সিঁগি মাহা রেনাঃ সাকাম ‘চেরেচ্ আড়াং’ লেখা- ৯৮

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com     

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালামুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱨᱟᱢᱞᱟᱞ  ᱴᱩᱰᱩ, ᱜᱟᱛᱮ ᱴᱩᱣᱟ.ᱨᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ,,  বাড়তাং  সরেন, সুচাঁদ হাঁসদা,  সিতেন মান্ডি, দুগাই টুডু, দুর্গাচরণ মুরমু।

রিলৗমালা মুরুমু, ক্লাস- V
জেলা - পুরুলিয়া

 ১।|

ᱡᱤᱣᱚᱱ ᱟᱢᱟᱜ

 ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱥᱤᱵᱤᱞ ᱥᱤᱵᱤᱞ
ᱡᱚᱢᱟᱜ  ᱧᱩᱣᱟᱜ
ᱟᱢ  ᱡᱩᱫᱤᱢ ᱠᱷᱚᱡᱟ ᱾

ᱯᱟᱲᱦᱟᱜ  ᱯᱟᱲᱦᱟᱜ
ᱜᱤᱫᱽᱨᱟᱹ  ᱠᱷᱚᱱᱟᱜ
ᱢᱚᱱᱮ  ᱟᱞᱚᱢ ᱚᱡᱟ ᱾

ᱜᱟᱞᱟᱝ ᱜᱟᱞᱟᱝ
ᱡᱤᱣᱚᱱ   ᱟᱢᱟᱜ
ᱞᱮᱜᱮᱢ ᱞᱮᱜᱮᱢ  ᱪᱟᱞᱟᱜ ᱾

ᱵᱟᱦᱟ ᱵᱟᱦᱟ
ᱵᱟᱦᱟ   ᱞᱮᱠᱟ
ᱡᱤᱣᱚᱱ ᱜᱮᱪᱚ ᱢᱟᱞᱟᱜ ᱾

ᱠᱩᱲᱟ.ᱭ  ᱠᱩᱲᱟᱹᱭ
ᱱᱤᱛᱚᱜ   ᱨᱮᱱᱟᱜ
ᱦᱟᱯᱮᱱ  ᱚᱱᱟᱢ  ᱧᱟᱢᱟ ᱾

ᱥᱚᱱᱚᱛ ᱥᱚᱱᱚaᱛ
ᱥᱟᱜᱩᱱ ᱰᱟᱦᱟᱨ
ᱟᱢᱮ ᱥᱳᱛᱳᱜ  ᱠᱟᱢᱟ ᱾

======--- ᱞ ᱧ ----=====

২|। 

ᱪᱟ ᱵ ᱟ ᱭ ᱮᱱᱟ

ᱨᱟᱢᱞᱟᱞ  ᱴᱩᱰᱩ

 

ᱪᱟᱵᱟᱭᱮᱱᱟ ᱰᱷᱤᱝᱠᱤ ᱦᱩᱲᱩᱝ
      ᱛᱟᱵᱮᱱ , ᱦᱚᱞᱚᱝ , ᱞᱟᱴᱷᱮ
 ᱪᱟᱵᱟᱭᱮᱱᱟ ᱛᱟᱹᱱᱛᱤ ᱥᱟᱹᱲᱤ
     ᱰᱟᱸᱰᱟ ᱵᱮᱫᱽᱦᱟᱣ ᱯᱟᱴᱷᱮ ᱾

 
 ᱪᱟᱵᱟᱭᱮᱱᱟ ᱦᱟᱹᱴᱤᱧ ᱛᱮᱜᱮ
       ᱟᱯᱟᱛ ᱠᱚᱣᱟᱜ ᱰᱤᱸᱰᱟᱹ
 ᱪᱟᱵᱟᱭᱮᱱᱟ ᱵᱟᱸᱣᱞᱟ ᱯᱟᱞᱳ
   ᱯᱟᱛᱲᱟ , ᱯᱷᱩᱲᱩᱜ ᱵᱤᱸᱰᱟᱹ ᱾

