সিঁগি মাহা রেনাঃ সাকাম ‘চেরেচ্ আড়াং’ লেখা- ৯২

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com |

 

তেহেঞাঃ আখড়ারে যাঁহায় কো সেলেদ্‌ আকান-   ᱥᱩᱵᱩᱫᱤᱭᱟᱹᱢᱩᱨᱢᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ, , ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱜ ᱟ ᱛ ᱮ  ᱴ ᱩ ᱣ ᱟ. ᱨ , বাড়াতাং সরেন, দুগাই টুডু, দুর্গাচরণ মুরমু, সিতেন মান্ডি, নিকোলাস মারান্ডি, তপন হেম্ব্রম।

 

১।|

ᱯᱟᱸᱧᱪᱮᱛ  ᱵᱩᱨᱩ

ᱥᱩᱵᱩᱫᱤᱭᱟᱹᱢᱩᱨᱢᱩ

 ᱯᱟᱸᱧᱪᱮᱛ ᱵᱩᱨᱩ
ᱧᱟᱞᱟᱜ ᱧᱟᱞᱟᱜ ᱾

ᱛᱤᱱᱟᱹᱜ ᱦᱚᱲᱠᱚ
ᱦᱤᱡᱩᱜ ᱪᱟᱞᱟᱜ ᱾

ᱥᱟᱸᱛ ᱥᱤᱠᱷᱟᱹᱨ
ᱢᱟᱱ     ᱵᱟᱨᱦᱟ ᱾

ᱛᱟᱞᱟ  ᱢᱟᱞᱟ
ᱫᱚᱲᱚᱢ  ᱫᱚᱲᱦᱟ ᱾

ᱞᱤᱞᱤ ᱵᱤᱪᱷᱤ
ᱞᱤᱠᱷᱚᱱ  ᱜᱚᱲᱦᱚᱱ ᱾

ᱯᱟᱸᱧᱪᱮᱛ ᱵᱩᱨᱩ
ᱫᱩᱞᱟᱹᱲ  ᱥᱤᱨᱡᱚᱱ ᱾

ᱛᱟᱦᱮᱸ   ᱠᱟᱱᱟ
ᱛᱮᱞᱠᱩᱯᱤ ᱱᱟᱜᱟᱨ ᱾

ᱨᱟᱡᱽ ᱨᱟᱯᱟᱡ
ᱠᱚᱣᱟᱜ ᱠᱟᱨᱵᱟᱨ ᱾

ᱟᱛᱩᱜ      ᱠᱟᱱ
ᱫᱟᱹᱢᱩᱫᱟᱜ  ᱱᱟᱹᱭ ᱾

ᱯᱟᱸᱧᱪᱮᱛ ᱵᱟᱸᱫᱮᱞᱟ
ᱧᱟᱢᱟᱱᱠᱚ  ᱜᱷᱟᱹᱭ ᱾

ᱛᱚᱞ    ᱠᱟᱛᱮ
ᱯᱟᱸᱧᱪᱮᱛ ᱵᱟᱸᱫᱮᱞᱟ ᱾

ᱰᱩᱵᱩᱪᱽ ᱩᱛᱟᱹᱨᱮᱱᱟ
ᱵᱟᱹᱨᱱᱤᱜᱷᱟᱴ  ᱢᱮᱞᱟ ᱾

ᱤᱸᱲᱤᱪᱽ  ᱟᱠᱟᱱ
ᱟᱵᱳᱣᱟᱜ  ᱟᱜᱟᱢ ᱾

ᱛᱚᱯᱟᱭᱮᱱᱟ  ᱡᱷᱚᱛᱚ
ᱥᱮᱫᱟᱭ     ᱱᱟᱜᱟᱢ ᱾

ᱟᱸᱬᱜᱳ  ᱨᱟᱠᱟᱵᱽ
ᱯᱟᱸᱧᱪᱮᱛ   ᱵᱩᱨᱩ ᱾

