আবোওয়াঃ ডিজিটাল ডেক্সঃ- পশ্চিমবঙ্গ আদিবাসী কল্যাণ সমিতি পুরুলিয়া জেলা চাঙ্গা আর বরাবাজার ব্লক কুমুটাঃ কুরুমুটু সাঁওতে আয়মা আদিবাসী সংগঠন কওয়াঃ গড় সপহৎতে বরাবাজার আদিবাসী ল্যাম্পস্ ডৗহিরে দারায় কান ৯ ই আগস্ট '২২ বিশ্ব আদিবাসী মাহা মানাও পালাও লৗগিৎ সৗহিজুহি আকানা। জেগেৎ জাকাত আদিবাসী মাহা মানাও সাঁওতে আদিবাসী কওয়াঃ আনাট এটকে টঁড়ে কয়ঃ তরায়াঃ হ লৗকতি কানা। অনাতে পারমেন ৩ আগস্ট '২২ হিলোঃ সমিতি পাহটা খন আয়মা আনাট এটকে টঁড়ে রেনাঃ সলহে ঞাম লৗগিৎ বরাবাজার ব্লক শাসনিয়ৗ মেমোরেন্ডাম কো চাল আদেয়া। চাল আকান দাবি অড়েঅড়পাৎ তুংখি কাতে ব্লক শাসনিয়ৗ যাতে দারায় দিনরে আদিবাসি কওয়াঃ আনাট সলহেঃমা বাংখান দারায়কান দিনরে আদিবাসী কো লৗগিৎ সমিতি জোরমুরুক আঁদোড় রেয় আঁড়গনা মেনতে বাদায় আকানা। সমিতি পাহটা খন যাঁহা দাবি কো সামাং এনা অনাকো মুদ্রে হুয়ুঃ কানা -
১. লগনতে লগন আদিবাসী হোস্টেল খুলৗউ হুয়ুঃমা ।
২. আদিবাসী কওয়াঃ জমি রেনাঃ পড়চারে জৗতি রেনাঃ উপরুম রাকাব হুয়ুঃমা ।
৩. আদিবাসী কওয়াঃ অত হাসা অ-আদিবাসী কঠেন অন্যায় কৌশল কাতে
দখল সে কিরিঞ লীজ হাতাও বনধয় হুয়ুঃ মা ।
৪. পশ্চিমবঙ্গরে পোইলো খন এতহব কাতে বিশ্ববিদ্যালয় করে সাঁওতালি মাধ্যমতে অলঃ পাড়হাও বন্ধেজঃ মা ।
৫. আদিবাসী কওয়াঃ ধরম ঠাঁও জাহের থান, মৗঝি থান ,শশ্মান এমান কদ চিনহৗ কাতে প্রাচীর বন্ধেজ হুয়ুঃমা । ২০০৬ বনাধিকার আইন আর সরকারি অৗনঅৗরি লেকাতে ।
৬. সরকার লৗই আকাদ আদিবাসী ভাতা নিত রেহঁ বাং চালু লেনা ,নায়কে সে লায়া যথাৎ ভাতা এমাক হুয়ুঃমা ।
৭. ফেক এস.টি সাটিফিকেট গটাবুটৗ কাতে লগনে লগন বাতিলঃমা ।
৮. তিলকৗ মুরমু ,বিরসৗ মুন্ডা,সিধু কানু ,গঙ্গানারায়ণ সিং ,জিলিপি লায়া আঃ কুঁদৗউ মুঠৗন বরাবাজার ব্লক এলেকা
রে থাপন হুয়ুঃমা ।
৯. তুমড়াশোল অঞ্চল রেয়াঃ আদিবাসী এলেকা আমাগাড়া অৗতু রেনাঃ বাং পুরৗউ ক্যানেল কৗমি পুরৗউ হুয়ুঃমা ।
১০. আদিবাসী কওয়াঃ রেকর্ড আকান জমি চেতান অ আদিবাসী কো যাতে আদিবাসী কো কোর্ট কেস কাতে আলক হয়রানি কমা ।
১১. বিরবুরু দারেনৗড়ি সাচারহে উজৗড় কাতে ধিরি খাদান ,ক্রাশার বেনাও বনধঃ মা ।
১২. অৗতু কুলহি ডাহার চেতান ১০ টন খন বৗড়তি লাদে গৗডি মটর যাতে আলয় দৗড়াঃ অনা যাঁগে দারাম হুয়ুঃমা ।
১৩. আদিবাসী কওয়াঃ অত হাসা বে আইনি কাতে অ আদিবাসী লীজ তালাতে ইটাভাটা ,ধিরি খাদান বাং গানঃ আ ।
১৪. বরাবাজার ব্লক রেনাঃ আয়মা অৗতু টোলাগে ঢালাই হর ডাহারতে বাজার শাহার সালাঃ তপল মিৎ হুয়ুঃমা।
১৫. বরাবাজার বাজাররে আয়মা ঠাঁওরে যুদৗ যুদৗ শৌচালয় বন্ধেজ হুয়ুঃমা ।
১৬ . আদিবাসী কওয়াঃ চাষ আবাদ অত হাসা দখনা খাপ( সরকারি ) অ আদিবাসী তালারে রেকর্ড কাতে লাগা ডিগলৗউ বায় গানঃআ ।
১৭. বরাবাজার ব্লক খন চুক্তি ভিত্তিক কৗমিয়ৗ বাহালি আক ,অনারে আদিবাসী কওয়াঃ সংরক্ষন নেয়াম লেকাতে হুয়ুঃমা ।
১৮. বরাবাজার ব্লক টঠারে আদিবাসী কওয়াঃ জৗতি শংসাপত্র ঞাঞাম লৗগিৎ অৗথৗউড়ি হয়রানি বাংকাতে , সহজ সরলতেক
ঞামমা ।
১৯. আদিবাসী গাতাক রেন হড় মানবিক ভাতা , বিধবা ভাতা ,জয় জোহার প্রকল্প খন আলক পুচুজঃমা ।
২০. বরাবাজার ব্লক রেনাঃ আদিবাসী অৗতু টোলা করে বে আইনি চোলাই পৗউরৗ রেনাঃ কারবারতে অৗউরি রেগে জিওয়ি নাসাঃ কানা অনা বনধ রেনাঃ বনধেজ হুয়ুঃ মা ।
২১. বরাবাজার ব্লক এলেকারে মিৎটাং একলব্য মডেল রেসিডেন্সিয়াল স্কুল বেনাও হুয়ুঃমা ( EMRS)।
২২. বরাবাজার ব্লক এলেকারে মিৎটাং সান্তালি মিডিয়াম আপার প্রাইমারি স্কুল খুলাঃমা ।
২৩. সিন্দরী হাইস্কুল রেনাঃ আদিবাসী হোস্টেল বাং পুরৗউ কৗমি লগন পুরৗউ হুয়ুঃমা ।
আদিবাসী কল্যাণ সমিতি রেন রৗসিয়ৗ যাঁহায়কো সেটের তাঁহে কানা উনকু মুদ্রে মানতান সতন কুমার সরেন (জেলা সভাপতি ), নরহরি হেমব্রম , জগন্নাথ মান্ডি ( বরাবাজার ব্লক সভাপতি ), সুধীর বাস্কে (বরাবাজার ব্লক সম্পাদক ), ঘাসিরাম সরেন, জ্যোতিলাল হাঁসদা, তারাপদ টুডু, সমায় কিস্কু ( বরাবাজার ব্লক কোষাধক্ষ ) এমান মানতান গোমকেকো ।
.webp)
