সিঁগি মাহা রেনাঃ সাকাম ‘চেরেচ্ আড়াং’ লেখা- ১০১

 

 “আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com

 

তেহেঞাঃ আখড়ারে যাঁহায় কো সেলেদ্‌ আকান- ᱥᱩᱵ ᱩᱫᱤᱭᱟᱹᱢ ᱩᱨᱢᱩ, ᱜᱳᱯᱮᱥᱣᱚᱨ  ᱢᱟ ᱱᱰ ᱤ, ᱜ ᱟ ᱛ ᱮ ᱴᱩᱣᱟ.ᱨ, ᱠ ᱤ ᱥ ᱠ ᱤ ᱱ ᱫ ᱷ ᱟ   ᱢ ᱩ ᱨ ᱢ ᱩ, বাড়তাং সরেন,  সুচাঁদ  হাঁসদা,  ঠ্যেন্টা মুরমূ, দুর্গাচরণ মুরমু , সনাতন টুডু,  দুগাই টুডু, সিতেন মান্ডি।

 

১।।

ᱜᱤᱫᱽᱨᱟᱹ ᱞᱟᱹᱜᱤᱫ

ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱡᱟᱸᱜᱟ   ᱛᱷᱚᱯᱟ
ᱛᱤᱨᱩᱵᱽ  ᱦᱟᱯᱟ
ᱪᱟᱞᱟᱜ   ᱠᱟᱱᱟ
ᱡᱚᱠᱷᱟ  ᱡᱚᱠᱷᱟ ᱿


ᱜᱟᱹᱭ  ᱢᱤᱸᱦᱩᱸ
ᱫᱟᱸᱦᱟᱸᱜ   ᱫᱩᱦᱩᱸᱜ
ᱠᱟᱭᱟ  ᱠᱩᱭᱩ
ᱠᱩᱭᱞᱤ   ᱠᱟᱺᱦᱩᱸ ᱿


ᱨᱟᱵᱟᱝ  ᱩᱭᱩ
ᱵᱟᱺᱰᱤ ᱛᱩᱭᱩ
ᱦᱩᱣᱟ.  ᱪᱩᱠᱟᱹᱜ
ᱪᱮᱫ  ᱦᱩᱭᱩᱜ ᱿


ᱥᱤᱢ   ᱥᱟᱺᱰᱤ
ᱜᱚᱴ   ᱰᱟᱺᱰᱤ
ᱵᱟᱠᱚ ᱪᱟᱞᱟᱜ
ᱥᱟᱹᱨᱤ   ᱟᱹᱰᱤ ᱿


ᱜᱤᱫᱽᱨᱟᱹ  ᱞᱟᱹᱜᱤᱫ
ᱞᱮᱴᱚ    ᱞᱟᱹᱵᱤᱫ
ᱡᱚᱢ    ᱵᱷᱟᱜᱟᱣ
ᱦᱚᱴᱚᱜ    ᱦᱟᱹᱵᱤᱪ ᱿

ᱣᱣᱣ=== ᱞ ᱧ===ᱣᱣᱣ

২।।

ᱤᱧ ᱵᱟ.ᱯᱩ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  
ᱤᱧ ᱵᱟ.ᱯᱩ ᱦᱟᱲᱟᱢ
  ᱫᱟᱜ ᱡᱟ.ᱯᱩᱫ ᱢᱟᱲᱟᱝ,
    ᱴᱚᱨᱚᱰᱟᱝ ᱡᱩᱛ ᱠᱟᱜ-ᱟᱭ ।

 
        ᱟᱥᱟᱲ ᱥᱟᱱ ᱫᱟᱨᱟᱭ
           ᱜᱟᱰᱟ ᱫᱟᱜ ᱪᱟᱞᱟᱭ,
             ᱴᱚᱨᱚᱰᱟᱝ ᱚᱰᱟᱣ ᱠᱟᱜ-ᱟᱭ ।

 
ᱪᱚᱲᱜᱚᱡ,ᱜᱟ.ᱲᱟ.ᱭ ᱮᱢᱟᱱ
  ᱫᱟᱜ ᱛᱟᱞᱟ ᱫᱟᱢᱟᱱ
    ᱡᱷᱟ.ᱞᱤᱜ ᱟᱠᱚ  ᱠᱷᱟ.ᱞᱤ ।

       
        ᱚᱲᱟᱜ ᱟ.ᱜᱩ ᱠᱟᱛᱮ
          ᱚᱛᱩ ᱦᱩᱭᱩᱜ ᱡᱟᱛᱮ,
             ᱥᱤᱵᱤᱞ ᱥᱚᱲᱚᱢ ᱵᱷᱟ.ᱞᱤ ।

 