ᱥᱟᱺᱜᱤᱧ   ᱠᱷᱚᱱᱦᱚᱸ
ᱧᱮᱞᱚᱜ    ᱪᱩᱸᱫᱩᱵᱩᱨᱩ ᱾

ᱯᱟᱸᱧᱪᱮᱛ  ᱵᱩᱨᱩ
ᱛᱤᱸᱜᱩ   ᱢᱮᱱᱟᱜ ᱾

ᱱᱤᱛᱚᱜ  ᱦᱟᱹᱵᱤᱪ
ᱥᱮᱫᱟᱭ ᱠᱷᱚᱱᱟᱜ ᱾

ᱛ== ᱿᱿-- ** --᱿᱿==ᱛ

২।|

ᱦᱚᱨᱟᱥᱤ ᱱᱟᱠᱤᱡ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱫᱤᱱᱟᱹᱢ  ᱥᱮᱛᱟᱜ  ᱧᱩᱦᱩᱢ  ᱵᱮᱲᱟ
       ᱦᱚᱨᱚᱜ ᱱᱟᱠᱤᱡᱚᱜ ᱢᱟᱹᱭ  ;
ᱟᱨᱥᱤ  ᱧᱮᱞᱚᱜ  ᱱᱟᱠᱤᱡ ᱛᱚᱞᱚᱜ
                ᱟᱞᱮ ᱦᱚᱯᱚᱱ ᱢᱟᱹᱭ   ᱾


ᱩᱯ  ᱛᱚᱞᱟᱭ  ᱢᱩᱴᱷᱟᱹᱱ  ᱧᱮᱞ
     ᱞᱟᱜᱟᱣ ᱢᱚᱡᱽ  ᱯᱷᱤᱛᱟᱹ  ;
ᱛᱤᱱᱟᱜ  ᱱᱟᱯᱟᱭ ᱦᱩᱭ ᱟᱠᱟᱱᱟ
    ᱠᱩᱞᱤ'ᱠᱚ ᱪᱷᱤᱛᱟᱹ  ᱠᱤᱛᱟᱹ  ᱾


ᱢᱚᱡᱽ  ᱛᱟᱸᱦᱮᱱ ᱥᱮᱸᱲᱟ  ᱜᱚᱫᱟᱭ
        ᱱᱤᱛᱚᱜ  ᱠᱷᱚᱱᱜᱮ  ᱡᱩᱫᱟᱹ  ;
ᱦᱟᱨᱟᱜ  ᱜᱮᱭᱟᱭ ᱦᱟᱯᱮᱱ ᱩᱱᱤ
       ᱦᱚᱨᱚᱜ  ᱧᱮᱞᱟᱭ  ᱢᱩᱫᱟᱹ  ᱾


ᱡᱷᱟᱯᱚᱲᱤ  ᱩᱯ  ᱧᱮᱞᱚᱛᱮ ᱜᱷᱟᱱᱮ
          ᱜᱚᱲᱚᱢ ᱛᱟᱭᱮ ᱢᱮᱱᱟ  ;
ᱱᱚᱝᱠᱟ  ᱪᱮᱫᱟᱜ ᱢᱮᱱᱟᱜ ᱢᱮᱭᱟ
          ᱱᱟᱠᱤᱡᱚᱜ ᱛᱤᱨᱮ ᱮᱱᱟ  ?


ᱡᱷᱩᱱᱠᱟᱹ  ᱵᱟᱦᱟ  ᱨᱮᱵᱮᱫ ᱡᱚᱝ -ᱟ
       ᱜᱟᱞᱟᱝ  ᱩᱯᱨᱮ ᱢᱚᱡᱽ  ;
ᱥᱮᱛᱟᱜ  ᱧᱩᱦᱩᱢ ᱦᱚᱨᱟᱥᱤ  ᱱᱟᱠᱤᱡ
             ᱮᱠᱟᱞ  ᱵᱟᱭ  ᱚᱡᱽ  ᱾

ᱛ== ᱿᱿-- ** --᱿᱿==ᱛ

৩।|

ᱦᱟᱥᱟ ᱨᱮ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱦᱟᱥᱟ ᱨᱮᱜᱮ ᱪᱟᱥ
ᱦᱟᱥᱟ ᱨᱮᱜᱮ ᱵᱟᱥ,
ᱱᱟᱱᱟ ᱦᱩᱱᱟ.ᱨ ᱫᱟᱨᱮ
ᱡᱤᱣᱤᱭ ᱵᱟᱧᱪᱟᱣ ᱵᱟᱲᱮ ।

