আবোওয়াঃ ডিজিটাল ডেস্ক- খবররে বাডায় আকানা সান্তাড়ি পৗরসিতে সংবিধান তর্জমা
আর অলচিকিতে অনা উছৗন কাতে দিশম হড় তালারে সদর খৗতির শ্রীপতি টুডুয় সাউকৗরি কেদেয়া
দিশমরেন মারাং মন্ত্রী মানতান নরেন্দ্র মোদী।
আদিবাসী কোওয়াঃ হক-অৗইদৗর লৗইতে চেৎ অল মেনাঃ আ
অনা আঁশতে সংবিধান পাড়হাও এ এতহব লেদা মানতান টুডু। আর উনরেগে বহঃরে হেচ্ আদেয়া নোওয়া
সংবিধান যুদি সান্তাড়ি পৗরসিতে তর্জমায়ায় এনখান আরহঁ আয়মা হড় গেকো বাডায় ঞাম দাড়েয়াঃআ।
আর অনা ভাবনা খনগে দিশম রেনাঃ সংবিধান সান্তাড়ি পৗরসিতে তর্জমা কাতে অলচিকিতে উছৗন
আকাদায় পুরুলিয়া জিলৗ রেনাঃ সিধু-কানু-বীরসৗ জেগেৎ বিরদৗগাড়রেন সান্তাড়ি হৗটিঞ রেন
প্রফেশর মানতান শ্রীপতি টুডু গোমকে। মানতান টুডুওয়াঃ নংকান এনেম খৗতির পারমেন সিঁগিমাহা
রেনাঃ ‘মন কি বাত’ আখড়ারে মারাং মন্ত্রী নরেন্দ্র মোদী দিশম তালারে শ্রীপতি টুডু গোমকেয়
সাউকৗরি আর সারহাও কেদেয়া।
অনা আখড়ারে মারাং মন্ত্রী লৗই কেদায়, ‘দিশমরে আয়মা হড়গে আপনারাঃ পৗরসি কেটেজঃ রেনাঃ কো কৗমিয়েদা অনকানিচ্গে মিৎ হড় পছিম বাংলা পুরুলিয়ারেন শ্রীপতি টুডু। উনি সান্তাড় সমাজ লৗগিৎ আকোওয়াঃ নিজরাঃ লিপিতে সংবিধান এ তর্জমা আকাদা। ইঞ উনিয়াঃ ভাবনা আর লাড়াওনা রে সাউকৗরিঞ চাল আয় কানা’। নোওয়া কাথা আঁজম কাতে মানতান টুডুয় লৗই কেদা, ‘কৗমি রেনাঃ মৗন ঞাম লেনখান ভৗগি অৗয়কৗঃআ। নোওয়া সারহাওনা কৗমিরেনাঃ দায়িত্ব আরহঁয় বাড়হাও কাৎ তিঞৗ।
মারাং মন্ত্রীয়াঃ নংকান সাউকৗরি এখেন শ্রীপতি টুডুওয়াঃ
এনেম সুমুং দ বাং তামাম সান্তাড় জৗতি আর আকোওয়াঃ পৗরসি সাঁওতে অলচিকি চেতান মানতান
মোদী আয়াঃ গরজ দুলৗড় হঁয় সদর কেদা মেনতে আয়মা বুরধিজীবি হড় গেকো মনেয়েদা।
.webp)
.webp)
