সিঁগি মাহা রেনাঃ সাকাম ‘চেরেচ্ আড়াং’ লেখা- ৮৩

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।

 

 তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱯ ᱚ ᱨ ᱤ ᱢ ᱚ ᱞ  ᱦ ᱟ ᱸᱥ ᱫ ᱟ,  ᱨᱟᱢᱞᱟᱞ ᱴᱩᱰᱩ, তপন হেম্ব্রম, দুগাই টুডু, সিতেন মান্ডি, বিরসা কিস্কু, ঠ্যেন্টা মুর্মু, কিষ্কিন্ধ্য মুরমু, বাবলু সরেন।

  

রিলৗমালা মুরুমু, ক্লাস- V
জেলা - পুরুলিয়া

১।।

ᱱᱮᱣᱛᱟ ᱯᱮᱲᱟ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

                                

ᱟᱥᱟᱲ ᱵᱚᱸᱜᱟ ᱜᱚᱸᱜᱷᱟ ᱨᱚᱠᱚᱡ

          ᱦᱚᱸᱥᱚᱨ ᱛᱮᱠᱚ ᱪᱟᱞᱟᱜ,   

ᱟᱸᱫᱩᱨ ᱢᱟᱸᱫᱩᱨ ᱦᱚᱯᱚᱱ ᱢᱟᱹᱭ ᱢᱟᱭ

        ᱜᱟᱛᱮ ᱯᱮᱲᱟ ᱛᱟᱞᱟᱜ ᱾

 

ᱥᱟᱹᱜᱩᱱ ᱫᱤᱱᱨᱮᱭ ᱱᱮᱣᱛᱟ ᱠᱟᱠᱚ

         ᱯᱮᱲᱟ ᱵᱟᱠᱚ ᱧᱮᱞᱚ,

ᱥᱮᱴᱮᱨ ᱮᱱᱠᱚ ᱜᱚᱸᱜᱷᱟ ᱨᱚᱠᱚᱡ

       ᱵᱤᱫᱟᱹᱭ ᱵᱮᱲᱟ ᱦᱤᱞᱚᱜ ᱾

 

                   (২) 

                 ᱟᱜᱼᱭᱩᱨᱤᱡ

                    

ᱫᱳᱞ ᱫᱳᱞᱤ ᱠᱷᱚᱱ ᱟᱸᱡᱚᱢ ᱦᱤᱡᱩᱜ

        ᱨᱟᱹᱥᱠᱟᱹ ᱦᱟᱦᱟᱞ ᱦᱟᱸᱜ,

ᱦᱚᱯᱚᱱ ᱢᱟᱹᱭ ᱫᱚᱭ ᱫᱚᱦᱚᱭ ᱜᱮᱭᱟ

         ᱜᱚᱢ ᱵᱩᱰᱦᱤᱭᱟᱜ ᱫᱟᱜ ᱾

 

ᱴᱷᱳᱞ ᱠᱟᱜᱼᱟᱭ ᱴᱩᱠᱩᱡ ᱴᱚᱠᱟᱜ

        ᱫᱟᱠᱟ ᱩᱛᱩ ᱪᱮᱞᱟᱝ,

ᱫᱩᱲᱩᱵ ᱠᱟᱭᱟᱭ ᱱᱮᱣᱛᱟ ᱛᱮᱧᱟᱝ

         ᱳᱨᱯᱳ ᱠᱟᱛᱮ ᱮᱞᱟᱝ ᱾

 

