সিঁগি মাহা রেনাঃ সাকাম ‘চেরেচ্ আড়াং’ লেখা- ১০২

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে।অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।

 তেহেঞাঃ আখড়ারে যাঁহায় কো সেলেদ্‌ আকান-  ᱥ ᱩ ᱪ ᱤ ᱛ ᱨ ᱟ    ᱦ  ᱟ ᱸᱥ ᱫ ᱟ , ᱥᱩᱵ ᱩᱫᱤᱭᱟᱹᱢ ᱩᱨᱢᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ   ᱢ ᱩ ᱨ ᱢ ᱩ, ᱜᱳᱯᱮᱥᱣᱚᱨ  ᱢᱟ ᱱᱰ ᱤ, ᱜ ᱟ ᱛ ᱮ ᱴᱩᱣᱟ.ᱨ, বাড়তাং সরেন,  সনাতন টুডু, সিতেন মান্ডি দুর্গাচরণ মুরমু , দুগাই টুডু, নিকোলাস  মারাণ্ডি, এম নেপোলিয়ন টুডু ।

  

১।।

ᱪ ᱟᱸᱰ  ᱨ ᱟ    ᱦ  ᱟ  ᱲ ᱟ  ᱢ

ᱥ ᱩ ᱪ ᱤ ᱛ ᱨ ᱟ    ᱦ  ᱟ ᱸᱥ ᱫ ᱟ

 

ᱢᱟᱹᱡᱷᱤ ᱠᱚᱭᱤᱡ  ᱪᱟᱸᱰ ᱨᱟ  ᱦᱟᱲᱟ ᱢ
                    ᱟᱹᱰᱤ ᱜᱮᱪᱚᱭ  ᱨᱟᱹᱜᱤ
ᱯᱷᱸᱠᱚᱨ ᱯᱷᱸᱠᱚᱨ ᱯᱩᱸᱜᱤ ᱧᱩᱭᱟ
                   ᱮᱠᱟ ᱞ ᱜᱮ ᱵ ᱟ ᱭ  ᱵ ᱟᱹᱜᱤ ᱾

 
ᱪᱷᱟ ᱴᱠᱟ  ᱨᱮᱜᱮ ᱫᱩᱲᱩᱵ  ᱠᱚᱜ ᱟ ᱭ
                    ᱥᱟ ᱨᱟ ᱫᱤᱱᱚ ᱢᱟᱱ
ᱞᱮᱢᱮᱨ ᱞᱮᱢᱮᱨ ᱥᱟ ᱨᱟ ᱫᱤᱱ ᱜᱮ
                    ᱡᱚᱢᱟ ᱭ  ᱠᱷᱟᱹᱞᱤ ᱯᱟ ᱱ ᱾

 
ᱩᱞ ᱠᱟ ᱱᱴᱷᱟ ᱲ  ᱡᱚᱡᱚ ᱫᱟ ᱨᱮ
                   ᱫᱤᱱ ᱜᱮ  ᱦᱚᱨᱚ ᱠᱟ ᱜ ᱟ
ᱡᱟᱸᱦᱟ ᱭ ᱡᱩᱫᱤ ᱠᱷᱚᱭ  ᱠᱚ  ᱦᱤᱡᱩᱜ
                 ᱮᱠᱟ ᱞ ᱵ ᱟ ᱝᱜᱮ ᱮᱢᱟ ᱠᱚᱜ ᱟ ᱾

 
ᱫᱤᱱᱟᱹᱢ ᱛᱤᱠᱤᱱ  ᱫᱩᱲᱩᱵ  ᱫᱩᱲᱩᱵᱽ
                 ᱫᱚᱢᱮ ᱜᱮᱪᱚᱭ  ᱡᱟᱹᱯᱤᱫ
ᱱᱟ ᱥᱮ ᱛᱮᱜᱮ ᱫᱚᱢᱮ  ᱨᱳᱦᱮᱫ
                 ᱮᱠᱟ ᱞ ᱜᱮ ᱵ ᱟ ᱭ  ᱦᱟᱹᱯᱤᱫ ᱾

