সিঁগি মাহা রেনাঃ সাকাম ‘চেরেচ্ আড়াং’ লেখা- ৮২

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com 

 

তেহেঞাঃ আখড়ারে যাঁহায় কো সেলেদ্‌ আকান- বিমলা কিস্কু, বরেন্দ্রনাথ কিস্কু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱜᱟᱛᱮ ᱴᱩᱣᱟ.ᱨ, ᱥᱩᱵᱩᱫᱤᱭᱟᱹᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢᱩ, তপন হেম্ব্রম, বিরসা কিস্কু, দুগাই টুডু,  সিতেন মান্ডি, ঠ্যেন্টা মুর্মু।

 

বিমলা কিস্কু, ক্লাস-LKG
জেলা - পূর্ব সিংভূম

বরেন্দ্রনাথ কিস্কু, ক্লাস- I
জেলা - পূর্ব সিংভূম

১।।

ᱥᱤᱢᱤᱡᱽ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱪᱩᱜᱟᱹᱭᱢᱮᱱᱟᱼ   ᱚᱱᱟᱫᱚ ᱠᱟᱱᱟ

    ᱴᱟᱴᱠᱟ ᱴᱟᱢᱟᱠ 'ᱵᱮᱞᱮ',

ᱞᱩᱜᱟᱹᱭ ᱠᱟᱛᱷᱟᱭᱼ 'ᱩᱱᱤ ᱫᱚ ᱠᱟᱱᱟᱭ

     ᱫᱤᱲᱢᱤ ᱫᱤᱠᱤᱲ 'ᱛᱮᱞᱮ' ᱾

 

ᱥᱟᱛᱮᱭᱟᱛᱮ ᱠᱚᱭᱚᱜᱮ ᱠᱤᱱ

     ᱩᱱᱤ ᱫᱚ ᱵᱷᱟᱞᱟ ᱪᱮᱞᱮ ?

ᱨᱟᱪᱟᱨᱮ ᱢᱟᱭ ᱥᱤᱫᱩᱵ ᱟᱠᱟᱱ

     ᱵᱷᱮᱜᱟᱨ ᱜᱮ ᱠᱤᱱ ᱧᱮᱞᱮ !

 

ᱨᱮᱯᱮᱡ ᱟᱠᱤᱱᱼ ᱠᱟᱛᱷᱟᱭᱟ ᱠᱤᱱ

      ᱩᱱᱤ ᱫᱚᱼ 'ᱤᱧᱤᱡ ᱤᱧᱤᱡ',

ᱦᱩᱸᱭᱟᱹ ᱛᱮᱦᱚᱸ ᱵᱟᱠᱤᱱ ᱵᱟᱛᱟᱣ

       ᱚᱱᱟ ᱢᱟ ᱞᱮᱫᱷᱮᱨ 'ᱥᱤᱢᱤᱡ' !

 

ᱞᱮᱫᱷᱮᱨ ᱥᱤᱢᱤᱡᱼ ᱥᱤᱢ ᱮᱸᱜᱟ ᱤᱡ

      ᱵᱟᱠᱤᱱ ᱵᱟᱛᱟᱣ ᱠᱟᱱ !

ᱴᱷᱟᱹᱣᱪᱟᱹ ᱛᱮᱠᱤᱱ ᱞᱮᱸᱡᱮᱫᱽ ᱮᱱᱟ

      ᱥᱚ ᱢᱟᱼ 'ᱰᱷᱟᱱ ᱰᱷᱟᱱ' !!