======== * =======

 ২।।

ᱥᱟᱨᱫᱤ

ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱥᱟᱨᱫᱤ ᱢᱟᱦᱟ
ᱥᱟᱨᱡᱚᱢ ᱵᱟᱦᱟ ᱾

ᱢᱟᱛᱠᱚᱢ  ᱜᱮᱞᱮ
ᱞᱮᱣᱮ      ᱞᱮᱣᱮ ᱾

ᱤᱪᱟ.ᱜ   ᱢᱩᱨᱩᱫ
ᱵᱩᱨᱩᱫ    ᱵᱩᱨᱩᱫ ᱾

ᱥᱟᱺᱜᱤᱧ ᱵᱮᱸᱜᱮᱫ
ᱡᱮᱸᱜᱮᱫ ᱡᱮᱸᱜᱮᱫ ᱾

ᱯᱚᱸᱰᱜᱮ  ᱡᱟᱸᱦᱟ
ᱢᱩᱱᱜᱟᱹ  ᱵᱟᱦᱟ ᱾

ᱠᱚᱪᱟ   ᱨᱮᱥᱮ
ᱛᱮᱨᱮ    ᱛᱮᱥᱮ ᱾

ᱤᱯᱤᱞ ᱥᱮᱨᱢᱟ
ᱧᱮᱞ    ᱟᱞᱮᱢᱟ ᱾

ᱫᱟᱣᱲᱟ. ᱵᱟᱦᱟ
ᱳᱣᱟᱝ   ᱡᱟᱸᱦᱟ ᱾

ᱦᱟᱱᱮ   ᱟᱱᱟᱝ
ᱱᱚᱣᱟ    ᱚᱣᱟᱝ ᱾

======== * =======

 ৩।।

ᱤᱧ ᱫᱚᱧ ᱠᱩᱥᱤᱭᱟᱜ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱥᱟᱯᱟ ᱥᱟ.ᱯᱤ ᱡᱚᱢ,ᱧᱩ

ᱥᱟᱯᱟ ᱦᱚᱨᱚᱜ,ᱵᱟ'ᱫᱮ

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱦᱚᱲ ᱥᱟᱞᱟᱜ ᱜᱟᱛᱮ ᱜᱟᱯᱟᱛᱮ

ᱱᱟᱯᱟᱭ ᱛᱟ'ᱦᱮ ᱵᱮᱵᱚᱦᱟᱨ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱚᱞᱚᱜ ᱯᱟᱲᱦᱟᱣ ᱥᱮᱬᱟ ᱞᱟ.ᱜᱤᱫ

ᱤᱛᱩᱱ ᱟᱥᱲᱟ ᱪᱟᱞᱟᱜ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱯᱟᱲᱦᱟᱣ ᱵᱟ.ᱧ ᱵᱩᱡᱷ ᱞᱮᱠᱷᱟᱡ

ᱢᱟᱪᱮᱫ ᱠᱩᱞᱤ ᱠᱩᱯᱩᱞᱤ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱢᱟᱨᱟᱝ ᱦᱚᱲᱟᱜ ᱠᱟᱛᱷᱟ ᱞᱮᱠᱟ

ᱛᱟᱲᱟᱢ ᱞᱟᱦᱟ ᱦᱩᱭᱩᱜ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱢᱟᱨᱟᱝ ᱦᱚᱲ ᱢᱟᱱᱟᱣ ᱡᱚᱦᱟᱨ

ᱠᱟ.ᱴᱤᱡ ᱠᱚ ᱫᱩᱞᱟ.ᱲ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱦᱚᱲ ᱥᱟᱞᱟᱜ ᱨᱚᱲ ᱨᱚᱯᱚᱲ

ᱥᱟ.ᱨᱤ ᱠᱟᱛᱷᱟ ᱛᱷᱩᱛᱤ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱚᱲᱟᱜ ᱫᱩᱣᱟ.ᱨ ᱥᱟᱯᱟ ᱥᱟ.ᱯᱤ

ᱜᱮᱡ ᱜᱩᱨᱤᱡ ᱪᱤᱠᱟ.ᱲ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱜᱟᱛᱮ ᱥᱟᱞᱟᱜ ᱠᱷᱮᱞᱳᱰ ᱮᱱᱮᱪ

