ ᱦᱤᱡᱩᱜ ᱢᱮ

ᱱᱚᱰᱮ ᱠᱷᱚᱱ ᱤᱫᱤᱧ ᱢᱮ ᱾

ᱟᱫᱚ ᱵᱟᱹᱧ ᱩᱥᱟᱹᱫᱚᱜᱼᱟ

ᱦᱟᱱᱟ ᱱᱟᱣᱟ ᱵᱟᱹᱧ ᱡᱷᱚᱡᱟ ᱾

ᱞᱟᱰᱩ ᱡᱚᱢ ᱠᱟᱛᱮᱜᱮ

ᱚᱲᱟᱜ ᱛᱮᱞᱟᱝ ᱥᱮᱱᱚᱜᱼᱟ ᱾

ᱫᱮᱞᱟ ᱜᱚᱜᱚ ᱫᱮᱞᱟ

ᱞᱚᱜᱚᱱ ᱦᱤᱡᱩᱜ ᱢᱮ

ᱫᱮᱞᱟ ᱤᱫᱤᱧ ᱢᱮ ᱾

 

ᱦᱮᱡ ᱮᱱᱟᱭ ᱤᱧ ᱜᱚᱜᱚ

ᱦᱮᱢ ᱠᱟᱛᱮᱭ ᱪᱚᱜ ᱟᱫᱤᱧᱟ

ᱜᱳᱴᱟ ᱡᱚᱦᱟ ᱢᱚᱞᱚᱝ ᱾

ᱜᱩᱸᱜᱩᱫ ᱠᱟᱛᱮ ᱠᱚᱲᱟᱢ ᱠᱚᱞᱮᱨᱮ

ᱟᱫᱚᱭ ᱢᱮᱛᱟ ᱫᱤᱧᱟ

ᱥᱳᱱᱟ ᱵᱮᱴᱟᱛᱤᱧ

ᱟᱫᱚ ᱛᱤᱥ ᱨᱮᱦᱚᱸ ᱵᱟᱹᱧ

ᱮᱜᱮᱨ ᱢᱮᱛᱤᱧᱟ ᱾

ᱪᱚᱞᱚ ᱚᱲᱟᱜ ᱛᱮᱞᱟᱝ ᱥᱮᱱᱚᱜᱼᱟ ᱾

ᱟᱫᱚ ᱡᱷᱤᱞᱟᱹᱯᱤ ᱦᱟᱛᱟᱣ ᱠᱟᱛᱮ

ᱚᱲᱟᱜ ᱛᱮᱞᱤᱧ ᱨᱩᱣᱟᱹᱲ ᱮᱱᱟ ᱾

======= ᱞ ᱧ ==========

৬।। 

মন দ গাডাওমে

বাড়তাং সরেন

 

যাঁহাঁ গিয়েম কামিয় রে দ
                  তাঁহেন এঁটকে টঁড়ে
এঁটকে টঁড়ে ঞেলতে আদ
                   বাবন সাহাঃ বাড়ে ।

 
কৗমিরেগে তাঁহেন  মেসে
               একাল আডি লেতাড়
এঁটকে টঁড়ে বাংগে তাঁহেন
                    কৗমি গানঃ সাবাড় ।

 
'এলখা' রেনাং এঁটকে টঁড়ে
                   একাল লিটি বিড়ছি
মিৎ মনেতে হুদিশ লেখান 
                    ছাডাঃ গেয়া গুড়ছি ।

 
'গ্রামার'রেনাঃ নিয়ম কাথা
                    বহঃরে বাং বলন
খঁদরো কাতেম পাঁজাঁয় রে দ
                  বুঝৗও আডি লগন ।

 
'নাগাম' রেয়াঃ সেরমা- মাহা
                  ঞেলঃ একাল আড়িস
তিসরে অকয় রাজা লেনা 
                   তিস দ অকয় লালিস  ?

