সিঁগি মাহা রেনাঃ সাকাম ‘চেরেচ্ আড়াং’ লেখা- ৯৯

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com     

 

তেহেঞাঃ আখড়ারে যাঁহায় কো সেলেদ্‌ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ,,  ᱨᱟᱢᱞᱟᱞ  ᱴᱩᱰᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱜᱟᱛᱮ ᱴᱩᱣᱟ.ᱨ, বাড়তাং  সরেন, সুচাঁদ হাঁসদা, বাবলু সরেন, সিতেন মান্ডি, দুগাই টুডু, নিকোলাস  মারাণ্ডি ।

   

১।|

ᱥᱟᱹᱫᱷᱩ ᱨᱟᱢᱪᱟᱸᱫᱽ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱠᱚᱵᱤ ᱜᱩᱨᱩ ᱥᱟᱹᱫᱷᱩ ᱨᱟᱢᱪᱟᱸᱫᱽ
   ᱟᱢ ᱫᱚ ᱢᱟᱨᱟᱝ ᱠᱚᱵᱤ,
ᱟᱞᱮ ᱨᱮᱱᱟᱜ ᱢᱚᱱ ᱜᱟᱹᱫᱤᱨᱮ
      ᱢᱮᱱᱟᱢ ᱪᱤᱛᱟᱹᱨ ᱜᱟᱹᱫᱤ ᱾

 

ᱟᱢᱟᱜ ᱟᱹᱭᱩᱨ ᱦᱚᱨᱛᱮ ᱛᱟᱲᱟᱢ
    ᱧᱟᱢᱚᱜ ᱥᱳᱥ ᱥᱟᱦᱟᱨ,
ᱥᱟᱶᱛᱟ ᱡᱟᱹᱛᱤ ᱦᱚᱲ ᱠᱚ ᱞᱟᱹᱜᱤᱛ
     ᱩᱫᱩᱜ ᱞᱮᱫᱟᱢ ᱰᱟᱦᱟᱨ ᱾

 

ᱛᱟᱸᱦᱮ ᱠᱚᱜ ᱢᱮ ᱡᱩᱜᱮ ᱡᱩᱜᱮ
       ᱥᱟᱶᱛᱮ ᱟᱞᱮ ᱛᱟᱞᱟ,
ᱦᱚᱨᱚᱜ ᱟᱢᱞᱮ ᱜᱩᱛᱩ ᱜᱟᱞᱟᱝ
       ᱥᱟᱹᱜᱩᱱ ᱵᱟᱦᱟ ᱢᱟᱞᱟ ᱾

 

ᱟᱢᱟᱜ ᱚᱱᱚᱬᱦᱮ ᱫᱤᱥᱚᱢ ᱛᱟᱞᱟ
       ᱟᱸᱥ ᱫᱚ ᱛᱟᱞᱮ ᱢᱮᱱᱟᱜ,
ᱟᱛᱟᱝ ᱛᱟᱞᱮᱢ ᱱᱮᱦᱚᱨ ᱡᱚᱦᱟᱨ
       ᱥᱮᱨᱢᱟ ᱥᱟᱹᱜᱤᱧ ᱠᱷᱚᱱᱟᱜ ᱾

====000--- ᱞᱧ ----000====

২।|

ᱫᱟᱜ--ᱵᱟᱦᱟ

ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱫᱟᱜ  ᱵᱟᱦᱟ   ᱧᱮᱞᱛᱮ
           ᱛᱳᱭᱳ ᱿
ᱞᱟᱸᱫᱟ   ᱟᱛᱮᱭ    ᱫᱚᱱᱟ ᱾

ᱱᱤᱛᱚᱜ   ᱜᱮᱦᱟᱸᱜ    ᱵᱟᱯᱽᱞᱟ
                ᱦᱳᱭᱳᱜ ᱿
ᱠᱩᱠᱢᱩ      ᱥᱟᱹᱨᱤᱜ      ᱠᱟᱱᱟ ᱾

ᱯᱟᱪᱷᱮ      ᱱᱟᱠᱷᱟ    ᱵᱮᱲᱟ
                    ᱟᱦᱽᱞᱟ ᱿
ᱮᱥᱮᱫ       ᱟᱜᱩᱭᱮ     ᱫᱟᱹᱨᱭᱟᱹ ᱾
                 
