আবোওয়াঃ ডিজিটাল ডেস্ক- তেহেঞ ১৪ এপ্রিল’২২ পুরুব মিদিনপুর রেনাঃ তমলুক রৗস্কৗ মহলাঃ সৗহিজুহিতে ডঃ বি.আর. আম্বেদকর আঃ জানাম মাহা মানত্ সালাঃ মানাও এনা।
আখড়ারে ডঃ বি.আর. আম্বেদকর আঃ মুঠৗন রে বাহা মালা এম চাল কাতে উনিয়াঃ জিয়ন সাঁওতে সমাজরেন লিচৗড় গাঁতাত রেন হড়কো লৗগিৎ উনিয়াঃ এনেম সাঁওতে ভারত দিশম রেনাঃ সংবিধান বে-বেনাওরে উনিয়াঃ মুড়ুৎ এনেম রেনাঃ কাথা অড়ে অড়পাত কো গালচ্ কেদা।
মহল রেন সভাপতি মানতান দেবেন্দ্রনাথ হেম্ব্রম গোমকে রৗস্কৗ সালাঃ এ লৗই সদর কেদা বাংমা তায়ম দারাম রৗস্কৗ মহলাঃ সৗহিজুহিতে আম্বেদকর আঃ জানাম মাহা আডি জাঁকজমক আতে মানাও বাতাওয়ঃআ।
নওয়া আখড়ারে সেটের কো তাঁহেকানা মহল রেন সভাপতি মানতান দেবেন্দ্রনাথ হেম্ব্রম, ডাঃ সুরেন্দ্রনাথ মান্ডি, কান্ত সরেন, শিবরাম মুরমু, সুনা হাঁসদা, রীতা সিং মুরমু সাঁওতে আরহঁ আয়মা মানতান মানতিয়ৗ কো।
আখড়ারে মারাং পেড়া লেকাতে সেটের এ তাঁহেকানা মানতান অমূল্য রতন হাঁসদা গোমকে।
.webp)
.webp)