ᱣᱣᱣ=== ᱞ ᱧ===ᱣᱣᱣ

৩।।

ᱱᱚᱣᱟ ᱡᱤᱵᱚᱱ

ᱜᱟᱛᱮ ᱴᱩᱣᱟ.ᱨ

 
ᱱᱚᱣᱟ ᱡᱤᱵᱚᱱ ᱵᱟᱨᱥᱤᱧ ᱜᱟᱱ
          ᱡᱤᱣᱤ ᱫᱚ ᱢᱤᱫ ᱨᱩᱛᱤ
ᱡᱚᱜᱟᱳ ᱡᱚᱛᱚᱱ ᱫᱚᱦᱚᱭᱟᱵᱚᱱ
         ᱵᱟᱵᱚᱱ ᱱᱤᱛᱤ ᱪᱷᱩᱛᱤ ᱾

 
ᱢᱚᱱᱮᱵᱚ ᱫᱚᱦᱚᱭ ᱩᱫᱟ.ᱨ ᱯᱚᱨᱟᱱ
         ᱫᱤᱞ ᱫᱟᱲᱮᱵᱚ ᱦᱟᱨᱟᱭ
ᱠᱩᱸᱵᱲᱩ ᱞᱮᱠᱟ ᱵᱟᱵᱚᱱ ᱛᱟᱸᱦᱮᱱ
         ᱡᱤᱛᱠᱟ.ᱨ ᱵᱚᱱ ᱫᱟᱞᱟᱭ ᱾

 
ᱢᱟᱱᱟᱣ ᱢᱟᱯᱽᱱᱟᱣ ᱢᱟ.ᱱ ᱢᱚᱦᱚᱛ
          ᱫᱮᱵᱚᱱ ᱥᱮᱯᱮᱧ ᱨᱟᱠᱟᱵ
ᱟᱲᱤᱥ ᱵᱮᱡᱟᱨ ᱟᱞᱚᱜᱮ ᱦᱳᱭᱳᱜ
          ᱠᱩᱥᱤᱜ ᱢᱟᱠᱚ ᱵᱮᱵᱟᱠ ᱾

 
ᱫᱩᱞᱟ.ᱲ ᱯᱤᱨᱤᱛ ᱮᱯᱮᱢ ᱪᱟᱯᱟᱞ
           ᱥᱟ.ᱜᱟ.ᱭ ᱛᱟᱸᱦᱮᱱ ᱩᱨᱤᱪ
ᱠᱤᱭᱟ.ᱲ ᱫᱚᱦᱚ ᱡᱚᱛᱚᱱ ᱡᱚᱜᱟᱳ
           ᱵᱟᱵᱚᱱ ᱫᱚᱦᱚᱭ ᱦᱤᱸᱫᱤᱪ ᱾

 
ᱵᱟᱲᱤᱡ ᱵᱤᱨᱩᱫ ᱛᱩᱯᱩᱫ ᱛᱟᱯᱟᱢ
            ᱞᱟᱠᱛᱤ ᱠᱷᱟᱱᱵᱚ ᱠᱚᱨᱟᱳ
ᱛᱟᱲᱟᱢ ᱰᱟᱦᱟᱨ ᱠᱩᱪᱤᱛ ᱨᱮᱦᱚᱸ
           ᱵᱟᱵᱚᱱ ᱞᱟ.ᱭᱟ ᱦᱟᱨᱟᱳ ᱾

 
ᱡᱤᱭᱚᱱ ᱰᱟᱦᱟᱨ ᱟᱞᱚ ᱩᱞᱴᱟ.ᱜ
           ᱵᱟᱵᱚᱱ ᱠᱚᱨᱟᱳ ᱵᱷᱩᱞ
ᱵᱟᱵᱚᱱ ᱥᱚᱝ - ᱟ ᱠᱷᱟᱞᱤ ᱛᱮᱫᱚ
            ᱜᱩᱱᱦᱟ. ᱨᱮᱱᱟᱜ ᱢᱟᱥᱩᱞ ᱾