 
 ᱪᱟᱵᱟᱭᱮᱱᱟ ᱰᱟᱸᱜᱽᱨᱟ ᱜᱟᱹᱰᱤ
    ᱢᱟᱸᱫᱽᱞᱟ , ᱞᱚᱯᱯᱟ , ᱱᱤᱸᱜᱷᱟᱹ
 ᱪᱟᱵᱟᱭᱮᱱᱟ ᱡᱷᱟᱹᱨᱤ ᱵᱟᱹᱭᱦᱟᱹᱲ
       ᱥᱚᱝᱛᱮ ᱵᱤᱜᱷᱟᱹ ᱵᱤᱜᱷᱟᱹ ᱾

 
 ᱪᱟᱵᱟᱭᱮᱱᱟ  ᱵᱤᱨ  ᱥᱮᱸᱫᱽᱨᱟ
       ᱥᱚᱜᱚᱫ , ᱢᱩᱦᱞᱟᱹ , ᱨᱩᱸᱰᱟᱹ
 ᱪᱟᱵᱟᱭᱮᱱᱟ ᱪᱟᱹᱨᱠᱷᱤ ᱟᱹᱪᱩᱨ
      ᱨᱟᱸᱢᱵᱲᱟ , ᱠᱩᱫᱽᱨᱩᱢ ᱜᱩᱸᱰᱟᱹ ᱾

 
 ᱪᱟᱵᱟᱭᱮᱱᱟ ᱵᱤᱦᱟᱹ ᱵᱟᱯᱞᱟ
        ᱛᱩᱢᱫᱟᱹᱜ , ᱴᱟᱢᱟᱠ ᱮᱱᱮᱡ
 ᱪᱟᱵᱟᱭᱮᱱᱟ ᱛᱟᱞᱟ ᱠᱩᱞᱦᱤ
         ᱥᱤᱸᱜᱟᱹᱬ ᱞᱟᱜᱽᱲᱮ ᱮᱱᱮᱡ ᱾

 
 ᱪᱟᱵᱟᱭᱮᱱᱟ ᱠᱩᱝᱠᱟᱹᱞ ᱵᱮᱱᱟᱣ
         ᱠᱟᱸᱰᱟ , ᱠᱟᱨᱟᱦᱮ , ᱥᱚᱨᱟ
 ᱪᱟᱵᱟᱭᱮᱱᱟ  ᱡᱟᱺᱲᱤ  ᱵᱟᱵᱮᱨ
      ᱡᱳᱛᱮ , ᱵᱟᱨᱟᱦᱮ , ᱰᱷᱮᱨᱟ ᱾

 
 ᱪᱟᱵᱟᱭᱮᱱᱟ  ᱢᱟᱹᱱ  ᱢᱟᱱᱚᱛ
        ᱥᱮᱸᱬᱟ , ᱦᱟᱲᱟᱢ , ᱫᱟᱫᱟ
 ᱪᱟᱵᱟᱭᱮᱱᱟ ᱟᱹᱫᱤᱢ ᱪᱤᱱᱦᱟᱹ
         ᱦᱚᱲᱢᱚ ᱥᱤᱠᱟᱹ ᱠᱷᱚᱫᱟ ᱿

 

 ======--- ᱞ ᱧ ----=====

৩।|

ᱦᱟᱸᱲᱩ ᱵᱟᱯᱞᱟ ᱫᱟᱜ

ᱜᱟᱛᱮ ᱴᱩᱣᱟ.ᱨ

 
ᱡᱷᱚᱢ ᱡᱷᱚᱢ ᱡᱷᱚᱢ ᱫᱟᱜ ᱫᱚ ᱡᱚᱨᱚᱜ
ᱯᱩᱵ ᱨᱮ ᱦᱟᱱᱮ ᱞᱤᱴᱟ.ᱜ ᱧᱮᱞᱚᱜ
ᱛᱮᱨᱮᱧ ᱥᱮᱛᱳᱝ ᱛᱩᱧ ᱵᱚᱞᱚᱜ
ᱦᱟᱸᱲᱩ ᱵᱟᱯᱞᱟ ᱫᱟᱜ ᱿

