.webp)
আবোওয়াঃ ডিজিটাল ডেস্ক- পারমেন ১৯ আর ২০ মার্চ’২২ নোওয়া বার মাহা পছিম বর্ধমান জেলা রেনাঃ দুর্গাপুররে পশ্চিমবঙ্গ আদিবাসী কল্যান সমিতিয়াঃ পোইলো বার সেরমা পুরৗও পনৎ সেনেলেৎ হুয়েনা।
পনৎ খন আয়মা গাঁতাত রেন আদিবাসীকো নোওয়া সেনেলেৎ রেকো সহর সেটের লেন তাঁহেনা। সেনেলেৎ রেনাঃ মুড়ুৎ যঁশ গে তাঁহেকানা বাংমা ফেক এস.টি. বিরুধরে রড়দারাম আর ওনকোওয়াঃ শাসেৎ রেনাঃ দৗবি সাঁওতে আদিবাসী কোওয়াঃ আয়মা লেকান হক অৗইদৗর লৗইতে বাডায় ঞাম লৗগিৎ গে নোওয়া সেনেলেৎ, মেনতে সমিতি পাহটা খন বাডায় ঞাম আকানা।
সেচেৎ, চৗকরি খন এহব কাতে জনপ্রতিনিধি লেকান ঠাঁওরেহঁ অৗডি দিন খন অ-আদিবাসীকো আদিবাসী কোওয়াঃ রাখা দহ জোড়োরে ভাগ কো বৗইসাও এদা। অৗডি অক্তে হৗ্নি-নুয় আধিকারিক ঠেন এমন চেৎ আদিবাসি জনপ্রতিনিধি ঠেন সেন কাতেহঁ ফেক এস.টি. রেনাঃ সুরাহা বাং হুয় আকানা মেনতেহঁ সমিতি অভিযোগ এ রাকাব আকাদা। পারমেন ডেড় বছর ধরিয়ৗ লেতাড়গে আয়মা আদিবাসী গাঁতাত রেন হড় শোস্যাল মিডিয়ারে ফেক এস.টি. বিরুধরে রড় দারাম চালাঃ কান তাঁহেনা বাংমা অঁডে খনগে সমিতিয়াঃ জানাম।
পনৎ সেনেলেৎ রে নানাহুনৗ্র গাপালমারাও সাঁওতে নাওয়া তালমা কুমুট তেয়ার এনা। অনা তালমা কুমুটরেন সভাপতি লেকাতে চুনৗও আকানায় মিতন চন্দ্র টুডু আর সম্পাদক লেকাতে প্রফেশর পার্শাল কিস্কু। অনা বেগর কেশিয়ার লেকাতে পরেশনাথ মুরমু আর উপদেষ্টা মন্ডলীরেন চেয়ার পার্সন লেকাতে বালকরাম সরেন গোমকে।
নোওয়া সেনেলেৎ রে আয়মা আদিবাসী সংগঠন পাহটা খন সেটের কো তাঁহেকানা- আসেকা রেন জেনারেল সেক্রেটারী ডঃ সুবোধ হাঁসদা। পশ্চিমবঙ্গ ভূমি সমাজ কল্যাণ সমিতিরেন সম্পাদক লক্ষীনারায়ণ সিং সর্দার, ভারত জাকাত মাঝি পারগানা মহল পাহটা খন পনৎ পারানিক অর্জুন হেম্ব্রম, মাহালী আদিবাসি ওয়েলফেয়ার সোসাইটিরেন সহ-সভাপতি নারায়ণ মহুলী এমানকো।
অনাবেগর ঝাড়গ্রামরেন এম.পি কুনার হেম্ব্রম, বরাবনির জয়েন্ট বিডিও শিবানী মুরমু, লালপুর মহাত্মা গান্ধী কলেজ রেন প্রফেশর শশীকান্ত মুরমু, কলকাতা হাইকোর্ট রেন অ্যাডভোকেট প্রদীপ সরেন, পশ্চিমবঙ্গ ডক্টরস অ্যাসোসিয়েশন রেন সভাপতি সুশীল মুরমু, যাদবপুর বিশ্ব বিদ্যালয় রেন প্রফেশর আর সাঁড়েশিয়ৗ ডঃ বিপন টুডু, সিধু-কানু-বিরসা ইউনিভার্সিটি রেন শ্রীপতি টুডু আর আখড়ারে সহর সেটের কিন তাঁহেকানা পশ্চিমবঙ্গ সান্তাল আর্টিস্ট অ্যাসোসিয়েশন রেন সভাপতি সিংরাই সরেন আর সেরেঞ কৗরিগল ডিগির সরেন।
অনাবেগর বাংলাদেশ খন সেটের এ তাঁহেকানা প্রফেশর এলবার্ট সরেন। নানাহুনৗর আদিবাসি রুসিকৗ কোওয়াঃ এনেচ্, সেরেঞ, অনড়হেঁ তে অনা বার মাহা আঁদোড় তাঁহেকানা মেনতে সমিতি পাহটা খন বাডায় আকানা।
.webp)
.webp)