 
ᱫᱤᱥ ᱦᱩᱫᱤᱥ ᱩᱥᱠᱩᱨ ᱠᱟᱛᱮ
            ᱥᱚᱱᱚᱛ ᱦᱚᱨᱵᱚ ᱯᱤᱪᱷᱟ.ᱭ
ᱱᱚᱣᱟ ᱡᱤᱵᱚᱱ ᱵᱟᱨᱥᱤᱧ ᱜᱟᱱ
            ᱵᱟᱵᱚᱱ ᱢᱤᱪᱷᱟ. ᱢᱤᱪᱷᱟ.ᱭ ᱾

 

ᱣᱣᱣ=== ᱞ ᱧ===ᱣᱣᱣ

৪।।

ᱢᱚᱱᱮ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

 
ᱦᱟᱱᱛᱮ ᱱᱟᱛᱮ ᱥᱟᱨᱟ ᱜᱷᱟᱲᱤᱪ
    ᱚᱴᱟᱝ ᱵᱟᱲᱟᱭ ᱢᱚᱱᱮ ;
ᱛᱚᱞ ᱠᱟᱛᱮᱦᱚ ᱵᱟᱝᱜᱮ ᱛᱟᱸᱦᱮᱱᱟ
    ᱫᱟᱹᱲᱟᱭ ᱜᱷᱟᱱᱮ ᱜᱷᱟᱱᱮ ᱾

  
 ᱛᱷᱤᱨᱜᱮ ᱡᱩᱫᱤ ᱵᱟᱝᱜᱮ ᱛᱟᱸᱦᱮᱱᱟ
      ᱪᱤᱠᱟᱹᱢ ᱪᱮᱫᱟ ᱮᱴᱟᱜ ;
ᱵᱟᱲᱟᱭ ᱦᱩᱭᱩᱜ ᱟᱰᱤ ᱞᱮᱠᱟᱱ
     ᱫᱤᱥᱟᱹ ᱫᱚᱦᱚᱭ ᱪᱮᱴᱷᱟᱜ ᱾

  
ᱢᱚᱱᱮᱜᱮ ᱥᱟᱨᱤ ᱴᱷᱤᱠ ᱵᱟᱱᱩᱜ-ᱟ
     ᱠᱟᱹᱢᱤ ᱞᱚᱵᱚᱰᱚᱝᱠᱟ ;
ᱱᱟᱯᱟᱭ ᱟᱫᱚ ᱪᱤᱠᱟᱹᱢ ᱦᱩᱭᱩᱜ
     ᱩᱱᱫᱚ ᱠᱟᱞᱟ ᱠᱚᱝᱠᱟ ᱾

  
ᱢᱚᱱᱮᱭ ᱠᱷᱚᱡᱚᱜ ᱚᱠᱟ ᱞᱮᱠᱟᱛᱮ
     ᱧᱮᱞᱚᱜ ᱚᱱᱚᱠᱟ ᱚᱱᱮ ;
ᱥᱟᱨᱟ ᱜᱷᱟᱲᱤᱪ ᱦᱟᱱᱛᱮ ᱱᱟᱛᱮ
     ᱚᱴᱟᱝ ᱵᱟᱲᱟᱭ ᱢᱚᱱᱮ ᱾

 

ᱣᱣᱣ=== ᱞ ᱧ===ᱣᱣᱣ

৫।।

ভৗরয়ৗ

বাড়তাং সরেন

 
আবো দাদা দিশম তালা
            বুদ আকিলান মৗনমী
দিশম লৗগিৎ সাব এদাবো
               মারাং মারাং কৗমি।

 
কৗমি খৗতির বক বয়হা 
               আলোসেবো তাপাম
সুলুগ লৗপৗই তাহেন বাড়ে
                 যাঁহারেবো ঞাপাম।

 
বঙ্গাবরু আরিচৗলী
           সানাম আডি নাপায়
চেদাঃ তবে তাপাম খৗতির 
             জিউয়ী দবো আলায় ?