 

======== ᱞ ᱧ=========

২।।

ᱢᱟᱢᱟ ᱜᱚᱣᱟᱜ ᱯᱮᱲᱟ ᱚᱲᱟᱜ

ᱜᱟᱛᱮ ᱴᱩᱣᱟ.ᱨ

 

ᱢᱟᱢᱟ ᱜᱚᱣᱟᱜ ᱢᱟᱢᱚ ᱚᱲᱟᱜ

ᱟᱞᱚᱢ ᱪᱟᱞᱟᱜ ᱵᱷᱩᱞᱛᱮ ᱯᱮᱲᱟᱜ

ᱢᱮᱱᱟᱜ ᱠᱚᱣᱟ ᱯᱟᱨᱠᱚᱢ ᱵᱟᱵᱟ

ᱵᱟᱵᱟ ᱞᱟᱴᱟ ᱧᱩᱛᱩᱢᱜᱮ ᱠᱟᱱᱟ ᱾

 

ᱢᱟᱢᱟ ᱜᱚᱣᱟᱜ ᱦᱟᱛᱚᱢ ᱚᱲᱟᱜ

ᱵᱷᱩᱞᱛᱮ ᱧᱩᱛᱩᱢ ᱟᱞᱚᱢ ᱨᱚᱲᱟᱜ

ᱰᱟ.ᱱᱰᱤ ᱜᱮ ᱦᱚᱲ ᱠᱚ ᱢᱮᱱᱟ

ᱰᱟ.ᱱ ᱵᱷᱩᱛᱢᱟ ᱵᱚᱛᱚᱨᱜᱮ ᱠᱟᱱᱟ ᱾

 

ᱢᱟᱢᱟ ᱜᱚᱣᱟᱜ ᱠᱟ.ᱠᱤ ᱚᱲᱟᱜ

ᱡᱟᱯᱤᱫ ᱵᱟᱱᱩᱜ ᱚᱸᱰᱮᱱ ᱦᱚᱲᱟᱜ

ᱛᱟᱨᱩᱯ ᱠᱟ.ᱠᱤ ᱫᱤᱱᱮ ᱦᱤᱨᱤ

ᱵᱟᱝ ᱟᱹᱛᱤᱧᱟ ᱚᱸᱰᱮᱫᱚ ᱦᱤᱨᱤ ᱾

 

ᱢᱟᱢᱟ ᱜᱚᱣᱟᱜ ᱜᱚᱜᱚ ᱚᱲᱟᱜ

ᱥᱮᱱᱚᱜ ᱛᱮᱜᱮᱢ ᱚᱼᱵᱮᱲᱟᱜ

ᱵᱷᱳᱨ ᱧᱤᱫᱟᱹ ᱠᱷᱚᱱ ᱛᱟᱲᱟᱢ ᱦᱩᱭᱩᱜ

ᱥᱮᱴᱮᱨᱛᱮ ᱥᱤᱸᱜᱟ.ᱲ ᱯᱟᱭᱟᱜ ᱯᱩᱭᱩᱜ ᱾

 

ᱢᱟᱢᱟ ᱜᱚᱣᱟᱜ ᱯᱮᱲᱟ ᱚᱲᱟᱜ

ᱵᱷᱩᱞ ᱠᱟᱛᱮᱦᱚᱸ ᱵᱟᱝ ᱤᱧ ᱯᱮᱲᱟᱜ

ᱟᱯᱮ ᱡᱩᱫᱤᱯᱮ ᱪᱟᱞᱟᱜ ᱜᱮᱠᱷᱟᱱ

ᱢᱟᱜ ᱦᱟᱛᱟᱲᱟ.ᱧ ᱜᱚᱜ ᱥᱟᱦᱟᱱ ᱾

 

======== ᱞ ᱧ=========

 ৩।।

 ᱩᱢ   ᱢᱟᱦᱟ

 ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱵᱟᱦᱟ ᱩᱢ
  ᱵᱚᱸᱜᱟ  ᱨᱩᱢ
ᱜᱚᱜ ᱠᱟᱛᱮ
ᱞᱤᱴᱟᱹ ᱟᱜ ᱜᱷᱟᱱᱴᱤ ᱾