 
ᱴᱷᱮᱱᱴᱟ  ᱵᱟᱹᱵ ᱩ ᱟᱹᱰ ᱤ ᱚᱡᱟ
                ᱛᱟ ᱠᱮ ᱯᱟᱸᱡᱟ  ᱵᱟᱲᱟ ᱭ
ᱳᱠᱳ ᱳᱠᱳ ᱪᱟ ᱞᱟ ᱣ  ᱠᱟᱛᱮ
                ᱫᱷᱩᱛᱤ ᱜᱚᱸᱦᱚᱲ ᱞᱟ ᱲᱟ ᱭ ᱾

 
ᱚᱱᱟ ᱛᱮᱜᱮ ᱪᱟᱸᱰ ᱨᱟ  ᱦᱟ ᱲᱟ ᱢ
                 ᱫᱚᱢᱮ ᱨᱟᱹᱜᱤ ᱮᱱᱟ
ᱜᱩᱨᱤᱡ  ᱨᱮᱜᱮ ᱥᱚᱢᱵᱚᱫᱽ ᱮᱱᱟ
              ᱟ ᱫᱚ ᱪᱮᱫ ᱮ ᱢᱮᱱᱟ ᱾

  ~~~~~~~×××~~~~~~~ 

২।।

ᱩᱭᱦᱟᱹᱨ

  ᱥᱩᱵᱩᱫᱤᱭᱟᱹᱢᱩᱨᱢᱩ

ᱟᱨᱟᱜ  ᱴᱩᱯᱤ
ᱢᱮᱸᱬᱦᱮᱫᱽ   ᱠᱟᱹᱯᱤ
ᱡᱮᱞᱮᱧ  ᱪᱩᱯᱤ
ᱩᱭᱩᱜ   ᱦᱟᱹᱯᱤ ᱿


ᱠᱟᱹᱠᱤ    ᱟᱭᱳ
ᱵᱟᱵᱟ    ᱟᱭᱳ
ᱢᱟᱢᱟ     ᱟᱭᱳ
ᱜᱚᱲᱚᱢ    ᱟᱭᱳ ᱿


ᱟ.ᱢᱤᱪ   ᱜᱟᱛᱮ
ᱤᱧᱤᱪ     ᱜᱟᱛᱮ
ᱜᱟᱛᱮ    ᱜᱟᱛᱮ
ᱫᱮᱞᱟ      ᱱᱟᱛᱮ ᱿


ᱞᱩᱵᱩᱜ   ᱞᱟᱴᱷᱮ
ᱠᱮᱴᱮᱡ   ᱯᱟᱴᱷᱮ
ᱠᱮᱲᱮ      ᱢᱮᱴᱷᱮ
ᱦᱤᱲᱤᱧ   ᱢᱚᱴᱷᱮ ᱿

  ~~~~~~~×××~~~~~~~

৩।।

ᱨᱟᱢᱟ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱛᱤ ᱡᱟᱸᱜᱟ ᱠᱤᱱ ᱥᱳᱵᱷᱟ ᱟᱠᱟᱱ
      ᱠᱟᱴᱩᱯ ᱰᱚᱜ ᱨᱟᱢᱟ  ;
ᱛᱤᱱ ᱠᱚᱨᱮ ᱪᱚᱝ ᱦᱟᱨᱟᱜ ᱦᱟᱯᱤᱛᱮ
      ᱞᱟᱴᱩ ᱵᱟᱲᱛᱤᱜ ᱛᱟᱢᱟ  ᱾


ᱢᱟᱹᱭᱞᱟᱹ ᱫᱷᱩᱲᱤ ᱥᱚᱜᱮ ᱛᱟᱦᱮᱱᱟ
       ᱧᱮᱞᱚᱜ ᱡᱩᱫᱟᱹᱜᱮ ᱛᱤ-ᱫᱚ ;
ᱟᱡᱟᱨ ᱠᱳᱫᱚ ᱥᱤᱨᱡᱟᱣ ᱜᱚᱫᱚᱜ
       ᱦᱚᱲᱢᱚ ᱰᱷᱤᱞᱟᱜ ᱟᱫᱚ ᱾