 
গাম কৗহনী লেকা  যুদি 
                     মিৎ মনেতেম চার্চায়
মনে রেগে গাডাও তাঁহেন
                     একাল সৗরি বেজায় ।

 
'সাঁড়েস' কাথা  'অতনো' কাথা  
                       অকাগে বাং কেটেচ্ 
ধেয়ান কাতেম কুরুমুটুয় 
                        সানাম গেচম সেটেচ্ ।

 
কৗমি অক্তে হান্তে নাতে 
                 একাল আলোম কয়গ্ 
ওডেঁ বাংখান কৗমি ঞেলতে
                  আওড়ি গিয়েম দয়গ্ ।

         
তেতেৎ কাথা নওয়া কানা
                     মনে গাডাও লেখান 
গানোঃ গেয়া সানাম কৗমি     
                      মনে উরিচ্ লেখান ।    

 

মনে উরিচ্ মনে কাথা
                   যুদি তাঁহেন ধেয়ান
সানাম  কামি তাড়াম ডাহার
                হামেট গেয়াম গেয়ান ।

======= ᱞ ᱧ ==========

৭।। 

পাটাস পাটাস

সুচাঁদ হাঁসদা

 
লুতুর সুররে অকয়-য়া ,
রেঁড়ে রেঁড়ে রেঁড়ে ৷
সিলপিঞ কচারিঞ ঞেঁল আকাতপে ,
এনান ছঁড়ে ছঁড়ে ৷

 
আপে গেপে জম তালেয়া ,
আলেয়াঃ হড়ম মায়াং ৷
ঞেঁলঃ তেদপে কৗটিচ গেয়া ,
বাংখান মাগাড় তায়াং ৷

 
হপন বাবুয় হারা আকান ,
আডি মারাং ঝাকাস ৷
হাপে  হাঃ এ গুলি পেয়া ,
পাটাস পাটাস পাটাস ৷ 

======= ᱞ ᱧ ==========

৮।। 

কুকমুতে

সনাতন টুডু

 
তেহেঞ  ঞিঁদৗ  কুকমু  তে
ঞেলেয়ৗঞ  আলে  হাড়াম ,
পারকম রে  দুড়ুব  কাতেদ
বানাম  এদায়  হাড়াম ।

 
চেতান  টলা  কুলহি  মুচৗৎ
বুয়ৗং  রাওয়াঁও  রাকাব ,
কাঁসর  করতাল ঘুঁঘুর  তাড়তে
হাড়ামে  তড়াও রাকাব ।

 
বানাম  তাড়তে  গুরু  চেলা
আডি  মজকিন জৗরি ,
দুক  হারকেত  তাড়াম  ডাহার
পারম  হোয়োঃ  সৗরি  ।

======= ᱞ ᱧ ==========

৯।। 

আম গে

সীতেন মাণ্ডি

 
পারমেনা দাঁশায়
কৗশি বাহা গশয়েনা
সেতাঃ সেতাঃ হায়াম হায়াম
রাবাং বলয়েনা।

 
বৗইদ্‌ হুড়ু গেলে
ঞেলঃ হালে হালে
মিৎ চাঁদো তায়ম
সৗরি সহরায় কয়ঃ হর রে।

 
বাবুয়াঃ ছুটি চাবায়েনা
স্কুল হঁ খুলাঃ লৗগিদ
বাবু নিত মা স্কুল চালাঃ
বায় কুশি, রৗজিঃ কানা।

 
রৗগি তৗপিস আড়িস তে
একলা একলায় মেনা
দিদিয়াঃ, বাবাওয়াঃ স্কুল লেকা
ইঞাঃ হঁ চেদাঃ ছুটি বৗনুঃ আনা?