 

ᱚᱠᱟ ᱵᱟᱨᱛᱮ ᱨᱤᱢᱤᱞ ᱦᱮᱪ ᱮᱱ
ᱢᱮᱫᱛᱮ ᱢᱟᱥᱮ ᱵᱟᱝᱜᱮ ᱧᱮᱞᱮᱱ
ᱴᱟᱴᱠᱟ ᱨᱤᱢᱤᱞ ᱫᱟᱜ ᱡᱚᱨᱚᱭᱮᱱ
ᱦᱟᱸᱲᱩ ᱵᱟᱯᱞᱟ ᱫᱟᱜ ᱿

 

ᱞᱚᱦᱚᱫ ᱜᱚᱫᱮᱱ ᱛᱟᱥᱮ ᱦᱳᱲᱳ
ᱧᱩᱨᱩᱜ ᱫᱟᱜ ᱢᱟ ᱟᱹᱰᱤ ᱵᱳᱠᱲᱳ
ᱨᱟᱦᱞᱟ ᱨᱤᱢᱤᱞ ᱟᱥᱚᱞ ᱠᱳᱢᱲᱳ
ᱦᱟᱸᱲᱩ ᱵᱟᱯᱞᱟ ᱫᱟᱜ ᱿

 

ᱞᱚᱦᱚᱫ ᱮᱱᱟᱭ ᱥᱤᱢ ᱦᱚᱯᱚᱱ
ᱦᱤᱲᱤᱧ ᱮᱱᱟ ᱩᱢᱩᱞ ᱯᱟᱨᱠᱚᱢ
ᱨᱟᱯᱨᱟᱯᱟᱭᱮᱱ ᱫᱷᱤᱨᱤ ᱠᱟᱴᱠᱟᱢ
ᱦᱟᱸᱲᱩ ᱵᱟᱯᱞᱟ ᱫᱟᱜ ᱿

 
ᱯᱷᱟᱸᱠᱟ ᱜᱮᱭᱟ ᱞᱤᱞ ᱥᱮᱨᱢᱟ
ᱨᱟ.ᱥᱠᱟ.ᱭᱟᱠᱚ ᱜᱤᱫᱨᱟᱹ ᱠᱚᱢᱟ
ᱱᱚᱝᱠᱟ ᱫᱟᱜ ᱫᱚ ᱚᱠᱟᱨᱮᱢ ᱧᱟᱢᱟ
ᱦᱟᱸᱲᱩ ᱵᱟᱯᱞᱟ ᱫᱟᱜ ᱿

 
ᱧᱩᱨᱩᱜ ᱫᱟᱜ ᱦᱚᱸ ᱟᱥᱳᱲᱮᱱ
ᱥᱮᱨᱢᱟ ᱞᱤᱴᱟ.ᱜ ᱪᱷᱟᱱᱮᱱ
ᱚᱛ ᱢᱟ ᱥᱚᱸᱫᱷᱟᱲ ᱥᱚᱭᱮᱱ
ᱦᱟᱸᱲᱩ ᱵᱟᱯᱞᱟ ᱫᱟᱜ ᱿

 

 ======--- ᱞ ᱧ ----=====

৪।|

ᱟᱸᱡᱚᱢ ᱢᱮ ᱢᱟᱱᱟ ᱫᱚᱵᱚᱱ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

  

ᱟᱢ  ᱱᱤᱛ ᱦᱩᱰᱩᱧ ᱜᱮᱭᱟᱢ

         ᱟᱞᱚᱢ  ᱦᱚᱞᱵᱟᱛᱚ ;

ᱦᱟᱱᱛᱮ ᱱᱟᱛᱮ ᱫᱟᱹᱲ ᱫᱟᱸᱲᱟᱱ

         ᱟᱞᱚᱢ ᱧᱤᱨᱟᱜ ᱟᱛᱚ ᱾

 