ᱵᱮᱣᱦᱟᱨᱨᱮ ᱡᱟᱫᱜᱚ ᱛᱟᱨᱟᱜ
      ᱦᱟᱨᱚᱛᱟ ᱦᱚᱛᱷᱚ ᱠᱷᱟᱞᱚᱜ ;
ᱡᱚᱢ ᱧᱩ ᱨᱮᱦᱚ ᱢᱟᱹᱭᱞᱟᱹ ᱧᱩᱨᱩᱜ
      ᱛᱤ ᱠᱚᱨᱮᱱᱟᱜᱜᱮ ᱧᱮᱞᱚᱜ  ᱾


ᱠᱟᱴᱩᱯ  ᱨᱟᱢᱟ ᱢᱟᱨᱟᱝ ᱦᱟᱨᱟᱜ-ᱟ
       ᱛᱚᱦᱚᱫ ᱠᱟᱛᱮ ᱥᱤᱲᱟᱜ ;
ᱛᱟᱲᱟᱢ ᱡᱚᱦᱚᱜ ᱚᱛ ᱦᱟᱥᱟᱨᱮ
       ᱰᱚᱜ ᱨᱟᱢᱟ ᱫᱚ ᱵᱷᱤᱲᱟᱜ ᱾


ᱦᱟᱨᱟᱜ ᱜᱮᱛᱟᱢ ᱡᱩᱫᱤ ᱨᱟᱢᱟᱫᱚ
     ᱜᱮᱫᱢᱮ ᱚᱱᱟ ᱪᱟᱸᱲᱮ ;
ᱟᱡᱟᱨ ᱵᱟᱥᱟᱜ ᱦᱚᱲᱚᱢ ᱞᱟᱪ
    ᱟᱢᱛᱮ ᱟᱢ ᱡᱷᱸᱚᱲᱮᱜ ᱿

  ~~~~~~~×××~~~~~~~

৪।।

ᱥᱤᱠᱲᱤᱡ

ᱜᱳᱯᱯᱥᱣᱚᱨ ᱢᱟ.ᱱᱰᱤ

 
ᱥᱤᱠᱲᱤᱡ ᱜᱮᱨ ᱟᱡᱟᱨ
"ᱢᱮᱞᱮᱨᱤᱭᱟᱭ" ᱵᱟᱡᱟᱨ ।

 
ᱧᱤᱫᱟ. ᱡᱟ.ᱯᱤᱫ ᱞᱟᱦᱟ
ᱢᱚᱥᱟᱨᱤ ᱴᱟ'ᱜᱟᱣ ᱡ'ᱟᱦᱟ ।

 
ᱥᱤᱠᱲᱤᱡ ᱠᱷᱚᱱᱟᱜ ᱵᱟᱧᱪᱟᱣ
ᱡᱤᱣᱤ ᱵᱟ.ᱛᱤᱭ ᱥᱟᱧᱪᱟᱣ ।

  ~~~~~~~×××~~~~~~~

৫।।

ᱥᱟᱸᱫᱮᱥ

ᱜᱟᱛᱮ ᱴᱩᱣᱟ.ᱨ

 

ᱛᱮᱦᱮᱧᱫᱚ ᱦᱟᱴ

ᱥᱟ.ᱛᱨᱮ.    ᱥᱟᱴ

ᱟᱭᱳᱭ  ᱪᱟᱞᱟᱜ

ᱵᱟᱵᱟ  ᱥᱟᱞᱟᱜ ᱾

 

ᱦᱟᱴ ᱠᱷᱚᱱᱟᱜ

ᱠᱤᱨᱤᱧ ᱛᱮᱱᱟᱜ

ᱦᱟᱯᱛᱟ ᱵᱷᱳᱨᱟᱜ

ᱥᱚᱭᱫᱟ ᱰᱷᱮᱨᱟᱜ ᱾

 