ᱛᱷᱟᱱ  ᱪᱩᱢᱟᱹᱲᱟ
ᱧᱤᱫᱟᱹ  ᱵᱮᱲᱟ
ᱫᱟᱵᱽ ᱟᱠᱟᱛ
ᱡᱟᱦᱮᱨ  ᱥᱟᱹᱲᱤᱢ ᱠᱷᱩᱱᱴᱤ ᱾

ᱦᱟᱺᱛᱤ  ᱥᱟᱫᱚᱢ
ᱫᱟᱹᱲᱟᱹᱜᱠᱚ  ᱡᱷᱚᱛᱚᱢ
ᱜᱚᱜᱨᱮ ᱢᱮᱱᱟᱜ
ᱢᱩᱨᱩᱫ ᱵᱟᱦᱟ ᱠᱟᱹᱯᱤ ᱾


ᱟᱞᱮᱦᱚᱸ ᱥᱟᱶ ᱨᱮ
ᱛᱟᱭᱚᱢ ᱛᱟᱭᱚᱢ ᱨᱮ
ᱟᱠᱟᱵᱽ ᱥᱟᱠᱟᱵᱽ
ᱵᱟᱹᱱᱩᱜᱞᱮ ᱛᱷᱤᱨ ᱦᱟᱹᱯᱤ ᱾


ᱢᱚᱸᱬᱮ ᱛᱩᱨᱩᱭ ᱠᱚ
ᱡᱟᱦᱮᱨ ᱟᱭᱳ
ᱫᱤᱯᱤᱞ ᱠᱟᱛᱮ
ᱤᱫᱟᱹᱞ ᱵᱟᱦᱟ ᱫᱟᱣᱲᱟᱹ ᱾


ᱥᱟᱜᱩᱱ ᱛᱟᱲᱟᱢ
ᱠᱟᱰᱟᱢ ᱠᱟᱰᱟᱢ
ᱡᱟᱦᱮᱨ ᱜᱮᱥᱮ
ᱵᱟᱝᱞᱮ ᱪᱟᱞᱟᱜ ᱟᱹᱣᱲᱟᱹ ᱿

 

======== ᱞ ᱧ=========

৪।।

ᱵᱟᱦᱟ ᱫᱟᱜ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱟ.ᱫᱤᱢ ᱠᱚᱣᱟᱜ ᱜᱚᱨᱚᱵᱷ

ᱢᱟᱨᱟᱝ ᱵᱟᱦᱟ ᱯᱚᱨᱚᱵᱷ ।

 

ᱱᱟᱭᱠᱮ ᱵᱚ'ᱜᱟ ᱵᱩᱨᱩᱭ

ᱥᱟ.ᱜᱩᱱ ᱥᱟ.ᱨᱫᱤ ᱟ.ᱜᱩᱭ ।

 

ᱜᱚᱲᱚᱢ ᱦᱟᱲᱟᱢ,ᱵᱩᱰᱷᱤ

ᱢᱮᱱᱟᱜ ᱠᱚᱣᱟ ᱟ.ᱰᱤ ।

 

ᱛᱮᱧᱟᱝ,ᱠᱩᱢᱟ.ᱧ ᱛᱟᱠᱚ

ᱱᱮᱣᱛᱟ ᱟ.ᱜᱩ ᱠᱟᱠᱚ |

 

ᱩᱱᱠᱩ ᱛᱩᱞᱩᱡ ᱰᱟᱦᱟ

"ᱵᱟᱦᱟ ᱫᱟᱜ" ᱡᱟ'ᱦᱟ ।

 

ᱡᱷᱚᱯᱚᱨ ᱡᱷᱚᱞᱮ ᱞᱚᱦᱚᱫ

ᱜᱳᱴᱟ ᱦᱚᱲᱢᱚ ᱡᱚᱦᱚᱫ ।

 

ᱠᱷᱤᱞᱰᱩ ᱮᱱᱮᱪ ᱛᱟᱞᱟ

ᱯᱟᱨᱚᱢ ᱟᱞᱮ ᱵᱷᱟᱞᱟ ।

 

======== ᱞ ᱧ=========

৫।।

ᱨᱟᱜ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱟᱞᱮ ᱵᱟᱵᱩ ᱦᱮᱢᱮ ᱦᱚᱵᱚᱨ
ᱫᱤᱱ ᱫᱤᱱᱟᱢ ᱪᱮᱨᱮᱪ ᱮᱭᱟᱞᱮ ;
ᱪᱮᱫ ᱪᱚᱝ ᱵᱟᱝ ᱜᱟᱱᱚᱜᱛᱟᱭ
ᱞᱮᱛᱟᱲ ᱫᱚᱢᱮ ᱨᱟᱜ ᱛᱟᱞᱮ ᱾