ᱨᱚᱲ ᱨᱚᱯᱚᱲ ᱛᱟᱞᱟ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

ᱱᱟᱯᱟᱭ ᱦᱚᱭ ᱦᱤᱥᱤᱫ ᱞᱟ.ᱜᱤᱫ

ᱵᱤᱨ ᱟᱛᱳ ᱫᱤᱥᱳᱢ,

ᱤᱧ ᱫᱚᱧ ᱠᱩᱥᱤᱭᱟᱜ ।

 

======== * =======

 ৪।।

ᱫ ᱮ ᱵ ᱚ ᱱ ᱞ ᱟ ᱦ ᱟ ᱜ

ᱯ ᱚ ᱨ ᱤ ᱢ ᱚ ᱞ  ᱦ ᱟ ᱸᱥ ᱫ ᱟ

 

ᱥ ᱤ ᱧ ᱵ ᱮ ᱲ ᱟ  ᱥ ᱮ ᱱ ᱚ ᱜ ᱟ ᱵ  ᱚ ᱱ ᱤ ᱛ ᱩ ᱱ ᱟ ᱥ ᱲ ᱟ

ᱥ ᱤᱸᱜ ᱟᱹᱲ  ᱵ ᱮ ᱲ ᱟ  ᱫ ᱚ  ᱮ ᱱ ᱮ ᱡ  ᱟ  ᱠ ᱷ ᱲ ᱟ

ᱚ ᱞ ᱚ ᱜ  ᱯ ᱟ ᱲ ᱦ ᱟ ᱣ  ᱟ ᱵ ᱚ ᱱ ᱠ ᱮ ᱱ ᱮ ᱠ ᱚ ᱛ ᱮ

ᱥ ᱮ ᱮ ᱧ  ᱫ ᱩ ᱨ ᱟᱹᱝ  ᱟ ᱵ ᱚ ᱱ ᱱ  ᱮ ᱱ ᱮ ᱯ ᱮ ᱛ ᱮ᱾

 

ᱢ ᱟ ᱨ ᱟ ᱝ ᱢ ᱟ ᱱ ᱢ ᱤ ᱫ ᱮ ᱵ ᱚ ᱱ ᱵ ᱮ ᱱ ᱟ ᱜ

ᱩ ᱭ ᱦ ᱟᱹᱨ ᱟ ᱵ ᱚ ᱱ ᱮ ᱠ ᱟ ᱞ ᱱ ᱟ ᱦ ᱟ ᱜ

ᱟ  ᱵ ᱚ ᱛ ᱟ ᱞ ᱟ ᱨ ᱮ ᱵ ᱟ ᱵ ᱚ ᱱ ᱥ ᱤ ᱰ ᱟᱹᱝ

ᱫ ᱷ ᱟ ᱨ ᱛ ᱤ  ᱡ ᱟ ᱠ ᱟ ᱛ  ᱫ ᱮ ᱵ ᱚ ᱱ  ᱴ ᱩ ᱰ ᱟ ᱹᱝ᱾

 

ᱢ ᱟ ᱱ ᱢ ᱤ  ᱛ ᱟ ᱞᱟ ᱨᱮ ᱫ ᱮ ᱵ ᱚ ᱱ  ᱡ ᱟ ᱨᱤ

ᱥ ᱟ ᱨᱤ  ᱫ ᱷ ᱚ ᱨ ᱚ ᱢ  ᱥ ᱚ ᱨ ᱮ ᱥ  ᱟ ᱨ ᱤ

ᱞ ᱟ ᱦ ᱟ   ᱤ ᱫ ᱤ ᱭ ᱟ ᱵ ᱚ ᱱ  ᱟ ᱵ ᱚ ᱣ ᱟ ᱜ   ᱡ ᱟ ᱛ ᱤ

ᱡ ᱮ ᱨ ᱮ ᱫ   ᱠ ᱟ ᱛ ᱮ  ᱟ ᱠ ᱤ ᱞ   ᱵ ᱟ ᱛ ᱤ ᱾

 

