“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা
গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন
পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com
তেহেঞাঃ আখড়ারে যাঁহায় কো
সেলেদ্ আকান- রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱠ ᱤ
ᱥ ᱠ ᱤ ᱱ ᱫ ᱷ ᱟ ᱢ ᱩ ᱨ ᱢ ᱩ,, ᱜᱳᱯᱮᱥᱣᱚᱨ ᱢᱟ.ᱱᱰᱤ, বাড়াতাং সরেন, সুচাঁদ হাঁসদা, দুগাই টুডু, সিতেন মান্ডি, সনাতন টুডু, নিকোলাস মারাণ্ডি,দুর্গাচরণ মুরমু।
.webp)
| রিলৗমালা মুরুমু, ক্লাস- V জেলা - পুরুলিয়া |
ᱧᱩᱢᱩᱜ ᱟᱯᱮ ᱠᱚᱱᱴᱟ
ᱧᱮᱞᱚᱜ ᱨᱮᱯᱮ
ᱨᱮᱱᱴᱟ,
ᱠᱟᱹᱢᱤ ᱵᱟᱯᱮ ᱟᱱᱴᱟᱜ
ᱵᱟᱱᱩᱜ ᱡᱤᱨᱟᱣ ᱜᱷᱚᱱᱴᱟ ᱾
ᱦᱚᱨ ᱨᱮ ᱫᱩᱜᱩᱭ ᱫᱩᱜᱩᱭ
ᱡᱩᱢᱤᱫ
ᱫᱚᱯᱮ ᱜᱩᱜᱩᱭ,
ᱛᱟᱲᱟᱢ ᱛᱟᱯᱮ ᱦᱟᱺᱭ ᱯᱷᱟᱺᱭ
ᱠᱟᱹᱢᱤ ᱫᱚᱯᱮ ᱥᱟᱹᱢᱟᱹᱭ ᱾
ᱥᱟᱦᱟᱭᱟᱯᱮ ᱴᱚᱱᱴᱟᱭ
ᱫᱚᱦᱚᱭᱟᱯᱮ ᱥᱟᱧᱪᱟᱭ,
ᱦᱟᱯᱮᱱ ᱫᱤᱱᱮ ᱞᱟᱹᱞᱟᱹᱭ
ᱧᱟᱢᱟᱯᱮ ᱠᱩᱲᱟᱹᱭ ᱾
ᱧᱮᱞᱚᱜ ᱯᱮ ᱢᱤᱫ ᱩᱴᱤ
ᱜᱚᱦᱚᱲ ᱯᱮ ᱰᱷᱟᱸᱵᱚ
ᱠᱩᱴᱤ,
ᱚᱠᱚᱭ ᱵᱟᱠᱚ ᱫᱟᱲᱮᱜ ᱠᱷᱟᱹᱴᱤ
ᱟᱯᱮ ᱨᱮᱱ ᱡᱩᱴᱤ ᱾
ᱛᱟᱸᱦᱮᱱ ᱯᱮ ᱚᱛ ᱠᱚᱨᱮ
ᱰᱟᱹᱨ ᱫᱟᱨᱮ ᱠᱷᱚᱸᱜᱚᱨ ᱨᱮ,
ᱢᱤᱫ ᱜᱮ ᱥᱟᱨᱮ ᱥᱟᱨᱮ
ᱠᱟᱹᱢᱤ ᱦᱟᱨᱮ
ᱯᱷᱟᱨᱮ ᱾
ᱟᱞᱮ ᱦᱚᱞᱮ ᱥᱚᱲᱠᱚᱭ
ᱠᱟᱹᱢᱤ ᱛᱟᱯᱮ
ᱫᱤᱥᱟᱹᱭ
ᱡᱩᱢᱤᱫ ᱠᱟᱛᱮ ᱱᱚᱜᱼᱚᱭ
ᱡᱚᱢᱟᱜ ᱫᱚᱞᱮ
ᱫᱚᱦᱚᱭ ᱾
ᱡᱷᱤᱯᱤᱨ ᱡᱷᱤᱯᱤᱨ
ᱫᱟᱜ ᱾
ᱦᱤᱡᱩᱜ
ᱢᱟᱥᱮ
ᱪᱟᱜ ᱿
ᱦᱚᱭ
ᱢᱮᱥᱟ
ᱟᱨᱮᱞ
᱾
ᱧᱩᱨᱩᱜ
ᱵᱮᱨᱮᱞ
ᱵᱮᱨᱮᱞ ᱿
ᱵᱤᱞᱤᱫᱽ
ᱵᱤᱞᱤᱫᱽ
ᱡᱷᱟᱞᱠᱟᱜ ᱾
ᱦᱩᱰᱩᱨ
ᱞᱟᱦᱟ
ᱢᱟᱞᱠᱟᱜ ᱿
ᱥᱮᱨᱢᱟ ᱨᱤᱢᱤᱞ
ᱫᱟᱵᱽ ᱾
ᱳᱶᱟᱝ ᱯᱮᱨᱮᱡ
ᱟᱵᱽ ᱿
ᱯᱟᱹᱦᱤᱞ ᱥᱮᱫᱟᱭ ᱫᱤᱱ
ᱦᱩᱞ ᱞᱮᱫᱟ ᱵᱤᱨ ,
ᱱᱟᱦᱟᱪᱟᱨ ᱠᱚᱪᱞᱚᱱ
ᱫᱤᱥᱚᱢ ᱵᱷᱤᱛᱤᱨ ᱾
ᱮᱝᱨᱮᱡ ᱡᱚᱢᱤᱫᱟᱨᱜᱮ
ᱮᱦᱚᱯ ᱞᱮᱫᱟᱠᱚ ,
ᱢᱟᱹᱱᱢᱤ ᱪᱮᱛᱟᱱ ᱨᱮᱜᱮ
ᱡᱩᱞᱩᱢ ᱞᱮᱫᱟᱠᱚ ᱾
ᱵᱟᱯᱮ ᱥᱟᱦᱟᱣ ᱟᱠᱟᱫᱟ
ᱵᱟᱯᱮ
ᱵᱟᱛᱟᱣᱭᱟ ,