ᱵᱩᱰᱩ  ᱛᱟᱞᱤᱧ

ᱚᱞᱚᱜ   ᱟᱞᱤᱧ

ᱠᱩᱲᱟ.ᱭ ᱧᱟᱢᱚᱜ

ᱵᱟᱵᱟᱭ ᱮᱢᱚᱜ ᱾

 

ᱡᱚᱵᱮ   ᱞᱟ.ᱰᱩ

ᱠᱩᱥᱤᱭᱟᱜ ᱵᱩᱰᱩ

ᱤᱧᱟᱜ ᱥᱟᱸᱫᱮᱥ

ᱯᱮᱲᱟ ᱥᱚᱱᱫᱮᱥ ᱾

 

ᱦᱟᱯᱛᱟ ᱦᱟᱯᱛᱟ

ᱚᱞᱚᱜ  ᱠᱷᱟᱛᱟ

ᱜᱚᱲᱚᱢ ᱵᱟᱵᱟᱭ

ᱟᱜᱩ   ᱛᱚᱨᱟᱭ ᱾

 

ᱛᱤᱨᱮᱭ ᱪᱟᱞᱟ

ᱨᱟᱱ.ᱥᱠᱟ. ᱥᱟᱞᱟᱜ

ᱱᱟᱣᱟ ᱠᱚᱞᱚᱢ

ᱟᱞᱮ  ᱦᱟᱛᱚᱢ ᱾

 

ᱟᱭᱳᱭ  ᱢᱮᱱᱟ

ᱫᱩᱞᱟ.ᱲ ᱥᱚᱱᱟ

ᱵᱟᱱᱩᱜ  ᱦᱚᱨ

ᱚᱞᱚᱜ  ᱵᱮᱜᱚᱨ ᱾

 

ᱫᱮᱞᱟ ᱜᱟᱛᱮ

ᱢᱤᱫ ᱥᱟᱶᱛᱮ

ᱚᱞᱚᱜ ᱟᱵᱚᱱ

ᱟᱰᱤ ᱡᱚᱛᱚᱱ ᱾

  ~~~~~~~×××~~~~~~~

৬।।

হাহাড়াঃ গে হেওয়া

বাড়তাং সরেন

 
গডেৎ করেন চুড়কৗ বেটা
                মেনাঃ তায়া হেওয়া
সানাম কৗমি বৗগি কাতেঃ
            হাসায় ধুরৗঃ জাওয়া।

 
এমায় খানেম দাকা উতু
                  আর হঁ গতম দাহে
ঞেল তরায়ে বিণ্ডুজ গদা
           ঞির চালাঃ আয় বারহে।

 
বায় কুশিঃআ জিল হাকো আর
                       হেড়েম দুমুর রাসা
সানাম ঘৗড়িচ হাডাপ জমায়
                   পুখরী জাটাং হাসা।

 
লল সিতুং জারগে জৗপুৎ
                চেকায় সেনঃ পুখরী
চুড়কৗ বেটা চুকু চুকুয়
             বলন অড়াঃ ভিতরী।

 
রেঙ্গেচ জ্বালা হাডাপ জমায়
                    অড়াঃ পোতাও হাসা
হাহাড়াগেয় চাটঃ জমা
                  বাংগে বুজায় কাসা।

 
রৗগি আতেম এগের লেরে
                   উসৗৎ গদঃ জবর
সারা তিকিন কুসুৎ কুসুৎ
              একাল আডিয় হমর।

 
হাসা জমেম মানা লেখান
        কিকয়ৗও কাতেয় ফাঁদায়
জাটাং হাসাম এমায় লেরে
               খিটি খিটিয় লাঁদায়।

 
হায়রে,মিৎদিন চুড়কৗ বেটা
               গোটায় লৗটিচ্ বাড়ায়
টামাক লেকা লাচ্ দ উসুল
              মটরা চেকায় লাড়ায় !

 
ডাক্টর ঠেনকো ইদি কেদে
             লাচ্ মা পোসাঃ লৗগিৎ
ইঞ্জিসিনকো এমাদেয়া
                  হাসা ওডোং লৗগিৎ !

 

রাঃ রাঃ আতেয় মেনা উনি,
                   "আর হাসা বাং ইঞ জম
হড়মো নাপায় দহ লৗগিৎ
                      মানা কাথাঞ আঁজম"।

