আবোওয়াঃ ডিজিটাল ডেক্স :- পারমেন ২৯ মে '২২ হিলোঃ বান্দোয়ান মান্ডি ভবনরে গুনমানাও সারহাও এ চাল আদেয়া মৗই ডগর টুডু। সোর দিনগে গেলবার আনাঃ ‘দাদা সাহেব ফালকে’ ফিল্ম ফেস্টিভ্যালরে সরেশ গায়নাহৗরি সিরোপায় ঞাম আকাদা। সারহাও চাল আখড়ারে মারাং পেড়া লেকাতে সেটেরে তাঁহে কানা গৗখুড়ান অনলিয়ৗ মানতান গোমস্তা প্রসাদ সরেন মৗনৗন পেড়া লেকাতে 'সিলি' পাথাম সিরৗ সাপড়াওয়িচ মানতান কলেন্দ্রনাথ মান্ডি ,'তেতরে 'পাথাম সাপড়াওয়িচ মানতান মহাদেব হাঁসদা মানতান সিতেন মান্ডি সাঁওতে সেটের লেনা অনলিয়ৗ, অনড়হিয়ৗ।
মৗই ডগর টুডু দ "আসা " ফিল্মরে অৗডি মঁজ গায়ান উদুঃ আকাৎ তে ‘দাদা সাহেব ফালকে’ লেকান সিরোপায় আতাং আকাদা। নওয়া দ সানাম সানতাড় হড় হপন কঠেন গরব রেনাঃ কাথা। আর হঁ দারায় কান দিনরে নাপায় গায়ান উদুঃ কাতে লাহা সেন চালাও দাড়েয়াঃমা। সানতালি লিটারেরি ফোরাম পুরুলিয়া পাহটা খন গৗখুড়ান অনলিয়ৗ গোমস্তা প্রসাদ সরেন সারহাও সাকাম চাল কাতে সারহাও কেদেয়া। অনলিয়ৗ, অনড়হিয়ৗ আকোওয়াঃ পাথাম পতব চাল কাতে সারহাও কেদেয়া সাঁওতে দিলদাড়ে ভরসা আতে লাহা সেন লাহা রেনাঃ থুম আসিষ হঁ ক এমাদেয়া।
আখড়ারে অনড়হে বাঁখেড় সেরেঞ তালাতে রৗসকৗগে জমকৗও লেনা। ফোরাম রেন সেক্রেটারি মানতান অরুন কুমার সরেন সহর সেটের লেন সানাম আঁজমিয়ৗ কো গুনমানাও জহার সাঁওতে সারহাও চাল কাতে আখড়া কৗমিয় মুচৗৎ কেদা।
.webp)
.webp)