======== * =======

 

৫।।

ᱜᱤᱫᱽᱨᱟᱹ ᱵᱟᱹᱣᱞᱤ

ᱨᱟᱢᱞᱟᱞ ᱴᱩᱰᱩ

 

    ᱜᱟᱰᱟ ᱫᱷᱟᱨᱮ

    ᱵᱟᱹᱨᱩ  ᱫᱟᱨᱮ

    ᱵᱟᱹᱨᱩ  ᱵᱤᱞᱤ

    ᱨᱩᱠᱩᱭ ᱦᱤᱞᱤ ᱿

 

    ᱡᱩᱨᱤ  ᱠᱩᱲᱤ

    ᱞᱷᱩᱞ  ᱠᱩᱲᱤ

    ᱦᱤᱨᱟᱹ  ᱢᱩᱱᱤ

    ᱡᱤᱨᱟᱹ  ᱢᱩᱱᱤ ᱿

 

    ᱯᱟᱛᱟ  ᱴᱟᱺᱵᱤ

    ᱪᱟᱞᱟ  ᱦᱟᱺᱰᱤ

    ᱧᱩᱧᱩ  ᱢᱟᱱᱟ

    ᱤᱫᱤᱭ ᱢᱟᱱᱟ ᱿

 

    ᱛᱟᱞᱟ  ᱵᱤᱴᱤ

    ᱦᱤᱴᱤ   ᱦᱤᱴᱤ

    ᱛᱚᱣᱟ  ᱰᱟᱴᱟ

    ᱵᱟᱞᱮ  ᱠᱟᱴᱟ ᱿

 

    ᱩᱥᱩᱞ  ᱯᱤᱸᱰᱟᱹ

    ᱞᱟᱯᱟ  ᱞᱩᱸᱰᱟᱹ

    ᱛᱟᱞᱟ  ᱵᱟᱹᱦᱩ

    ᱮᱜᱮᱨ  ᱛᱟᱺᱦᱩ ᱿

 

    ᱦᱟᱱᱮ  ᱨᱩᱠᱷᱟᱹ

    ᱪᱮᱸᱬᱮ  ᱛᱩᱠᱟᱹ

    ᱟᱞᱚᱢ  ᱨᱚᱲᱟ

    ᱪᱮᱸᱬᱮᱭ ᱫᱟᱹᱲᱟ ᱿

 

======== * =======

৬।।

সিবিল

মেসকচ্

 

সিবিল মুরুৎ বাহা রাসা

সিবিল শশ তেরেল কাসা,

সিবিল বুলুং মেসা বৗরু

সিবিল জিল মেসা সৗরু।

 

সিবিল রহড় পালওয়া লুবুঃ

সিবিল আঁজেৎ তওয়া তৗপুঃ,

সিবিল উল জজ, জজ নাসে

সিবিল বিলি কুদরুম রাসে।

 

সিবিল সিঞ কিদুপ আড়াঃ

সিবিল কঁহডা হৗকু জড়াঃ,

সিবিল মাতকম তিকি লাঠে

সিবিল কুঁয়ডি তিকি হঁ মঠে।

 

সিবিল দুমুর ছাতা রাসা সুনুম

সিবিল তুঁবৗ উদ্ পুটকৗ বুনুম,

সিবিল রহড় জজ,জজ ঠাঃ ঠাঃ

সিবিল খেল উতু দাকা খাঃ খাঃ।

 

সিবিল বাড়গে কচা মান পিঁডৗ

সিবিল রহড় জৗনুম লুবুঃ গুঁডৗ,

সিবিল ইড়ি গুঁদলী ঘাঁস শামা

সিবিল বিলি জৗনুম কুঁড়িৎ রামা।

 

সিবিল জঁডরা গেলে বাজড়া

সিবিল হড়েচ্ রাহেড় রামড়া,

সিবিল আমড়া জ গাদার জৗলি

সিবিল আড়াঃ সাকাম হৗলি।

 