ᱱᱟᱦᱟᱪᱟᱨ ᱵᱤᱨᱩᱫᱷᱨᱮ
ᱦᱩᱞ ᱦᱟᱛᱟᱣᱭᱟ ᱾
ᱟᱯᱮᱜᱮ ᱥᱤᱫᱩ ᱠᱟᱱᱩ
ᱪᱟᱸᱫ ,ᱵᱷᱟᱭᱨᱚᱵ,
ᱯᱷᱩᱞᱳ, ᱡᱷᱟᱱ ,ᱛᱤᱞᱚᱠᱟᱹ
ᱜᱟᱨᱵᱷᱩ,ᱞᱚᱠᱷᱚᱱ ᱾
ᱪᱟᱸᱫᱨᱟᱭ , ᱵᱟᱹᱡᱟᱹᱞ
ᱥᱟᱢ ᱯᱟᱨᱜᱟᱱᱟ ,
ᱪᱟᱹᱢᱯᱟᱹᱭ , ᱡᱚᱭᱯᱟᱞ
ᱦᱟᱲᱢᱟ
,ᱵᱤᱨᱥᱟᱹ ᱾
ᱠᱚᱪᱞᱚᱱ ᱵᱤᱨᱩᱫᱷᱨᱮ
ᱱᱟᱦᱟᱪᱟᱨ ᱧᱮᱞᱚᱛᱮ ,
ᱦᱩᱞ ᱞᱮᱫᱟᱯᱮ ᱵᱤᱨ
ᱥᱟᱥᱮᱛᱚᱜ
ᱠᱟᱱᱛᱮ ᱾
ᱩᱫᱩᱜ ᱦᱚᱨᱛᱮ ᱱᱟᱪᱟᱨ
ᱟᱭᱩᱨ ᱞᱮᱱᱟ ᱯᱮ ,
ᱞᱟᱹᱲᱦᱟᱹᱭ ᱞᱟᱜᱤᱫᱛᱮ
ᱟᱞᱟᱭ ᱞᱮᱱᱟ ᱯᱮ ᱾
ᱦᱩᱞᱜᱟᱹᱨᱤᱭᱟᱹ ᱵᱤᱨ ᱦᱳ
ᱫᱤᱥᱟᱹ ᱯᱮᱭᱟ ᱟᱯᱮ ,
ᱱᱮᱦᱚᱨ ᱡᱚᱦᱟᱨ ᱟᱯᱮ
ᱢᱚᱱᱮ ᱛᱟᱞᱟ ᱠᱟᱯᱮ ᱾
++==++==ᱞᱧ==++==++
ᱛᱚᱣᱟ ᱫᱟᱦᱮ ᱞᱮᱠᱟ
ᱥᱤᱵᱤᱞ ᱥᱚᱲᱚᱢ ᱜᱮ ᱵᱩᱡᱷᱟ.ᱜ,
ᱡᱚᱢ ᱞᱮᱠᱷᱟᱡ ᱵᱟᱝ ᱦᱤᱲᱤᱧᱚᱜ ।
ᱚᱛ ᱥᱮᱨᱢᱟ ᱞᱮᱠᱟ
ᱢᱩᱪᱟ.ᱫ ᱜᱮ ᱵᱟᱝ ᱧᱟᱢᱚᱜ,
ᱟ.ᱰᱤ ᱦᱟᱦᱟᱲᱟᱜ ᱜᱮ ᱦᱩᱭᱩᱜ ।
ᱫᱟᱨᱮ ᱩᱢᱩᱞ ᱞᱮᱠᱟ
ᱟ.ᱰᱤ ᱦᱮᱢᱟᱞ ᱜᱮ ᱵᱩᱡᱷᱟ.ᱜ,
ᱡᱤᱣᱤ ᱡᱤᱭᱟ.ᱲ ᱮ ᱫᱚᱦᱚᱭ ।
ᱩᱨᱜᱩᱢ ᱚᱭᱩ ᱞᱮᱠᱟ
ᱦᱚᱲᱢᱚ ᱞᱚᱞᱚ ᱜᱮᱭ ᱫᱚᱦᱚᱭ,
ᱰᱷᱟᱯᱚᱜ ᱠᱚᱜ ᱜᱮ ᱥᱟᱱᱟ ।
ᱚᱜᱚᱢ ᱫᱚᱨᱭᱟ ᱞᱮᱠᱟ
ᱟ.ᱰᱤ ᱜᱟ.ᱦᱤᱨ ᱜᱮ ᱟ.ᱭᱠᱟ.ᱜ,
ᱵᱚᱞᱚ ᱛᱟ'ᱦᱮᱱ ᱜᱮ ᱥᱟᱱᱟ ।
মারাং মারাং বাগান
উল দারেতে থারে থারে
পেরেচ লেনা বাগান।
উকু চুকু এনেচ
ডৗর লাফাং চেঁড়েঁকো সেরেঞ
একাল কেঁড়েঁচ দড়েঁচ।
স'দ হেড়েম সিবিল
বাহা থোপা তালা কোরে
জ' দ পিরিল পিরিল।
উল বিলিকো ঝিলোঃ
আতো করেন গিদরৗকো দ
রৗস্কৗ তেকো হিলৗঃ।
কুকু কাতে কো দন
অকয় কোদ উলকো রুকুয়
ডৗর মা চেতান খন।
গোটা বাগান আঁদুড়
ঞেলে দুমুর পিপিড় পিঁয়ো
অকয় বাংকো পান্দুড়।
অকায়েনা হায়রে !
দারেপে হেলেচ্ কেৎ !
জিউয়ীপে নাসাও কেৎ !
দুখ জালাতেঞ হমর
মেৎদাঃ ইঞাঃ জরঃ তিঞৗ
দারে নৗড়ী বেগর !
++==++==ᱞᱧ==++==++
রড়হঁ বাং ইঞ রড় কেয়া ,
বৗঞ রহয়কে ইঞৗঃ জাঁগা ,
দিদি লেকা দৗড় দাঁড়া-দ ,