ᱫᱟᱜ   ᱵᱟᱦᱟᱭ   ᱥᱟᱡᱟᱣ
            ᱨᱟᱦᱚᱽᱞᱟ ᱿
ᱯᱩᱸᱰ     ᱨᱤᱢᱤᱞᱮ    ᱵᱷᱟᱹᱨᱭᱟᱹ ᱾

ᱧᱮᱞ       ᱠᱟᱛᱮ     ᱦᱚᱭᱫᱟᱜ
       ᱠᱟᱭᱟᱠᱳᱭᱳ ᱿
ᱩᱭᱦᱟᱹᱨ    ᱨᱟᱭ    ᱛᱳᱭᱳ ᱾
       
ᱢᱚᱱᱮ      ᱡᱤᱣᱤ     ᱢᱟᱛᱳ
      ᱢᱟᱭᱟᱜᱢᱳᱭᱳᱜ ᱿
ᱢᱮᱛᱟᱭᱟᱭ    ᱟᱡ      ᱟᱭᱳ ᱾

ᱦᱚᱭ        ᱢᱮᱥᱟ      ᱵᱤᱡᱽᱞᱤ
                ᱦᱩᱰᱩᱨ ᱿
ᱫᱟᱜᱫᱚ   ᱜᱩᱨᱞᱟᱹ     ᱜᱩᱨᱞᱤ ᱾

ᱵᱷᱟᱜᱚᱣᱟ   ᱨᱮᱜᱮ  ᱛᱳᱭᱳᱭ
                ᱪᱩᱰᱩᱨ ᱿
ᱱᱤᱛᱚᱜ    ᱫᱚᱪᱮᱫ   ᱦᱳᱭᱳᱜ ?

====000--- ᱞᱧ ----000====

৩।|

ᱞᱟᱥᱮᱨ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

  

ᱫᱤᱱᱟᱹᱢ ᱟᱵ ᱞᱟᱥᱮᱨ ᱛᱟᱵ

            ᱥᱮᱪᱮᱫ ᱫᱟᱲᱮ ᱛᱮᱜᱮ ᱾

ᱚᱞᱚᱜ ᱯᱟᱲᱦᱟᱣ ᱫᱟᱹᱲ ᱮᱱᱮᱪ

             ᱨᱤᱠᱟᱹᱭ ᱟᱵ ᱡᱟᱜᱮ  ᱾

  

ᱵᱟᱹᱲᱤᱪ ᱵᱟᱵ ᱪᱮᱫ ᱥᱮᱸᱲᱟᱭ

         ᱱᱟᱯᱟᱭ ᱫᱮᱵ ᱧᱮᱞ ᱾

ᱱᱟᱯᱟᱭ ᱛᱮᱜᱮ ᱵᱷᱟᱹᱞᱤ ᱡᱤᱭᱚᱱ

        ᱱᱟᱯᱟᱭ ᱜᱮᱵ ᱠᱷᱮᱞ ᱾

  

ᱟᱹᱠᱤᱞ ᱫᱤᱥᱟᱹ ᱟᱨᱡᱟᱣ-ᱟ

          ᱥᱮᱲᱟᱭ ᱡᱩᱫᱟᱹ ᱡᱩᱫᱟᱹ ᱾

ᱦᱟᱯᱮᱱ ᱫᱤᱱ ᱞᱟᱜᱟᱜ ᱠᱟᱹᱢᱤᱨᱮ

          ᱡᱚᱜᱟᱣ ᱡᱚᱝ-ᱟ ᱤᱛᱟᱹ  ᱾

  

ᱥᱟᱱᱟᱢ ᱠᱚᱵ ᱪᱷᱩᱴᱟᱣ ᱜᱚᱫᱚᱜ-ᱟ

         ᱵᱩᱨᱫᱷᱤ ᱫᱮᱵ ᱦᱟᱹᱨ ᱾

ᱜᱟᱯᱟ ᱚᱠᱚᱛᱮ ᱛᱟᱲᱟᱢ ᱞᱟᱦᱟᱜ

        ᱵᱟᱱᱩᱜ ᱜᱮᱭᱟ ᱯᱟᱹᱨ ᱾

  