 
মেতায়ালে আমাঃ স্কুল
যত খনাঃ নাপায়
দিদি খনাঃ অল পাড়হাও
আম গে ভৗগিম সেঁড়ায়।

======= ᱞ ᱧ ==========

১০।। 

হপন বাবু

রামপদ কিসকু

 
 পুরুব নাখা  ডিগিমিগি
        কুনৗমি চাঁদোয় জোলোঃ
হিসি তুকৗ তালে দারেরে
       হিসিৎ হয়তে দোলোঃ।

 
হপন বাবুয় হবরাকান
     যেমন চাঁদোয় জোলোঃ
জানাম আয়ো হবর চেতান
      বাহা লেকায় ঞেলঃ।

 
তোওয়া লেকান ডাটা কতায়
       বঁগা লেকায় লাঁদায়
জানাম আয়োয় চেরেচ লেরে
     লাঁদা কাতেয় ফাঁদায়।

======= ᱞ ᱧ ==========

১১।। 

গড়ম বুডি

নিকোলাস মারাণ্ডি

  
আলে গড়ম বুডি দিনৗম
      পৗটিয়ৗয় গালাং ,
দিনৗমে মিতৗঞ আদ
      এ বুডি চেদ আলাং ।

 
ইঞ তাঁহেন ভোর রে
      মাসে চেৎ কাম ,
তায়ম দারাম জাঁওয়ায় অড়াঃ
      কৗমিয় এম তাম ।

 
ইঞমা নতে অলঃ কুড়ি 
      মনে তিঞ বাং ,
হানা নোওয়া কৗমি লৗয়তেঞ
      লাগা ঢাং ।

 
নিতোঃ হুদিসঃ অৗঞ
      চেদাঃ বৗঞ চেৎ লেদা ,
অৗত অপসর তাঁহে কানা 
      অৗউড়িয়াইঞ বৗগিয়াদা ।

 
পৗটিয়ৗ জনঃ গালাংতে হড়
      আয়মাকো অৗসুলঃ কানা ,
নোওয়া হঁ নিতং মিৎটাং
      রোজগার  কানা ।

======= ᱞ ᱧ ==========

১২।। 

উদ হালাং

পি সি কিসকু রাপাজ

 
ডডেঃ আলাং
লৗপৗই আলাং
গাতেঃ আলাং
উদ্‌ হালাং।

 
রড় আলাং
লাঁদায়া লাং
গাতেঃ আলাং
উদ্‌ হালাং।

 
লাৎ রাপাঃ
মচা সাফাঃ
কুমৗং লাপা
রড়দ টাপাঃ।

 
থুতি আলাং
অকতায়া লাং
গাতেঃ আলাং
উদ্‌ হালাং।

======= ᱞ ᱧ ==========

১৩।।

ছোটরায় হেম্ব্রম ‘কৗশিগেলে’

দুগাই টুডু

 
আঁজম গদ কাথায় উনি
     অনলিয়ৗ কানায়,
ভৗলৗই লাহান্তি লৗগিৎ তেদ
    আয়মা হুদিশ লেনায়।

 
ঞুতুম ছোটরায় হেম্ব্রম গেচো
   মেন বাডায়াকো ভালা,
লৗটু কৗটিচ্‌ রপড় আকো
     অনে ওনকো তালা।

 
জত গেকো লৗপৗই এনতে
    আপাত্‌ চন্দ্রানী কানে,
সানাম গেকো লৗই এদা
     এঁগাত্‌ কাপরা হানে।

 
জানাম আতো বাঙ্গালিয়া কান
     মানদ্রো ডাক অড়াঃ অনা,
বিহার পনত্‌ নাহাঃ ঝাড়খন্ড
      রেগে পাড়াও এনা।

 
রজমহল জে.কে.এইচ্‌. ঈ. স্কুল খনাঃ
        ম্যাট্রিক পাশ লেদায়,
এস.পি. কালেক্টর আপিসরে
       হানে চৗকরি লেদায়।

 
কৗশিগেলে অলে এহব এনা
   ‘হড় সম্বাদ’ পাথাম রেদ,
আমদা অকচ্‌ অনডে গেথো
   অল উছৗন লেনা আদ।

 
‘নিজ হরফ তাবোন অলচিকি’
     পতব ছাপাও আনা,
পাপাড়হাও কদ পাড়হাও কাতে
     মঁজ গেকো মেনা।

 
সাঁওহেৎ চারচা খৗতির তেগে
      এনেমে দহ আনা,
তেহেঞ গাপা হড়কো আডি
      একাল কো দিশৗয়ে কানা।