 

ᱡᱷᱩᱲ ᱜᱟᱡᱟᱲ ᱱᱟᱹᱭ ᱯᱩᱠᱷᱨᱤ

      ᱟᱞᱚᱢ ᱡᱟᱸᱫᱮ ᱛᱟᱸᱫᱮᱜ ;

ᱢᱟᱨᱟᱝ ᱫᱟᱨᱮᱨᱮ ᱞᱟᱯᱷᱟᱝ ᱪᱚᱴᱚᱨᱮ

       ᱟᱞᱚᱢ ᱫᱮᱡᱽᱚᱜ ᱚᱸᱰᱮ ᱾

 

 

ᱥᱤᱛᱩᱝ ᱡᱟᱹᱯᱩᱫ ᱫᱤᱱᱟᱹᱢ ᱫᱤᱱ

      ᱟᱞᱚᱢ ᱧᱤᱨ ᱵᱟᱲᱟᱜ ;

ᱦᱚᱭ ᱦᱟᱫᱟᱨ ᱯᱷᱟᱨ ᱯᱷᱟᱫᱟᱨ

      ᱟᱞᱚᱢ ᱵᱟᱹᱜᱤ ᱚᱲᱟᱜ ᱾

 

 

ᱢᱟᱱᱟ ᱫᱚᱵᱚᱱ ᱠᱟᱛᱷᱟ ᱟᱢ ᱫᱚ

       ᱟᱸᱡᱚᱢ ᱢᱮᱥᱮ ᱠᱷᱟᱸᱴᱤ ;

ᱟᱞᱚᱢ ᱦᱤᱲᱤᱧ ᱜᱟᱛᱮ ᱜᱟᱯᱟᱛᱮ

       ᱟᱹᱡᱚᱢ ᱢᱮᱥᱮ ᱵᱤᱴᱤ  ᱾

  

ᱫᱷᱩᱲᱤ ᱫᱷᱤᱨᱤᱨᱮ ᱞᱩᱥᱩᱯᱩᱸᱰᱩ

        ᱥᱮᱛᱟᱜ ᱧᱩᱦᱩᱢ ᱟᱢ ;

ᱟᱞᱚᱢ ᱡᱤᱠᱤ ᱢᱟᱹᱭᱞᱟᱹ ᱨᱤᱴᱷᱟᱜ

       ᱦᱚᱲᱚᱢ ᱫᱷᱩᱲᱤᱜ ᱛᱟᱢ  ᱾

  

ᱜᱟᱛᱮ ᱥᱟᱣᱛᱮ ᱫᱟᱹᱲ ᱮᱱᱮᱪ

      ᱟᱞᱚᱢ ᱛᱩᱯᱩᱫ ᱠᱚᱫᱚ ;

ᱢᱟᱨᱟᱝ ᱥᱟᱣᱛᱮ ᱥᱩᱭᱟᱹ ᱥᱤᱰᱟᱹᱝ

       ᱟᱞᱚᱢ ᱦᱮᱣᱭᱟᱜ ᱟᱫᱚ ᱾

  

ᱵᱩᱜᱤ ᱵᱟᱹᱲᱤᱪ ᱟᱰᱤ ᱞᱮᱠᱟᱱ

       ᱠᱟᱛᱷᱟᱢ ᱪᱮᱫ ᱨᱮᱫᱚ ;

ᱱᱟᱯᱟᱭ ᱠᱟᱛᱷᱟ ᱞᱟᱹᱭᱢᱮ ᱟᱢ

        ᱨᱮᱵᱮᱫ ᱫᱚᱦᱚ ᱢᱮᱫᱚ ᱾

 

 ======--- ᱞ ᱧ ----=====

 ৫।|

আজার

বাড়তাং সরেন

 

টুইলৗ হাড়াম মেনাঃ তায়া

             আডি মারাং আজার

ডাক্টর ঠেনে চালাও এনা

              সাঙ্গিঞ হানা বাজার।

 

ডাক্টর দয়ে ওডোক কেদা

                 লিটি বিড়সি মেসিন

গোটা হড়মোয় বিডৗও কেদা

                সেতাঃ খনাং তিকিন।

 

এনেগেয়ে ইসিড় ওচোয়

                  আর হঁ মোচায় চাহাপ্

কিড়বিৎ লুতুর 'স্টেথো' আতে

                 আঁজম কুঁণ্ডি কাড়াপ্।

 

বিডৗও কাতেয় কুলি কেদে--

                   'চেৎকো এঁটকে টঁড়ে ' ?