 
ᱡᱚ,ᱵᱮᱞᱮ ᱵᱟᱲᱮ
ᱡᱚᱢ ᱞᱮᱠᱷᱟᱡ ᱫᱟᱲᱮ,
ᱚᱠᱛᱚ ᱱᱟ.ᱯᱤᱛ ᱞᱟᱜᱟᱜ
ᱦᱚᱲᱢᱚ ᱴᱷᱤᱠ ᱵᱟᱜᱟᱜ ।

 
ᱡᱤᱣᱤ ᱚᱴᱟᱝ ᱪᱟᱞᱟᱜ
ᱦᱚᱲᱢᱚ ᱦᱟᱥᱟ ᱛᱟᱞᱟᱜ,
ᱫᱤᱱ ᱯᱟᱨᱚᱢ ᱪᱟᱞᱟᱜ
ᱢᱚᱦᱚᱨ ᱢᱮᱴᱟᱣ ᱥᱟᱞᱟᱜ ।

 

ᱛ== ᱿᱿-- ** --᱿᱿==ᱛ

৪।|

ᱨ ᱤ ᱠ ᱟ.

ᱜ ᱟ ᱛ ᱮ  ᱴ ᱩ ᱣ ᱟ. ᱨ

 

ᱥ ᱮ ᱨ ᱢ ᱟ   ᱪ ᱮ ᱛ ᱟ ᱱ   ᱰ ᱤ ᱜ ᱤ   ᱢ ᱤ ᱜ ᱤ
         ᱪ ᱟᱸᱫ ᱳ ᱵ ᱚ ᱸ ᱜ ᱟ ᱦ ᱟ .ᱱᱤ
ᱧ ᱤᱸᱫ ᱟ. ᱵ ᱮ ᱲ ᱟ ᱭ ᱢ ᱟ ᱨ ᱥ ᱟ ᱞ ᱟ ᱠ ᱟ ᱛ
          ᱩ ᱱ ᱤ ᱜ ᱮ ᱧ ᱤᱸᱫ ᱟ. ᱨ ᱟ ᱱ.ᱱ ᱤ ᱾

 
ᱵ ᱟ ᱦ ᱟ  ᱵ ᱤ ᱨ ᱨ ᱮ ᱫ ᱮ ᱵ ᱟ ᱞ ᱳ ᱠ ᱩ ᱲ ᱤ
         ᱵ ᱟ  ᱦ ᱟ  ᱨ ᱮ ᱠ ᱚ ᱪ ᱳ ᱠ ᱳ ᱱ
ᱛ ᱟ ᱞ ᱟ  ᱧ ᱤᱸᱫ ᱟ  ᱪ ᱟᱸᱫ ᱳ ᱛ ᱟ ᱨ ᱟ ᱥ ᱨᱮ
        ᱨ ᱟ .ᱥ ᱠ ᱟ. ᱜ ᱮ ᱠ ᱚ ᱛ ᱳ ᱯ ᱳ ᱱ ᱾

 
ᱚ ᱠ ᱚ ᱭ ᱦ ᱚ ᱦ ᱚ ᱭ ᱞ ᱮ ᱠ ᱟ ᱧ ᱵ ᱩ ᱡ ᱷ ᱟ .ᱣ
       ᱟ ᱰ ᱤ ᱥ ᱟ ᱸ ᱜ ᱤ ᱧ ᱨ ᱮ
ᱫ ᱮ ᱞ ᱟ   ᱫ ᱮ ᱞ ᱟ ᱟ ᱢ ᱛ ᱟᱸᱜ ᱤ ᱨ ᱮ
        ᱢ ᱮ ᱱ ᱟ ᱜ ᱞ ᱮ ᱞ ᱟ ᱦ ᱟ  ᱨᱮ ᱾

 
ᱡ ᱷ ᱟ ᱨ ᱱ ᱟ  ᱞ ᱤᱸᱜ ᱤ ᱪ ᱟ ᱞ ᱟ ᱜ ᱠ ᱟ ᱱ ᱟ
       ᱞ ᱮ ᱜ ᱮ ᱢ ᱞ ᱮ ᱜ ᱮ ᱢ ᱵ ᱟ . ᱭ ᱛ ᱮ
ᱦ ᱮ ᱢ  ᱠ ᱷ ᱚ ᱱ ᱟ ᱭ ᱳ  ᱟ ᱲ ᱜ ᱳ ᱧ  ᱢ ᱮ ᱥ ᱮ
      ᱤ ᱧ ᱦ ᱚᱸᱧ ᱪ ᱟ ᱞ ᱟ ᱜ ᱥ ᱟ ᱸᱣ ᱛ ᱮ ᱾

 

ᱛ== ᱿᱿-- ** --᱿᱿==ᱛ

৫।|

আড়াঃ সাকাম

বাড়তাং সরেন

  
খান্তা আড়াঃ গিমি আড়াঃ,
                আড়াঃ আয়মা লেকান
সানাম আড়াঃ রহয় লৗগিৎ 
                    বাংগে লাগাঃ মাচান।

