কিস্কিন্ধ্যা মুরমু,বান্দোয়ান - আয়মা টঠা রেন অনলিয়ৗ সাঁওহেৎ দুলৗড়িয়ৗ কগে ভারি ভরম সালাঃ মানাও কেদাক অনড়হিয়ৗ সারদা প্রসাদ কিস্কুয়াঃ জানাম মাহা । পুরুলিয়ৗ জিলৗ বান্দোয়ান সানতালি লিটারারি ফোরাম হঁ গুন মানাও সালাঃ সাপড়াও লেদায় । পারমেন ২ ফেব্রুয়ারি তারাসিঞ মিৎ টাড়াং অকতে বান্দোয়ান বাস স্টান্ড সোর যোগেন্দ্রনাথ টুডুআঃ অড়ারে অনড়হিয়ৗ সারদা প্রসাদ কিস্কুয়াঃ জানাম মাহা মানাও সৗহিজুহি হুয় লেনা ।
আখড়ারে মারাং পেড়া লেকাতে সেটের তাঁহে কানা " সিলি" পাথাম সিরা সাসাপড়াওয়িচ মানতান কলেন্দ্রনাথ মান্ডি অনলিয়ৗ অনড়হিয়ৗ মানতান গোমস্তা প্রসাদ সরেন "তেতরে "পাথাম সাসাপড়াওয়িচ মানতান মহাদেব হাঁসদাঃ সাঁওতে মৗনৗন পেড়া লেকাতে সীতেন মান্ডি এমান গৗখুড়ান গোমকেকো
আখড়া সৗখি সভালেদা সমাজ কৗমিয়ৗ মানতান রামদাস মান্ডি, সতন কুমার সরেন, বান্দোয়ান মৗঝি বাবা মানতান যোগেন্দ্রনাথ টুডু, সুধীর মুরমু, যামিনী হাঁসদাঃ, অশোকান্ত কিস্কু, আদিত্য হেম্ব্রম, মায়ারানী মান্ডি, ভারতী হাঁসদাঃ, মৗয় শিলাবতী মুরমু, মৗয় অনিতা সরেন, সাঁওতে আয়মা সুর সুপুর রেন সাঁওহেৎ দরদিয়ৗ।
অনড়হিয়ৗ মুঠৗনরে বাহামালায় আরাও সাঁওতে বৗতিয় জেরেৎ কেদা গাখুড়ান অনলিয়ৗ গোমস্তা প্রসাদ সরেন । আখড়া উঢৗও সেরেঞ কেদাকিন মৗই শিলাবতী মুরমু আর মৗই অনিতা সরেন । অনড়হিয়ৗ আঃ জিয়ন সাঁওহেৎ রে উনিয়াঃ এনেম লৗইতে অড়ে অড়পাত গালমারাও হুয় সৗরিয়েনা । সাঁওতে উনিয়ৗঃ সেরেঞ আর অনড়হেঁ বাঁখেড় রেনাঃ হঁ আরিবান্ধি তাঁহেলেনা ।
৯৪আনাঃ জানাম মাহারে অনলিয়ৗ অনড়হিয়ৗ কো উরিচ সৗহিচ্ লৗই সদর কেদা বাংমা" অনড়হিয়ৗ সারদা প্রসাদ কিস্কু স্মৃতি সিরপা " দ লেতাড় চাল ইদিমা মেনতে । সাঁওতে অনড়হেঁ অঁড়হে তারা কেদা ।
'সিলি' পাথাম সাসাপড়াওয়িচ মানতান কলেন্দ্রনাথ মান্ডিয় লৗই কেদা যে, "অৗডি চেতান থক রেন অনড়হিয়ৗয় তাঁহেলেনা । উনিদ সৃজন সাঁওতে দুক রেন অনড়হিয়ৗ হঁয় তাঁহেলেনা । অকা পাহটাঃ রেহঁ অনড়হিয়ৗ দ নিকম বৗনুঃ আকাদেয়া। ২০০৪ সাল রেয়াঃ ১৩ অক্টোবর পস্চিম বাংলা সানতালি আকাদেমি বেরেৎ লেনা। ২০০৯ খন অনড়হিয়ৗ সারদা প্রসাদ কিস্কু দিসৗতে শিরপৗ চালু লেনা ।শিরপা এম রেনাঃযস দ তাঁহেলেনা অনলিয়ৗ ক উৎগৗও লৗগিৎ। যা কারন তেগে হুয়ুঃ ২০১৭ সাল রেনাঃ সিরপৗ দিনকালম এম হুয় আকানা। মেনখান নিৎ ধৗবিচ্ মঁড়ে সেরমা রেনাঃ বাকি মেনাঃ আকাদা ।নওয়া ইদি কাতে অনলিয়ৗ অনড়হিয়ৗ বাক রড় রাকাপ এদা । মেন তরাকেদায় ,সিরপৗ বাবৎতে মিৎ বার ফেসবুক সোস্যাল মিডিয়ারে ঞেল কানরেহঁ অফিসিয়াল লেকাতে গাঁওতা সে ফোরাম খন সরকার ঠেন অল লেখান আডিগে জওয়াঃআ মেনতে লৗই সদর কেদা"।
মানতান মহাদেব হাঁসদাঃ আঃ কাথারে " অনড়হিয়ৗ দানাং আকান তায়নম আয়মা দিনগে হুয় আকানা, নিতং উনি ইদি কাতে বাড়ায় রেনাঃ আয়মা তেতাং ঞেলঃ কানা । উনি লৗইতে নিতং খনদরন্দ এতহপ আকানা । অনড়হিয়ৗ সারদা প্রসাদ কিস্কুয়াঃ ঞুতুমতে মিৎটাং কলেজ হুয়ুঃমা ,শুশনৗ গভঃডিগ্রি কলেজ রেয়াঃ ঞুতুম অনড়হিয়ৗ ঞুতুমতে ছৗটিয়ৗরঃ মা নওয়া দাবি লাহারে দহ হুয় লেনা নিতহঁ দহ হুয়ুঃ কানা । পুরুলিয়ৗ জেলা রেহঁ মিৎটাং কলেজ রেনাঃ ঞুতুম অনড়হিয়ৗ সারদা প্রসাদ কিস্কু ঞুতুমতে ছৗটিয়ৗর হুয়ুঃ মা বাংখান যাঁহা ঠেনাঃ মিৎটাং বিশ্ববিদ্যালয় রেনাঃ ঞুতুম অনড়হিয়ৗ ঞুতুমতে হুয়ুঃমা নওয়াগে দাবি সে দাবি হুয়ুঃ তাবনা। শিরপৗ যাতে লেতাড় এম হুয়ুঃ আর অনকান মানতান হড়গে এম হুয়ুঃ ।নিৎহঁ অৗডি লেকান কৗমি মেনাঃ আকাদা অনড়হিয়ৗ লৗইতে "।
আখড়ারেন বৗইশি লেকাতে তাঁহেকানা মানতান মহাদেব হাঁসদাঃ । ফোরাম রেন সেক্রেটারি মানতান অরুন কুমার সরেন সানাম সেটের আকান ঞেঞেলিয়ৗ কো গুন মানাও সারহাও এ চাল আৎ কোওয়া ।
.webp)
.webp)