======== * =======

 ৭।।

আলে কুনু

তপন হেম্ব্রম

 

আলে কুনু লুটু পুটু

থিরগে বাং এ তাঁহেন,

 গুড গূডে দৗড়াঃ জখন 

হাড়াঃ কাতে এ ভিন্দৗড়েন।

 

আড়ি ঢৗড়ি সারা ঘৗড়িচ্

বাং গানঃ আ কগেয় সুটূচ,

মানা বাচক বাংএ আঁজম

তাসে হুডুয় কলসা আচুর ।

 

দাঃ লসদ অদর থপর

চেৎ যে বেনাও ঘামা ঘৗমি ,

থকর বকর থকড়ে মচা

হিরিচ পৗসির জমায় খৗলি।

 

 মানা বাচক বাংএ আঁজম

মালহান নৗড়িয় গেদ্ তপাগ,

গাঁইতি কুডি কাখূয়ৗ কতে

কুডৗম পিন্ডৗয় মাঃ ঞুর ।

 

রৗগি জালা আচ্ আয়ো দ-

বৗইসৗও আদে তালা দেয়ারে,

হৗসু জালা হৗউ মৗউ -

হৗড়য়ৗও আতেঃ এ রাঃ কেদ্।

 

======== * =======

৮।।

কেবলরাম  সরেন  ‘পায়কান’

দুগাই টুডু

 

আঁজম গদঃ কাথায় অনে

       ঞুতুম তায়গে অৗডি,

কেবলরাম সরেন ‘পায়কান’

      একাল গোটা টাঁডি।

 

জানাম ছোট লিটৗ আতো

      নাহাঃ গোড্ডা জেলা।

ঝাড়খন্ড পনৎ রেগে মেনাঃ

         লৗই এৎকো ভালা।

 

গোড্ডা সি. এইচ্‌. স্কুল খনাঃ

      ম্যাট্রিক পাস আনা,

সরকারি কৗমি ঞাম কাতেৎ

    হানেয় বল এনা।

 

অলরে বেলরে ঞুতুম মুচৗৎ

       ‘পায়কান’ এ অল কেদা,

নোওয়া হেওয়া তাঁহে তেগে

       সাঁওহেৎ এ চারচা লেদা।

 

তায়ম তেদ সাপড়েৎ লেনে

       ‘হড় সম্বাদ’ রেদ,

অনড়হেঁ কৗহনি উছৗন অঁডে

      দমে তায়গে আদ।

 

পাড়হাও কাতে যত হড়গে

      ভাগে গেথঃ মেনা

নাপায় তেগে অনা তায়ম

     চৗকরি জিরৗও লেনা।

 

‘ছামডা লাতার’ ‘মাঝি ছাটকা’

         সেরেঞ পুঁথি কানা,

‘কারাম’  ‘হাসা আর ভাষা’

        গায়ান পতব অনা।

 

তেহেঞ গাপা বৗনুয় রেহঁ

      এনেম হেনাঃ গেচো,

সাঁওতা তালা মালা নেতার

      হেনায় দিশৗ রেচো। 

 

======== * =======

 ৯।।

জানাম আয়ো

সীতেন মাণ্ডি

 

মনেম রাড়েচ্ জিউয়িম পেরেচ্

দুলৗড় হারায়িঞ

রেয়াড় রাবাং হুডুর বিজলি

দানাং এসেদিঞ।

 

লাচ্ পেরেচ্ জম কাতে হঁ

আর হম মেতাঞ গেয়া

তিনাঃগানেম জম কেত্ বাবু

নিত গে রেঁগেচ্ মেয়া।

 

সেতাঃ তিকিন আয়ুব্ বেড়া

    দারে উমুল দ

সাহা ইদিঃ লাহা ইদিঃ

       ইঞ খন দ।

 