  ~~~~~~~×××~~~~~~~

৭।।

রেল গৗডি

সনাতন টুডু

 
ঝকো পকো রেল গৗডি
লেগেম লেগেম চালাঃ ,
থোড়ো তেহেঞ রৗসকৗ আকান
খড়গো পুরেয় চালাঃ ।

 
গড়ম হাড়াম থোড়োয় মেতায়
মিদ দিনদো দেলাং ,
দেখাও আমৗঞ আডি গটাং
মেনাঃ মারাং মারাং ।

 
রেল গৗডি ঞেলতে থোড়ো
গড়ম হাড়ামে মেতায় ,
নুন মারাং গৗডিদো মাসে
অকয় আদোয় লাগায় ।

 
গড়ম হাড়াম লানদা কাতেদ
থোড়য় মেতায় কানা ,
অলঃ পাড়হাও হড়গে ঝতো
গৗডিকো চালুয়েদ কানা ।

 
বুরু লেকা হারাঃ মেসে
অলঃ পাড়হাও আতেদ,
ঝতোম বুঝৗও গাডি রেনাঃ
বুরধি দিশৗ আতেদ ।

  ~~~~~~~×××~~~~~~~

৮।। 

দুলৗড়েম ঞামা

সীতেন মাণ্ডি

 
দাকা দাঃ মৗডি বাম জম খান
  ‌ চিকাতেম হারাঃ আ
বাজার রেনাঃ পেকেট জমাঃ
   বৗড়িজ্ জিনিস মেনাঃ ।

লাচ্ রেঙ্গেচ এ চাবায় তামা
হড় ম দ বায় তেয়ার
তিন করে চঙ লাচ্ হাসু
রুয়ৗ রাবাং এ আগু আম।

 
চকলেট জম তে ডাটা শেয়াঃ
  যত ডাটা রৗপুদ চাবাঃ
কৗটিচ্ রেগে হাড়াম লেকা
   ‌ ফগড়া মচাম ঞেলঃ।

 
দাকা উতু যাঁহায় ক জম
বুরু লেকাক হারাঃ
বুরধি দাড়ে যত তেগে
অকয় ঠেন হঁ বা'ক ভাগাঃ।

 
অড়াঃ রেনাঃ জম ঞু
অড়াঃ হড়াঃ কাথা
আঁজম কাতে তাড়াম লেখান
সানাম হড় ঠেন দুলৗড়েম ঞামা।

  ~~~~~~~×××~~~~~~~

৯।।

হপন বাবু

দুর্গাচরণ মুরমু

 
সেতাঃ তরা হপন বাবু
ডাটায় বেরাশ সাফায়,
তি জাঁগা আবুঃ ফারচাঃ
অলঃ দুড়ুবঃ আয়।

 
ঢালকা ঢালকা পুঁথিই পাড়হাও
আডি জোর জোর,
তালা কুলহি অড়াঃ মুধন
লাড়াঃ থার থার।

 
আড়পড়সী ঠিকৗই আকো
হপন বাবুই পাড়হাঃ,
উনিয়া পাড়হাও আঁজম লৗগিৎ
আতো কুলহিরে তাড়াঃ।

 
জতো করেন এগাঁৎ আপাৎ
খজঃ গিদরৗ নংকান,
কুকমু আশায় পুরৗও তাকো
হাপেন দিন জখান।

 
আয়ো বাবা দাবন খৗতির
আতোরেন ডিংরা গিদরৗ,
হানতে নাতে আউথাড়ি দাড়ান
বৗগিকেৎ কাকড়া সেঁদরা।

