আবোওয়াঃ কাথা ডিজিটাল ডেস্ক খন উছৗনঃ কান গিদ্রৗ
সাঁওহেৎ বাখরা ‘চেরেচ্ আড়াং’ ঞেলতে ঞেলতে মিৎ শায় লেখারে তিয়ঃ কেদায়। অনাতে সানাম অনলিয়ৗ, সাঁওহেৎ
দরদিয়ৗ, পাঠকিয়ৗ কো ঠেন তাঁহেয়েনা আলে পাহটা খন শায় শায় সারহাও। ‘চেরেচ্ আড়াং’ তঁগে
গে তাঁহেন কানা। -(সাসাপড়াওয়িচ্)
“আবোওয়াঃ
কাথা” ডিজিটাল ডেস্ক রে সানাম
সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল
ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com
তেহেঞাঃ আখড়ারে যাঁহায় কো সেলেদ্ আকান- সুজয় কুমার টুডু, রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ ᱢ ᱩ ᱨ ᱢ ᱩ,, ᱜᱟᱛᱮ ᱴᱩᱣᱟ.ᱨ, ᱜᱳᱯᱮᱥᱣᱚᱨ ᱢᱟ.ᱱᱰᱤ, বাড়তাং সরেন, সনাতন টুডু, নিকোলাস মারাণ্ডি, দুর্গাচরণ মুরমু , দুগাই টুডু, সিতেন মান্ডি, দুলৗড় বিটি।
 |
| সুজয় কুমার টুডু, ক্লাস- III জেলা - পশ্চিম মেদিনীপুর |
.webp) |
| রিলৗমালা মুরুমু, ক্লাস- V জেলা - পুরুলিয়া |
ᱪᱟᱸᱫᱚ ᱤᱯᱤᱞ ᱢᱟᱲᱚᱢ ᱨᱮᱜᱮ
ᱢᱟᱨᱥᱟᱞ ᱢᱮᱱᱟᱜ ᱟᱱᱟᱝ ᱾
ᱡᱚᱛᱚᱢ ᱡᱳᱞᱳᱜ ᱮᱸᱜᱮᱞ ᱨᱮᱜᱮ
ᱵᱮᱲᱟᱭ ᱛᱟᱦᱮᱸᱱ ᱫᱟᱱᱟᱝ ᱾
ᱫᱷᱟᱹᱨᱛᱤ ᱛᱟᱞᱟ ᱧᱩᱛᱟᱹᱫᱽ ᱳᱣᱟᱝ
ᱨᱟᱦᱽᱨᱟ ᱠᱤᱢᱤᱞ ᱰᱷᱤᱞᱣᱟᱹᱝ ᱾
ᱧᱩᱛᱟᱹᱫᱽ ᱨᱟᱹᱱᱤ ᱚᱢ ᱠᱟᱛᱮ
ᱢᱮᱱᱟᱭ ᱜᱮᱭᱟ ᱫᱮᱞᱟᱝ ᱾
ᱵᱮᱲᱟ ᱟᱦᱽᱞᱟ ᱯᱤᱸᱲᱤᱫᱽ ᱯᱤᱸᱲᱤᱫᱽ
ᱟᱢ ᱤᱧᱨᱮ ᱛᱟᱠᱤᱡᱚᱜ ᱾
ᱥᱮᱛᱟᱜ ᱥᱟᱶᱛᱮ ᱨᱟᱛᱟᱝ ᱡᱤᱸᱲᱤᱫᱽ