++==++==ᱞᱧ==++==++
তুমৗলিচ্কো মেতায়,
মধুপুররেন হড়গে,
নাহাঃ অনা দেওঘর জেলা
ঝাড়খন্ড পনৎ রড়গে।
মিশনরে সেলেদ কাতে উনি
সান্তাড় কোওয়াঃ সেদায় সাস্তর
উনরে উইহৗর আনায়।
লাকচার বাডায় কেদায়,
দাঁড়ান জখান সাঁওতারি নাগাম
অনে তুমৗল লেদায়।
‘গাম কৗহনি’ গেচং,
ছাপা উছৗন মেনাঃ সৗরি
দিশম তালা রেচং।
এনেম হেনাঃ তায়া,
সাঁওহেৎ চারচা খৗতির হড়কো
উইহৗর ইদিয় গেয়া।
++==++==ᱞᱧ==++==++
সারা ঘৗড়িচ্ আম সুর রে
তিঙ্গু মেনায় জানাম খনাঃ
সিরজন কৗমি জড়াও লৗগিৎ।
অকয়াঃ হঁ বায় বৗড়িজ
সুলুক সৗগৗই বায় ইঁড়িজ
অত্ হাসায় সাব্ দহয়
জ বিলি হিসিৎ হয়
জীব জিয়ালি বাঞ্চাও কয়।
হড়াঃ দরকার রে লাগাও আক
বৗনুঃ রৗগিঃ বৗনুঃ আড়িশ
মেনাঃ তায়া সাহাও দাড়ে
দুলৗড় এম বায় এড়ে।
সেরমা খনাঃ দা্ঃ জৗড়ি
মৗনমি বাঞ্চাও চাষ কৗমি
দারে বেগর বাং সৗরিঃ।
মৗনমি লৗগিৎ সরেশ আঁড়তি
উনিগেতাম সারিয়ান গাতে
রহয় মে দারে বাঞ্চাও এম গাতে।
++==++==ᱞᱧ==++==++
হড়ঠেন দো বাং ,
এটাঃ কোদো বাং ।
সুর-সাঁগিঞ ঝোতো,
আমাঃ ডাহার কোদো ।
হড়কো মেতাম রেহঁ,
হেঁদেকো জত-আম রেহঁ ।
নাচার নিধৗন মুরুখ ,
সুসৗরিয়ৗ বিচৗরিয়ৗ ,
হাতাও মেসে কিরিয়ৗ ।
++==++==ᱞᱧ==++==++
পুশিয় দাড়ানা,
আঁন্ডর-মাঁন্ডর, কাঁন্ডর-মাঁন্ডর
ঞিঁন্দৗয় আড়াংআ।
অকয়দ কো মেনা আদ
ডৗনে পুশি কান,
অনাতেগে আতো হড়দ
খৗটকো রুওয়ৗঃ কান।
অনে আদ বতর জ্বালা
অৗগুকেদে কো ওঝা,
উনি আদ বেস বদলতে
লাদেয়াঃ কোওয়ায় বোঝা।
আতো হোয়োঃ সাপা ,