 
পুরৗই আড়াঃ উলিঞ আড়াঃ
                    একাল আডি লেঞ্জের,
  গারুণ্ডি আড়াঃ বৗইহৗড় খন
                  সানাম হড়কো গেমের।

 
সারুঃ আড়াঃ আমড়া সালাঃ
                   একাল আডি সিবিল,
হাড়াম বুঢী জজম লৗগিৎ 
                     একাল মিরিল মিরিল।

 
কঁহডা আড়াঃ হতদ্ আড়াঃ
                  নাশে নাশে সায়গাৎ,
সুনুম সালাঃ করহী লেখান
                   জমরে বাংচো বাবাৎ। 

 
হেঞ্চা আড়াঃ কুড়বী আড়াঃ
               হায়াম হায়াম হাড়হাৎ,
মুনগৗ আড়াঃ  টুঁগুচ্ রেদ
               ডৗর দ আলম জাগাৎ।

 
চাতম আড়াঃ ভাতুয়ৗ আড়াঃ
                  সিবিল হেড়েম হেড়েম,
তুড়ি আড়াঃ হেসাঃ আড়াঃ
                 বাংচো হিড়িঞ কেয়েম।

 
ডাংরাকাটা সরেশ আড়াঃ
                মায়াম আডি সারসাঃ,
উতু কাতেঃ জম লেখানেম
              সাদম লেকাম কামসাঃ।

                     
হড়মো দাড়ে আগুয় লৗগিৎ 
                  আড়াঃ সাকাম লৗক্‌তি
দাকা সালাঃ জমমে দিনৗম
                  আড়াঃ সাকাম বৗড়তি।

 

ᱛ== ᱿᱿-- ** --᱿᱿==ᱛ

৬।|

মৃত্যুঞ্জয় হেম্ব্রম

দুগাই টুডু

বাডায় আকান কাথায় উনি
     সেরেঞ কৗরিগলগে
আয়মা অকচ্‌ সেরেঞ গেচ
     গালাং আকাৎ অলগে।

 
ঞুতুম তায়দ মৃত্যুঞ্জয় হেম্ব্রম
     আপাৎ সনাতন কানে,
সানাম গেকো লৗইগে ভালা
      এঁগাৎ জানমনি অনে।

 
জানাম আতো কেসিয়া গেচো
       মেনকো জত অনা,
পোস্ট আপিস হলুদ কানালী
       জিলৗ বাঁকুড়া কানা।

 
আতো প্রাইমারী স্কুল হানে
      পৗহিল সেচেৎ রেদ,
বাঁকুড়া খ্রীষ্টান কলেজ খনা
    বি.কম.পাশ লেৎদ।

 
আসালসোলরে রেল রেগে
    চৗকরিয় ঞাম লেদা,
রোগ আজার তেগে উনি
     ধৗরতিয় বৗগি আদা।

 
পছিম বাংলা, তেৎরে, সিলি
       এভেন সাঁকোওয়া পৗরি,
অৗডি আমদা উছৗন আকান
       নোওয়া কাথা সৗরি।

জিয়ৗড় হেম্ব্রম বাহনা তেদ
      অল বাড়া কেদায়,
‘কাদাম পহা’ সেরেঞ পুঁথি
      উছৗন সদর লেদায়।

 
সাঁওহেৎ চারচা তালা তেগে
    এনেম দহ আনায়,
তেহেঞ গাপা সাঁওতা রেদ
    দিসৗ তাঁহে এনায়।

 

 ᱛ== ᱿᱿-- ** --᱿᱿==ᱛ

৭।|

ঝেট বঙ্গা

দুর্গাচরণ মুরমু

 
বৗইসৗক তায়ম ঝেট বঙ্গা
বেড়ায় রাকাব ঘতে ঘতে -
উতর-পুরুব সামাং নাখা
চাট চাটে সিতুং নতে।

 
কুঞ ডান্ডি ডভাঃ গৗডিয়া
আজেৎ কাতে পাট পাট,
বির দিশম হড়দো জহড়
সাহান জগাও রাট্‌ পাট্‌।

 
কৗমি বাংতে খুড়িয়ৗ হড়
দুড়ুব বাড়ায় দারে বুটৗ,
পুগুস পুগুস পুগিঞ অর
থুতি আতেয় ঘামা ঘুটৗ।