ᱦᱚᱭ
ᱛᱮᱜᱮ ᱥᱟᱹᱠᱤᱫᱚᱜ ᱾
ᱥᱮᱨᱢᱟ ᱳᱣᱟᱝ ᱥᱟᱡᱟᱣ ᱟᱠᱟᱱ
ᱞᱤᱞᱜᱮ ᱧᱮᱞᱚᱜ ᱠᱟᱱ ᱾
ᱥᱤᱧ ᱧᱤᱫᱟᱹ ᱜᱩᱛᱩ ᱜᱟᱞᱟᱝ
ᱡᱤᱨᱟᱹᱣ ᱵᱟᱹᱱᱩᱜ ᱟᱱ ᱾
ᱟᱥᱲᱟ ᱛᱟᱞᱟ ᱥᱮᱪᱮᱫ ᱮᱢᱚᱜ
ᱢᱟᱪᱮᱫ ᱜᱚᱝᱠᱮ ᱦᱟᱸᱰᱮ ;
ᱟᱪᱮᱫ ᱠᱚᱢᱟ ᱫᱤᱱᱟᱹᱢ ᱪᱟᱞᱟᱜ
ᱵᱟᱲᱟᱭ ᱡᱚᱝᱜᱮ ᱚᱸᱰᱮ ᱾
ᱰᱟᱠᱛᱟᱨᱟᱜᱢᱟ ᱥᱩᱥᱟᱹᱨ ᱠᱟᱹᱢᱤ
ᱢᱟᱱᱢᱤ ᱥᱮᱵᱟ ᱠᱟᱱ ;
ᱱᱟᱨᱻᱥ
ᱥᱟᱸᱳᱛᱮ ᱜᱚᱲᱚ ᱛᱟᱸᱦᱮᱱ
ᱥᱤᱧ ᱧᱤᱫᱟᱹᱨᱮ ᱟᱱ ᱾
ᱪᱟᱥᱟᱭ ᱠᱟᱹᱢᱤ
ᱠᱷᱮᱛ ᱵᱟᱹᱫᱨᱮ
ᱛᱮᱭᱟᱨ ᱡᱚᱢᱟᱜ ᱠᱷᱟᱸᱴᱤ ;
ᱥᱤᱛᱩᱝ ᱡᱟᱯᱩᱫ ᱠᱟᱹᱢᱤ ᱵᱷᱮᱫᱨᱮ
ᱢᱮᱱᱟᱭ ᱩᱴᱤ ᱥᱩᱴᱤ ᱾
ᱥᱮᱱᱟ ᱥᱤᱯᱟᱹᱦᱤ ᱥᱤᱢᱟᱹ ᱟᱲᱮᱨᱮ
ᱥᱤᱧ ᱧᱤᱫᱟᱹᱜᱮ ᱦᱚᱨᱚ ;
ᱨᱮᱭᱟᱲ ᱞᱚᱞᱚ ᱮᱴᱮᱫ ᱫᱷᱟᱨᱮ
ᱠᱟᱹᱢᱤᱜᱮ ᱦᱚᱨᱚᱵᱚᱨᱚ ᱾
ᱠᱟᱹᱢᱤᱱ ᱠᱚᱫᱚ ᱫᱤᱱᱟᱹᱢ ᱠᱟᱹᱢᱤ
ᱚᱲᱟᱜ ᱫᱩᱭᱟᱨ ᱠᱚᱨᱮ ;
ᱠᱟᱹᱢᱤ ᱠᱟᱛᱮᱜᱮ ᱛᱮᱭᱟᱨ ᱠᱟᱱᱟ
ᱡᱤᱭᱚᱱ ᱞᱟᱦᱟ ᱫᱚᱨᱮ ᱾
ᱥᱤᱠᱷᱱᱟᱹᱛ ᱜᱮ ᱦᱟᱢᱮᱴ ᱞᱟᱜᱤᱫ
ᱥᱮᱲᱟᱭ ᱨᱮᱱᱟᱜ ᱫᱟᱲᱮ ;
ᱥᱮᱛᱟᱜ ᱟᱭᱩᱵ ᱠᱩᱨᱩᱢᱩᱴᱩᱨᱮ
ᱪᱮᱫᱚᱜ ᱞᱚᱜᱚᱱ ᱪᱟᱸᱲᱮ ᱾
ᱛᱟᱱᱛᱤ ᱵᱮᱱᱟᱣ ᱞᱩᱜᱽᱲᱤ ᱞᱟᱯᱳ
ᱱᱟᱱᱟ
ᱦᱩᱱᱟᱹᱨ ᱥᱟᱡ ;
ᱥᱟᱱᱟᱢ ᱠᱚᱜᱮ ᱮᱢᱟᱠᱚ ᱠᱟᱱ
ᱪᱷᱩᱴᱟᱹᱳ ᱨᱮᱜᱮ ᱟᱡ ᱾
ᱠᱩᱝᱠᱟᱹᱞ ᱢᱟᱛ ᱴᱩᱠᱩᱪ ᱪᱮᱞᱟᱝ
ᱦᱟᱥᱟᱛᱮ ᱡᱩᱛ ᱟᱵᱚ ;
ᱤᱥᱤᱱ ᱜᱚᱫᱟ ᱞᱟᱠᱚᱛᱤ ᱨᱮᱢᱟ
ᱩᱵᱽᱜᱟᱹᱨᱜᱮ ᱛᱟᱵᱚ ᱾
ᱠᱟᱢᱟᱨ ᱫᱚᱭᱮ ᱵᱤᱱᱴᱷᱤ ᱪᱷᱩᱨᱤ
ᱵᱮᱱᱟᱳ
ᱟᱵᱤ ᱢᱚᱡᱽ ;
ᱚᱲᱟᱜ ᱫᱩᱭᱟᱨ ᱞᱟᱠᱚᱛᱤ ᱢᱮᱱᱟᱜ
ᱵᱟᱳᱦᱟᱨᱨᱮ ᱠᱷᱚᱡᱽ ᱾
ᱟᱵᱚ ᱛᱟᱞᱟᱨᱮ ᱞᱟᱴᱩ ᱦᱩᱰᱤᱧ
ᱛᱤᱱᱟᱹᱜ ᱠᱟᱹᱢᱤᱭᱟ ᱦᱚᱲ ;
ᱡᱩᱫᱟᱹᱜᱮ ᱠᱟᱹᱢᱤ ᱟᱠᱚ ᱞᱮᱠᱟᱜᱮ
ᱵᱟᱱᱩᱜ
ᱛᱟᱠᱚᱳᱭᱟ ᱡᱚᱲ ᱾
=========
ᱞ ᱧ =========
ᱛᱮᱨᱫᱮᱡ ᱢᱟᱨᱥᱟᱞ ᱨᱟᱪᱟᱨᱮ
ᱵᱟ.ᱵᱩ ᱛᱟᱞᱮ ᱜᱚᱪᱷᱟᱨᱮ
ᱛᱳᱣᱟ ᱫᱟᱠᱟ ᱟ.ᱲᱤᱛᱟᱭ
