সিঁগি মাহা রেনাঃ সাকাম ‘চেরেচ্ আড়াং’ লেখা- ৭৬

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com । 

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ,  ᱥᱩᱵᱩᱫᱤᱭᱟᱹᱢᱩᱨᱢᱩ, ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱤᱛᱮᱱ ᱢᱟᱱᱰᱤ, ᱜᱟᱛᱮ  ᱴᱩᱣᱟ.ᱨ, সুচাঁদ  হাঁসদা, বাড়তাঙ সরেন, দুগাই টুডু, দুর্গাচরণ মুরমু, বিভূতি ভূষণ সরেন,  সমর লাল টুডু।

   

রিলৗমালা মুরুমু, ক্লাস- V
জেলা - পুরুলিয়া

 ১।।

ᱛᱟᱦᱮᱱ ᱢᱮ ᱥᱚᱛᱨᱮ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱧᱤᱨ ᱢᱮᱥᱮ ᱧᱤᱨᱢᱮ 
             ᱥᱟᱢᱟᱝ ᱥᱮᱫ ᱧᱤᱨ ᱢᱮ,
ᱛᱷᱤᱨ ᱢᱮᱥᱮ ᱛᱷᱤᱨ ᱢᱮ
             ᱵᱟᱹᱲᱤᱡᱟᱜ ᱛᱷᱤᱨ ᱢᱮ ᱾

 

ᱡᱟᱹᱨᱤ ᱢᱮᱥᱮ ᱡᱟᱹᱨᱤ ᱢᱮ
             ᱥᱟᱹᱨᱤᱭᱟᱜ ᱡᱟᱹᱨᱤ ᱢᱮ,
ᱜᱟᱹᱨᱤ ᱢᱮᱥᱮ ᱜᱟᱹᱨᱤ ᱢᱮ
              ᱮᱲᱮᱭᱟᱜ ᱜᱟᱹᱨᱤ ᱢᱮ ᱾

 

ᱴᱷᱟᱱ ᱢᱟᱱ ᱪᱷᱤᱢ ᱪᱷᱟᱢ
              ᱛᱟᱸᱦᱮᱱ ᱢᱮ ᱯᱷᱤᱴ ᱯᱷᱟᱴ,
ᱫᱚᱦᱚ ᱠᱟᱛᱟᱢ ᱚᱱᱛᱚᱨ
               ᱫᱷᱮᱭᱟᱱᱨᱮ ᱨᱟᱴ ᱯᱟᱴ ᱾

 

                       (2)

 

                   ᱠᱩᱠᱻᱠᱩᱻ

                         

ᱠᱩᱠᱼ ᱠᱩᱻ ᱠᱩᱻ
      ᱫᱤᱱᱤ ᱛᱟᱞᱮ ᱦᱟᱸᱥᱜᱩᱴᱤ
     ᱦᱟᱹᱱᱤ ᱛᱟᱯᱮ ᱠᱩᱥᱟᱹᱞ ᱯᱟᱣᱨᱟ ᱾
ᱠᱩᱠᱼ ᱠᱩᱻ  ᱠᱩᱻ 
        ᱫᱤᱜᱽᱻ ᱫᱷᱟᱻ ᱦᱤᱛᱟᱝ ᱦᱤᱛᱟᱝᱻ
        ᱨᱟᱹᱥᱠᱟᱹᱭᱟᱞᱟᱝᱻ ᱨᱚᱢᱚᱡᱟᱞᱟᱝ
             ᱦᱤᱥᱟᱹ ᱫᱚ ᱮᱠᱟᱞ ᱵᱟᱝ ᱾

 

====== -*-*-*- ======

২।।

ᱜᱤᱫᱽᱨᱟᱹ ᱵᱟᱹᱣᱞᱤ

ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱥᱤᱧ  ᱥᱤᱛᱩᱝ
ᱧᱤᱫᱟᱹ  ᱛᱮᱨᱫᱮᱡᱽ ᱾

