"আবোওয়াঃ কাথা " রেন পৗঠুওয়ৗঞ লৗইয়েদা

(চিঠি সাকাম)

"আবোওয়াঃ কাথা " রেন পৗঠুওয়ৗঞ লৗইয়েদা
সাসাপড়াওয়িচ্
" আবোওয়াঃ কাথা "

কোভিড ১৯ লেকান আজাররে দিশম রেন মৗনমি আডি মুহিম চিন্তৗ ভৗবিৎ রেকো পাড়াও লেনা। নিৎ অনাখন  আডিগান অহরাও গৎ আকানা। মেনখান অৗওরি চাবা উতৗরঃআ। নংকান মুহিম অকতরে "আবোওয়াঃ কাথা " ওয়েব পেজ তালাতে দিশম রেনাঃ আয়মা খবর সাঁওতে সাঁওহেৎ চারচাও লৗগিৎ আয়মা লেকান হৗটিঞগে উছৗন ইদি লেনা। উছৗন আকান মুদরে ১) হাপ্তাকিয়ৗ সিঁগিমাহা রেনাঃ গিদৗর ক লৗগিৎ অনড়হে ,গিদরৗ বৗউলিতে "চেরেচ আড়াং " ২) হুডিঞ কৗহনি ৩) হুডিঞ মাছা প্রতিবেদন ৪) অল তালাতে মিৎ ঘৗড়িচ রেনাঃ বাঁখেড় ৫) অল তালাতে কাথা রাপাচাঃ (Debate)  ৬) সিঁগিমাহা রেনাঃ সাকাম "চেরেচ আড়াং" চেতান তুলৗজখা ৭) অকত সালাঃ সাপড়াও উছৗনঃকান খবর এমান এমান।

"আবোওয়াঃ কাথা " ডিজিটাল ডেক্সরে উছৗনঃ কান সানাম লেকান অল কগে আডি গৗহির সালাঃ পাড়হাও কাতে বুদ অৗকিল ইঞ ঞাম আকাদা সাঁওতে রৗসকৗ হঁঞ বুঝৗও তরা আকাদা। আয়মা অনলিয়ৗ সালাঃগে ঞুতুমতিঞ উরুম আকাৎ কোওয়া। অৗডি অনলিয়ৗগে অল ইদিয়েৎ গেয়া আদম কদ বাং । নাওয়া অনলিয়ৗ হিজুঃ কানা আর হঁ আদম কদ দুড়ুপ কানা । মেনখান "আবোওয়া কাথা"তেঁহেঞ মিৎ সেরমা তাড়াম পুরৗও কাতে বার সেরমাসেন মহডা আকানা। নওয়া দ গরব রেনাঃ কাথা কানা। ইঞ লেকান পৗঠুওয়ৗ কঠেন সেটের কাতে আরহঁ লাহাসেন লাহা কঃমা নওয়া কুকুমুঞ ঞেলা।
  

দুক রেনাঃ কাথা দ নিয়ৗগে নিত ধৗবিচ ঞেলেদা "চেরেচ আড়াং  "হুডিঞ কৗহনি,খবর কগে  লেতাড় উছৗন ইদিঃ কানা। হুডিঞ মাছা প্রতিবেদন ,অল তালাতে মিৎ ঘৗড়িচ রেনাঃ বাঁখেড়,অল তালাতে কাথা রাপাচাঃ (Debate),সিঁগিমাহা রেনাঃ সাকাম "চেরেচ আড়াং"চেতান তুলৗজখা লেকান সাঁওহেৎ হাটিঞ কদ আয়মা দিন হৗপিৎ আকানা । প্রতিবেদন ,বাঁখেড় ,কাথা রাপাচাঃ ,চেরেচ আড়াং তুলৗজখা সাকাম তালাতে আডি দামানান অনলগে ঝালকাও রাকাপ আকানা । মেনখান নিৎ চেৎ অজে তেচং হাপে মেনাঃ আকাদা।

 
পৗঠুওয়ৗ লেকাতিঞ নেহরঃ আ মানতান " আবোওয়াঃ কাথা " ডিজিটাল ডেক্স রেন সাসাপড়াওয়িচ ঠেন যাঁহালেকাতে নওয়া হৗটিঞ কদ দহড়াতে উছৗন রুয়ৗড় লৗগিৎ।
         

সারহাও সাকাম খন মিৎবার কাথাঞ দহড়া কেদা .......
"ঞেল ঞেলতে সিঁগিমাহা মিৎ সেরমায় পুরৗউ কেদা। নওয়া মিৎ সেরমারে "চেরেচ আড়াং " মিৎ গেল খন যাসতি অনলিয়ৗয় সিরজন আকাৎ কওয়া। জৗনিচ খান নুকু তিসহঁ বাক উইহৗর আকাৎ তাঁহে , কোভিড ১৯রে আক ,অনলিয়ৗ লেকাতেক ছৗটিয়ৗরঃআ। সানাম নুকু অনলিয়ৗ ক ইঞ পাহটা খন আয়মা গুন মানাও সারহাও।
        

 লেতাড়গে মিৎ সেরমা সাঁওহেৎ আড়তি কাতে নাওয়া অনলিয়ৗ জানাম সাঁওতে নাওয়া পৗঠুওয়ৗয় বেনাও কেৎ কওয়া। মেনখান on line তেদ নওয়া "চেরেচ আড়াং " গে পোয়লো ।"....শ্রীকান্ত সরেন। সারহাও সাকাম।

 
  "হাপ্তাকিয়ৗ সিঁগিমাহা হিলোঃ ঞামঃ সাঁওতে" চেরেচ আড়াং" পাড়হাও লৗগিৎ মনে জিউয়ি তাঁগি তাঁড়াঃরে তাঁহেনা । হাপ্তাগে গিদরৗ সাঁওহেৎ রেন অনলিয়ৗ বৗই বৗইতে সাঁগে ইদি কানা। উনকুয়াঃ অল আড়াং হেড়েম নাপায় বুঝৗউঃ কানা। অকত কাতে দামানান অনড়হে গিদরৗ বৗউলি অল খৗতির জহার সাঁওতে গুনমানাও সারহাও "।

 

.....সারহাও সাকাম।                         

কিস্কিন্ধ্যা মুরমু ।  

১৬ আঃ ২০২১

                                 নেহর সালাঃ

                           সৗগুন শিকৗরিয়ৗ