ᱪᱟᱸᱫᱳ ᱢᱟᱢᱟ ᱮᱢᱟᱭᱟᱭ ᱾
ᱟᱞᱚ ᱜᱮ ᱯᱮ ᱟᱹᱲᱤᱥᱟᱭ
ᱡᱷᱚᱛᱚ ᱠᱚ ᱯᱮ ᱟ.ᱥᱤᱥᱟᱭ
ᱛᱚᱵᱮ ᱩᱱᱤ ᱦᱚᱲᱚᱜ ᱼᱟᱭ
ᱵᱩᱨᱩ ᱞᱮᱠᱟ ᱦᱟᱨᱟᱜ ᱼᱟᱭ ᱾
ᱟᱞᱮ ᱚᱲᱟᱜ ᱦᱤᱡᱩᱜ ᱯᱮ
ᱯᱮᱲᱟ ᱦᱤᱨᱤ ᱦᱤᱡᱩᱜ ᱯᱮ
ᱡᱚᱵᱮ ᱞᱟ.ᱰᱩ ᱜᱟᱛᱮ ᱛᱟᱭ
ᱮᱠᱟᱞ ᱜᱮ ᱯᱮ ᱟᱜᱩᱣᱟᱭ ᱾
ᱜᱚᱰ ᱟᱯᱮ ᱪᱩᱨᱩ ᱵᱩᱨᱩ
ᱟᱛᱟᱝ ᱛᱮᱯᱮ ᱠᱩᱨᱩ ᱠᱩᱨᱩᱜ
ᱟᱞᱚᱯᱮ ᱞᱟ.ᱭᱟ ᱡᱟᱦᱟᱱᱟᱜ
ᱦᱚᱯᱚᱱ ᱵᱟ.ᱵᱩᱭ ᱡᱟᱯᱩᱫ ᱠᱟᱜ ᱾
========= ᱞ ᱧ =========
ᱞᱮᱞᱦᱟᱭ ᱪᱟᱞᱟᱣ ᱞᱮᱱᱟ ᱥᱤᱭᱳᱜ
ᱠᱟᱫᱟᱢ ᱵᱟ.ᱭᱦᱟ.ᱲ ᱛᱟᱞᱟ
ᱫᱟᱨᱮ ᱨᱮᱦᱮᱫ ᱨᱮ ᱱᱟᱦᱮᱞ
ᱴᱷᱟᱠᱮᱫ ᱞᱮᱱ ᱵᱷᱟᱞᱟ ।
ᱰᱟ:ᱜᱷᱨᱤ ᱠᱟᱴᱟᱭ ᱢᱟᱜᱷ,
ᱚᱲᱟᱜ ᱨᱩᱣᱟ.ᱲ ᱦᱮᱡ ᱠᱟᱛᱮ
ᱨᱳᱦᱮ.ᱫ ᱛᱮᱜᱮᱭ ᱨᱟᱜᱷ ।
ᱡᱚᱛᱚ ᱟᱛᱳ ᱦᱚᱲ,
"ᱞᱮᱞᱦᱟ" ᱢᱮᱱ ᱠᱟᱛᱮ ᱜᱮ
ᱦᱚᱦᱚ ᱛᱚᱨᱟᱭ ᱨᱚᱲ।
========= ᱞ ᱧ
=========
দারে সাকাম জম
হাডাব হাডাব টুঁডৗং তেদ
একাল বাচম কম।
সিবিল আডি মজ
হান্তে নাতে বাংএম কয়গ্
পাতড়া পেরেচ ভজ।
লাদুস লুদুস লাচ্
হারা পুরৗও তরাম সগেঃ
দারে ডাণ্টিচ মাজ্।
মোচা উলি দাঃ
যতন আতেম গালাং রাকাপ
একাল বাচম রাঃ।
হড়মো চেতান ঠল
অকা খনেম আগু লেদা
সুতৗম গালাং কল !
বেনাও তামাম সাজ
আমগে মারাং রাজ।
বঙ্গা বারাং রূপ
হড়মো চেতান লাগাও তামাম
রাংতা পেরেচ উপ ।
দুয়ৗর তামেম ঝিজ
মারাঃ লেকাম উডৗও উডুং
ঢংদ আমাঃ নিজ।
দিশম হড়কো ঞেল
ডাঁগুওয়া কুড়ি ছেমেক ছেমেক
মনে জিউয়ীয় খেল।
========= ᱞ ᱧ
=========
মেনাঃ বাড়ে দারে ,
দারে ফেডাৎ করে ।
ঝতো গেলে এনেচ্,
