আবোওয়াঃ ডিজিটাল ডেক্স - আদিবাসী নিতঃ আয়মা লেকাতেক রেচ অচোঃ কানা। আদিবাসী কওয়াঃ রাখা দহ জুড়ু হঁ অ-আদিবাসী কো কুরুমুটু আকাদা হামেট লৗগিৎ। ইস্কুল, কলে্ বিশ্ববিদ্যালয় ভর্তি লিস্টরে লৗইমে, মাচেৎ মাচেতৗনি ট্রেনিং লৗইমে, আদিবাসী কওয়াঃ সুযোগ সুবিতা হাতাও লৗগিৎ অ-আদিবাসীয়াঃ ঞুতুম ঞেল ঞামঃ কানা মেনতে ঘানে
ঘানে গে ভিযোগ এ রাকাপ আগুয়েদা।
আদিবাসী কল্যাণ সমিতি দ পশ্চিমবঙ্গরেন আদিবাসী কওয়াঃ হক আইদৗর রাখা জুড়ু বাবদ তগচ্ ডাটা আতেৎ লৗড়হৗই
গডারে মেনাঃ আকাদেয়া । অক্ত নৗপিৎ শাসনিয়ৗ দপ্তররে, আদিবাসী জনপ্রতিনিধি কঠেন স্মারকলিপি চাল আকাদায় । মেনখান ঞেল ঞামঃ কান গেয়া আদিবাসী কওয়াঃ ঠাঁওরে অ আদিবাসী কোওয়াঃ ঞুতুম । ফেক এসটি সার্টিফিকেট ইদি কাতে রড় তিগু দারাম রেগে মেনাঃ আকাদেয়া। নিতঃ ধৗবিচতে পশ্চিমবঙ্গরে সতেরোটি জেলারে জেলা কুমুট তেয়ার দাড়ে আকাদায় পশ্চিমবঙ্গ আদিবাসী কল্যাণ সমিতি।
রাজ্য সম্মেলন হুয়েন তায়নম খনগে জেলা রেনাঃ ব্লক কুমুট তেয়ার রেনাঃ জোরতে কুরুমুটু আকাদা। পারমেন ১২ জুন '২২সিঁগিমাহা হিলোঃ পুরুলিয়া জেলা রেনাঃ সাঁতুড়িরে আদিবাসী কল্যাণ সমিতিয়াঃ ব্লক কুমুট তেয়ার হুয় সৗরিয়েনা।
আখড়ারে সহর সেটের লেন পুরুলিয়া জেলা সম্পাদক গনেশ চন্দ্র মাহালী, রাজ্য সহ-সম্পাদক প্রশান্ত মান্ডি, পুরুলিয়া জেলা আইটি সেল রেন চেয়ারম্যন আর বান্দোয়ান ব্লক কুমুটরেন সভাপতি ধনঞ্জয় হেমম্ব্রম,নিতুড়িয়া ব্লক পাহটা খন মনসা সরেন সাঁতুড়ি ব্লক বন আর ভূমি কর্মাধ্যক্ষ নন্দলাল টুডু,সরমা মুর্মু, ঠাকুরদাস মুর্মু,সাদেশ্বর মাহালি, হপন মাহালী তাকওয়াঃ আয়ুর আর দিশৗ উদুঃতে সাঁতুড়ি ব্লক কুমুট তেয়ার রাকাপ এনা।
আঁগিভার গঃ কেদা সভাপতি লেকাতে গনেশ চন্দ্র টুডু, সহ-সভাপতি শুকুলদেব মুর্মু, সম্পাদক লক্ষীনারায়ণ মান্ডি, সহ-সম্পাদক সাদেশ্বর মাহালী, কোষাধ্যক্ষ বাবলু মুর্মু দিশৗউদুঃ কুমুটরে প্রমথনাথ মুর্মু, সরমা মুর্মু, আনন্দ মান্ডি, শ্যামলাল হাঁসদা সাঁওতে স্বপন মাহালী এমান কো ।
.webp)
.webp)