টুইলৗ হাড়াম মেন কেদায়ে --

                      ' উদুর ভেঁড়েঁ ভেঁড়েঁ ,

 

তালা ঞিদৗ জৗপিৎ তরা

               একাল আডিঞ উদুর

অনা সাঁওতে গোটা হড়মোঞ

                    গাদুর ফাদুর ফাদুর।

 

আড়িস খৗতির বুঢী তিঞ দয়

                   বাগি আদিঞ হলা

অনা রেগে পাড়াও ইনৗঞ

                    ইঞদ আডি জ্বালা '।

 

আঁজম কাতেঃ ডাক্টর বাবু

             জেলেঞ মাছায় সাঁহেৎ

মেতাঃ দেয়ায় বারয়া কাথা

                     লুতুর দহ  রেবেৎ।

 

'গোটা হড়মো গুণ্ডৗ মারিচ্

               লাগাও অক্ত নাপিৎ ,

উদুর তামে চাবায় তামা

              ঞিদৗ আলোম জৗপিৎ '।

 

আঁজম তরা টুইলৗ হাড়াম

                  লুণ্ডু লুণ্ডুয় বেঙ্গেৎ

মনে রেনাঃ সানাম কাথা

                লাণ্ডরী তালা ঢাকেৎ।

 

======--- ᱞ ᱧ ----=====

৬।|

অড়াঃ

সুচাঁদ হাঁসদা

 

বাড়গি লাতার রে মেনাঃ তালে,

চেলপেঞ চেলপেঞ পুখরি ৷

পুখরি ধারেঞ চালাও লেনা ,

রাঃ  আঁজমতে  ঘুগরি ৷

 

সেন কাতিঞ ঞেঁলেত দ ,

আয়মা  হড়াঃ  অড়াঃ ৷

দাঃ রেঁহ ঘুটু রেঁহ ,

অড়াঃ আকাত ঢঁড়া ৷

 

বাঁধ ধারে রেক অড়াঃ আকাত,

রটে  বারু  ডাং  ৷

ঘুগরি হঁ মেনাঃ কোওয়া ,

অড়াঃ কাতে উনকু  সাং ৷

 

চেতান দাঃ রে অড়াঃ তাক ,

সাঁগে ডৗড়কৗ পুঠি ৷

রৗসকৗ রে মেনাঃ কোওয়া ,

ছিলিক বিলিক খাঁটি ৷

 

তালা দাঃ রে অড়াঃ তাক,

রুই মিড়িক হাকু ৷

আডি গেগ চালাক আনা ,

তাঁহেন আকো আডি উকু ৷

 

লাতার হাসারে অড়াঃ আকাত,

সাঁগে রকচ গঁঘা ৷

আডি রৗসকৗরে হেনাঃ কোওয়া,

সেতাঃ আয়ুপ আঁগা ৷

 

 ======--- ᱞ ᱧ ----=====

৭।|

ইতুন‌ আসড়া

সীতেন মাণ্ডি

অড়াঃ গে তাম পৈল ইতুন আসড়া
  গ বাবা অড়াঃ হড় গে
আমরেন পৈল মাচেৎ
উনকু ক গে এমা মাক সানাম লেকান সেচেৎ।
চাচো ডিডি তিতি সাব কাতে
তাড়াম ক সেঁড়া আমা
গ বাবা মেন মেন তে রড় ক হেওয়া মেয়া।
কচি পোহাল হড় ম আমাঃ
যতন হারা বুরু চঃ চেরেচ সহাগ কাতে
মনে ক যতন তামা।
দাঃ তেতাং‌ লাচ্ রেঁগেচ মেটাও তামা ক
রাবাং রেয়াড় ল ল সিতুং রূয়া হাসু খন
সাহা রেক দহ মেয়া দুলাড় মেয়াক উন।
জানাম আতু জানাম আয়ো
কলে বালে সেপেঞ হারা মেয়া
জানাম আতু গ বাবা তিশ হঁ
আলম হিড়িঞ কোওয়া।।