ফেডাৎ করে এনেচ্ ।
বতর হচো লেয়া ,
চিকৗপে সঝে কেয়া ।
ঝতো গেকো ভুতেন ,
অডোক আকো দেরেঞ।
========= ᱞ ᱧ =========
আলে দ টুত
কুসিয়াঃ আলে ঞুত,
ককর ছিনতে
ওকা দ আলে
রাগালে উৎ উৎ ।
আলে দ টুত
বৗনুঃ তালে সুৎ ,
নৗকিজঃ আলে
জেলেঞ-জেলেঞ উপ্ ।
আলে দ টুত
সিঞ দ লে উকুঃ
তিনরে হৗসুরঃ
তিনরে হৗসুরঃ
মন দ বুকুৎ বুকুৎ ।
আলে দ টুত
রৗসকৗয়ালে খেনেচ্-খেনেচ্
তুমদাঃ টামাক রেগড়া বানাম
সেরেঞ আরলে এনেচ্।
========= ᱞ ᱧ =========
৮।|
বলরামপুর হাট
দুর্গাচরণ মুরমু
মনেয় খজঃ যাঁহা।
বাস ট্রেন গাডি,
বলরামপুর হাট টান্ডি।
রেল টেশন বরাভূম,
আযোদিয়া বুরু নিঝুম।
সিম পাওরা গেডে,
আখরিঞ লৗগিৎ বেডে।
সেতাঃ খনাঃ সিগাঁড়,
লুগড়ী হাতাও লৗগিৎ,
অডোগে অক্ত নৗপিৎ।
সিঙ্গুয়া ধুতি গামছা,
হাতাওগে সানা বাছা।
হৗড়য়ার আড়াঃ সাকাম,
আরহঁ আমদা সানাম।
সামানম হাতাও মে,
থড়া কয়ঃ তরায়মে।
বাঁকুড়া পান খিলি।
ঞামোঃ হাসা রেনাঃ,
কাঁসা স্টিল মেনাঃ।
হাট দ ভাঙ্গড়ঃ,
অড়াঃ তেক রুয়ৗড়ঃ।
রৗস্কৗ গেক খেলঃ।
========= ᱞ ᱧ
=========
কৗহনি অনলিয়ৗ,
মঁজ মঁজ হুদিশ আতে
অলায় হিনৗ নিয়ৗ।
আপাৎ ভগন হাঁসদা,
এঁগাৎ মেরীপুড়গি কানে
জতকো মেন এদা।
বিহার সানতাল পরগনা,
ডাক অড়াঃ পাঁচ কাঠিয়া
বারহেট গেচো থানা।