 
ধরম করম মারাংবুরু
                  সাঁওতে জাহের এরা
সানাম গেবোন যতন কোওয়া
                      সেতাঃ বেরেৎ তরা।

 

আপান আপিন ধরম আতে
                 মৗনমী দুলৗড় যতন
অনারেগে মেনাঃ পালেন
              জিয়ন জিউয়ী রতন।

 
গড়মবাবায় লৗই লেদায়ে
                   সেদায় বিদৗল সৗরি
সানাম আবো পিলচু হপন 
                   একাল আলাক জৗড়ি।

 
বয়হা বয়হা জুমিৎ দাড়ে
               একাল সৗরি কেটেচ্
জৗনুম ঝান্টি দিশম বৗইরী
                একাল বাকো সেটেচ্।

 
ভারত দিশম জৗত ভৗয়ৗদি
              হাতাও আবোন কিরয়ৗ
সাঁওতা সমাজ লাহায় লৗগিৎ
               সেপেঞ আবো ভৗরয়ৗ।

ᱣᱣᱣ=== ᱞ ᱧ===ᱣᱣᱣ

৬।। 

আল  বাবু  আল  রাঃ

সুচাঁদ  হাঁসদা

 
উলৗট কাছাড় হয় আতেয় দাগ ,
বৗইশৗক ঝেঁট বঁগা  ৷
হয় আতকির আ অড়াঃ সামান ,
টুকুচ টকাঃ ঠেঁগা  ৷

 
হয় ঞুঁর কাত ফুড়ুঃ পাতড়া ,
পাতড়া পাটি চারেচ ৷
রাচা ছাটকা উদৗ দাঁগাড়েন ,
জবরা ঝাটি পেরেচ ৷

 
পছিম নাখারে হেঁদে রিমিল ,
হুডুর বিজলি কড় কড় ৷
টাঁড়ি টিকুর খন অড়াঃক রুওয়ৗড় ,
আতু ডিহৗ সানাম হড় ৷

 
নোওয়া গেক মেতাঃ বাবু ,
কাল বৈশাখী হয় দাঃ ৷
উলৗট কাছাড়ে হয় এদা ,
আল বাবু আল রাঃ ৷

ᱣᱣᱣ=== ᱞ ᱧ===ᱣᱣᱣ

৭।।

নাওয়া নাগাম

ঠ্যেন্টা মুরমূ

  
ঝমর ঝমর ঝাই করতাল
রিহিড় বিদিড়  রেগড়া 
দিশম জাকাৎ সান্তাড় হপন
এনেজ তেক আন্দোড়া ।

  
ভারত দিশম রেনাঃ উসূল মৗচি
হামেট কেদায় সান্তাড় তিরলৗ
রৗস্কৗ রেনাঃ সিমা সাড়ে
উতুড় কাতেৎ ডিগলাঃ ।

  
চাই চাম্পা লিলি বিছি
লিখন গড়হন কঁয়ডা বাদোলী
নাওয়া গার তে  নাগাম বেনাঃ
সিরজৗও কেদায় সান্তাড় বিরাদৗলী ।

ᱣᱣᱣ=== ᱞ ᱧ===ᱣᱣᱣ

৮।।

আকাল দিশম

দুর্গাচরণ মুরমু

 
পছিমবাংলা পনত রেনাঃ বিরমহল
বাঁকুড়া পুরুলিয়া ঝাড়গ্রাম হনত,
অক্ত মাছা চাষ  দাঃজাড়ি
বাংগে হুয়ুঃ জতো বনত।

 
অল মেনা অত্‌নঃ পতবরে
বিরমহল দ আকাল দিশম কান,
চাষ দিনরে ধুড়ি অটাংঅঃ
সেদায় খনগে নংকাঃ কান।

 
জিরি হিরি ধিরি দিশম
বির বুরু গাডা মুডু-
সান বঙ্গা রেহঁ রহড় ঘুটু
বাংগে আতুঃ দাঃ সুড়ু-সুড়ু ।

 
অকা সের্মা হুয়ু: হোড়ো চাষ
অকা সের্মা দ বাং,
খিলগে তাহেন বাইদ-বাইয়াড়
নামাল ক দেলাং বাং।

 
ঢাপা ঢিপি খেত গট
ধিরি হাসা- বৗনুঃ  রাসা,
সিতুং তেগে দাঃ  আঁজেদঃ
এনতে রেহঁ চাসায় আশাঃ।

ᱣᱣᱣ=== ᱞ ᱧ===ᱣᱣᱣ

৯।।

অকতোরে

সনাতন টুডু

 
ঝমর ঝমর দাঃএ জৗড়ি
লাগাম বৗনুঃ আনা ,
কালা হাড়াম সিয়ুঃএ চালাঃ
খৗলিয় লগনঃ কানা ।