আমাঃ আঞ্চার আমাঃ উমুল

  ইঞ জানাম লাহা খন

ইঞাঃ সুখ রে  ইঞা্ঃ দুখ রে

পটমেম দহঞ আমাঃ সাঞ্চাও ধন।

 

যাহাঞ চালা্ঃ তিরেঞ রুয়ৗড়

  আমগেম কুলিঞা

নুনাঃ মারাং হারা কাতে হঁ

একলা বাম চালাও হচ আঞ।

 

আম বেগর এটাঃ হড় মা

অকয়ে কুলি কুকৗরিঞ

আমাঃ সাঞ্চাও ধন নিত মা

আম্ বাং তে সেতাঃ সিঙ্গাড়ে রদন।

 

======== * =======

 ১০।।

হাট

বিরসা কিস্কু

 

হাটরে ঞামঃ  বুলং সুনুম মৗরিচ

পাঠে বাঁদে   পাঞ্চি পাড়হার কিচরিচ

থলয়ৗঃ পেরচ   বেঁগাড় মালহান কপি

আরহঁ   সিম হৗকু চুপি

হুডিঞ হুডিঞ ইচৗঃ ডৗড়কৗ পুটি

মারাং   মারাং  বোয়াড় কাতলা কুটি

মাঃ-হেলেচ  কৗটৗরি দাতরম টাঁঙ্গা

 দারে বাবন মাঁঙ্গা

হেরমেদ- দিপিল  ঠিলি টুকুচ কাঁডা

পাঠে কেটেচ ডাঁডা

  জ-বিলি উল কায়রা বিলি

সাপাপ  কৗপি তাড়ওয়ারি উগলি     

বৗনিজ- বেপারী  কিরিঞ আখরিঞ

 জিওয়ৗ রে  সুখ জিয়ন বারসিঞ

 দর-দাম  ঢের দাম 

আড়িশতে  মচা গতেঃতাম।

 

======== * =======

 ১২।।

হপন বাবু

ঠ্যেন্টা মুর্মু

 

আলে হপন বাবু

হানা নাওয়ায় অৗড়ি

অকয় সাঁও হঁ বাং এ গাতেঃ

উসৗদঃ আয় ঘৗড়ি ।

 

আলে হপন চুনূ

রাগায় খুনুঃ খুনুঃ

চেৎ দলে এমা আয়া

অড়াঃ রে চেৎ হঁ বৗনুঃ ।

 

বাবায় চালাঃ

বাজার তে হাঁ

কিরিঞ আগুয়

জিল কুটি

গগয় উতুয় রং ছং

অনা রিটি পিটি ।

 

আদ  বাং এ আড়িয়া

আলে হপন বৗবু

এমায়ালে  দাকা সাঁও

জিল কুটি ঠৗবু ।

 

======== * =======

 ১৩।।

ইঞ রেন গাতে

কিস্কিন্ধ্যা মুরমু

 

ইঞ রেন মেনাঃ কতিঞ

 রেংটা বেতে তেতে গাতে

আলেগে তাঁহেন মিৎতে ।

 

ইঞ রেন মেনাঃ কতিঞ

অলঃ পাড়হাও রেন সাঁওতে

আসড়ালে চালাঃ পতব আতে ।

 

ইঞ রেন মেনাঃ কতিঞ

খেলোড ডাহিরে পানতে

সিঁঙ্গাড় তরা যতকতে ।

 

ইঞ রেন মেনাঃ কতিঞ

সাঁগে আডি গাতে গাপাতে

বালে তাপাম আথাড়িতে।

 

======== * =======

 ১৪।।

জারাল জারাল সিতু্ংরে

বাবলু সরেন

 

আলম দাঁড়ান  হপনবাবু

জারাল জারাল সিতু্ংরে

ঝলা লাগাঃ 

হৗড়ুক্ সাসাব 

সাব ইদিমেয়াক্ সাঙ্গিঞরে ।।

 

======== মুচৗৎ =======