আদ পুশি বায় রাগা
আতোরে তেহেঞ গাপা।
ওঝা টাকা পয়সা ,
আতোরেদয় এর - ওটোকাঃ
মিছৗরেয়াঃ আসা ।
অনা আসতে বুলৗউ আকান
আতো মঁড়ে হড় ,
পুশি কাথায় বাকো ডৗনঃ
আদ জিউয়েৎ ভর।
অক বাডায় নোওয়া কাথা
এড়ে বাংদ খৗটি ,
মা বাংখান খরচ্-বরচ্
হোয়োঃ তাবোন মৗটি।
অনাতেগেঞ মেনা আদ
চেদাবন অলঃ-অৗকিল
লাগায়াবোন ফারাকাবোন
সমাজ খনাঃ মুসকিল।
++==++==ᱞᱧ==++==++
সান্তাড় হপনাঃ মনেরে বৗনুঃ খল
নওয়াগে ক বাতার কেদা ইংরেজ দল।
ধুরৗও এনকো রডজ কচলন নাহাচার
দিনগে জৗসতি ইদিঃ নংকান বেওহার।
রেজ্ কেৎ বনাকো আবো চাসা।
কেনা-বেচা রাম মহাজন জমিদার
বাবন দাড়েঃ শোধ ঋণ ধার।
হড় তালা সদর আড়িস এদরে।
হড়মো মায়াম ললঃ সিধু কানহু
চাঁদো ভাইরো আরহঁ ফুলো ঝানু।
সানাম বির বুরু আতো ডিহৗ।
সেটের সৗৎ আকানা সারজম গিরৗ
লৗড়হৗই লৗগিৎ হাতাও আকাদ কিরৗ।
অর্পাড়াঃ কাতে ইংরেজ হেলেজ্ গুঁডৗ।
হড়মো রেনাঃ লল মায়াম রাড়েজ্
যখন জমিদার মহাজনাঃ কড়াম অড়েজ্।
১৮৫৫সাল রেনাঃ পে গেল জুন।
হহ কেদাবন আবো সান্তাড় হুল
এতহব এনা হুল সেঙ্গেল জুল।
তুমদাঃ টামাক সাডেয়েন দুল দুল।
সাকওয়া অরং আজোমঃ কান
ভগনাডি রে লৗড়হৗই হুয়ুঃ কান।
তিরে তাকো লাসের জুলুঃ সেঙ্গেল।
আঃ সার কৗপি টেগজ্ সামানাম
মাঃ তপাঃ ইদি ক বৗইরী সানাম।
সাড় সাড়াও আতে ঞুরুঃ সানাম।
হুলগৗরিয়ৗ ক দেজঃ বুরু চেতান
হেলেজ্ ক জতো ইংরেজ শয়তান।
পুড় হারতা বিটিস মহাজনী।
লাগা ঞির কওয়া বন বৗইরী
তিন ঘৗড়িচ জিওয়ী চালাঃ আউরী।
++==++== মুচৗৎ ==++==++
.webp)