 
গড়ম কড়া মেতায় হাড়াম
নিতঃ আলম চালাঃ ,
দাঃরে  লহদ বাং ঠিকঃআ
হড়মো বৗড়িজ চাবাঃ ।

 
কালা হাড়াম বৗই বৗইতে
গড়ম কড়ায় মেতায় ,
নিতরে যুদি বাম সিয়ুঃআ
অকতো বাংএ দারায় ।

 
অকতো রেনাঃ কৗমি কদো
অকতো রেগে ভৗগি ,
পরেম বুঝৗও অকতো রেনাঃ
কুড়ৗয় তিনৗঃ বুগি ।

ᱣᱣᱣ=== ᱞ ᱧ===ᱣᱣᱣ

১০।।

নলিন চন্দ্র মুরমু

দুগাই টুডু

 

আঁজম আকান উনি গেচং
     সুসৗর ইচ্‌গে কানে,
সাঁওহেৎ চারচা বাড়া তেগে
      অনলিয়ৗয় এনে।

 
ঞুতুম নলিন চন্দ্র মুরমু
   বাড়ায় তায়গে অনা,
জানাম আতো সালাডাংগা গেতো
    লস্করহাত পি.ও. কানা।

 
দক্ষিণ দিনাজপুর জেলা কানা
        মেনাকো সানাম কোগে,
তায়ম তেদ্ তাঁহে লেনায়
          স্কুল মোড় তপন রেগে।

 
প্রাইমারী মারাং মাচেৎ রেঁহ
       সমাজ দিসৗও আনে,
সাঁওতা নাপায় কৗমি জংগে
      উনরে ধুরৗও লেনে।

 
আঁধা পৗতয়ৗও সাহায় লাগায়
     অৗডি ছুটৗও আনা,
আদিবৗসি মহাসভা আর
     আসেকারে সেলেদ্‌ লেনা।

 
ভৗ্লৗই লাহান্তি কাথা বাবদ
       একাল হুদিশ আনা,
অন্তর ভিতরি তালা মালা
    গুরলৗও আচুর লেনা।

 
‘হুদিস জং’ সেরেঞ পুঁথি
     অল কেদায় অকা,
মাঞ্জহি আরি পতব দরে
     পাড়হাও জং লেকা।

 
জৗতি উৎনৗও লৗগিৎ অনে
    এনেম দহ আনা,
নেতার হানে হড়কো ভালা
    বেজায়কো দিসৗয়ে কানা।

ᱣᱣᱣ=== ᱞ ᱧ===ᱣᱣᱣ

১১।।

সিঙ্গে মাহা

সীতেন মাণ্ডি

 
আলে যুগ কুকলি কানায়
  তেলা গে বাং এ ঞামা
হাপ্তা রে চেদাঃ ভালা
সিঙ্গে মাহা মিৎ ধাও গে হিজুঃআ?

 
গিদৗর বৗউলি চেরেচ্ আড়াং
  আজম সানায়েয়া
জৗপিদ্ বেরেৎ হুতুম ফারচা
বাং ক ঠেলাও লগনেয়া ।

 
ইতুন আসড়া বায় চালাঃ
   বন্ধঃ তাহেন তায়া
মাচেৎ কোওয়াঃ কুকলি তেলা
এমঃ, আডি বতরঃআ।

 
সেতাঃ খন গে গাতে সালাঃ
  হানা নোওয়ায় খেলা
জম ঞুয় হিড়িঞ কাঃ আ
 উম রেয়াড় বায় রেবেনা।

 
এলখা,অনড়হে, ইংরিজি
   ব হঃ রে বাং ব লঃ
গ বাবা অড়াঃ হড়
কুশি গে বাং ক কুশিঃ।

 
মিৎ,বা'র,পে কাতে লেখায়
অতে,বালে,সৗগুন,সারদি মাহা
সেটের গে বাং সেটের হ দঃ
      অনা সিঙ্গে মাহা।

 
তিনাঃ কুশি রৗস্কৗ এমঃ সিঙ্গে মাহা
এয়ায় মাহা গে চেদাঃ বাং হুয়ুঃ অনা
আলে বাবু মনে মনেতে অকা কয় কয়া
অকয় হঁ বাং ক মেতায় চেদাঃ বাং হুয়ুঃ অনা?

 

ᱣᱣᱣ=== ᱞমুচৗৎᱧ===ᱣᱣᱣ