ᱥᱤᱧ ᱧᱤᱫᱟᱹ ᱛᱚᱳᱭᱟ ᱫᱟᱠᱟ
ᱨᱮᱸᱜᱮᱡ ᱞᱮᱠᱷᱟᱱ ᱡᱚᱢᱟᱭ ;
ᱛᱚᱳᱭᱟ  ᱫᱟᱠᱟ  ᱥᱟᱣᱛᱮ
ᱪᱚᱜ ᱪᱮᱨᱮᱪ ᱫᱚᱞᱮ ᱮᱢᱟᱭ ᱾

ᱟᱨᱤᱫ ᱠᱩᱨᱩᱫ  ᱨᱟᱜ  ᱟᱫᱚᱭ
ᱛᱷᱤᱨᱜᱮ ᱵᱟᱭ ᱵᱩᱡᱷᱟᱳᱭᱟ;
ᱦᱮᱢᱮᱜ   ᱦᱚᱵᱚᱨᱚᱜ ᱞᱟᱜᱤᱫ
ᱛᱤᱜᱮ  ᱞᱟᱯᱷᱟᱣ ᱞᱟᱦᱟᱭᱟ ᱾

ᱨᱟᱜᱛᱮ  ᱚᱲᱟᱜ  ᱟᱱᱴᱟᱣ  ᱠᱟᱜ
ᱡᱚᱠᱷᱚᱪ ᱛᱟᱦᱮᱱ ᱫᱩᱲᱩᱯ ᱜᱤᱛᱤᱡ;
ᱨᱟᱜ ᱛᱷᱟᱠᱟᱣ ᱦᱮᱠᱚᱛ ᱦᱮᱠᱚᱛ
ᱵᱟᱹᱭ  ᱵᱟᱹᱭᱛᱮ  ᱟᱫᱚᱭ  ᱡᱟᱯᱤᱫ ᱿

 

======== ᱞ ᱧ=========

৬।।

জজ বিলি

তপন হেম্ব্রম

 

ঝামকা ঝাকুর জজ বিলি

কচে কড়বে ডৗর লিঢুর ।

হিসিদ্ হয়তে হটক ঠকর

মজগে আঁজমঃ সাডেঃ কান ।।

 

জজ বিলিম জম লেখান

মেৎ কিনগে রৗপিৎ জৗপিদঃ।

মচা লুটি হেড়েব চেড়েবঃ

 তগচ্ সাঁওতে ডাটা কগে খুরুঃ।

 

মচা লুটি চেটেব চেটেব

তগচ্ ডাটা রাট রাটাঃ ।

গটা হড়ম রুমুই গদঃ

মাসে, উদৗম সে ফুর - কাঃ ।।

 

======= ᱞ ᱧ=======

৭।।

লুতি তেরম

বিরসা কিস্কু

 

লুতি তেরম

রাসা আডি সড়ম

সেতাঃ সিঙ্গৗড় জম

রোগ-আজারে হজম

 

দারে ঢঁডর অড়াঃ কুডৗম

বেনাও ইলেৎ মুদৗম

মালহান ঝাটা মাড়ম

কারহা লেকান চাতম

 

চেপেচ  ক বাহা রাসা

জ-বিলিঃ হেড়েম কাসা

আবাদ আরজাও চাসা

মনে জিউয়ীরে রৗস্কৗ আশা

 

হিজু সেনঃ ক সেরেঞ

নিচোল বেড়ারে রেরেঞ

সুড় সুঁগৗ দেরেঞ

তুতুড় চুপি ক জেলেঞ। 

 

====== ᱞ ᱧ=======

৮।।

ডঃ ধীরেন্দ্রনাথ বাস্কে

দুগাই টুডু

 

অৗডি সাঁগে গিদরৗ কোদ

     লৗই এদাকো দেলা,

ধীরেন্দ্রনাথ বাস্কে ঞুতুম

     আঁজম পেসে ভালা।

 