ᱛᱟᱝ     ᱛᱩᱝ
ᱜᱟᱰᱟ ᱢᱮᱨᱞᱮᱪ ᱾

ᱦᱟᱲᱟᱢ   ᱛᱳᱭᱳ
ᱠᱟᱭᱟ     ᱠᱳᱭᱳ ᱾

ᱧᱩᱭᱟᱭ   ᱟᱹᱰᱤ
ᱫᱟᱜ       ᱢᱟᱹᱰᱤ ᱾

ᱵᱟᱭ    ᱵᱟᱰᱟᱭ
ᱠᱷᱮᱞ      ᱮᱱᱮᱪ ᱾

ᱚᱠᱚᱭ    ᱜᱚᱰᱟᱭ
ᱜᱮᱱᱮᱪ   ᱜᱮᱱᱮᱪ ᱾

ᱰᱟᱴᱟ     ᱛᱟᱭ
ᱨᱮᱜᱽ      ᱨᱮᱜᱮ ᱾

ᱠᱟᱴᱟ      ᱛᱟᱭ
ᱥᱚᱜᱮ      ᱥᱚᱜᱮ ᱾

ᱥᱤᱧ     ᱥᱤᱛᱩᱝ
ᱧᱤᱫᱟᱹ   ᱛᱮᱨᱫᱮᱡᱽ ᱾

ᱛᱟᱝ      ᱛᱩᱝ
ᱜᱟᱰᱟ   ᱢᱮᱨᱞᱮᱪ ᱿

====== -*-*-*- ======

 ৩।।

ᱪᱚᱨᱚᱠ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱵᱟᱹᱨ ᱠᱷᱚᱱ ᱵᱟᱦᱟ ᱪᱚᱨᱚᱠ
       ᱫᱟᱨᱮ ᱠᱷᱚᱱ ᱥᱟᱠᱟᱢ ,
ᱥᱟᱠᱟᱢ ᱠᱷᱚᱱ ᱡᱚ ᱪᱚᱨᱚᱠ
             ᱠᱚᱭᱚᱜ ᱧᱮᱞ ᱧᱟᱢᱟᱢ  ᱾᱾

ᱢᱮᱞᱟᱱ ᱠᱷᱚᱱ ᱵᱤᱨᱵᱩᱨᱩ ᱪᱚᱨᱚᱠ
              ᱱᱟᱹᱭ ᱠᱷᱚᱱ ᱡᱷᱟᱨᱱᱟ ,
ᱡᱷᱟᱨᱱᱟ ᱠᱷᱚᱱ ᱫᱟᱜ ᱥᱟᱹᱢᱩᱫ ᱪᱚᱨᱚᱠ
             ᱢᱚᱡᱽᱜᱮ ᱵᱮᱱᱟᱣ ᱟᱠᱟᱱᱟ ᱾᱾

ᱧᱩᱛ ᱠᱷᱚᱱ ᱢᱟᱨᱥᱟᱞ ᱪᱚᱨᱚᱠ
            ᱠᱟᱲᱟᱝ ᱠᱷᱚᱱ ᱛᱮᱨᱫᱮᱡ ,
ᱨᱤᱢᱤᱞ ᱠᱷᱚᱱ ᱥᱮᱨᱢᱟ ᱪᱚᱨᱚᱠ
            ᱜᱚᱴᱟᱜᱮ ᱦᱟᱱᱮ ᱪᱷᱮᱡᱵᱮᱡ ᱾᱾

ᱫᱷᱤᱨᱤ ᱠᱷᱚᱱ ᱦᱟᱥᱟ ᱪᱚᱨᱚᱠ
              ᱫᱟᱨᱮ ᱠᱷᱚᱱ ᱱᱟᱹᱲᱤ ,
ᱥᱤᱛᱩᱝ ᱠᱷᱚᱱ ᱦᱮᱢᱟᱞ ᱪᱚᱨᱚᱠ
              ᱟᱨ ᱦᱚ ᱡᱷᱚᱢᱚᱨ ᱡᱟᱹᱲᱤ  ᱾᱾

ᱨᱟᱜ ᱠᱷᱚᱱ ᱞᱟᱸᱫᱟ  ᱪᱚᱨᱚᱠ
             ᱥᱚᱦᱟᱜ ᱠᱷᱚᱱ ᱫᱩᱞᱟᱹᱲ ,
ᱪᱟᱞᱟᱜ ᱠᱷᱚᱱ ᱦᱤᱡᱩᱜ ᱪᱚᱨᱚᱠ
           ᱢᱚᱱᱮ ᱡᱤᱣᱭᱤ ᱡᱤᱭᱟᱹᱲ  ᱿