ᱫᱤᱥᱟᱹ ᱫᱚᱦᱚᱭ ᱥᱟᱨᱟ ᱜᱷᱟᱲᱤ

         ᱟᱹᱠᱤᱞ ᱫᱟᱢᱤ ᱜᱮᱭᱟ   ᱾

ᱞᱟᱥᱮᱨ ᱡᱩᱫᱤ ᱵᱟᱝ ᱛᱟᱸᱦᱮᱱᱟ

        ᱛᱟᱭᱚᱢ ᱫᱚᱦᱚ ᱢᱮᱭᱟ  ᱾᱾

     ====000--- ᱞᱧ ----000====

৪।|

ᱡᱟᱹᱯᱩᱫ ᱨᱤᱛᱩ

ᱨᱟᱢᱞᱟᱞ ᱴᱩᱰᱩ

 

    ᱫᱟᱜ-ᱮ ᱡᱟᱹᱲᱤ ᱡᱷᱚᱢᱚᱨ ᱡᱷᱚᱢᱚᱨ

    ᱪᱟᱹᱥᱤ  ᱠᱚ ᱫᱚ  ᱚᱫᱚᱨ  ᱛᱷᱚᱯᱚᱨ

ᱞᱚᱥᱚᱫ ᱞᱟᱴᱯᱟᱴ  ᱞᱮᱸᱡᱮᱫ ᱰᱟᱹᱰᱤ ᱜᱷᱟᱴ

    ᱡᱟᱹᱯᱩᱫ ᱨᱤᱛᱩᱜᱮ ᱟᱵᱟᱫᱽ ᱟᱨᱡᱟᱣ

    ᱱᱚᱣᱟ ᱨᱤᱛᱩᱜᱮ ᱦᱩᱱᱟᱹᱨ ᱯᱟᱨᱪᱟᱣ ᱾

 

     ᱫᱟᱜ ᱛᱮ ᱜᱚᱴᱟ ᱥᱚᱨᱚᱡ ᱯᱚᱴᱚᱡ

    ᱨᱟᱹᱥᱠᱟᱹᱭᱟᱠᱚ ᱜᱚᱸᱜᱽᱦᱟ ᱨᱚᱠᱚᱡ

ᱰᱩᱞᱩᱰᱩᱝ ᱦᱚᱨ ᱨᱮ  ᱰᱷᱚᱸᱬᱵᱤᱧ ᱫᱟᱜ ᱨᱮ

ᱜᱚᱴᱟ ᱨᱟᱸᱣᱟᱜ ᱨᱚᱴᱮᱭᱟᱜ ᱛᱟᱸᱦᱟᱨᱮᱛᱟ

ᱯᱚᱠᱚᱜᱨᱚᱴᱮ ᱟᱨ ᱡᱟᱸᱵᱽᱲᱳ ᱡᱩᱨᱤᱡᱚᱛᱟ ᱾

 

    ᱦᱟᱠᱳ ᱠᱚᱫᱚ ᱩᱡᱟᱹᱱ ᱨᱟᱠᱟᱵ

    ᱢᱮᱱᱟᱜ ᱠᱚᱜᱮ ᱟᱠᱟᱵ ᱥᱟᱠᱟᱵ

ᱦᱚᱨᱚ ᱛᱷᱤᱭᱟᱹᱛᱷᱚᱯᱚ ᱪᱮᱸᱬᱮ ᱡᱚᱯ ᱡᱚᱯᱚ

ᱦᱚᱨ ᱨᱮ ᱞᱮᱸᱰᱮᱫ ᱞᱮᱸᱰᱚᱢ ᱜᱮᱜᱮᱛᱮᱨᱮᱧ

ᱥᱤᱸᱜᱟᱹᱲ  ᱟᱸᱡᱚᱢᱚᱜ ᱜᱷᱩᱜᱽᱨᱤ ᱥᱮᱨᱮᱧ ᱾

 