ভীমপুর আতো রেগে উনি

     অনেয় জানাম এনা,

কৗটিচ্‌ অক্ত আতো স্কুলরে

    হানেয় পাড়হাও লেনা।

 

নাহাঃ দরে পাড়াও আকান

    ঝাড়গ্রাম জেলা অনা,

আপাৎ ঞুতুম প্রিয়নাথ বাস্কে

     এঁগাৎ সরোজনী কানা।

 

অলঃ পাড়হাঃ ভাগে গিদরৗ

    বি.এ. পাস কেদায়,

‘পেড়া হড়’ যুগ সিরিজল’ করে

       দমে অল কেদায়।

 

‘পছিম বাংলা’ পাথাম রেদ

    জগ-সাসাপড়াওয়িচ্‌

সান্তাড় নাগাম বেবাক উনরে

    উছৗন সদর বাডায়িচ্‌।

 

‘সাঁওতাল গণ সংগ্রামের ইতিহাস’

      ‘কারাম বিনতী’ পৗরি,

‘মারে হড় কৗহনি’ নাপায় অকচ্‌

      ‘হড় রড় বায়ান অৗরি’।

 

‘বাহা পরব আর হড় সমাজ’

    আয়মা পুঁথি হেনাঃ,

‘হড় বাপ্লা সেরেঞ পুঁথি’

    সাঁগে পতব মেনাঃ।

 

নাগামিয়ৗ ঞুম কাতে হানে                                                                                   

    ডি.লিট কো এমা আদে,

কৗমি কোতায় ঞেলগে আতে

    গুণিজন মানত্‌ কেদে।

 

ধৗরতি বৗগি আকাদ্‌ রেহঁ

      অৗডি এনেম তায়,

অনা তেড়ং হড়কো আদ

     নেতার দিসৗয় গেয়া।

 

====== ᱞ ᱧ======

৯।।

সাঁওহেৎ চির

সীতেন মাণ্ডি

 

টেঙ্গচ্ তাড়োয়ার কৗপি খন হঁ

    লাসের গেয়া ননল

নোওয়া কাথাম বাড়ায় ঞামা

পাড়হাও সেঁড়ায় মেসে অনল।

 

জোতদার জমিদার

ইংরেজ কোওয়াঃ শাসন

ভারত দিসম ফুরগৗল কাথা

বাড়ায় ঞামাম নাগাম।

 

সিদু কানু বীরসা মুণ্ডা

    বাবা তিলকৗ মুর্মু

মৗনমি রূপতেক জানাম লেনা

চাঁদ বারাক ক তাঁহে কানা।

 

গুরু গঙ্কে কবি কিস্কু

      সাধু রামচাঁদ মুর্মু

অনল তালাতে উদুঃকেৎ ক

আবোয়াঃ বাঞ্চাঃ ডাহার।

 

ননল সাবমে অনল চেদ্ মে

   আলম তাহেনা থির

যাহাম অলা অনাগে তাহেনা

  উডৗও মে সাঁওহেৎ চির।

 

====== ᱞ ᱧ=======

১০।।

মাঝি করেন গুতি কড়া

ঠ্যেন্টা মুর্মু

 

মাঝি করেন গুতি কড়া

আডি গেচয় চেটমালা

জাহান কৗমি রেগে উনি

লগন মাছায় ছুটাঃ আ ।

 

সিম রাঃ রে বেরেদ্ কাতে

জোড়াও কাঃ আয়  সিয়ঃ

যাঁহা তিনাঃ জমেম এমায়

জম তেগে বায়  বিয়ঃ ।

 

টুমাং লেকা লাজ্ তায় দ

শশরচ্ লেকা কাটা

চাউহৗড়ী মা চপৎ গেতায়

ইসিড় গেতায় ডাটা ।

 

বৗইদ বৗইহাড়ে সি লৗহুদা

আঁড়গম জু-তায় খৗরৗই 

নানা হুনৗর আরজাও কাতে

পেরেজায় মাঝিয়াঃ মুরৗই ।

 

 

======মুচৗৎ=======