====== -*-*-*- ======

৪।।

ᱪᱟᱥ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱟᱞᱮ ᱜᱟᱰᱟ ᱫᱷᱟᱨᱮ ᱠᱷᱮᱛ
ᱦᱟ.ᱲᱭᱟ.ᱨ ᱛᱮ ᱯᱮᱨᱮᱡ,
ᱟ.ᱞᱩ,ᱵᱮ'ᱜᱟᱲ,ᱠᱚᱯᱷᱤ ᱮᱢᱟᱱ
ᱪᱟᱥ ᱛᱮ ᱮᱥᱮᱫ ।

 

ᱜᱟᱰᱟ ᱫᱷᱟᱨᱮ ᱪᱟᱞᱟᱜ ᱠᱷᱟᱡ
ᱜᱚᱥᱚ ᱢᱚᱱᱮᱭ ᱡᱤᱭᱟ.ᱲ,
ᱚᱱᱛᱚᱨ ᱵᱷᱤᱛᱟ.ᱨ ᱢᱮᱫ ᱥᱟᱢᱟᱝ
ᱥᱟᱨᱟ ᱜᱷᱟ.ᱲᱤᱡ ᱦᱟ.ᱲᱭᱟ.ᱨ ।

 

ᱥᱮᱛᱟᱜ ᱟ.ᱭᱩᱵ ᱚᱛᱩ ᱡᱚᱢ
ᱦᱩᱭᱩᱜ ᱠᱟᱱ ᱛᱟᱞᱮ,
ᱥᱩᱨ ᱥᱩᱯᱩᱨ ᱦᱟᱴ ᱠᱚᱨᱮ
ᱟ.ᱠᱷᱨᱤᱧ ᱤᱫᱤᱭ ᱟᱞᱮ ।

 

ᱫᱟᱜ ᱛᱚᱞ ᱫᱚᱦᱚᱭ ᱟᱞᱮ
ᱨᱟᱵᱟᱝ ᱪᱟᱥ ᱞᱟ.ᱜᱤᱫ
ᱥᱮᱛᱟᱜ ᱟ.ᱭᱩᱵ ᱥᱟᱨᱟ ᱜᱷᱟ.ᱲᱤᱡ
ᱩᱢ,ᱟ.ᱨᱩᱵ ᱵᱷᱟ.ᱜᱤᱜ ।

 

====== -*-*-*- ======

৫।।

ᱚᱠᱟᱞᱮᱠᱟᱢ ᱯᱟᱲᱦᱟᱣ--ᱟ

ᱥᱤᱛᱮᱱ  ᱢᱟᱱᱰᱤ

 

ᱚ-ᱚᱠᱚᱭ ᱵᱟᱭ ᱯᱟᱲᱦᱟ-ᱟ।
ᱛ--ᱛᱳᱣᱟ ᱛᱟᱵᱮᱱ ᱵᱟᱣ ᱧᱟᱢᱟ।
ᱜ--ᱜᱚᱜ ᱢᱮ ᱯᱚᱛᱚᱵ ᱛᱷᱩᱞᱤ ।
ᱝ--ᱵᱟᱝ ᱵᱟᱝ ᱟᱞᱚᱢ ᱟ.ᱲᱤ।
ᱞ--ᱞᱮᱞᱦᱟ ᱫᱚ ᱵᱟᱝ ᱵᱷᱟᱜᱤ।
 

ᱟ--ᱟᱠᱩᱛ ᱢᱚᱱᱮ ᱛᱷᱤᱨ ᱢᱮ ।
ᱠ-ᱠᱟᱛᱷᱟ ᱠᱚᱫᱚ ᱟᱡᱚᱢ ᱢᱮ।
ᱡ--ᱡᱟᱱᱟᱢ ᱟᱲᱟᱝᱛᱮ ᱨᱚᱲ ᱢᱮ।
ᱢ--ᱢᱟᱱᱢᱤ ᱞᱮᱠᱟ ᱵᱮᱱᱟᱜ ᱢᱮ।
ᱣ--ᱥᱟᱶᱛᱟ ᱫᱚ ᱫᱩᱞᱟᱲ ᱢᱮ।

 