     ᱚᱛ ᱞᱟᱛᱟᱨ ᱥᱟᱧᱪᱟᱣ ᱫᱟᱜ

     ᱩᱯᱷᱞᱟᱹᱣ ᱟᱭ ᱡᱟᱹᱯᱩᱫ ᱫᱟᱜ

ᱡᱟᱹᱯᱩᱫ ᱨᱤᱛᱩ ᱠᱚᱨᱮ ᱨᱚᱦᱚᱭᱟᱵᱚᱱ ᱫᱟᱨᱮ

   ᱵᱟᱧᱪᱟᱣ ᱟᱲᱮ ᱠᱟᱱ ᱦᱟᱹᱞᱤ ᱦᱟᱹᱨᱭᱟᱹᱲ

    ᱡᱟᱹᱯᱩᱫ ᱨᱤᱛᱩ ᱜᱮᱭ ᱟᱹᱨᱩ ᱨᱩᱣᱟᱹᱲ ᱿

====000--- ᱞᱧ----000====

৫।|

ᱠᱷᱩᱠᱤ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱚᱠᱟᱢ ᱪᱟᱞᱟᱣᱮᱱ ᱠᱷᱩᱠᱤ
ᱫᱮᱞᱟ ᱦᱤᱡᱩᱜ ᱢᱮ,
ᱫᱟᱜ ᱢᱟ:ᱰᱤ ᱞᱩ.ᱣ ᱟᱠᱟᱫ
ᱫᱮᱞᱟ ᱡᱚᱢ ᱢᱮ ।

 

ᱨᱚ ᱠᱚᱠᱚ ᱩᱰᱟ.ᱣ ᱦᱤᱡᱩᱜ
ᱟᱵ ᱟᱛᱟᱢ ᱟᱠᱚ,
ᱟᱡᱟᱨ ᱨᱮᱱᱟᱜ ᱟᱭᱢᱟ ᱤᱛᱟ.
ᱥᱟᱜᱟᱲ ᱟ.ᱜᱩᱭ ᱟᱠᱚ ।

 

ᱢᱤᱱᱟ.ᱧ ᱜᱮᱭᱟ ᱮ ᱟᱭᱳ
ᱟ.ᱨᱩᱵ ᱥᱮᱱᱚᱜ ᱠᱟ.ᱱᱟ.ᱧ,
ᱛᱤ ᱨᱮᱱᱟᱜ ᱢᱟ.ᱭᱞᱟ. ᱡᱚᱛᱚ
ᱥᱟᱯᱟ ᱯᱟ.ᱦᱤᱞ ᱤᱫᱟ.ᱧ ।

 

ᱢᱟᱪᱮᱫ ᱮ ᱞᱟ.ᱭ ᱟᱠᱟᱫ
ᱟ.ᱨᱩᱵ ᱡᱩᱛ ᱠᱟᱛᱮ,
ᱡᱟ'ᱦᱟᱱᱟᱜ ᱡᱚᱢ ᱞᱟᱦᱟ
ᱥᱟᱯᱟ ᱦᱩᱭᱩᱜ ᱡᱟᱛᱮ ।

====000--- ᱞᱧ ----000====

৬।|

ᱡᱟᱯᱩᱫ ᱨᱮ

ᱜᱟᱛᱮ ᱴᱩᱣᱟ.ᱨ

 

ᱥᱮᱛᱟᱜ ᱠᱷᱚᱱᱟᱜ ᱡᱚᱨᱟᱜ ᱫᱟᱜ
ᱛᱮᱦᱮᱧ ᱟᱞᱮᱫᱚ ᱡᱮᱞ ᱯᱟᱯᱟᱜ
ᱱᱮᱣᱛᱟ ᱢᱤᱭᱟ.ᱧ ᱡᱩᱞᱩᱢ ᱯᱟᱜ
ᱪᱟᱵᱟᱭ ᱢᱮ ᱥᱮ ᱫᱟᱜ ᱾

 

ᱜᱟᱛᱮ ᱚᱲᱟᱜ ᱦᱟᱱᱟ ᱴᱚᱞᱟ
ᱯᱟᱨᱚᱢ ᱦᱳᱭᱳᱜ ᱢᱟᱨᱟᱝ ᱡᱚᱞᱟ
ᱳᱛᱳᱲᱚᱜ ᱠᱟᱱ ᱫᱮᱵᱚᱱ ᱧᱮᱞᱟ
ᱦᱤᱡᱩᱜ ᱯᱮ ᱥᱮ ᱫᱮᱞᱟ᱾

 

ᱤᱛᱩᱱ ᱟᱥᱲᱟ ᱪᱷᱩᱴᱤ ᱛᱮᱦᱮᱧ
ᱞᱟ.ᱣᱲᱤᱭᱟ. ᱠᱚᱣᱟᱜ ᱟᱸᱡᱚᱢᱚᱜ ᱥᱮᱨᱮᱧ
ᱜᱟᱰᱟᱨᱮ ᱞᱟ.ᱣᱠᱟ. ᱜᱮᱢᱮᱧ ᱜᱮᱢᱮᱧ
ᱱᱟᱣᱟ ᱨᱟ.ᱥᱠᱟ.ᱭ ᱥᱮᱛᱮᱧ ᱾

 