 
আতোরেন জতো ডিংরা গিদরৗ
সারাদিন খেল ক বৗগিকেৎ,
পুঁথি পতব সাব কাতে
অলঃপাড়হাও ক রিকৗকেৎ।

  ~~~~~~~×××~~~~~~~

১০।।

কন্দা সরেন

দুগাই টুডু

 

আঁজম বাড়াঃ কাথায় উনি

    অনলিয়ৗ কানা,

সমাজ লাহায় লৗগিৎ তেদ

       অৗডিয় হুদিস লেনা।

 

ঞুতুম তায় কন্দা সরেন

      আপাৎ দুবরাজ কানে,

সানাম গেকো বাডায় আনা

      এঁগাৎ সুমি হানে।

 

পুরুনাপানি আতো রেগে

   জানাম লেনে ভালা,

নাহাঃ অনা পাড়াও আকান

    অনে ঝাড়গ্রাম জেলা।

 

সেকেন্ডারি পাশ কাতে

    আই.টি.আই. আনা,

আই.আই.টি. খড়গপুর খনাঃ

     চৗকরি খনে জিরৗও এনা।

 

অল বেল মনে রেদ

     দমে সারসাও আদে,

‘হড় সম্বাদ’ ‘পছিম বাংলা’ করে

আয়মায় অল লেদা।

 

‘হলং গালাংমালা’ পতব 

     আজাঃ উছৗন হেনাঃ,

সাঁওতা তালা একাল গেথ

      কদর সালাঃ মেনাঃ।

 

সাঁওহেৎ চারচা ভৗ্লৗই কৗ্মি

     এনেম মেনাঃ তায়া,

অনা তেগে হড়কো নেতার

     নিৎ হঁক দিশৗ্যেয়া।

  ~~~~~~~×××~~~~~~~

১১।।

তোয়ো

নিকোলাস  মারাণ্ডি

 
তালা বৗয়হৗড় রে
        তোয়োয়ে রাগ ,
হুডুর বিজলি আতে
        সেরমা হঁ য়ে দাগ ।

 
গোটা হড়মো আদ
        জরচ্ - জপচ্ আতে ,
তোয়োয় হেচ্ আকান
        আলে অড়াঃতে ।

 
তোয়োয় মেমেন কানা
        ঞিন্দৗঞ  আঁঙ্গাঃ ,
কিচরিচ্ ইমৗঞ পে
        হড়মোঞ ডেঙ্গাঃ ।

 
বতর জ্বালা আদ
        আলে অড়াঃ হড় ,
পৗতিয়ৗওগে বাকো অৗয়কৗউ
        তোয়োওয়াঃ রড় ।

  
সৗরিসে নাসেয় লৗলৗই কানা 
        তোয়ো ফৗসিয়ৗরা ,
তালা ঞিঁন্দৗ  আদ
কোমড়ো কাতেয় দৗড়া ।

  
ছি তোয়ো দৗড়মে
        অড়াঃ হড়কো মেন ,
বেচারা তোয়ো ন, তে
        চালাঃগে বায় রেবেন  ।

  ~~~~~~~×××~~~~~~~ 

১২।। 

গম্‌হা ডোঁবো:

এম নেপোলিয়ন টুডু

 
ঞেল ঞেলতে সেটের এনা
গমহা পরব অনে
জমগে বুঝৗও তালে ডোঁবোঃ
অঁবাঃ জাপাঃ মনে ।

 
ভোর ভোরতে সেনঃ আবন
তালে বেলে হালাং
তায়ম তেবন সেন লেনখান
ঞামঃ কৗটিজ চালাং।

 
ডগর বাহা সাকাম তে-দ
বেনাও আবন পিঠৗ
মৗডি সারেজ্ তালে অৗঠু
চপজ্ আবন সিটৗ।

 
ডোঁবোগ্ আবন আডি উতৗর
মিৎ টুকুজ্ গান
উকু কাতেঞ দহ কাআ
ইঞদ তান মান।

 
বাস্কে ডোঁবোঃ অৗডি সিবিল
রাপাঃ কাতেদ্ জম
একাল অহম হিড়িঞ কেয়া
লৗয়ায় ইঞ গম।

  ~~~~~~~×××~~~~~~
মুচৗৎ
~~~~~~~×××~~~~~~