 

 ======--- ᱞ ᱧ ----=====

৮।|

হরপ্রসাদ মুরমু

দুগাই টুডু

 

সিঁগৗড় তরা সান্তাড়ি আখড়া

       উনরে আঁজমঃ আচো,

হরপ্রসাদ মুরমু কোলকাতা

     খবর পাড়হাও গেচো।

 

জানাম মুড়াঠৗকরৗ আতো

             সিংভূম বিহার রেদ,

নাহাঃ পুরুব সিংভূম জেলা

        ঝাড়খন্ড পনৎ গেদ।

 

আপাৎ ফকির মুরমু কানে

         এঁগাৎ রাধারাণী,

জামসেদপুর ওয়ার্কস কলেজ খনাঃ

       বি.এ. পাস কেদায় উনি।

 

আকাশবাণী কোলকাতা খনগে

      চৗকরি জিরৗও লেনায়,

সান্তাড়ি সাঁওহেৎ হুদিস আতে

     অলে এহপ লেদায়।

 

অল বেল বাবদ তেদ

    অনড়হিঁয়ৗ লেনে,

গায়ান চারচা খৗতির তেগে

     গায়নাহৗরি এনে।

 

অনড়হেঁ কৗহনি উছৗন তায়গে

     ‘হড় সম্বাদ’ ‘তেতরে’ দরে,

‘পছিম বাংলা’ ‘সিলি’ ‘রিমিল’

      আয়মা পাথাম করে।

 

‘জিয়ৗড় ঝারণা’ অনড়হেঁ পুথি

     দুলৗড় ইদি কাতে,

নাপায় অকচ্‌ সদর হেনাঃ

     দুলৗড় যতন আতে।

 

সাঁওহেৎ চারচা লৗগিৎ উনি

    এনেম দহ আনায়,

হড়কো তালা নেতার আদ

      দিসৗ তাঁহে এনায়।  

 

======--- ᱞ ᱧ ----=====

৯।|

মারাঃ চেঁড়ে

দুর্গাচরণ মুরমু

 

আযোদিয়ৗ বুরু বির বাগাহীরে

নানা হুনৗর চেঁড়ে,

মেনাঃকো সাঙ্গে  জিব জিয়ৗলী

লবয় মারাঃ চেঁড়ে।

 

হড়মো চেতান  রাং তামা

ফৗক্‌ড়াঃ সাজাও আকান,

জিড়িৎ জিড়িৎ মারাঃ পিনচার

রামধনু বেনাও আকান।

 

আসাড় বঙ্গা জৗপুৎ জৗড়ি

দাএ আসুড় লেখান,

আঁডিয়া মারাঃ, ফৗক্‌ড়াঃ তুলে

এনেচ উন জখান।

 

টহও টহও কুরর কুরর

রাগায় রৗস্কৗগে একলা,

হহ আকো জতো মারাঃ

আখড়া তালা দেলা।

 

এগাঁ মারাঃ নিচল বেড়া

রাগায় এও এও,

উডৗও আবোঃ দারে ডৗররে

আডি রৗস্কৗয় বুঝৗও।

 

আবোঃ রেহঁয় ডৗর করে

অত রেগেয় তুকৗয় ,

 তুরুয় গটাং বেলে কাতে

মজগেয় হপন কোওয়ায়। 

 

জিনতি পিপড়ি বিঞ কাকড়া

মারাঃ দকো জমা,

ঞামোঃ খান রহড় দানা

 জজম বাংকো কমা।

*******মুচৗৎ*******