আবোওয়াঃ ডিজিটাল ডেস্ক- ঞেল আকানা বাজার-নাগার করে হড়-জড় সে আদিবাসী কোদ অৗডি কম গেকো তাঁহেনা। এনরেহঁ নেবেতার হুল মাহা মানাও পালাও রেনাঃ কৗমিহরা বাং কমজুরিয়ৗ শাহার-বাজার রেহঁ মেনতেগে ঞেল ঞাম এনা পুরুব মিদিনপুর জিলৗ তৗরিরে মেনাঃ তমলুক নাগার রেন গিরৗবাসী লেকাতে মেনা আকাদ্ কো হড়-জড় আতেৎ আডি ভৗরিভরম আতে ৩রা, জুলাই'২২ সিঙেমাহা হিলোঃ তমলুক রৗসকৗ মহল আঃ সৗহিজুহিতে হুল মাহা মানাওয়েনা তাম্রলিপ্ত পৌরসভা ভবন রে।
টামাক, রেগড়া,ঝাই করতাল তালাতে,মিৎ
হরতে ডাহার তাড়াম সাঁওতে কালকালাও এনা
গটা তমলুক বাজার- “বীর বান্টা সিধু -কানহু বীরসা বীর/ বাবন তাঁহেন জৗপিৎ থির এমান এমান
শ্লোগান।
বঙাবুরু তালাতে আখড়া কৗমিহরা পুরৗও
তায়ম বীরবান্টা
সিধু -কানহু মুঠৗনরে গৗহির মনেতে বাহামালা চাল সাঁও সাঁওতে আদিবাসী জৗতিয়ৗরি সেরেঞ দেবন তিঙোন আদিবাসী বীর দ ........ আঁড়তি কেঃআক, রৗসকৗ মহলরেন প্রতিমা মুরমু হেমরম সাঁও সানাম
রৗসিয়ৗকো। মৗননমৗচিরে দুড়ুব আকান পেড়া ক আতাং দারাম কেৎ কোওয়ায় তমলুক রৗসকৗ মহল রেন পারসেৎ দেবেন্দ্রনাথ হেম্ব্রম।
আখড়ারে মারাং পেড়া লেকাতে সেটের তাঁহেকানায়... বাং
হৗটিঞ মেদিনীপুর জেলা ভারত জাকাত মাঝি পারগানা মহল রেন জগ পারগানা মনোরঞ্জন মুর্মু গোমকে। মানতান
গোমকেদ ভারত দিশম ফুরগৗল মাড়াং ১৮৫৫ সাল ৩০জুন হুল মাহা দিশৗতে অড়ে অড়পাৎ এ গালচ কেঃআ।
নেওতা পেড়া লেকাতে সেটের তাঁহেকানায় মাচেৎ রূপচাঁদ মান্ডি গোমকে। উনিদ
গালচ গটা কেঃআ জে সংবিধান রে রাখা দহ জুড়ু বৗই বৗইতে অ-আদিবাসী ক রেজ্ এৎবনা। কলেজ, জেগেৎ বিরদৗগাড় করে আর চৗকরি -বৗকরি করে ফেক এস টি সে এড়ে এস টি ক্যান্ডিডেট কো ঞেলঃগঃ কানা। লৗড়হৗই টান্ডিরে জুমিদঃ হুয়ুঃ তাবনা।
আরহঁ নেওতা পেড়া লেকাতে সেটের তাঁহেকানায় প্রফেসর পাপিয়া মান্ডি। প্রফেসর
মান্ডি দ আদিবাসী তিরলৗ চেতান আয়মা
লেকান নাহচার,
রড় সিড়িজ্, ভরম নাসাও এমান ঞেলঃকানা। জুমিদ কাতে রড় দারাম হুই আবনা। দসারতে হুলবন এতহবা
এমান আয়মা কাথায় সাব রাকাব কেদা।
আখড়ারে মৗই বাবু তেক অনড়হেঁ সাঁওতে হুল দিশৗতে এনেচ ক উদুঃ সদর
কেদা। মিৎ হাহাড়া চিতৗর ঝালকাও রাকাব এনা- অনা আখড়ারেগে সেটেরলেন
সানামকো জড়তি কাতে কিরৗকো আতাং কেদা হুল-হুলসৗই লৗগিৎ।
.webp)