ᱤ--ᱤᱯᱤᱞ ᱧᱩᱛᱮ ᱢᱟᱨᱥᱟᱞ।
ᱥ--ᱥᱟᱨᱤ ᱥᱤᱠᱱᱟᱛ ᱢᱚᱱᱮ।
ᱦ--ᱦᱚᱨ ᱛᱮᱜᱮ ᱛᱟᱲᱟᱢ ᱵᱷᱟᱜᱤ।
ᱧ--ᱵᱟᱝ ᱧᱟᱢ ᱨᱮ ᱟᱞᱚᱢ ᱨᱟᱜᱤᱜ।
ᱨ--ᱨᱚᱲ ᱜᱮ ᱛᱟᱦᱮᱱ ᱦᱚᱲ ᱫᱚ ᱵᱟᱝ।

 

====== -*-*-*- ======

 ৬।।

ᱜᱤᱫᱽᱨᱟᱹ ᱟᱜ ᱥᱟᱫ

ᱜᱟᱛᱮ  ᱴᱩᱣᱟ.ᱨ

  

ᱵᱩᱨᱩ ᱡᱷᱟᱨᱱᱟ  ᱡᱷᱤᱨᱤ ᱡᱷᱤᱨᱤ
ᱪᱟᱞᱟᱜ  ᱠᱟᱱᱟᱢ ᱚᱠᱚᱭ ᱦᱤᱨᱤ
ᱜᱟᱛᱮ.ᱜ ᱥᱟᱱᱟᱧ ᱤᱧᱦᱚᱸ ᱯᱟ.ᱨᱤ
                ᱟᱢ ᱥᱟᱸᱣᱛᱮ ᱯᱟ.ᱣᱲᱤ ᱾

 

ᱵᱩᱨᱩ ᱡᱷᱟᱨᱱᱟ ᱨᱮ ᱟᱢᱟᱜ  ᱡᱟᱱᱟᱢ
ᱛᱮᱛᱟᱝ ᱢᱚᱱᱮ ᱛᱤᱨᱯᱤᱫᱟᱢ
ᱟᱢᱫᱚ  ᱚᱠᱚᱭ ᱵᱟᱝᱠᱚ ᱢᱟᱱᱟᱢ
ᱚᱱᱟᱛᱮ ᱟᱢ ᱥᱟᱸᱣ ᱜᱟᱛᱮ.ᱜ ᱥᱟᱱᱟᱧ ᱾

 
ᱟᱢ ᱫᱚ ᱟ.ᱰᱤ ᱨᱤᱞᱟ.ᱢᱟᱞᱟ
ᱵᱟᱱᱩᱜ ᱟ.ᱲᱤᱥ ᱵᱮᱡᱟᱨ ᱡᱟᱞᱟ
ᱩᱫᱩᱜ ᱟ.ᱧᱢᱮ ᱚᱱᱟ ᱨᱮᱞᱟ
ᱤᱧᱟᱜ ᱱᱚᱣᱟ ᱚᱱᱛᱚᱨ ᱛᱟᱞᱟ ᱾

 

ᱤᱧᱫᱚ ᱠᱟ.ᱱᱟ.ᱧ ᱦᱩᱰᱤᱧ ᱜᱤᱫᱟ.ᱨ
ᱱᱤᱪᱷᱩᱜᱮ ᱵᱚᱞᱮ ᱤᱧᱫᱩᱧ ᱩᱫᱟ.ᱨ
ᱟᱢ ᱞᱮᱠᱟᱜᱮ ᱞᱤᱸᱡᱤᱜ ᱥᱟᱱᱟᱧ
ᱜᱟᱛᱮ.ᱜ ᱛᱮᱫᱚ ᱟᱞᱚᱢ ᱢᱟᱱᱟᱧ ᱾

 

====== -*-*-*- ======

 ৭।। 

আলে  মৗই

সুচাঁদ  হাঁসদা

 

আলে মৗই হৗঁই ফৗঁই ,
দাঁড়ানায় ফৗঁই ফৗঁই ৷
ধুড়ি গেতায় দাকা উতু ,
হরহ কায়ায় ভালটু কুতু ৷
ঝিঁগৗ গেতায় কাডা ,
কুনদরী গেতায় ভেডা ৷

 

আলে মৗই বায় আড়ি ,
জম লৗগিৎ তুড়ি ঘুড়ি ৷
ইসকুলে চালাঃ তালে ,
কিরিঞ আয়ালে চেন ঘুড়ি ৷

 

আলে মৗই দমেয় খেল ,
গাতে সালাঃ ঠেল মেল ৷
তাপাম খৗপৗরি বৗনুঃ তায়া ,
তাঁহেনায় হেল মেল ৷

 

