গুলন চন্দ্র মুরমু, দেওচা-পাচামি:- নে –হালে দিনৗম পাথাম করে ঞেলঃ গঃ কানা বাংমা বিরভুম জেলা রেনাঃ দেওচা-পাঁচামি রে এশিয়া রেনাঃ জতখন মারাং আর গনং আনাং কয়লা খৗদ হুয়ুঃ আ মেন্তে সরকার বাহাদুর অৗডি লাহা খন এ লৗই সদর আকাদা।....অনাতে দেওচা,শালবনি, হাড়মাডাঁগাল, দেওয়ানগঞ্জ, কেন্দ্র পাহাড়ি, হরিনসিঙ্গা, তালবাঁধ, আতু রেন আদিবাসি সান্তাড় কো জমি-জায়গা ,অড়াঃ-দুওয়ৗর, খেত-বৗইদ,গৗই-ডাংরা, বদলতে কাথাচ্ কৗউডি ক এমাকোওয়া আর চৗকরি হঁয় এমাকো খৗতির সানাম আতুরেন হড়কো রেবেন আকানা, কুকমু রেনঃ কয়লা খাদান হুয়ুঃমা মেন্তে। আরহঁ ঞেল আকানা তদন্ত কমিটি হঁ তদন্ত হেজ কাতে নডেরেন গিরৗবাসি কো কয়লা খৗদ রে রেবেন মেনাঃকোওয়া মেন্তে রিপোর্ট হঁ কো এম আকাদা ।
মেনখান পারমেন ইং ১৮ মার্চ হিলোঃ বারোমাইস্যা ঞুতুমান ঠাঁওরে আডি হাহাড়াঃ চিতৗর ঞেল এনা চালাও ইদিকান ২৯ দিন মিৎ লেতাড় গে দেওচা, শালবনি, হাড়মাডাঁগাল, দেওয়ানগঞ্জ, কেন্দ্র পাহাড়ি, হরিনসিঙ্গা, তালবাঁধ, আতু করেন আয়ো-বাবা, গিদৗর পিদৗরকো ধরনা দুড়ুপ কাতে জানাম ভিটৗ ,জানাম দিসম বাঞ্চাও লৗগিদ্ কয়লা খৗদ বিরুদরে কো লৗড়হৗই কানা । সানাম আতোরে কাঁথ করে কয়লা খনি বিরুদ রেনাঃ কাথা ক অল সদর আকাদা। আয়মা ধাও আঁজম আকানা নোওয়া আঁদোড় রেন তিরলৗ আয়োকো চেতান পুলিশ আঃ নাহাচার চালাও আকান রেহঁ বাংকো বতর আকানা ।
সরকার পাহটা খন আয়মা লেকান এড়ে কাথা বেনাও কাতে মিডিয়া তালাতে রিপোর্ট ক পাসনাও এদা বাংমা কৗমিকো এতহবা । মেনখান সর জমিনরে ঞেল কাতেৎ আর অঁডেরেন হড় সালাঃ গাপাল মারাও কাতে বাড়ায় ঞাম এনা সৗরি কাথা, কয়লা খৗদ দ বাং গেকো হুয় হচঃ আ । তবে চেৎ নিৎ নংকান বেড়ারে সরকার আদিবাসি কোওয়াঃ ভিটৗ মাটি রেচ্ চাবা কাতে লাগা ডিগলৗও রেনাঃ এ কুরুমুটুয়া? সে আর আর জা্যগা লেকা নঁডেহঁয় থুকৗম দহ কাঃআ? সে আদিবাসী কান তেগেকো অঁডে দ জোর কাতেগে হোয়োঃআ? নোওয়া করেনাঃ তেলাদ দেওচা-পাঁচামিরেন হড় ঠেন নিৎ হৗবিচ্ বাডায় বৗনুঃ আকাদা।
.webp)
.webp)