ঝাড়খন্ড পনৎ কানা,
নিয়ৗ কাথা কোগে নিত
আঁজম বাড়াঃ কানা।
গ্র্যাজুয়েশন আনা,
গুইনাজুড়ি ইস্কুল রেনগে
মাচেৎ তাঁহে লেনা।
বেজায় ধুরৗও লেনে,
উকু ঞুতুম ‘কারামডৗর’গে
অলরে বেওহার আনে।
‘হড় সম্বাদ’ পাথাম করে,
‘যুগসিরিজল’ ‘হিরলৗ’ এমান
উছৗন তায়গে দরে।
ছাপা সদর কেদায়,
সানতাড় হপন তালা রেমা
অৗডি ভাগে কাথায়।
এনেম দহ আনা,
অনা তেগে হড়কো নেতার
একাল উইহৗরে কানা।
========= ᱞ ᱧ =========
বাং যুদিম করাও
হাপেন দিন কৗমি কৗমিতে
হড় ম জিউয়িম থাকাও।
অকয় হঁ বায় তাঁগি কোওয়া
অল পাড়হাও আমাঃ কৗমি
করাও আর বাম করাও।
হান্তে নাতে দাঁড়ান
গ বাবা মাচেৎ কাথা
বাম আজম খান।
উনি হঁয় তাঁহেন কান গাতে
নিত মা উনি চৗকরি বৗকরি
ইঞ দ গুপি কানাঞ ডাংরি।
রুয়ৗড় ঞাম কেয়াঞ অনা উমের
আডি আটিঞ পাড়হাও কেয়া
রৗগি আড়িশ সানামিঞ দেয়ায়।
গ বাবা মাচেৎ মেনাক যাঁহা
অক্ত রেনাঃ গনং অক্ত গে সং
পারম কাতে হ হ লেখান একাল বাং এ গং।
========= ᱞ ᱧ =========
হাপ্তা পিছে সদরঃ,
ঞেলতে অনা কুচি মনে
ঘানে লেওয়ের কদরঃ।
জোহার সানামকো আপে,
তারাল বাসাল গিদরৗ মনে
সামটাও সৗরি কাঃপে।
চেরেচ্ আড়াং শায় লেখা
ঞেল্তে চেহর বেহর,
শাশায় লেখা আরহঁ উছৗনঃমা
তাঁহেয়েন তিঞ নেঁহর।
=*=*=*= মুচৗৎ = *=*=*=
.webp)