আলে মৗই আঃ চাঠনি লুটি ,
জম লৗগিদঃ কুটি কুটি ৷
এমায়ালে এখন কুটি ,
পেরেচ মিত বৗটি ৷

 

আলে মৗই দমেয় কুদৗও ,
খেল জুখৗন কুহু বৗও ৷
ঞাঁম লেখান দমেয় গুল ,
জোরতে কৗও মৗও ৷

 

সেতাঃ আকানসে কয়ায় কাঃ ,
আর বাংখান দেন গ পাঃ ৷
চাঁড় মেনতে বাং এমায় খান ,
এহবায়  লগন রাঃ ৷

====== -*-*-*- ======

৮।।

কম্পিউটার 

বাড়তাঙ সরেন

  

ঞেলমে হানে কম্পিউটার 
                     একাল হাহাড়াগে
লিন তরাগেম বাডায় ঞামা
                   সানাম খবর কোগে।

 

অকা দিশম নানা হুনৗর
               দাঃ তালারে নাগার
অকারেদ লিলিবিচি
              হেনাঃ সরেশ বাজার ?

 

অকারেদ বীর বুরুরে
                  মেনায় ঢিঙ্কি বিঞ
ধিরি লেকায় তিয়ৗর তাঁহেন
                 ঞুঁতৗত ঞিদৗ সিঞ ?

 

লৗউকৗ চালাঃ লেগেম লেগেম
                         দাঃ দরেয়া তালা
চেকাতেবা আরেল মেনাঃ
                    সেরমা রিমিল তালা ?

 

হাসা লাতার চেৎকো মেনাঃ 
                  বাডায়ে কম্পিউটার 
সাঁড়েস রেনাঃ সরেশ কাথা
                     সাজাও থারে থার।

 

নাগাম কাথা বাডায় রেদ
                    বৗনুঃ এঁটকে টঁড়ে
 মেসিন রেগে তেলা মেনাঃ
                  নওয়া বাংগে এড়ে।

 

আপিস কৗমি অলঃ আকিল
                      গানোঃ একাল সানাম
মনে রেনাঃ কুকলী কাথা
                   আডি উশৗরাম ঞাম।

 

 অঙ্কলেখা যাঁহা লেকা
               যুদি বাডায় সানা
কম্পিউটার মেশিনরেদ 
                     একাল বৗনুঃ মানা।

 

সাঁড়েশ রেনাঃ সৗরি সিরজন
                    অনা দ কম্পিউটার 
দিশম হড়কো মেমেন কানা
                       অনাগে বারংবার।

 

====== -*-*-*- ======

৯।।

কালিরাম সরেন

দুগাই টুডু

 

সানাম গেকো লৗইগে কাথায়
      খিলোডিয়ৗ কানায়,
কাথা কদ চরক সাঁহিচ্‌
        গাঃগে গাবান লেনায়।

 

কালিরাম সরেন ঞুতুম গেদ
     ধনঞ্জয় সরেন আপাৎ,
বাডায় আনগে জত হড়গে
      সোমবারি গে এঁগাৎ।
 

জানাম আতো চিরুডি গেচো
     হানে পুরুলিয়া জেলা,
পনৎ গেকো মেনদ সানাম
     পছিম বাংলা ভালা।
 

বি.এ অনার্স পাশ কাতে
       ডাব্লু.বি.এস.সি. আনা,
অ্যাডিশনাল ডিরেক্টর হুদৗগে
      অ্যাগ্রিকালচার রেনাঃ।

 

চৗকরি পুরৗও আতে উনরে
      হানেয় জিরৗও এনা,
অনড়হেঁ অনল সেরেঞ তায়গে
     অৗডি নাপায় মেনা।

 

‘কাজল সনাতন’ সিধু-কৗনহু’
             ভাগে  পতব কানা,
‘নওয়াগে তাবোন সমাজ রেদ’
       আয়মা উইহৗর তেনাঃ।

 

‘সোহাগ মালা’ ‘আতাং দারাম’
       একাল গনং মেনাঃ,
‘আঁজলে’ ‘সিধু কৗনু লৗইতে’
       মঁজগে পুঁথি অনা।

 

‘অৗকিল আহ্‌লা’ ‘কৗলি কাজল’
        ছাপা উছৗন কেদায়,
সাঁওতা ভৗলৗই লৗগিৎ উনি
       সাঁওহেৎ চরচা লেদায়।