 
সেতাগ্‌  খনাঃ গুমাট সিতুং
সিং চান্দো রৗগিই ঝাড়াও,
তারাসিং খানগে হয় ভানডো
অড়াঃ দুয়ৗর সৗড়িমে  তাড়াও।

 
হৗড়য়ৗর দারে সাকাম জ-বিলি
পাকট গাদার থপে থপে,
অটাং গদায় ভানডো দা:তে
ডৗর সাকাম কাচা কচে।

 

ᱛ== ᱿᱿-- ** --᱿᱿==ᱛ  

৮।|

অলচিকি আখর

সীতেন মাণ্ডি

 

রাহা আড়াং কেচেদ্ আড়াং
   মেনাঃ পে গেল গটাং
অনা সাঁওতে আর হঁ মেনাঃ
জাপাঃআখর মড়ে গটাং।

 
গুরু গঙ্কে রঘুনাথ মুর্মু
 বেনাও লেদায় অনা
আয়ো আড়াং গ পৗরসি
অল পাড়হাও সেঁড়া
কাথা রেগে মেনাঃঅনা
  এঁগাত তোওয়া সমান।

 
মিমিৎ থকরে মেনাঃ আনাং
    মড়ে গটাং আখর
পৈল আখর রাহা আড়াং
দসার,তেসার,পুন,মড়ে
ঞুতুম কেচেদ্ আড়াং।

 
দসার আখর পারহাড় ক মেতাঃ
তেসার তৗপুগ্ কেচেদ্ আড়াং
যত তৗপুগ্ রেগে মেসাঃ অনা
  জাপাঃ অহদ্ হনাং।

 
রাড়াং কেচেদ্ আড়াং পুনাঃ কানা
জেৎলেদ্ কেচেদ্ আড়াং মড়েয়ানা
দিশৗ দহ হুয় আমা
মিৎ তে বৗকিন গাপানা।

 

ᱛ== ᱿᱿-- ** --᱿᱿==ᱛ

৯।|

হড় হপন যুদি 

নিকোলাস মারাণ্ডি 

 

হড় হপন যুদি 
অলঃ পাড়হাঃ সেচ্ তেকো লাহাঃ 
মেঁৎ ভূসৗড়ঃ তাকো 
সিখনৗতঃ আকো 
আন্ধা- পৗতিয়ৗও খনকো সাহাঃ  ।

 
হড় হপন যুদি 
অলঃ পাড়হঃ সেচ তেকো লাহাঃ 
সান্তাল সমাজ লেগেচ্ লেগেচ্ 
মজগে জ - বাহাঃ  ।

 
হড় হপন যুদি 
অলঃ পাড়হাঃ সেচ্ তেকো লাহঃ
ছিং ছৗতুর মেনাঃ কোওয়া 
বাংকো যাঁহাঁ তাহাঁঃ  ।

 
হড় হপন যুদি 
অলঃ পাড়হাঃ সেচ্ তেকো লাহাঃ 
আইন কৗনুনকো ঞেল ঠিকতে 
বাংকো দহা বহাঃ  ।

 
হড় হপন যুদি 
অলঃ পাড়হাঃ সেচ্ তেকো লাহাঃ  
আপনারকো জুমিদঃ তে 
হক অৗদৗয় রেকো জ- জাওঃ  ।

 

ᱛ== ᱿᱿-- ** --᱿᱿==ᱛ

১০।|

থুবড়ৗ টেগচ্

তপন হেম্ব্রম

 
থুবড়ৗ টেগচ্ ঠাঃ ঠগ
 ঠুটগে বাং  সেটেজঃ ,
মাগ্ রেহম অদাবাদি
খাটনি- গে বেকারঃ ।

 
পাজাও লাসের টেগচ্ কতে
কৗমি আডি লাহাঃ ,
মাঃ পাড়াঃ খাদি কতে
হড়মরে লাঁঙ্গা, বাংগে অৗইকৗঃ ।

 
লাসের সাপাপ বেগর অকা কৗমি
বেসতে বাংয়েম সিগিল,
অনাতেগে মেমেন সানাঞ
লাসের তামসে সামানম ।

 
থুবড়ৗ টেগচ্ আলম তাঁহেন
জত কৗমিরেম তায়মঃ,
অলঃ পাড়হাও তে, আকিল জ্ঞান
ঝাক ঝাক লাসেরঃ ।

=*=*=*= মুচৗৎ = *=*=*=