======= ᱞ ᱧ ==========

১৪।। 

তড়ে সুতৗম

দুর্গাচরণ মুরমু

 
অনলিয়ৗ অনড়হিয়ৗ সাঁওহেৎ পৗরুখিয়ৗ
আম গেত্‌ নারায়ণ সরেন,
বাহনা ঞুতুম-"তড়ে সুতাম "
সান্তাড়ী সাঁওহেৎ বাগওয়ানরেন।

 
সাঁওতাল পারগানা সাহেরগঞ্জ জেলা
১৯২৩সাল ২৮অক্টোবর মৗহিৎ,
আমাঃ জানাম-আসিলা আতো
অল হেনাঃ নাপায় সাহিৎ।

 
আপাৎ-রঘুবীর,আয়ো-সীতা
তাহেকানা কিন বঙ্গা বারাবারি,
কলে রেম হেচ্‌এন সোনা
মার্শাল কেদাম ধৗরতী সৗরি।

 
অল: পাড়হাও হারা বুরু
পাকুড় স্কুল কলেজরে,
বেনাও এনাম সাপ্লাই ইন্সপেক্টর
বিহার সরকার আমলরে।

 
"হড় সম্বাদ" পাথামরে আমদো-
পুইলোম উপেল লেনা,
অনড়হেঁ-কৗহনি-গায়ান অনলিয়ৗ
বাডোহী আমদম বেনাও এনা।

 
মিৎ মিদতে সিরজন কেদাম-
মায়াজাল,চুরুচ চাওলে,গিরৗ,
হাপড়াম কাথা,ডাহার ধুড়ি,
জৗনিচেম হাতাও লেদা কিরৗ।

 
জানাম আয়ো জানাম দাতা
দুলৗড় চিকৗম হিড়িঞ কেয়া,
"কিরতৗন কালি","আসাড় বিনতি"
পতবরে আমলে ঞেল মেয়া।

 
দিশম পারোম দিশম গটা
পাসনাও এনা আমাঃ ঞুতুম,
আয়মা সাঁওহেৎ মাডের এমাৎ মেক
সিরপৗ-মানত্‌-দুলৗড় থুম।

 
এমাৎ মেক্‌ কবিরত্ন,বাচস্পতি,
মৗন সাকাম আর উপৗধি,
বিহার সরকার সাঁওহেৎ পেনশন
হামেটিচ আমগেত পুইলো কবি।

 
১৯৮৯সাল ১২আগস্ট ঞুহুম মাহা
আলে ক রাঃ অচো কাতেৎ,
আমদো হানা পুরীতেম মহডায়েনা
এমাৎ লেয়াম মারাং শাসেৎ।

 
আমাঃ সিরজন সাঁওহেৎ জবাহা
ধৗরতী গটালে পারচাও-আ,
জতন তেলে হারা বুরুয়া
সাঁওহেৎ বাগান লে কিষৗড়া।

 
সাঁওহেৎ বাগানরে আমাঃ এনেম
তিসহঁ বাংলে হিড়িঞ কেয়া,
আমাঃ কৗমি-কারধৗনী খৗতির
যুগ যুগ্‌লে উইহৗর দহমেয়া।

======= ᱞ ᱧ ==========

১৫।। 

তোওয়া দারে

দুলৗড় বিটি

 
জানাম আয়ো তোওয়া দারে
   জতন হারাহায় হারে ফারে,
গিদ্‌রৗ দিশৗ তেচং উনি
   ঞির হিজুঃ আয় বারে বারে।

 
তিন রেচং লাঁদায় অৗডি
  তিনরে চং ঘানেয় রাগ্‌,                        
সিতুং লল জারগে জৗপুদ্‌
  তিঁগুন আয়ো ডাগ্‌ ডাগ্‌।

 
গিদ্‌রৗ হারা অৗডি জালা
    আয়ো বেগর অকয় বাডায়,
হারা বুরু কাতেৎ হাপেন
    আয়ো গেকো দেয়া বাডায়।

 

======= মুচৗৎ=======