 

আজাঃ অলবেল কৗমি এনেম
   একাল হৗলি হৗরিয়ৗড়,
সান্তাড় মনে তালা তেহেঞ
      তাঁহে এনায় জিয়ৗড়।

 

====== -*-*-*- ======

১০।।

টোটো রিক্‌শা

দুর্গাচরণ মুরমু

 

সেতাঃ খনাঃ তারাসিং সিগাঁড়
বাজার তালা অলি গলি,
দৗড়া কানা টোটো রিক্‌শা
চালাঃ লৗগিৎ ড্রাইভারে কুলি।

 

ব্যাটারী গৗডি টোটো রিক্‌শা
পে চাকা গৗডি কানা,
বেগর সুনুম তে চালা:
দেজঃ লৗগিৎ বৗনুঃ মানা।

 

পোক্‌ পোক্‌ সাডে আতে
লাহা তায়নম কয়ঃ কাতে,
ড্রাইভার টোটো রিক্‌শৗ লাগায়া
এয়ায় গটাং হড় আতে।
 

রেল টেশন বাস স্ট্যান্ড
মিৎ ধারে পান্তে পান্তে,
তিঙ্গু কআ টোটো রিক্‌শা
চালাঃ লৗগিৎ হান্তে নাতে।

 

গেল টাকা গাডি ভাড়া
বাস স্ট্যান্ড খন টেশন,
মিৎ দেজ্‌ রেম সেটেরঃ
বাং তাহেন তাম টেনশন।

 

হিজু: সেন: হড়কো দেজঃ
টোটো রিক্‌শা গাডি চেতান,
ফেড: আকো আপান আপিন
আকো অড়াঃ মোড় মাথান।

 

====== -*-*-*- ======

১১।।

আসুল বানা

বিভূতি ভূষণ সরেন

 

রৗগুম চৗগুম রৗদু হাড়াম রেন
মেনায় ' আসুল বানা ',
দালগুম লুবুচ্ বানা হড়মরে
উব সাবগে সানা।

 

আতু আতু খেল অচয়ে
খেল বানা খেল,
ঝত বাবু মৗই সাঁওতে
আমদ কঃমে মেল।

 

সানাম গিদৗর অড়াঃ খন
চুপুৎ চাওলে ক আগুয়,
আটেট গামছারে দহঃ আমাক
জমাম লৗকুয় পৗকুয়।
 

এনেচ্ তুলুচ্ দামপা দাড়াং
কুঁহঃরাও আতেম রুয়াঃ,
সৗরি সে নাসে বাং বুঝাঃ আম
আমদ দমেম সুয়াঃ।

 

====== -*-*-*- ======

১২।। 

আলে গাজি

সমরলাল টুডু

 

আলে গাজি চালাঃ গেয়ায়
বেরেদ্ কাতে মেরম্ গুপি,
মুরুৎ বাহা কৗপি তেদ
হেলেজ্ গেয়ায় সি্ম্ চুপি।

 

আডি রৗসকৗ সেঁদরা কারকা
শিকৗরিয়ৗওয়াঃ অন্তর মনে ফারকাঃ,
সেতাঃ আয়ুব্ হড়ক জোরোঃ
জোলোঃ সেঁগেল তেকো ঝারকাঃ।

 

সিমে আতিঞ বাড়গে গাজাড়
সুন্তু বুকুজ্ সাঁওয়া জঁডরা,
কয়ঃ কাতে বায়্ ঞাঁমেরে
তাহাম্ তুকুজ্ গোটায় মাডরাঃ।

 

জাঁবড়ু লেকান সারে তেরাং
বির্ বুরু চুহুল্ গদায়,
আয়ো দেয়া বুরু সেঁদরা
চামাল্ চুমুল্ যেমোন সেদায়।

 

কঁ: টুটি কিসনি লাঠা
লৗউ কঁহডা মালহান ঝাটা,
বাঃঝাও গেয়া লাটা পাটা
অলঃ খনদ আডি আঁঝাটা।

 
বায় কুশিলেন দুলৗড় বেটা
মেরম্ গুপি সিম্ টুটি,
বিদ্যাগাড়তে সেচেৎ চেচেৎ
চালাঃ লৗগিদ্ গুপিয় ছুটি।

 

ঁঁঁঁঁ=মুচৗৎ=ঁঁঁঁঁ