ᱡᱟᱨᱜᱮ ᱡᱟᱯᱩᱫ ᱫᱤᱱ ᱜᱮ ᱠᱟᱱᱟ
ᱞᱚᱦᱚᱫ ᱥᱟᱱᱟ ᱟᱭᱳᱭ ᱢᱟᱱᱟ
ᱫᱩᱣᱟ.ᱨ ᱨᱮᱜᱮᱧ ᱟᱠᱚᱴ ᱮᱱᱟ
ᱮᱠᱞᱟ ᱵᱩᱡᱷᱟ.ᱜ ᱠᱟᱱᱟ ᱾

 

ᱱᱟᱝᱠᱟ ᱨᱤᱢᱤᱞ ᱪᱟᱜ ᱮᱢ  ᱡᱟᱯᱩᱫ
ᱰᱟᱦᱟᱨ ᱟᱲᱮ ᱡᱷᱚᱛᱚᱢ ᱨᱟᱯᱩᱫ
ᱨᱟᱦᱞᱟ ᱨᱟᱦᱞᱟ ᱛᱟᱯᱟᱢ ᱛᱩᱯᱩᱫ
ᱵᱚᱛᱚᱨ ᱞᱩᱠᱩᱫ ᱞᱩᱠᱩᱫ ᱾

====000--- ᱞᱧ ----000====

৭।|

কুড়ৗই

বাড়তাং সরেন

 

 ডাহার আড়ে মাডের মাডের
 ইঞ দঞ তাঁহেকানা,
আলাক বালাক হান্তেনাতে
ডৗর দ তাঁহেকানা।
দারে পেরেচ ঞরং ঞরং 
 জ -দ তাঁহেকানা,
লাফাং লাফাং ডৗর করে দ
 তুকৗ তাঁহেকানা।
এনেচ আকো সেরেঞ আকো
 চেঁড়েঁ চুপড়ি কোদ,
লাঙ্গা রেঙ্গেজ দুড়ুপ জিরৗও
 হরতে চালাঃ হড় দ।
তাঁহেকানাঞ  রৗস্কৗ রমজ
  লল সিতুং মাহা,
তিরলৗ হপন মালা লৗগিৎ   
গুতুয় আকো বাহা।

  

মাগেঞ আপে টেঙ্গজ আতে
হায়, মায়াম জরঃ তিঞ,
আরি তেপে চিরৗয় তেহেঞ
জিউয়ী দ চালাঃ তিঞ।
অকয় কো দ ডৗরপে হেলেজ
  একাল লাঁন্দা আতে,
অকয় কো দ গোঁডা উপড়ৗও
 গোটা রেহেৎ সাঁওতে।
হাসো জ্বালা কিকয়ৗও আতে
  ইঞ দঞ, রাঃ হমর জং 
মৗনমী আপে দৗনমী সানাম
আডিপে রৗস্কৗ জং।
 লেলহা আপে কৗমি খৗতির
 ইঞাঃ চালাঃ জিউয়ী,
বাংপে হুদিশ বৗড়িচ খৗতির
 আপে গেচো দায়ী।
যে হিলোঃ ইঞ বৗগি আপে
কুড়ৗই ঞামঃ বৗড়তি,
ইঞ বেগর দ অকয় মেনায়
 বাঞ্চাও তাপেয় ধৗরতী  !

====000--- ᱞᱧ ----000====

৮।|

আপাসুলুঃ দাড়ে

সুচাঁদ হাঁসদা

 

আসাড় সানে , জৗপুৎ কেদা ,
বৗদ্‌ বৗইহৗড় চাপেয়েন ৷
অত্‌ লাতার খন রকচ গঁঘা ,
কাটকম ক উডুক এন ৷

 

বৗদ বৗইহৗড়রে বুরুৎ বুরুৎ ,
পুঁড  কঁ  ক  আতিঞ  ৷
ঞিঁদৗ  কঁ দ আতিঞাঁক ,
জৗপিত সাড়া সাতিঞ  ৷

 

তরহৎ হঁ থিয়ৗ থাপে ,
আতিঞ ক আড়ে লাতার ৷
হড় কহঁ বৗদ বৗইহৗড়রে ,
কৗমি ক জে-জানার ৷

 
আদম কদ সি-য়াকো ,
আদম ক লাগ আড়ে ৷
আয়ো হড়ক তূদ রহয়া,
নোওয়াগে আপাসুলঃ দাড়ে ৷

====000--- ᱞᱧ ----000====

৯।|

বৗবু

বাবলু সরেন

 

