কিস্কিন্ধ্যা মুরমু,বান্দোয়ান – সানতালি লিটারেরি ফোরাম আঃ কুরুমুটুতে পারমেন ১৮ মার্চ২০২২ হিলোঃ পে টাড়াং অকতে পুরুলিয়া জেলা রেয়াঃ বান্দোয়ান জাপাঃ খেরওয়ালডিরে অনড়হিয়ৗ সারদা প্রসাদ কিসকু আঃ গুরমাহা মানত সালাঃ মানাও হুয় পারমেনা। উইহৗর আঞ্জলে আখড়া তালাতে অনড়হিয়ৗ উইহৗর দিশা কেদেয়া গুর মাহারে ।
মারাং পেড়া লেকাতে সহর সেটের লেনা অনলিয়ৗ অনড়হিয়ৗ মানতান গোমস্তা প্রসাদ সরেন,"তেতরে"পাথাম সাসাপাড়াওয়িচ মানতান মহাদেব হাঁসদাঃ,মৗনৗন পেড়া লেকাতে সিতেন মান্ডি,সমাজ কৗমিয়ৗ দুলৗড়িয়ৗ মানতান রামদাস মান্ডি,সাঁওতে সেটের লেন সাঁওহেৎ দুলৗড়িয়া অনড়হিয়ৗ মানতান সতন কুঃ সরেন, অনড়হিয়ৗ মানতান বঙ্কিম চন্দ্র হেম্ব্রম , মানতান শ্যাম চরন সরেন ,অনিল চন্দ্র মান্ডি , যোগেন্দ্রনাথ সরেন,বাবুলাল সরেন ,তারাচাঁদ মান্ডি ,আদিত্য হেম্ব্রম সাঁওতে খেরওয়ালডি রেন সুবুদিয়ৗ ঞেঞেলিয়ৗ আঁজমিয়ৗ ।
অনড়হিয়ৗ মুঠৗনরে বাহামালা আরাও আর দিহৗবৗতি জেরেদ কেদায় মারাং পেড়া মানতান অনলিয়ৗ অনড়হিয়ৗ মানতান গোমস্তা প্রসাদ সরেন । আখড়া উঢৗও সেরেঞ কেদায় মানতান বাবুলাল সরেন ।সাঁওতা সাঁওহেৎ চেতান অসাম্ভেড় এনেম লৗইতে গাপালমারাওরে সেলেদ লেনা ক অনলিয়ৗ অনড়হিয়ৗ । অনড়হে বাখেড় কেদা আখড়ারে । আদর্শ মাচেৎ,সাঁওতা সুসৗরিয়ৗ ,ডৗন বিরুধ আনদোড় সাঁওতে সাঁওহেৎ চেতান এনেম লৗইতে উইহৗর আঁঞ্জলে আখড়া তালাতে দিশা উইহৗর কেদেয়া সানতালি লিটারেরি ফোরাম ।
আখড়া রেন বৗইসি লেকাতে "তেতরে " পাথাম সাসাপাড়াওয়িচ মানতান মহাদেব হাঁসদাঃ গংকেয়াঃ কাথা লেকাতে "সাঁওহেৎ চারচাও কৗমিরে অনড়হিয়ৗ সাঁওতে ২৬ বছর লেকা বিতৗও আকানা। উইহৗর আঁঞ্জলে তালাতে তেঁহেঞ অনলিয়ৗ অনড়হিয়ৗ দিশা উইহৗর কাতে মানত বন চাল আদেয়া নওয়াগে আডি গরব রেনাঃ কাথা" ।
ফোরাম রেন সেক্রেটারি মানতান অরুন কুমার সরেনাঃ লৗইরে "আব রেন অনলিয়ৗ অনড়হিয়ৗ কদ অকয় হঁ বাক মানত কওয়া আবগে মানাও হুয়ুঃ তাবনা।
জৗতি- সমাজ- ধরম -সাঁওহেৎ হারাবুরুয় অনড়হিয়ৗ আঃঅল রেগে পৗহিল ঞেল ঞাম আকানা। পস্ছিমবাংলা সরকার অনড়হিয়ৗ ঞুতুমতে শিরপৗয় চৗলু লেদা ,অকা লেকাতে চং বনধ আকানা। মেনখান উকুর রবীন্দ্র শিরপৗ দ বাং বনধ আকানা ? মেনখান সারদাপ্রসাদ কিসকু শিরপৗ দ চেদাঃ বনধয়েনা"? বৗড়তি বাংকাতে সেটের আকান অনলিয়ৗ অনড়হিয়ৗ মৗন মানত্ সাঁওতে সারহাও জহার চাল কাতে আখড়ায় মুচৗৎ কেদা ।
.webp)
.webp)