অড়াঃ হড়ক হহ আঞা
আদর তে বৗবু
বকঞ তিঞে হহ আঞা
এ বৗবু ঠৗবু ৷

 

দাদা মেনতে বায় হহ

হহ আঞা বৗবু

বৗবু তেগেয় হাড়াম কিদিঞ

ইঞমা আঢারু বুঢৗরু ৷

 

হাড়াম ইনৗঞ, দুড়ুম ইনৗঞ

এনহঁ হহ আঞা বৗবু

আজগে মাসে মারাং দাদা

আলে হপন বৗবু ৷৷

====000--- ᱞᱧ ----000====

১০।|

নেঁহর

সীতেন মাণ্ডি

 

আলম রুয়ৗড় হড় তালা
     বতর গেলে বুঝৗও ,
আম খৗতির ইতুন আসড়া
     বন্ধঃ পাছে ভালা।

 

অল পাড়হাও খেলোড আলে
   ‌ তিকিন বেড়ালে জম,
বুরধি দাড়ে আরজাও কাতে
  লাহাসেন লে তাড়াম।

 

চাওলে ডাল চিনি সাবান
  পতব খাতা হঁ লে ঞাম
মাচেৎ কোওয়াঃ মচা বাঁখেড়
     শিখনৗৎ বাংলে ঞাম।

 

অকয় কদ মেরম গুপি
    অড়াঃ রেনাঃ কৗমি
স্কুল জিয়ন কচি উমের
  আধা দিনরে আলম ডুগি।

 

নেঁহর আলে জহার আলে
    চট চাঁদ ঠেন,
তাড়াম হর রে চাচো কালেমে
 দহ কালেমে বুগি।

 

====000--- ᱞᱧ ----000====

১১।|

আর কারস্টেয়ার্স

দুগাই টুডু

 

আঁজম গদঃ কাথায় উনি
   মারাং সাহেব লেনায়,
অল বেল তালা তেদ
   অনলিয়ৗ এনায়।
 

ঞুতুম রবার্ট কারস্টেয়ার্স
    ইংল্যান্ড রেদ জানাম,
আই.সি.এস. গে পাস লেদায়
    বাড়ায় গেকো সানাম।

 

ডেপুটি কমিশনার কৗমি লেদা
     হানে সান্তাল পরগনা,
বিহার পনৎ নাহাঃ ঝাড়খন্ড
     বেবাক গেকো মেনা।

 

সান্তাড় হুল হুয় লেনা
   আচ্‌ গুজুঃ মাড়াং,
পে-গেল সেরমা লাহা রেগে
  তারকো রাঁওয়া আড়াং।

 

অনে আদয় বাডায় আনা
     ঘটন ঘটাও তেনাঃ,
হানে উনরে অল কেদায়
     ‘হাড়মাস ভিলেজ’ অনা।

 

সান্তাল হুল লৗইতে ভালা
    জেলেঞ মাছা গামাম।
পুখুরিয়া মিশন প্রেস খনাঃ
   ছাপাও লেনা নাগাম।

 

রুবেন রুসেন কিস্কু রাপাজ
     তরজমাগে আয়মা,
‘হাড়মাআঃ আতো’ ঞুতুম আরহঁ
    মৗনে বাড়হাও আয়মা।

 

কারস্টেয়ার্স সাহেব বৗনুয় রেহঁ
     এনেমে দহ আনা
আন্তাড় নেতার অৗডি গেকো
    উইহৗর বাডায়ে কানা।

====000--- ᱞᱧ ----000====

১২।|

আদিবাসী 

নিকোলাস  মারাণ্ডি

 

অৗদ  হিলৗঃরেন অৗদিবৗসি
    অৗদ খনগে মেনাম  ।
হৎ হিসিৎ যত - কোগে
    বাডায়াকো সানাম ।

  

লাহা হড়েম তায়ম আকান
    তায়ম হড়গে লাহা ,
চেদাঃ আদ তুমবুৎ কাতে
    চাপোয়েনাম জহা ।

  

আলম হুদিস , আলম গান্ডন
    লাহাঃগেয়াম আম ,
হাপড়াও রেয়াঃ জিত - টুপরি
    সৗরিগেয়েম ঞাম   ।

 

 ঁঁঁঁঁ=মুচৗৎ=ঁঁঁঁঁ